<?xml version="1.0" encoding="UTF-8"?>
<TEI xmlns="http://www.tei-c.org/ns/1.0" version="5.0" n="">
<teiHeader xml:lang="en">
<fileDesc>
<titleStmt>
<title type="main">Rāvaṇavaho (Setubandha)</title>
<title type="sub">A SARIT edition</title>
<author>Pravarasena</author>
<funder>The Leverhulme Trust</funder>
<principal>Michael Willis</principal>
<respStmt>
<persName key="name person eb">Eszter Berki</persName>
<resp>Creation of machine-readable text up to verse 4.10</resp>
</respStmt>
<respStmt>
<persName key="name person db">Dániel Balogh</persName>
<resp>Creation of machine-readable from verse 4.11, proofreading, markup</resp>
</respStmt>
</titleStmt>
<publicationStmt>
<authority>SARIT: Search and Retrieval of Indic Texts</authority>
<availability status="restricted">
<p>Copyright Notice</p>
<p>Copyright (C) <persName>Eszter Berki</persName>, <persName>Dániel Balogh</persName>,
and <orgName>SARIT</orgName>. </p>
<p>
<ref target="http://creativecommons.org/licenses/by-sa/3.0/" type="licence">Distributed
by <ref target="http://sarit.indology.info" type="url">SARIT</ref> under a Creative
Commons Attribution-ShareAlike 3.0 Unported License. </ref>
</p>
<p>Under this licence, you are free <list>
<item>to Share — to copy, distribute and transmit the work</item>
<item>to Remix — to adapt the work </item>
</list></p>
<p>Under the following conditions:</p>
<p>
<list>
<item>Attribution — You must attribute the work in the manner specified by the author
or licensor (but not in any way that suggests that they endorse you or your use of
the work).</item>
<item>Share Alike — If you alter, transform, or build upon this work, you may
distribute the resulting work only under the same or similar license to this
one.</item>
</list>
</p>
<p>More information and fuller details of this license are given on the Creative Commons
website.</p>
<p>SARIT assumes no responsibility for unauthorised use that infringes the rights of any
copyright owners, known or unknown.</p>
</availability>
<date>2013</date>
<idno>2013-09-25</idno>
</publicationStmt>
<notesStmt>
<note>The <title>Setubandha</title> by <persName>Pravarasena</persName> transcribed by
<persName>Eszter Berki</persName> and <persName>Dániel Balogh</persName> from the
<date>1880</date> edition of <persName>Siegfried Goldschmidt</persName>.</note>
</notesStmt>
<sourceDesc>
<bibl>
<title>Râvaṇavaha oder Setubandha</title>
<editor>Siegfried Goldschmidt</editor>
<publisher>Karl J. Trübner / Trübner & Co.</publisher>
<pubPlace>Strassburg / London</pubPlace>
<date>1880</date>
<note>Digital copy available via <ptr target="http://openlibrary.org/books/OL13505410M/"/></note>
</bibl>
</sourceDesc>
</fileDesc>
<encodingDesc>
<editorialDecl>
<p>The published edition from which this e-text was transcribed is printed in the Devanāgarī
script. The electronic text below is in a lossless transliteration using the Latin
alphabet. The transliteration scheme used is the IAST
(<ref target="http://en.wikipedia.org/wiki/International_Alphabet_of_Sanskrit_Transliteration">The
International Alphabet of Sanskrit Transliteration</ref>), which is preferred by most
Sanskrit scholars to ISO 15919.</p>
<p>Diaereses are used to differentiate disyllabic aï and aü from monosyllabic ai and au.</p>
<p>In all other respects this document follows the
<ref target="http://sarit.indology.info/exist/apps/sarit/docs/encoding-guidelines.html">SARIT
Encoding Guidelines</ref>. Note that the skandhaka meter in which this text is
written has two varieties: most lines will have a caesura after the third gaṇa
(pathyā), which is encoded here, but a few lines will not (vipulā).</p>
</editorialDecl>
</encodingDesc>
<revisionDesc>
<change when="2013-06-01" who="Eszter Berki">
<list>
<item>Completed input up to 4.10</item>
</list>
</change>
<change when="2013-08-19" who="Dániel Balogh">
<list>
<item>Version 0.1 beta</item>
<item>Completed input from 4.10 to end</item>
<item>Completed markup for verse structure</item>
<item>Added TEI encoding.</item>
</list>
</change>
<change when="2013-08-29" who="Dániel Balogh">
<list>
<item>Version 0.9 beta</item>
<item>Merged and homogenised the two text sections</item>
<item>Completed proofreading and tagging Eszter's section</item>
</list>
</change>
<change when="2013-09-12" who="Dániel Balogh">
<list>
<item>Version 1.0</item>
<item>Completed full proofreading</item>
<item>Incorporated Goldschmidt's corrigenda</item>
<item>Checked kulakas and a few suspect typos against other editions</item>
</list>
</change>
<change when="2013-09-16" who="Andrew Ollett">
<list>
<item>Modified TEI encoding for validation with tei_all.dtd.</item>
<item>Moved Dániel's corrections into the main text and Goldschmidt's readings to
comments.</item>
</list>
</change>
<change when="2013-09-18" who="Dániel Balogh">
<list>
<item>Version 1.1</item>
<item>Collated the two pages missing from the archive.org scan of Goldschmidt</item>
</list>
</change>
<change when="2013-09-24" who="Dominik Wujastyk">
<list>
<item>Edited the TEI header to conform more closely to the present SARIT header
template.</item>
<item>Added a pointer to the digitized text.</item>
</list>
</change>
<change when="2015-01-08" who="Andrew Ollett">
<list>
<item>Minor changes to the text (when Goldschmidt has
printed it incorrectly: see 4.24, 6.12, 8.32).
Notes in comments.
</item>
</list>
</change>
<change when="2015-01-22" who="Andrew Ollett">
<list>
<item>Corrected about 60 typos submitted by Paul Dundas.</item>
</list>
</change>
<change when="2015-05-29" who="Andrew Ollett">
<list>
<item>Converted the @xml:ids of the SARIT version to
@n values (in accordance with the new guidelines).
</item>
<item>Converted the older encoding with <seg>
to <caesura> (also in accordance with the
new guidelines).
</item>
</list>
</change>
</revisionDesc>
</teiHeader>
<text xml:lang="pra-Latn">
<body>
<pb n="1"/>
<div type="canto" n="1">
<head>paḍhumo āsāsao</head>
<lg type="kulaka">
<label>āikulaaṃ</label>
<lg type="stanza" n="1">
<l>ṇamaha avaḍḍhia-tuṅgaṃ <caesura/>avasāriavitthaaṃ aṇoṇaa-gahiraṃ</l>
<l>appalahua-parisaṇhaṃ<caesura/> aṇāa-paramattha-pāaḍaṃ mahumahaṇaṃ</l>
</lg>
<lg type="stanza" n="2">
<l>daṇuinda-ruhira-lagge<caesura/> jassa phurante ṇaha-ppahā-vicchaḍḍe</l>
<l>guppantī vivalāā<caesura/> galia vva thaṇaṃsue mahāsura-lacchī</l>
</lg>
<lg type="stanza" n="3">
<l>pīṇattaṇa-duggejjhaṃ<caesura/> jassa bhuā-anta-ṇiṭṭhura-pariggahiaṃ</l>
<l>riṭṭhassa visama-valiaṃ<caesura/> kaṇṭhaṃ dukkheṇa jīviaṃ bolīṇaṃ</l>
</lg>
<lg type="stanza" n="4">
<l>oāhia-mahi-veḍho<caesura/> jeṇa parūḍha-guṇa-mūla-laddha-tthāmo</l>
<l>ummūlanteṇa dumaṃ<caesura/> pāroho vva khuḍio mahendassa jaso</l>
</lg>
</lg>
<lg type="kulaka">
<label>āikulaaṃ</label>
<lg type="stanza" n="5">
<l>ṇamaha a jassa phuḍa-ravaṃ<caesura/> kaṇṭha-cchāā-ghaḍanta-ṇaaṇaggi-sihaṃ</l>
<l>phuraï phuriaṭṭahāsaṃ<caesura/> uddha-paḍitta-timiraṃ miva disā-akkam</l>
</lg>
<lg type="stanza" n="6">
<l>vevaï jassa saviḍiaṃ<caesura/> valiuṃ mahaï pulaāia-tthaṇa-alasaṃ</l>
<l>pemma-sahāva-vimuhiaṃ<caesura/> bīovāsa-gamaṇūsuaṃ vāmaddhaṃ</l>
</lg>
<lg type="stanza" n="7">
<l>jassa vilagganti ṇahaṃ<caesura/> phuḍa-paḍisaddā disā-ala-paḍikkhaliā</l>
<l>joṇhā-kallolā via<caesura/> sasi-dhavalāsu raaṇīsu hasia-ccheā</l>
</lg>
<lg type="stanza" n="8">
<l>ṇaṭṭārambha-kkhuhiā<caesura/> jassa bhaübbhanta-maccha-pahaa-jala-raā</l>
<l>honti saliluddhumāia<caesura/>-dhūmāanta-vaḍavā-muhā maaraharā</l>
</lg>
</lg>
<pb n="2"/>
<lg type="stanza" n="9">
<l>ahiṇava-rāāraddhā<caesura/> cukka-kkhaliesu vihaḍia-pariṭṭhaviā</l>
<l>metti vva pamuha-rasiā<caesura/> ṇivvoḍhuṃ hoi dukkaraṃ kavva-kahā</l>
</lg>
<lg type="stanza" n="10">
<l>parivaḍḍhaï viṇṇāṇaṃ<caesura/> saṃbhāvijjaï jaso viḍhappanti guṇā</l>
<l>suvvaï suurisa-cariaṃ<caesura/> kiṃ taṃ jeṇa ṇa haranti kavvālāvā</l>
</lg>
<lg type="stanza" n="11">
<l>icchāi va dhaṇariddhī<caesura/> jovvaṇa-laddha vva āhiāīa sirī</l>
<l>dukkhaṃ saṃbhāvijjaï<caesura/> bandhacchāāi ahiṇavā attha-gaī</l>
</lg>
<lg type="stanza" n="12">
<l>taṃ tiasa-bandi-mokkhaṃ<caesura/> samattha-tellokka-hiaa-salluddharaṇaṃ</l>
<l>suṇaha aṇurāa-iṇhaṃ<caesura/> sīā-dukkha-kkhaaṃ dahamuhassa vahaṃ</l>
</lg>
<lg type="stanza" n="13">
<l>aha paḍivaṇṇa-virohe<caesura/> rāhava-vammaha-sareṇa māṇabbhahie</l>
<l>viddhāi vāli-hiae<caesura/> rāa-sirīa ahisārie suggīve</l>
</lg>
<lg type="stanza" n="14">
<l>vavasāa-raï-paoso<caesura/> rosa-gaïnda-diḍha-siṅkhalā-paḍibandho</l>
<l>kaha kaha vi dāsarahiṇo<caesura/> jaa-kesari-païjaro gao ghaṇa-samao</l>
</lg>
<lg type="stanza" n="15">
<l>gamiā kalamba-vāā<caesura/> diṭṭhaṃ mehandhaāriaṃ gaaṇa-alaṃ</l>
<l>sahio gajjia-saddo<caesura/> taha vi hu se ṇatthi jīvie āsaṅgho</l>
</lg>
<lg type="stanza" n="16">
<l>to hari-vaï-jasa-vantho<caesura/> rāhava-jīassa paḍhama-hatthālambo</l>
<l>sīā-bāha-vihāo<caesura/> dahamuha-vajjha-diaho uvagao sarao</l>
</lg>
<lg type="stanza" n="17">
<l>raï-ara-kesara-ṇivahaṃ<caesura/> sohaï dhavalabbha-dala-sahassa-parigaaṃ</l>
<l>mahumaha-daṃsaṇa-joggaṃ<caesura/> piāmahuppatti-paṅkaaṃ va ṇaha-alaṃ</l>
</lg>
<lg type="stanza" n="18">
<l>diṇamaṇi-moha-pphuriaṃ<caesura/> galiaṃ ghaṇa-lacchi-raaṇa-rasaṇā-dāmaṃ</l>
<l>udu-maaṇa-bāṇa-vattaṃ<caesura/> ṇaha-mandāra-ṇava-kesaraṃ inda-dhaṇuṃ</l>
</lg>
<lg type="stanza" n="19">
<l>dhua-meha-mahuarāo<caesura/> ghaṇa-samaāaḍḍhioṇaa-vimukkāo</l>
<l>ṇaha-pāava-sāhāo<caesura/> ṇiaa-ṭṭhāṇaṃ va paḍigaāu disāo</l>
</lg>
<pb n="3"/>
<lg type="stanza" n="20">
<l>ahiṇava-ṇiddhāloā<caesura/> uddesāsāra-dīsamāṇa-jala-lavā</l>
<l>ṇimmāa-majjaṇa-suhā<caesura/> dara-vasuāa-cchaviṃ vahanti va diahā</l>
</lg>
<lg type="stanza" n="21">
<l>suha-saṃmāṇia-ṇiddo<caesura/> virahāluṅkhia-samudda-diṇṇukkaṇṭho</l>
<l>asuvanto vi vivuddho<caesura/> paḍhama-viuddha-siri-sevio mahumahaṇo</l>
</lg>
<lg type="stanza" n="22">
<l>sohaï visuddha-kiraṇo<caesura/> gaaṇa-samuddammi raaṇi-velā-laggo</l>
<l>tārā-muttā-vaaro<caesura/> phuḍa-vihaḍia-meha-sippi-saṃpuḍa-mukko</l>
</lg>
<lg type="stanza" n="23">
<l>sattacchaāṇa gandho<caesura/> laggaï khalaï hiae kalambāmoo</l>
<l>kalahaṃsāṇa kala-rao<caesura/> ṭhāi ṇa saṃṭhāi pariṇaaṃ sihi-viruaṃ</l>
</lg>
<lg type="stanza" n="24">
<l>pīṇa-paohara-laggaṃ<caesura/> disāṇa pavasanta-jalaa-samaa-viiṇṇaṃ</l>
<l>sohagga-paḍhama-iṇhaṃ<caesura/> pavvāaï sarasa-ṇaha-vaaṃ inda-dhaṇuṃ</l>
</lg>
<lg type="stanza" n="25">
<l>pajjatta-salila-dhoe<caesura/> dūrālokkanta-ṇimmale gaaṇa-ale</l>
<l>accāsaṇṇaṃ va ṭhiaṃ<caesura/> vimukka-para-bhāa-pāaḍaṃ sasi-bimbaṃ</l>
</lg>
<lg type="stanza" n="26">
<l>cira-āla-paḍiṇiattaṃ<caesura/> disāsu gholanta-kumua-raa-vellaviaṃ</l>
<l>bhamaï aladdhāsāaṃ<caesura/> kamalāara-daṃsaṇūsuaṃ haṃsa-ulaṃ</l>
</lg>
<lg type="stanza" n="27">
<l>candāava-dhavalāo<caesura/> phuranta-diasa-raaṇantaria-sohāo</l>
<l>somme saraassa ure<caesura/> mottāvali-vibbhamaṃ vahanti ṇisāo</l>
</lg>
<lg type="stanza" n="28">
<l>bhamara-rua-diṇṇa-saṇṇaṃ<caesura/> ghaṇa-roha-vimukka-diṇaara-arāliddhaṃ</l>
<l>pharisa-suhāantaṃ miva<caesura/> paḍivujjhaï jala-ṇihitta-ṇālaṃ ṇaliṇam</l>
</lg>
<lg type="stanza" n="29">
<l>vammaha-dhaṇu-ṇigghoso<caesura/> kamala-vaṇa-kkhalia-lacchi-ṇeura-saddo</l>
<l>suvvaï kalahaṃsa-rao<caesura/> mahuari-vāhitta-ṇaliṇi-paḍisaṃlāo</l>
</lg>
<lg type="stanza" n="30">
<l>khuḍiuppaïa-muṇālaṃ<caesura/> daṭṭhūṇa piaṃ va siḍhila-valaaṃ ṇaliṇiṃ</l>
<l>mahuari-mahurullāvaṃ<caesura/> mahumaa-ambaṃ muhaṃ va gheppaï kamalaṃ</l>
</lg>
<pb n="4"/>
<lg type="stanza" n="31">
<l>pajjatta-kamala-gandho<caesura/> mahu-taṇṇāosaranta-ṇava-kumua-rao</l>
<l>bhamira-bhamaroaïvvo<caesura/> sañcaraï sa-dāṇa-sībharo vaṇa-vāo</l>
</lg>
<lg type="stanza" n="32">
<l>kaṇṭaïa-ṇūmiaṅgī<caesura/> thoa-tthoosaranta-muddha-sahāvā</l>
<l>raï-ara-cumbijjantaṃ<caesura/> ṇa ṇiattei ṇaliṇī muhaṃ miva kamalaṃ</l>
</lg>
<lg type="stanza" n="33">
<l>parigholanta-kkhaliaṃ<caesura/> sattacchaa-kusuma-dhavala-reṇukkhaïaṃ</l>
<l>uppusaï dāṇa-vaṅkaṃ<caesura/> muhutta-gaa-kaṇṇa-cāmaraṃ bhamara-ulaṃ</l>
</lg>
<lg type="kulaka">
<label>juggaaṃ</label>
<lg type="stanza" n="34">
<l>ia pahasia-kumua-sare<caesura/> bhaḍi-muha-paṅkaa-viruddha-candāloe</l>
<l>jāe phuranta-tāre<caesura/> lacchi-saaṃgāha-ṇava-paose sarae</l>
</lg>
<lg type="stanza" n="35">
<l>jhijjaï jhīṇā vi taṇū<caesura/> aṭṭhia-bāhaṃ puṇo paruṇṇaṃ va muhaṃ</l>
<l>rāmassa aīsante<caesura/> āsā-bandhe vva cira-gae haṇumante</l>
</lg>
</lg>
<lg type="stanza" n="36">
<l>ṇavari a jahā-samatthia<caesura/>-ṇivvattia-kajja-ṇivvalanta-cchāaṃ</l>
<l>pecchaï mārua-taṇaaṃ<caesura/> maṇorahaṃ cea cintia-suhovaṇaaṃ</l>
</lg>
<lg type="stanza" n="37">
<l>paḍhamaṃ cia māruiṇā<caesura/> harisa-bharijjanta-loaṇeṇa muheṇa</l>
<l>jaṇaa-taṇaā-paüttī<caesura/> pacchā vāāi ṇiravasesaṃ siṭṭhā</l>
</lg>
<lg type="stanza" n="38">
<l>diṭṭha tti ṇa saddahiaṃ<caesura/> jhīṇa tti sabāha-mantharaṃ ṇīsasiaṃ</l>
<l>soaï tumaṃ tti ruṇṇaṃ<caesura/> pahuṇā jiaï tti māruī uvaūḍho</l>
</lg>
<lg type="stanza" n="39">
<l>cintā-haa-ppahaṃ miva<caesura/> taṃ ca kare khea-ṇīsahaṃ va ṇisaṇṇaṃ</l>
<l>veṇī-bandhaṇa-maïlaṃ<caesura/> soa-kilintaṃ va se paṇāmei maṇiṃ</l>
</lg>
<lg type="stanza" n="40">
<l>so kara-alañjali-gao<caesura/> bāha-tthavaa-pahaosihanta-maūho</l>
<l>ṇaaṇehi dāsarahiṇā<caesura/> diṭṭho pīo ṇu pucchio ṇu paüttiṃ</l>
</lg>
<lg type="stanza" n="41">
<l>soaï a ṇaṃ rahuvaī<caesura/> viralaṅguli-galia-kiraṇa-dhārā-vaaraṃ</l>
<l>vaaṇe vimalujjoaṃ<caesura/> dara rottūṇa salilañjaliṃ va ṇimento</l>
</lg>
<pb n="5"/>
<lg type="stanza" n="42">
<l>taṃ daïāhiṇṇāṇaṃ<caesura/> jammi vi aṅgammi rāhaveṇa ṇa ṇimiaṃ</l>
<l>sīā-parimaṭṭheṇa va<caesura/> vūḍho teṇa vi ṇirantaraṃ romañco</l>
</lg>
<lg type="stanza" n="43">
<l>bāha-maïlaṃ pi to se<caesura/> dahamuha-cintā-viambhamāṇāmarisaṃ</l>
<l>jāaṃ dukkhāloaṃ<caesura/> jaraḍhāanta-ravi-maṇḍalaṃ miva vaaṇaṃ</l>
</lg>
<lg type="stanza" n="44">
<l>to se cira-majjhatthe<caesura/> kuvia-kaanta-bhumaā-laā-paḍirūe</l>
<l>diṭṭhī diṭṭha-tthāme<caesura/> kajja-dhura vva ṇiae dhaṇummi ṇisaṇṇā</l>
</lg>
<lg type="stanza" n="45">
<l>khaṇa mūlāvaddhāe<caesura/> ṇivvaṇṇanta-masiṇaṃ samārūḍhāe</l>
<l>sajjīaṃ miva jāaṃ<caesura/> aṇoṇamantaṃ pi rāma-diṭṭhīa dhaṇuṃ</l>
</lg>
<lg type="stanza" n="46">
<l>suggīassa vi hiaaṃ<caesura/> rāhava-sukaa-paḍimoaṇā-sattaṇhaṃ</l>
<l>agaṇia-dahamuha-dappaṃ<caesura/> ṇivvūḍha-bharaṃ va takkhaṇaṃ ūsasiaṃ</l>
</lg>
<lg type="stanza" n="47">
<l>cintia-laddhatthaṃ miva<caesura/> bhumaā-vikkheva-sūiāmarisa-rasaṃ</l>
<l>gamaṇaṃ rāhava-hiae<caesura/> rakkhasa-jīvia-haraṃ visaṃ va ṇihittaṃ</l>
</lg>
<lg type="stanza" n="48">
<l>soha vva lakkhaṇa-muhaṃ<caesura/> vaṇa-māla vva viaḍaṃ hari-vaïssa uraṃ</l>
<l>kitti vva pavaṇa-taṇaaṃ<caesura/> āṇa vva balāi se vilaggaï diṭṭhī</l>
</lg>
<lg type="stanza" n="49">
<l>saṃkhohia-mahi-veḍho<caesura/> to so kaï-seṇṇa-vilulia-vaṇāhoo</l>
<l>khuhia-samuddāhimuho<caesura/> mahaṇārambhammi mandaro via calio</l>
</lg>
<lg type="stanza" n="50">
<l>caliaṃ ca vāṇara-balaṃ<caesura/> calie tammi cala-kesara-saḍujjoaṃ</l>
<l>gahia-disā-pariṇāhaṃ<caesura/> maūha-jālaṃ va diṇaarassa phurantaṃ</l>
</lg>
<lg type="stanza" n="51">
<l>verāraṇi-pajjalio<caesura/> to so rosa-pavaṇāhaüddhaa-muhalo</l>
<l>vaḍḍhaï maggāṇugao<caesura/> laṅkā-vaṇa-rāi-vaṇa-dao kaï-loo</l>
</lg>
<lg type="stanza" n="52">
<l>vaccaï a caḍula-kesara<caesura/>-saḍujjalāloa-vāṇara-parikkhitto</l>
<l>savva-disā-āaḍḍhia<caesura/>-palaa-palitta-giri-saṃkulo vva samuddo</l>
</lg>
<pb n="6"/>
<lg type="stanza" n="53">
<l>gholanti ṇimmalāo<caesura/> phuranta-diasaara-pāaḍia-rūāo</l>
<l>dāvia-maggammi vi se<caesura/> hiae soandhaāriammi disāo</l>
</lg>
<lg type="stanza" n="54">
<l>āloei a viñjhaṃ<caesura/> dhaṇu-saṃṭḥāṇassa sāarassa bhara-sahaṃ</l>
<l>sandhia-ṇaï-sotta-saraṃ<caesura/> avahovāsa-ghaḍiaṃ va jīā-bandhaṃ</l>
</lg>
<lg type="stanza" n="55">
<l>masiṇia-siharucchaṅgo<caesura/> vihua-ṇiamba-vaṇa-pāaḍia-tuṅga-aḍo</l>
<l>viñjheṇa bharia-kuharo<caesura/> helā-vāo vi vāṇarāṇa ṇa sahio</l>
</lg>
<lg type="stanza" n="56">
<l>pattā a sībharāhaa<caesura/>-dhāu-silā-ala-ṇisaṇṇa-rāia-jalaaṃ</l>
<l>sajjhaṃ ojjhara-pahasia<caesura/>-dari-muha-ṇikkanta-vaüla-maïrāmoaṃ</l>
</lg>
<lg type="stanza" n="57">
<l>bolanti a pecchantā<caesura/> paḍimā-saṃkanta-dhavala-ghaṇa-saṃghāe</l>
<l>phuḍa-phaḍiha-silā-saṅkula<caesura/>-khaliovari-patthie via ṇaï-ppavahe</l>
</lg>
<lg type="stanza" n="58">
<l>taḍa-pabbhāra-bharantā<caesura/> dalanta-pāāla-galia-jala-païrikkā</l>
<l>āvāe ccia jāā<caesura/> pahaa-mahā-vaha-ṇihā mahā-ṇaï-sottā</l>
</lg>
<lg type="stanza" n="59">
<l>jalahara-ṇiddāantaṃ<caesura/> pāava-gahaṇesu sisira-ṇiddāantaṃ</l>
<l>saï duddiṇa-sāmalaaṃ<caesura/> pattā bhagga-dhua-candaṇa-rasā malaaṃ</l>
</lg>
<lg type="stanza" n="60">
<l>candaṇa-pāava-lagge<caesura/> khuḍiuvvelia-laā-parimala-cchāe</l>
<l>sandāṇia-ṇimmoe<caesura/> pecchanti mahā-bhuaṅga-veḍhaṇa-magge</l>
</lg>
<lg type="stanza" n="61">
<l>sevanti tīra-vaḍḍhia<caesura/>-ṇiaa-bharovvatta-candaṇa-laāliddhe</l>
<l>ramma-ttaṇa-dippa-vahe<caesura/> vaṇa-gaa-dāṇa-kaḍue giri-ṇaï-ppavahe</l>
</lg>
<lg type="stanza" n="62">
<l>to taruṇa-sippi-saṃpuḍa<caesura/>-dara-dāvia-jala-ṇihitta-muttā-vaaraṃ</l>
<l>pattā pattala-vaülaṃ<caesura/> gaa-dāṇa-sugandhi-raa-ṇavelaṃ velaṃ</l>
</lg>
<pb n="7"/>
<lg type="stanza" n="63">
<l>viasia-tamāla-ṇīlaṃ<caesura/> puṇo puṇo cala-taraṅga-kara-parimaṭṭhaṃ</l>
<l>phullelā-vaṇa-surahiṃ<caesura/> uahi-gaïndassa dāṇa-lehaṃ va ṭhiaṃ</l>
</lg>
<lg type="stanza" n="64">
<l>pheṇa-visamaṅgarāaṃ<caesura/> vidduma-danta-vvaṇāṇia-muha-cchāaṃ</l>
<l>malia-vaṇa-kesa-kusumaṃ<caesura/> parihutta-samudda-parimalaṃ va vahantiṃ</l>
</lg>
<lg type="stanza" n="65">
<l>sippi-uḍa-maüliacchiṃ<caesura/> laā-harabbhantaresu parivaḍḍhantaṃ</l>
<l>aṇurāa-pariṭṭhaviaṃ<caesura/> āaṇṇantiṃ va kiṃṇaruggīa-ravaṃ</l>
</lg>
<trailer>ia siri-pavaraseṇa-viraïe dahamuhavahe mahākavve paḍhumo āsāsao samatto</trailer>
</div>
<pb n="8"/>
<div type="canto" n="2">
<head>biio āsāsao</head>
<lg type="kulaka">
<label>āikulaaṃ 35</label>
<lg type="stanza" n="1">
<l>aha pecchaï rahu-taṇao<caesura/> caḍulaṃ dosa-saa-dukkha-boleavvaṃ</l>
<l>amaa-rasa-sāra-garuaṃ<caesura/> kajjārambhassa jovvaṇaṃ va samuddaṃ</l>
</lg>
<lg type="stanza" n="2">
<l>gaaṇassa va paḍivimbaṃ<caesura/> dharaṇīa va ṇiggamaṃ disāṇa va ṇilaaṃ</l>
<l>bhuaṇassa va maṇi-taḍimaṃ<caesura/> palaassa va sāvasesa-jala-vicchaḍḍaṃ</l>
</lg>
<lg type="stanza" n="3">
<l>bhamirubbhaḍa-kallolaṃ<caesura/> thora-karāhaa-disā-muhotthaa-salilaṃ</l>
<l>sāsaa-maeṇa bahuso<caesura/> khohijjantaṃ disā-gaeṇa va sasiṇā</l>
</lg>
<lg type="stanza" n="4">
<l>apphuṇṇa-vidduma-vaṇe<caesura/> guppanta-paḍitthire salila-kallole</l>
<l>mandara-gūḍha-ppahare<caesura/> ajja vi saṃkhāa-lohie vva vahantam</l>
</lg>
<lg type="stanza" n="5">
<l>muhala-ghaṇa-vippaïṇṇaṃ<caesura/> jala-ṇivahaṃ bharia-saala-ṇaha-mahi-vivaraṃ</l>
<l>ṇaï-muha-palhatthantaṃ<caesura/> appāṇa-viṇiggaaṃ jasaṃ va piantaṃ</l>
</lg>
<lg type="stanza" n="6">
<l>joṇhāe vva miaṅkaṃ<caesura/> kittīa va suurisaṃ pahāe vva raviṃ</l>
<l>selaṃ mahā-ṇaīa va<caesura/> sirīa cira-ṇiggaāi vi amuccantaṃ</l>
</lg>
<lg type="stanza" n="7">
<l>kālantara-jīa-haraṃ<caesura/> gaoṇiattanta-pavaṇa-ghaṭṭijjantaṃ</l>
<l>sallaṃ va deha-laggaṃ<caesura/> viaḍaṃ vaḍavā-muhāṇalaṃ vahamāṇam</l>
</lg>
<lg type="stanza" n="8">
<l>dhua-vaṇa-rāi-kara-alaṃ<caesura/> malaa-mahinda-tthaṇora-sollaṇa-suhiaṃ</l>
<l>velāliṅgaṇa-mukkaṃ<caesura/> chiviosariehi velavantaṃ va mahiṃ</l>
</lg>
<pb n="9"/>
<lg type="stanza" n="9">
<l>ṭhāṇe vi ṭhii-pahuttaṃ<caesura/> palae mahi-maṇḍalammi vi amāantaṃ</l>
<l>paṇaanta-vāmaṇa-taṇuṃ<caesura/> kamanta-deha-bhara-bharia-loaṃ va hariṃ</l>
</lg>
<lg type="stanza" n="10">
<l>dīsantaṃ ahirāmaṃ<caesura/> suvvantaṃ pi aviiṇha-soavva-guṇaṃ</l>
<l>sukaassa va pariṇāmaṃ<caesura/> uahujjantaṃ pi sāsaa-suha-pphalaaṃ</l>
</lg>
<lg type="stanza" n="11">
<l>ukkhaa-dumaṃ va selaṃ<caesura/> hima-haa-kamalāaraṃ va lacchi-vimukkaṃ</l>
<l>pīa-maïraṃ va casaaṃ<caesura/> bahula-paosaṃ va muddha-canda-virahiaṃ</l>
</lg>
<lg type="stanza" n="12">
<l>ṇipphaṇṇa-suhāloaṃ<caesura/> vimala-jalabbhantara-ṭṭhiaṃ vahamāṇaṃ</l>
<l>dara-kaḍḍhiaṃ va raïṇā<caesura/> karāvalambia-karaṃ raaṇa-saṃghāaṃ</l>
</lg>
<lg type="stanza" n="13">
<l>mahaṇāāsa-vimukkaṃ<caesura/> ucchittāmaa-visaṅkhalāṇala-ṇivahaṃ</l>
<l>vāsui-muha-ṇīsandaṃ<caesura/> vaḍavā-muha-kuhara-puñjiaṃ vahamāṇaṃ</l>
</lg>
<lg type="stanza" n="14">
<l>dhīraṃ va jala-samūhaṃ<caesura/> timi-ṇivahaṃ miva sapakkha-pavvaa-loaṃ</l>
<l>ṇaï-sotte vva taraṅge<caesura/> raaṇāi va garua-guṇa-saāi vahantaṃ</l>
</lg>
<lg type="stanza" n="15">
<l>pāāloara-gahire<caesura/> mahi-païrikka-viaḍe ṇaha-ṇirālambe</l>
<l>tellokke vva mahumahaṃ<caesura/> appāṇa ccia gaāgaāi karentaṃ</l>
</lg>
<lg type="stanza" n="16">
<l>ahilīa paramuhīhiṃ<caesura/> chiviosariehi aṇusaa-vilolāhiṃ</l>
<l>aṇuṇijjamāṇa-maggaṃ<caesura/> vevanta-ṇiatta-patthiāhi ṇaīhiṃ</l>
</lg>
<lg type="stanza" n="17">
<l>jīa-garuīhi ajja vi<caesura/> icchā-pajjatta-suha-rasāhi maentaṃ</l>
<l>dhaṇa-riddhīa sirīa a<caesura/> saliluppaṇṇāi vāruṇīa a lolaṃ</l>
</lg>
<lg type="stanza" n="18">
<l>caḍulaṃ pi thiīa thiraṃ<caesura/> tiasukkhitta-raaṇaṃ pi sārabbhahiaṃ</l>
<l>mahiaṃ pi aṇoluggaṃ<caesura/> asāu-salilaṃ pi amaa-rasa-ṇīsandaṃ</l>
</lg>
<lg type="stanza" n="19">
<l>pajjatta-raaṇa-gabbhe<caesura/> ṇaha-aru-palhattha-canda-ara-pārohe</l>
<l>uarabbhantara-sele<caesura/> suravaï-ḍimba-ṇihie ṇihi vva vahantaṃ</l>
</lg>
<pb n="10"/>
<lg type="stanza" n="20">
<l>pariambhiaṃ uvagae<caesura/> bolīṇammi a ṇiatta-caḍula-sahāvaṃ</l>
<l>ṇava-jovvaṇe vva kāmaṃ<caesura/> daïa-samāgama-suhammi candujjoe</l>
</lg>
<lg type="stanza" n="21">
<l>dara-phuḍia-sippi-saṃpuḍa<caesura/>-paloṭṭa-saṅkha-muha-bharia-muttā-ṇiaraṃ</l>
<l>mārua-dūrucchālia<caesura/>-jala-bhariaddha-vaha-paḍiṇiatta-jalaharaṃ</l>
</lg>
<lg type="stanza" n="22">
<l>maragaa-maṇi-ppahāhaa<caesura/>-hariāanta-jaraḍha-ppavāla-kisalaaṃ</l>
<l>sura-gaa-gandhuddhāia<caesura/>-kari-maarāsaṇṇa-diṇṇa-meha-muha-vaḍaṃ</l>
</lg>
<lg type="stanza" n="23">
<l>maṇivālaaṃ tīra-laā-hara-ppahohāsia-ramma-ṇivālaaṃ</l>
<l>ghaṇa-vāriaṃ velāliṅgaṇeṇa caḍulaṃ mahi-laṅghaṇa-vāriaṃ</l>
</lg>
<lg type="stanza" n="24"><!-- galitaka !-->
<l>sasi-maūha-paḍipellaṇa-pakkhubbhantaaṃ<caesura/>
saṃcaranta-dharaṇīhara-pakkhubbhantaaṃ</l>
<l>dhīraaṃ saï muhala-ghaṇa-paa-vijjantaaṃ<caesura/>
aṭṭhiaṃ ca valavāṇala-paavijjantaaṃ</l>
</lg>
<lg type="stanza" n="25">
<l>ṇiaa-visāṇala-paavia<caesura/>-muttā-ṇiara-parigholamāṇa-visaharaṃ</l>
<l>mīṇa-gaï-magga-pāaḍa<caesura/>-seālomaïla-maṇi-silā-saṃghāaṃ</l>
</lg>
<lg type="stanza" n="26">
<l>sari-saṃkulaṃ mahumaha-vallahāi lacchīa sāra-sarisaṃ kulaṃ</l>
<l>mahi-lāiaṃ ṇaï-muha-patthioṇiattia-velā-mahilāiaṃ</l>
</lg>
<lg type="stanza" n="27"><!-- galitaka !-->
<l>ṇaï-sahassa-paḍiumbaṇa-ṇāa-rasantaaṃ<caesura/>
palaa-meha-sama-dūsaha-ṇāa-rasantaaṃ</l>
<l>pelaveṇa pavaṇeṇa mahura-saṃcāriaṃ<caesura/>
maüa-maa-khalantaṃ va mahu-rasaṃ cāriaṃ</l>
</lg>
<pb n="11"/>
<lg type="stanza" n="28">
<l>kasaṇa-maṇi-cchāā-rasa<caesura/>-rajjantovari-parippavanta-ppheṇaṃ</l>
<l>hari-ṇāhi-paṅkaa-kkhalia-sesa-ṇīsāsa-jaṇia-viaḍāvattaṃ</l>
</lg>
<lg type="stanza" n="29">
<l>saaraṅgaaṃ vidduma-pallava-ppahā-gholira-sāsaa-raṅgaaṃ</l>
<l>ravi-rāiaṃ dharaṇi-alaṃ va mandarāaḍḍhaṇa-dūra-virāiaṃ</l>
</lg>
<lg type="stanza" n="30">
<l>muttālaaṃ tiasa-viiṇṇa-jīvia-suhāmaa-jammuttālaaṃ</l>
<l>vitthiṇṇaaṃ palaüvvella-salila-helā-maliuvvi-tthiṇṇaaṃ</l>
</lg>
<lg type="stanza" n="31"><!-- galitaka !-->
<l>cira-parūḍha-seāla-silā-hariantaaṃ<caesura/>
pavaṇa-bhiṇṇa-rava-dāruṇa-ṇīhariantaaṃ</l>
<l>mahumahassa ṇiddā-samae vīsāma-aṃ<caesura/>
palaï-ḍaḍḍha-vijjhāa-taluvvī-sāmaaṃ</l>
</lg>
<lg type="stanza" n="32">
<l>asurovaḍaṇa-vihaṭṭia<caesura/>-jala-vivaruṭṭhia-rasāalumhā-ṇivahaṃ</l>
<l>mahaṇa-vasa-bhiṇṇa-bhāmia<caesura/>-dīvantara-lagga-mandara-aḍa-kkhaṇḍaṃ</l>
</lg>
<lg type="stanza" n="33"><!-- galitaka !-->
<l>esa amaa-rasa-saṃbhavo tti saṃbhāviaṃ<caesura/>
ṇaha-ṇihaṃ tameṇa va caüddisaṃ bhāviaṃ</l>
<l>guṇa-mahaggha-sāraṃ vasuhā-rakkhāṇiaṃ<caesura/>
ṇiaa-jasa-ṇihāṇaṃ miva saara-kkhāṇiaṃ</l>
</lg>
<lg type="stanza" n="34">
<l>pavaṇuggāhia-jala-lava<caesura/>-ṇivaha-pahammanta-muhala-tīra-tala-vaṇaṃ</l>
<l>sasi-sela-maūhojjhara<caesura/>-parivaḍḍhia-salila-malia-puliṇucchaṅgaṃ</l>
</lg>
<lg type="stanza" n="35">
<l>mandara-meha-kkhohia<caesura/>-sasi-kalahaṃsa-parimukka-salilucchaṅgaṃ</l>
<l>maragaa-sevālovari<caesura/>-ṇisaṇṇa-tuṇhikka-mīṇa-cakkāa-juaṃ</l>
</lg>
<lg type="stanza" n="36">
<l>puṇṇa-ṇaï-sotta-saṃṇiha<caesura/>-jala-majjha-muṇijjamāṇa-calia-timi-vahaṃ</l>
<l>valaā-muha-mūla-samosaranta-masi-rāsi-kajjalia-pāālaṃ</l>
</lg>
</lg>
<pb n="12"/>
<lg type="stanza" n="37">
<l>to ugghāḍia-mūlo<caesura/> pavaa-balakkanta-mahi-aluddhucchalio</l>
<l>diṭṭhīa diṭṭha-sāro<caesura/> ṇajjaï tulio tti rāhaveṇa samuddo</l>
</lg>
<lg type="stanza" n="38">
<l>kālantara-parihuttaṃ<caesura/> daṭṭhūṇa vi appaṇo mahoahi-saaṇaṃ</l>
<l>jaṇaa-suā-baddha-maṇo<caesura/> rāmo palaa-ghariṇiṃ ṇa saṃbharaï siriṃ</l>
</lg>
<lg type="stanza" n="39">
<l>īsi-jala-pesiacchaṃ<caesura/> vihasanta-viiṇṇa-pavaa-vaï-saṃlāvaṃ</l>
<l>addiṭṭhe vva ṇa mukkaṃ<caesura/> diṭṭhe uahimmi lakkhaṇeṇa vi dhīraṃ</l>
</lg>
<lg type="stanza" n="40">
<l>harisa-ṇirāuṇṇāmia<caesura/>-pīṇaarāloa-pāaḍovaribhāaṃ</l>
<l>pavaāhivo-vi pekkhaï<caesura/> addhuppaïaṃ va rumbhiūṇa sarīraṃ</l>
</lg>
<lg type="stanza" n="41">
<l>garuḍeṇa va jalaṇa-ṇihaṃ<caesura/> samudda-laṅghaṇa-maṇeṇa vāṇara-vaïṇā</l>
<l>avahovāsa-pasariaṃ<caesura/> pakkha-viāṇaṃ va pulaïaṃ kaï-seṇṇaṃ</l>
</lg>
<lg type="stanza" n="42">
<l>sāara-daṃsaṇa-hitthā<caesura/> akkhittosaria-vevamāṇa-sarīrā</l>
<l>sahasā lihia vva ṭhiā<caesura/> ṇipphanda-ṇirāa-loaṇā kaï-ṇivahā</l>
</lg>
<lg type="stanza" n="43">
<l>pecchantāṇa samuddaṃ<caesura/> caḍulo vi aüvva-vimhaa-rasa-tthimio</l>
<l>haṇumantammi ṇivaḍio<caesura/> sagāravaṃ vāṇarāṇa loaṇa-ṇivaho</l>
</lg>
<lg type="stanza" n="44">
<l>uahiṃ alaṅghaṇijjaṃ<caesura/> daṭṭhūṇa gaāgaaṃ ca mārua-taṇaaṃ</l>
<l>mohandhaāriesu vi<caesura/> gūḍho bhamaï hiaesu siṃ ucchāho</l>
</lg>
<lg type="stanza" n="45">
<l>to tāṇa haa-cchāaṃ<caesura/> ṇiccala-loaṇa-sihaṃ paüttha-paāvaṃ</l>
<l>ālekkha-paīvāṇa va<caesura/> ṇiaaṃ païi-caḍulattaṇaṃ pi vialiaṃ</l>
</lg>
<lg type="stanza" n="46">
<l>kaha vi ṭhaventi pavaṅgā<caesura/> samudda-daṃsaṇa-visāa-vimuhijjantaṃ</l>
<l>galia-gamaṇāṇurāaṃ<caesura/> paḍivantha-ṇiatta-loaṇaṃ appāṇaṃ</l>
</lg>
<trailer>ia siri-pavaraseṇa-viraïe kālidāsa-kae dahamuhavahe mahākavve biio āsāsao
parisamatto</trailer>
</div>
<pb n="13"/>
<div type="canto" n="3">
<head>taïo āsāsao</head>
<lg type="kulaka">
<label>juggaaṃ</label>
<lg type="stanza" n="1">
<l>to te kaï-māaṅge<caesura/> rūḍha-visāa-maa-bhāviomīlante</l>
<l>ālāṇa-kkhambhesu va<caesura/> bāhūsu silā-ala-ṭṭhiesu ṇisaṇṇe</l>
</lg>
<lg type="stanza" n="2">
<l>āhāsaï suggīo<caesura/> ṇiaa-ravāhi phuḍa-ṇinta-jasa-ṇigghosam</l>
<l>dhīrāhi sāra-garuaṃ<caesura/> dantujjoāhi ṇimmalatthaṃ vaaṇam</l>
</lg>
</lg>
<lg type="stanza" n="3">
<l>dharaṇi-dharaṇe bhua ccia<caesura/> mahaṇammi surāsurā khaammi samuddā</l>
<l>hantavvammi dahamuhe<caesura/> eṇhiṃ tumhe ttha mahumahassa sahāā</l>
</lg>
<lg type="stanza" n="4">
<l>mā sāsaa-soḍīraṃ<caesura/> kaha vi ṇiattanta-samuha-saṃṭhavia-paaṃ</l>
<l>āaa-vitthakkantaṃ<caesura/> paṇaantaṃ va suaṇaṃ parumhāha jasaṃ</l>
</lg>
<lg type="stanza" n="5">
<l>rakkhasa-vaha-duvvojjho<caesura/> kajjārambho samudda-laṅghaṇa-garuo</l>
<l>paḍhumaṃ cia rahuvaïṇā<caesura/> uvariṃ hiaa-tulio bharo vva vilaïo</l>
</lg>
<lg type="stanza" n="6">
<l>tumha ccia esa bharo<caesura/> āṇā-metta-pphalo pahuttaṇa-saddo</l>
<l>aruṇo chāā-vahaṇo<caesura/> visaaṃ viasanti appaṇā kamala-sarā</l>
</lg>
<lg type="stanza" n="7">
<l>tariuṃ ṇa hu ṇavara imaṃ<caesura/> velā-vaṇa-vaüla-kusuma-vāsia-surahiṃ</l>
<l>hattha-uḍehi samatthā<caesura/> tumhe pāuṃ pi phala-rasaṃ va samuddaṃ</l>
</lg>
<lg type="stanza" n="8">
<l>cira-āla-kaṅkhiāṇaṃ<caesura/> dhuāvamāṇa-ṇialuṇṇamanta-suhāṇaṃ</l>
<l>eso ṇavara avasaro<caesura/> asarisa-samasīsa-bandhaṇa-vimokkhāṇaṃ</l>
</lg>
<lg type="stanza" n="9">
<l>te viralā sappurisā<caesura/> je abhaṇantā ghaḍenti kajjālāve</l>
<l>thoa ccia te vi dumā<caesura/> je amuṇia-kusuma-ṇiggamā denti phalaṃ</l>
</lg>
<pb n="14"/>
<lg type="stanza" n="10">
<l>khiṇṇaṃ cāvammi karaṃ<caesura/> cira-ālukkaṇṭhiaṃ amarisammi maṇaṃ</l>
<l>mā dā deu rahuvaī<caesura/> bāṇāhimuhiṃ ca bāha-garuiṃ diṭṭhiṃ</l>
</lg>
<lg type="stanza" n="11">
<l>ovaggaü tumha jaso<caesura/> dahavaaṇa-paāva-patthiva-pariggahiaṃ</l>
<l>vilulia-samudda-rasaṇaṃ<caesura/> ṇaha-bhavaṇanteuraṃ disā-vahu-ṇivahaṃ</l>
</lg>
<lg type="stanza" n="12">
<l>jaṃ sāhasaṃ ṇa koraï<caesura/> taṃ daamāṇeṇa jīviaṃ kira daïaṃ</l>
<l>jo apaḍimukka-sukaā<caesura/> so vi gaṇijjaï jaammi jīanta-muo</l>
</lg>
<lg type="stanza" n="13">
<l>kiṃ va ṇa āṇaha eaṃ<caesura/> kajjaṃ paripelavaṃ pi jaha pariṇāme</l>
<l>dei paraṃ saṃmohaṃ<caesura/> kusumaṃ visa-pāavassa va malijjantaṃ</l>
</lg>
<lg type="stanza" n="14">
<l>vihaḍantaṃ pi samatthā<caesura/> vavasāaṃ purisa-duggamaṃ ṇenti vahaṃ</l>
<l>bhuvaṇantara-vikkhambhaṃ<caesura/> diasaaro vihaḍiekka-cakkaṃ va rahaṃ</l>
</lg>
<lg type="stanza" n="15">
<l>kaa-kajje tāla-same<caesura/> aïrā pecchaha bhue aṇuttāla-same</l>
<l>ṇihuo rāasa-hāo<caesura/> paḍivakkhassa a aveu rāa-sahāo</l>
</lg>
<lg type="stanza" n="16">
<l>saṅkhohia-maaraharo<caesura/> saṃbhantuvvatta-diṭṭha-rakkhasa-loo</l>
<l>velā-aḍa-mujjhante<caesura/> aha ṇe hasaï hiaeṇa mārua-taṇao</l>
</lg>
<lg type="stanza" n="17">
<l>avvocchiṇṇa-pasario<caesura/> ahiaṃ uddhāi phuria-sūra-cchāo</l>
<l>ucchāho subhaḍāṇaṃ<caesura/> visama-kkhalio mahā-ṇaīṇa va sotto</l>
</lg>
<lg type="stanza" n="18">
<l>māṇeṇa pariṭṭhaviā<caesura/> kula-parivāḍi-ghaḍiā aṇoṇaa-uvvā</l>
<l>cinteuṃ pi ṇa tīraï<caesura/> ohuppantī pareṇa ṇiaa-cchāā</l>
</lg>
<lg type="stanza" n="19">
<l>parivaḍḍhantucchāho<caesura/> vialia-raṇa-maccharehi appatta-guṇo</l>
<l>aasa-kkantosario<caesura/> kaḍḍhijjaï dukkaraṃ bhaḍattaṇa-saddo</l>
</lg>
<lg type="stanza" n="20">
<l>āhia-samarāamaṇā<caesura/> vasaṇammi a ūsave a sama-rāa-maṇā</l>
<l>avasāaa-visamatthā<caesura/> dhīra ccia honti saṃsae vi samatthā</l>
</lg>
<pb n="15"/>
<lg type="stanza" n="21">
<l>vavasāa-sappivāsā<caesura/> kaha te hattha-ṭṭhiaṃ ṇa pāhenti jasaṃ</l>
<l>je jīvia-sandehe<caesura/> visaṃ bhuaṅga vva uvvamanti amarisaṃ</l>
</lg>
<lg type="stanza" n="22">
<l>sīhā sahanti bandhaṃ<caesura/> ukkhaa-dāḍhā ciraṃ dharenti visaharā</l>
<l>ṇa uṇa jianti paḍihaā<caesura/> akkhaṇḍia-vavasiā khaṇaṃ pi samatthā</l>
</lg>
<lg type="stanza" n="23">
<l>akaattha-paḍiṇiattā<caesura/> kaha samuhāloa-metta-paḍisaṃkantaṃ</l>
<l>dappaṇa-alesu va ṭhiaṃ<caesura/> ṇiaaṃ decchiha piā-muhesu visāaṃ</l>
</lg>
<lg type="stanza" n="24">
<l>ṇijjanti cira-paattā<caesura/> samudda-gahirā vi paḍivahaṃ ṇaï-sottā</l>
<l>tīrenti ṇiatteuṃ<caesura/> asamāṇia-pesaṇā ṇa uṇa sappurisā</l>
</lg>
<lg type="stanza" n="25">
<l>jo laṅghijjaï raïṇā<caesura/> jo vi khavijjaï khaāṇaleṇa vi bahuso</l>
<l>kaha so uia-parihao<caesura/> duttāro tti pavaāṇa bhaṇṇaü uahī</l>
</lg>
<lg type="stanza" n="26">
<l>cintijjaü dāva imaṃ<caesura/> kula-vavaesa-kkhamaṃ vahantāṇa jasaṃ</l>
<l>lajjāi samuddassa vi<caesura/> doṇha vi kiṃ hoi dukkaraṃ boleuṃ</l>
</lg>
<lg type="stanza" n="27">
<l>kiraṇāsaṇiṃ rahu-sue<caesura/> suhassa kira ṇāsaṇiṃ vimuñcaü mā dā</l>
<l>sela-sasāraame ho<caesura/> tumhe jeūṇa canda-sāraa-meho</l>
</lg>
<lg type="stanza" n="28">
<l>bandhava-ṇehabbhahio<caesura/> hoi paro vi viṇaeṇa sevijjanto</l>
<l>kiṃ uṇa kaovaāro<caesura/> ṇikkāraṇa-ṇiddha-bandhavo dāsarahī</l>
</lg>
<lg type="stanza" n="29">
<l>aïra-parūḍha vva laā<caesura/> samarucchāhe udummi va vilambante</l>
<l>ajja vi dāva maha imā<caesura/> maülei ccia phalaṃ ṇa dāvei sirī</l>
</lg>
<lg type="stanza" n="30">
<l>keccira-mettaṃ va ṭhiī<caesura/> ea visaṃvāiā ṇa mocchihi rāmaṃ</l>
<l>kamalammi samuppaṇṇā<caesura/> taṃ cia raaṇīsu kiṃ ṇa muñcaï lacchī</l>
</lg>
<lg type="stanza" n="31">
<l>saalujjoia-vasuhe<caesura/> samattha-jia-loa-vittharanta-paāve</l>
<l>ṭhāi ṇa ciraṃ ravimmi va<caesura/> vihāṇa-paḍiā vi maïladā sappurise</l>
</lg>
<pb n="16"/>
<lg type="stanza" n="32">
<l>sappurisa-pāaḍa-vahaṃ<caesura/> paḍhamaṃ jaṃ rāhaveṇa amhāsu-kaaṃ</l>
<l>hojja va ṇa hojja va samaṃ<caesura/> amhehi kaaṃ pi kiṃ uṇa akīrantaṃ</l>
</lg>
<lg type="stanza" n="33">
<l>rāhava-patthijjanto<caesura/> uddho dīsihaï kecciraṃ va dahamuho</l>
<l>dūranta-pecchiavvo<caesura/> sihara-paḍanta-viaḍāsaṇi vva vaṇa-dumo</l>
</lg>
<lg type="stanza" n="34">
<l>bālāavaṃ va entaṃ<caesura/> dhua-ambālāa-vaṃsu-ṇivaha-cchāaṃ</l>
<l>kaï-seṇṇaṃ raaṇiarā<caesura/> tama-raa-ṇiara vva pecchiuṃ pi aoggā</l>
</lg>
<lg type="stanza" n="35">
<l>garuammi vi paḍivakkhe<caesura/> honti bhaḍā ahia-vāria-ppaḍiūlā</l>
<l>paḍigaa gandhāiddhā<caesura/> uddhaṅkusa-ruddha-manthaa vva gaïndā</l>
</lg>
<lg type="stanza" n="36">
<l>visamammi vi avisaṇṇo<caesura/> dhārei dhuraṃ dhuraṃdharo ccia ṇavaraṃ</l>
<l>kiṃ diṇaarovarāe<caesura/> diṇassa hoi avalambaṇaṃ sasi-bimbaṃ</l>
</lg>
<lg type="stanza" n="37">
<l>mukka-salilā jalaharā<caesura/> ahiṇava-diṇṇa-pphalā a pāava-ṇivahā</l>
<l>lahuā vi honti garuā<caesura/> samara-muhoharia-maṇḍalaggā a bhuā</l>
</lg>
<lg type="stanza" n="38">
<l>dappaṃ ṇa sahanti bhuā<caesura/> paharaṇa-kajja-sulahā dharenti mahiharā</l>
<l>vitthiṇṇo gaaṇa-vaho<caesura/> ṇijjaï kīsa garuattaṇaṃ paḍivakkho</l>
</lg>
<lg type="stanza" n="39">
<l>dhīraṃ parirakkhantā<caesura/> garuaṃ pi bharaṃ dharenti ṇavara suurisā</l>
<l>ṭhāṇaṃ cia amuantā<caesura/> ṇīsesaṃ tihuaṇaṃ khaventi ravi-arā</l>
</lg>
<lg type="stanza" n="40">
<l>kāara-paḍimukka-dhuraṃ<caesura/> jiṇanti patthāṇa-laṅghiagga-kkhandhā</l>
<l>paḍhamaṃ tā ṇiaa-balaṃ<caesura/> pacchā paharehi suurisā paḍivakkhaṃ</l>
</lg>
<lg type="stanza" n="41">
<l>aṇṇenti maṅgalāiṃ<caesura/> alliaï sirī jaso pavaḍḍhaï purao</l>
<l>paḍivaṇṇa-raṇucchāhe<caesura/> paḍivakkhuddharaṇa-patthiammi suurise</l>
</lg>
<lg type="stanza" n="42">
<l>vaccantā aïbhūmiṃ<caesura/> kaḍḍhia-suhaḍāsi-vatta-vanthāvaḍiā</l>
<l>ṇavara ṇa calanti bīaṃ<caesura/> lua-vakkhā mahihara vva verāvandhā</l>
</lg>
<pb n="17"/>
<lg type="stanza" n="43">
<l>tā soaï rahu-taṇao<caesura/> tāva a sīā vi hattha-palhattha-muhī</l>
<l>tāva a dharaï dahamuho<caesura/> jāva visāeṇa vo tulijjaï dhīraṃ</l>
</lg>
<lg type="stanza" n="44">
<l>aṇṇo aṇṇassa maṇo<caesura/> tumha ṇa āṇe aṇāhio maha appā</l>
<l>ṇivvaṇṇantassa imaṃ<caesura/> dara-rūḍha-vaṇa-ppasāhaṇaṃ haṇumantaṃ</l>
</lg>
<lg type="stanza" n="45"><!-- galitaka !-->
<l>paḍivakkhassa a lacchiaṃ āsāentaeṇaṃ<caesura/>
ṇiaa-kulassa a kittiaṃ āsāentaeṇaṃ</l>
<l>maraṇaṃ pi varaṃ laddhaaṃ ṇaa-ṇimmāṇaeṇaṃ<caesura/>
puriseṇa ciraṃ jīviaṃ ṇa a ṇimmāṇaeṇaṃ</l>
</lg>
<lg type="stanza" n="46"><!-- galitaka !-->
<l>ea vi sirīa diṭṭhaā ke saralacchiāe<caesura/>
kara-kamalassa a chikkaā kesara-lacchiāe</l>
<l>mujjhanti saviṇṇāṇaā samara-samāṇaammi<caesura/>
ea mamammi bhaṇantae sama-rasa-māṇaammi</l>
</lg>
<lg type="kulaka">
<label>juggaaṃ</label>
<lg type="stanza" n="47"><!-- galitaka !-->
<l>mā soijjaü duhiā sīā loaeṇaṃ<caesura/>
ṇaliṇi vva samoluggaā sīāloaeṇaṃ</l>
<l>duhie rāhava-hiae kāma-ilantaammi<caesura/>
jīviammi ahilohiā kā maïlantaammi</l>
</lg>
<lg type="stanza" n="48"><!-- galitaka !-->
<l>candaa vva meha-maïlie raaṇī-sāraammi<caesura/>
kamalaammi va hima-ḍaḍḍhae raa-ṇīsāraammi</l>
<l>duhie rāhava-hiaae bhama-roattaammi<caesura/>
<!--hiaae looks very strange to me; GS's apparatus says so RH, हिअए die
andern; Basak (p73) comments, "Ms. has दुहिअए राम-हिअअम्मि marginally, but has
दुहिअम्मि राहव-हिअए in the original text, in place of दुहिअम्मि राहव-हिअअए as in GB".
Could hiaae be a conflation of hiaammi with hiaeï!-->
kusumammi va pavvāae bhamaroattaammi</l>
</lg>
</lg>
<pb n="18"/>
<lg type="kulaka">
<label>juggaaṃ</label>
<lg type="stanza" n="49">
<l>kaïā ṇu viraha-viraïa<caesura/>-dobballa-pasāhaṇujjhiāharaṇāiṃ</l>
<l>ṇīsāsa-vasa-paholira<caesura/>-lambālaa-malia-pamhala-kaolāiṃ</l>
</lg>
<lg type="stanza" n="50">
<l>pihula-ṇiamba-ala-kkhalia-siḍhila-valaa-vivaïṇṇa-bāhu-laāiṃ</l>
<l>dacchāma pariaṇa-tthua<caesura/>-kaa-pesaṇa-lajjiā pia-kalattāiṃ</l>
</lg>
</lg>
<lg type="kulaka">
<label>juggaaṃ</label>
<lg type="stanza" n="51">
<l>ia jāhe bhaṇṇantaṃ<caesura/> ṇa calaï cintā-bharosianta-sarīraṃ</l>
<l>āaḍḍhaṇa-ṇicceṭṭhaṃ<caesura/> paṅka-kkhuttaṃ va gaa-ulaṃ kaï-seṇṇaṃ</l>
</lg>
<lg type="stanza" n="52">
<l>to phuḍa-sadduddhāia<caesura/>-vaṇa-dava-bharia-giri-kandarāāra-muho</l>
<l>riu-vikkamam asahanto<caesura/> jampaï vāṇara-vaī puṇo vi hasanto</l>
</lg>
</lg>
<lg type="stanza" n="53">
<l>ia atthira-sāmatthe<caesura/> aṇṇassa vi pariaṇammi ko āsaṅgho</l>
<l>tattha vi ṇāma dahamuho<caesura/> tassa ṭhio esa paḍihaḍo majjha bhuo</l>
</lg>
<lg type="stanza" n="54">
<l>avahoāsammi mahaṃ<caesura/> hattha-alāhaa-dalanta-patthia-salilo</l>
<l>jā ṇa ṇiattaï uahī<caesura/> bolīṇaṃ tāva hou vāṇara-seṇṇaṃ</l>
</lg>
<lg type="stanza" n="55">
<l>ahiāṇaṃ tosi-hare<caesura/> dhariaṃ malaa-giriṇo hasanto sihare</l>
<l>guru-bhara-visaaṃseṇaṃ<caesura/> ṇejjāmi bhueṇa joaṇa-saaṃ seṇam</l>
</lg>
<lg type="stanza" n="56">
<l>samuha-miliekkamekke<caesura/> ko ira āsaṇṇa-saṃsaammi sahāo</l>
<l>jāva ṇa dijjaï diṭṭhī<caesura/> kāavvaṃ dāva hoi cira-ṇivvūḍham</l>
</lg>
<lg type="stanza" n="57">
<l>aha va mahaṇṇava-huttaṃ<caesura/> patthantassa gaaṇaṃ mahaṃ ṇa vahuttam</l>
<l>ruhira-vasāmisa-vattaṃ<caesura/> hantūṇa va ṇivvuo vasāmi savattam</l>
</lg>
<lg type="stanza" n="58">
<l>ṇisuḍhijjanta-bhuaṅgaṃ<caesura/> mā mujjhaha maha sarosa-calaṇakkantam</l>
<l>jatto ṇamaï mahi-alaṃ<caesura/> tatto ṇāma saalo paaṭṭaü uahī</l>
</lg>
<lg type="stanza" n="59">
<l>o jamala-kkhambhehi va<caesura/> dharieṇa bhuehi maha mahoahi-majjhe</l>
<pb n="19"/>
<l>ummūliāieṇaṃ<caesura/> samaïñchaü viñjha-saṃkameṇa kaï-balam</l>
</lg>
<lg type="stanza" n="60">
<l>vivalāanta-bhuaṅgaṃ<caesura/> uvvattia-jalaaraṃ vihiṇṇa-mahiharam</l>
<l>muha-mārua-vihua-jalaṃ<caesura/> pecchaha raaṇāaraṃ karemi thala-vaham</l>
</lg>
<lg type="stanza" n="61">
<l>majjha-kkhuḍiummūlia<caesura/>-bhuā-bhamāia-vimukka-sesaddhantam</l>
<l>etto-hutta-suvelaṃ<caesura/> tatto-hutta-malaaṃ karemi samuddam</l>
</lg>
<lg type="stanza" n="62">
<l>aha va suvelālaggaṃ<caesura/> pecchaha ajjea bhagga-rakkhasa-viḍavam</l>
<l>sīā-kisalaa-sesaṃ<caesura/> majjha bhuāaḍḍhiaṃ laaṃ miva laṅkam</l>
</lg>
<lg type="stanza" n="63">
<l>o bhagga-rakkhasa-dumaṃ<caesura/> ṇihaa-dasāṇaṇa-maïnda-suha-saṃcāram</l>
<l>rāmāṇurāa-matto<caesura/> malemi laṅkaṃ vaṇa-tthaliṃ va vaṇa-gao</l>
</lg>
<trailer>ia siri-pavaraseṇa-viraïe kālidāsa-kae dahamuhavahe mahākavve taïo āsāsao
parisamatto</trailer>
</div>
<pb n="20"/>
<div type="canto" n="4">
<head>caüttho āsāsao</head>
<lg type="stanza" n="1">
<l>aha paḍhama-vaaṇa-ṇihuaṃ<caesura/> pacchā umhaïa-lajjiaṃ kaï-seṇṇaṃ</l>
<l>sasi-daṃsaṇa-pāsuttaṃ<caesura/> kamala-vaṇaṃ va diasāgameṇa vivuddhaṃ</l>
</lg>
<lg type="stanza" n="2">
<l>ṇavari a kaï-hiaāiṃ<caesura/> dhuandhaāra-viaḍāi gamaṇucchāho</l>
<l>ekko bahuāi samaṃ<caesura/> giri-siharāi aruṇāavo vva vilaggo</l>
</lg>
<lg type="stanza" n="3">
<l>to dappa-muha-pasāo<caesura/> āḍhatto tāṇa hiaa-hasiujjoo</l>
<l>raṇa-vikkamagga-hattho<caesura/> ṇiaa-sahāo vva pahariso vitthariuṃ</l>
</lg>
<lg type="stanza" n="4">
<l>bahaluddhua-dhāu-raaṃ<caesura/> risaheṇa dhuojjharāhaa-kapola-alaṃ</l>
<l>bhiṇṇaṃ vāma-bhua-sire<caesura/> ummūlia-valia-paṇṇaaṃ giri-siharaṃ</l>
</lg>
<lg type="stanza" n="5">
<l>pulaübbheāambaṃ<caesura/> ṇīlo paripusaï visama-kasaṇa-cchāaṃ</l>
<l>hiaa-ṇihitta-paharisaṃ<caesura/> sasi-paḍibhiṇṇa-ghaṇa-saṃṇihaṃ vaccha-aḍaṃ</l>
</lg>
<lg type="stanza" n="6">
<l>vihaḍantoṭṭha-uḍa-dalaṃ<caesura/> phuranta-danta-ara-bahala-kesara-vaaraṃ</l>
<l>paharisa-candāloe<caesura/> hasiaṃ kumueṇa surahi-gandhuggāraṃ</l>
</lg>
<lg type="stanza" n="7">
<l>vihaḍanta-dharaṇi-bandho<caesura/> uhaa-bhua-kkheva-muhala-vevira-viḍavo</l>
<l>visama-paḍanta-visaharo<caesura/> velā-candaṇa-dumo maïndeṇa dhuo</l>
</lg>
<lg type="stanza" n="8">
<l>dippanta-durāloā<caesura/> diviassa sadhūma-sihi-sihāvatta-ṇihā</l>
<l>sommattaṇaṃ ṇa<caesura/> pattā harisa-bharentī vi visaharassa va diṭṭhī</l>
</lg>
<lg type="stanza" n="9">
<l>saraho vi dari-muhuggaa<caesura/>-paḍisadda-pphuḍia-malaa-aḍa-pabbhāraṃ</l>
<l>muñcaï visaaṃ ṇāaṃ<caesura/> malei aṅgaṃ ca rosa-visa-aṇṇāaṃ</l>
</lg>
<lg type="stanza" n="10">
<l>aruṇāamba-cchāe<caesura/> takkhaṇa-metta-paḍivuddha-paṅkaa-sohe</l>
<l>phuraï ṇimaḍhassa vi phuḍaṃ<caesura/> diasassa muhammi diṇaaro vva amariso</l>
</lg>
<pb n="21"/>
<lg type="stanza" n="11">
<l>viaḍāharantarālaṃ<caesura/> kaaṃ suseṇassa rosa-hasieṇa phuḍaṃ</l>
<l>uppāa-ruhira-ambaṃ<caesura/> majjha-pphuḍia-raï-maṇḍalaṃ miva vaaṇaṃ</l>
</lg>
<lg type="stanza" n="12">
<l>harisa-pariambhieṇa a<caesura/> addhullasia-raï-bimba-amba-cchaviṇā</l>
<l>purao-huttārambho<caesura/> muheṇa divaso vva pāaḍo vāli-suo</l>
</lg>
<lg type="stanza" n="13">
<l>ṇecchaï ṇivvūḍha-bharo<caesura/> lahuaṃ dappuddhaattaṇaṃ pavaṇa-suo</l>
<l>kaa-pesaṇassa sohaï<caesura/> dhīraṃ cia mahaï rakkhiuṃ vaaṇijjaṃ</l>
</lg>
<lg type="stanza" n="14">
<l>ṇibbhacchioahi-ravaṃ<caesura/> phuḍiāhara-ṇivvaḍanta-dāḍhā-hīraṃ</l>
<l>hasaï kaï-dappa-pasamia<caesura/>-rosa-virajjanta-loaṇo suggīvo</l>
</lg>
<lg type="stanza" n="15">
<l>ṇavari sumittā-taṇao<caesura/> āsaṅghanto gurussa ṇiaaṃ ca balaṃ</l>
<l>ṇa a cintei ṇa jampaï<caesura/> uahiṃ sadasāṇaṇaṃ taṇaṃ va gaṇento</l>
</lg>
<lg type="stanza" n="16">
<l>rahuṇāhassa vi diṭṭhī<caesura/> vāṇara-vaïṇo phuranta-vidduma-ambaṃ</l>
<l>vaaṇaṃ vaaṇāhi calā<caesura/> kamalaṃ kamalāhi bhamara-panti vva gaā</l>
</lg>
<lg type="kulaka">
<label>antyakulaaṃ 3</label>
<lg type="stanza" n="17">
<l>to vaa-pariṇāmoṇaa<caesura/>-bhumaā-vali-rubbhamāṇa-diṭṭhi-cchoho</l>
<l>āsaṇṇa-dhavala-mihiā<caesura/>-parikkhalantosahi-ppaho vva mahiharo</l>
</lg>
<lg type="stanza" n="18">
<l>kara-vāria-kaï-loo<caesura/> suggīva-viiṇṇa-bhāsuracchi-cchoho</l>
<l>jālāhaa-duma-ṇivaho<caesura/> phuliṅga-piṅgalia-mahiharo vva vaṇa-davo</l>
</lg>
<lg type="stanza" n="19">
<l>jampaï ricchāhivaī<caesura/> uṇṇāmeūṇa mahi-aladdhanta-ṇihaṃ</l>
<l>khalia-vali-bhaṅga-dāvia<caesura/>-vitthaa-bahala-vaṇa-kandaraṃ vaccha-aḍaṃ</l>
</lg>
</lg>
<lg type="stanza" n="20">
<l>saggaṃ apārijāaṃ<caesura/> kotthuha-lacchi-rahiaṃ mahumahassa uraṃ</l>
<l>sumirāmi mahaṇa-purao<caesura/> a-muddha-andaṃ ca hara-aḍā pabbhāraṃ</l>
</lg>
<lg type="stanza" n="21">
<l>mahumaha-hatthammi mae<caesura/> ṇakkhukkhuḍia-sarasaṃ mahāsura-hiaaṃ</l>
<pb n="22"/>
<l>diṭṭhā aṇudhāvantī<caesura/> akkhittaṃ ṇiaa-hattha-kamalaṃ va sirī</l>
</lg>
<lg type="stanza" n="22">
<l>taṃ ca hiraṇṇakkhassa vi<caesura/> sumarāmi mahā-varāha-dāḍhā-bhiṇṇaṃ</l>
<l>mahi-maṇḍalaṃ va tuliaṃ<caesura/> ukkhaa-hiaa-giri-bandhaṇaṃ vaccha-aḍaṃ</l>
</lg>
<lg type="stanza" n="23">
<l>dhīraṃ haraï visāo<caesura/> viṇaaṃ jovvaṇa-mao aṇaṅgo lajjaṃ</l>
<l>ekkanta-gahia-vakkho<caesura/> kiṃ sīsaü jaṃ ṭhavei vaa-pariṇāmo</l>
</lg>
<lg type="stanza" n="24">
<l>aṇuhūa-muṇeavve<caesura/> vihaḍia-visamakkhare vi saṃghaḍiatthe</l>
<l>jovvaṇa-mūḍha-pahasie<caesura/> mā avamaṇṇaha jarā-pariṇaüllāve</l><!-- G. has -ave, Basak -āve (correct) !-->
</lg>
<lg type="stanza" n="25">
<l>tujjha bhuāsu ṇisaṇṇo<caesura/> hari-sattho pabbalo surāṇa vi samare</l>
<l>mārua-laddha-tthāmo<caesura/> ovaggaï mahi-rao vi tā diasaaraṃ</l>
</lg>
<lg type="stanza" n="26">
<l>kiṃ uṇa duppariallā<caesura/> majjāāikkamuppaha-valijjantā</l>
<l>uahi vva sāra-garuā<caesura/> ghaḍiā vi visaṃghaḍanti kajjālāvā</l>
</lg>
<lg type="stanza" n="27">
<l>paccakkhāhi parokkhaṃ<caesura/> kaha vi tulagga-ghaḍiāhi āgama-suddhaṃ</l>
<l>saṃcālia-ṇikkampaṃ<caesura/> aṇuhūāhi vi mahaṃ suaṃ cia garuaṃ</l>
</lg>
<lg type="stanza" n="28">
<l>jaṃ sohenti samatthā<caesura/> sama-sāra-parakkamā ṇa taṃ ṇivvaḍiā</l>
<l>ekko paavejja daḍhaṃ<caesura/> miliā uṇa diṇaarā khaventi tihuaṇaṃ</l>
</lg>
<lg type="stanza" n="29">
<l>ovaggaï ahimāṇaṃ<caesura/> paḍivakkhassa vi ṇa tārisaṃ dei bhaaṃ</l>
<l>amarisa-gahio vva saro<caesura/> viddāi abhāa-saṃdhio ucchāho</l>
</lg>
<lg type="stanza" n="30">
<l>ṇea tume mottavvaṃ<caesura/> suṭṭhu vi turieṇa dhīra-patthiva-cariaṃ</l>
<l>turavantassa ravissa vi<caesura/> maüijjaï dakkhiṇāaṇammi paāo</l>
</lg>
<lg type="stanza" n="31">
<l>kiṃ aïrāeṇa imā<caesura/> amagga-samara-suha-cintia-kahāhi kaā</l>
<l>paharisa-paṇāmia-muhī<caesura/> gotta-kkhalaṇa-vimaṇa vva de jaa-lacchī</l>
</lg>
<lg type="stanza" n="32">
<l>mā rajjaha rahasa ccia<caesura/> candassa vi dāva kumua-vaṇa-ṇipphaṇṇo</l>
<l>dūraṃ ṇivvalia-guṇo<caesura/> ekka-rasassa kamalesu viddāi jaso</l>
</lg>
<lg type="stanza" n="33">
<l>kiṃ appaṇā pariaṇo<caesura/> parassa o pariaṇeṇa de paḍivakkho</l>
<pb n="23"/>
<l>sohaï patthijjanto<caesura/> jiāhimāṇassa kiṃ jaammi vi gahaṇaṃ</l>
</lg>
<lg type="stanza" n="34">
<l>haṇumantāisaeṇa<caesura/> haṇumanta-muhāṇa vāṇarāṇa a vaïṇā</l>
<l>dhīra aṇivvalia-jasaṃ<caesura/> kāavvaṃ kiṃ tume vi mārui-sarisaṃ</l>
</lg>
<lg type="stanza" n="35">
<l>kaha tammi vi lāijjaï<caesura/> jammi aiṇṇa-pphalā adūra-pasariā</l>
<l>paḍiammi dume vva laā<caesura/> sa ccia aṇṇaṃ puṇo vilaggaï āṇā</l>
</lg>
<lg type="stanza" n="36">
<l>hantuṃ vimaggamāṇo<caesura/> hantuṃ turiassa appaṇā dahavaaṇaṃ</l>
<l>kiṃ icchasi kāuṃ je<caesura/> pavaa-vaï piaṃ ti vippiaṃ rahuvaïṇo</l>
</lg>
<lg type="stanza" n="37">
<l>ia ṇiamia-suggīvo<caesura/> rāmanteṇa valio piāmaha-taṇao</l>
<l>parimaṭṭha-meru-siharo<caesura/> sūrāhimuho vva palaa-dhūmuppīḍo</l>
</lg>
<lg type="stanza" n="38">
<l>jampaï a kiraṇa-pamhala<caesura/>-phuranta-danta-ppahā-ṇihāotthaïaṃ</l>
<l>viṇaa-paṇaaṃ vahanto<caesura/> samuhāgaa-dhavala-kesara-saḍaṃ va muhaṃ</l>
</lg>
<lg type="stanza" n="39">
<l>rakkhijjaï tellokkaṃ<caesura/> palaa-samudda-vihurā dharijjaï vasuhā</l>
<l>uaraddhanta-pahutte<caesura/> vimuhijjaï sāare tti vimhaaṇijjaṃ</l>
</lg>
<lg type="stanza" n="40">
<l>dhaṇu-vāvārassa raṇe<caesura/> kuvia-kaanta-ṇimisantara-ṇihassa tuhaṃ</l>
<l>phuḍa-vijju-vilasiassa va<caesura/> ārambho ccia ṇa hoi kiṃ avasāṇaṃ</l>
</lg>
<lg type="stanza" n="41">
<l>ṇivvubbhaï palaa-bharo<caesura/> tīraï valavā-muhāṇalo vi visahiuṃ</l>
<l>diṇṇaṃ jeṇea tume<caesura/> kaha kāhii sāaro tahiṃ cia dhīraṃ</l>
</lg>
<lg type="kulaka">
<label>juggaaṃ</label>
<lg type="stanza" n="42">
<l>to pāaḍa-dobballaṃ<caesura/> pamhaṭṭha-piā-paohara-ppharisa-suhaṃ</l>
<l>vacchaṃ tamāla-ṇīlaṃ<caesura/> puṇo puṇo vāma-kara-aleṇa malento</l>
</lg>
<lg type="stanza" n="43">
<l>uahissa jaseṇa jasaṃ<caesura/> dhīraṃ dhīreṇa garuaāi garuaaṃ</l>
<l>rāmo vi thiīa ṭhiiṃ<caesura/> bhaṇaï raveṇa a ravaṃ samupphundanto</l>
</lg>
</lg>
<lg type="stanza" n="44">
<l>duttārammi samudde<caesura/> kaï-loe vimuhie mamammi visaṇṇe</l>
<l>hari-vaï tume ccia imā<caesura/> duvvojjhā vi avalambiā kajja-dhurā</l>
</lg>
<pb n="24"/>
<lg type="stanza" n="45">
<l>dhīrāhi sāra-garuaṃ<caesura/> alaṅghaṇijjāhi sāsaa-jasujjoaṃ</l>
<l>ricchāhivāhi vaaṇaṃ<caesura/> raaṇaṃ raaṇāarāhi va samucchaliaṃ</l>
</lg>
<lg type="stanza" n="46">
<l>jattha paramattha-garuā<caesura/> ṇa honti tumhārisā thira-vavaṭṭhambhā</l>
<l>mahihara-mukka vva mahī<caesura/> atthāaï tattha vittharā kajja-dhurā</l>
</lg>
<lg type="stanza" n="47">
<l>paḍivatti-metta-sāraṃ<caesura/> kajjaṃ thoāvasesiaṃ māruiṇā</l>
<l>saṃpaï jo ccea uraṃ<caesura/> dei pavaṃgāṇa piaï so ccea jasaṃ</l>
</lg>
<lg type="stanza" n="48">
<l>tā savve ccia samaaṃ<caesura/> duttāraṃ pi haṇumanta-suha-bolīṇaṃ</l>
<l>abbhatthemha surāsura<caesura/>-ṇivvūḍhabbhatthaṇāaraṃ maaraharaṃ</l>
</lg>
<lg type="stanza" n="49">
<l>aha ṇikkāraṇa-gahiaṃ<caesura/> mae vi abbhatthio ṇa mocchihi dhīraṃ</l>
<l>tā pecchaha bolīṇaṃ<caesura/> vihuoahi-jantaṇaṃ thaleṇa kaï-balaṃ</l>
</lg>
<lg type="stanza" n="50">
<l>jattha mahaṃ paḍiuttho<caesura/> vasihii aṇṇassa kaha tahiṃ cia roso</l>
<l>diṭṭhiṃ pāḍei jahiṃ<caesura/> diṭṭhi-viso taṃ puṇo ṇa pecchaï biio</l>
</lg>
<lg type="stanza" n="51">
<l>tāva a sahasuppaṇṇā<caesura/> ṇavāavāliddha-kasaṇa-mihiāambā</l>
<l>maüla-ppahāṇuviddhā<caesura/> āḍhattā dīsiuṃ ṇisiara-cchāā</l>
</lg>
<lg type="stanza" n="52">
<l>to gamaṇa-vea-mārua<caesura/>-muhala-paḍaddhanta-ṇaha-ṇirāia-jalae</l>
<l>pecchanti ravi-arantara<caesura/>-gholāvia-pihula-vijjule raaṇiare</l>
</lg>
<lg type="stanza" n="53">
<l>to ṇaha-alāvaḍante<caesura/> palaüppāa vva ṇisiare ahileuṃ</l>
<l>uṇṇāmia-giri-siharaṃ<caesura/> caliaṃ mahi-maṇḍalaṃ va vāṇara-seṇṇaṃ</l>
</lg>
<lg type="stanza" n="54">
<l>osumbhanta-jalaharaṃ<caesura/> visama-ṭṭhia-pavaa-bala-valantāloaṃ</l>
<l>dīsaï bhamanta-vihaḍaṃ<caesura/> thāṇa-pphiḍia-siḍhilaṃ paḍantaṃ va ṇahaṃ</l>
</lg>
<lg type="stanza" n="55">
<l>ṇavari a laṅkā-diṭṭho<caesura/> diṭṭha-sahāo vihīsaṇo māruiṇā</l>
<l>ṇiameūṇa kaï-balaṃ<caesura/> bīodanto vva rāhavassa uvaṇio</l>
</lg>
<pb n="25"/>
<lg type="stanza" n="56">
<l>calaṇoṇaa-ṇihuassa a<caesura/> māṇeṇa va kara-aleṇa se rahuvaïṇā</l>
<l>uṇṇāmiaṃ ṇaṇu siraṃ<caesura/> jāaṃ rakkhasa-ulāhi dūrabbhahiaṃ</l>
</lg>
<lg type="stanza" n="57">
<l>vavasia-ṇiveiattho<caesura/> so mārui-laddha-paccaāgaa-harisaṃ</l>
<l>suggīveṇa ura-tthala<caesura/>-vaṇa-mālā-malia-mahuaraṃ uvaūḍho</l>
</lg>
<lg type="stanza" n="58">
<l>to jampaï rahu-taṇao<caesura/> samaaṃ dasasu vi disā-muhesu kiranto</l>
<l>paaï-sukaassa dhavalaṃ<caesura/> ṇīsandaṃ va hiaassa dantujjoaṃ</l>
</lg>
<lg type="stanza" n="59">
<l>ṭhāṇaṃ davaggi-bhīā<caesura/> vaṇammi vaṇa-hatthiṇi vva parimaggantī</l>
<l>pecchaha laddhāsāā<caesura/> mottuṃ rakkhasa-ulaṃ ṇa icchaï lacchī</l>
</lg>
<lg type="stanza" n="60">
<l>ṇajjaï vihīsaṇa tuhaṃ<caesura/> somma-sahāva-parivaḍḍhiaṃ viṇṇāṇaṃ</l>
<l>diṭṭhi-visehi va amaaṃ<caesura/> uahissa ṇisāarehi vi aviddaviaṃ</l>
</lg>
<lg type="stanza" n="61">
<l>suddha-sahāveṇa phuḍaṃ<caesura/> phuranta-pajjatta-guṇa-maūheṇa tume</l>
<l>candeṇa va ṇiaa-mao<caesura/> kaluso vi pasāhio ṇisāara-vaṃso</l>
</lg>
<lg type="stanza" n="62">
<l>kaha ira sa-kajja-kusalā<caesura/> kajja-gaïṃ maï-guṇehi avalambantā</l>
<l>kula-māṇa-vavaṭṭhambhā<caesura/> ṇa honti rāa-siri-bhāaṇaṃ sappurisā</l>
</lg>
<lg type="stanza" n="63">
<l>laddhāsāeṇa ciraṃ<caesura/> sura-bandi-pariggahe ṇisāara-vaïṇā</l>
<l>sīā rakkhasa-vasahiṃ<caesura/> diṭṭhi-visa-haraṃ visosahi vva uvaṇiā</l>
</lg>
<lg type="stanza" n="64">
<l>phiḍiā sura-saṃkhohā<caesura/> bandi-aṇakkandiaṃ gaaṃ pariṇāmaṃ</l>
<l>jāā dahamuha-gahiā<caesura/> tihuvaṇa-ḍimbassa jāṇaī avasāṇaṃ</l>
</lg>
<lg type="stanza" n="65">
<l>aha ṇaaṇesu paharisaṃ<caesura/> kaṇṇesu pavaṃga-vaḍḍhiaṃ jaa-saddaṃ</l>
<l>sīsammi a ahiseaṃ<caesura/> palhatthaï a hiaammi se aṇurāaṃ</l>
</lg>
<trailer>ia siri-pavaraseṇa-viraïe dahamuhavahe mahākavve caüttho āsāsao</trailer>
</div>
<pb n="26"/>
<div type="canto" n="5">
<head>pañcamo āsāsao</head>
<lg type="stanza" n="1">
<l>aha jalaṇihimmi ahiaṃ<caesura/> maaṇe a miaṅka-daṃsaṇa-viambhante</l>
<l>viraha-vihurassa ṇajjaï<caesura/> ṇisā vi rāmassa vaḍḍhiuṃ āḍhattā</l>
</lg>
<lg type="stanza" n="2">
<l>uia-miaṅkaṃ ca ṇahaṃ<caesura/> ṇiama-ṭṭhia-rāhavaṃ ca sāara-puliṇaṃ</l>
<l>ṇenti paraṃ parivaḍḍhiṃ<caesura/> āliṅgia-candimaṃ mahoahi-salilaṃ</l>
</lg>
<lg type="stanza" n="3">
<l>to se vioa-sulahā<caesura/> ṇiama-viiṇṇa-hiaa-kkhivaṇa-soḍīrā</l>
<l>khaürenti dhii-ggahaṇaṃ<caesura/> jāaṃ jāaṃ visūraṇā-vikkhevā</l>
</lg>
<lg type="stanza" n="4">
<l>kāhii piaṃ samuddo<caesura/> galihii candāavo samappihii ṇisā</l>
<l>avi ṇāma dharejja piā<caesura/> o ṇe virahejja jīviaṃ ti visaṇṇo</l>
</lg>
<lg type="stanza" n="5">
<l>ṇindaï miaṅka-kiraṇe<caesura/> khijjaï kusumāuhe juucchaï raaṇiṃ</l>
<l>jhīṇo vi ṇavara jhijjaï<caesura/> jīvejja pietti māruiṃ pucchanto</l>
</lg>
<lg type="stanza" n="6">
<l>etto vasaï tti disā<caesura/> eṇaṃ sā ṇūṇa ṇindaï tti miaṅko</l>
<l>ettha ṇisaṇṇetti mahī<caesura/> eeṇa ṇia tti se ṇahaṃ pi bahu-maaṃ</l>
</lg>
<lg type="stanza" n="7">
<l>dhīreṇa ṇisā-āmā<caesura/> hiaeṇa samaṃ aṇiṭṭhiā uvaesā</l>
<l>ucchāheṇa saha bhuā<caesura/> bāheṇa samaṃ galanti se ullāvā</l>
</lg>
<lg type="stanza" n="8">
<l>dhīretti saṃṭhavijjaï<caesura/> mucchijjaï maaṇa-pelavetti gaṇento</l>
<l>dharaï pia tti dharijjaï<caesura/> vioa-taṇuetti āmuaï aṅgāiṃ</l>
</lg>
<lg type="stanza" n="9">
<l>ubbhaḍa-hariṇa-kalaṅko<caesura/> malaa-laā-pallavuvvamanta-maūho</l>
<l>aruṇāhaa-vicchāo<caesura/> jāo suha-daṃsaṇo ṇavara tassa sasī</l>
</lg>
<pb n="27"/>
<lg type="stanza" n="10">
<l>jaha jaha ṇisā samappaï<caesura/> taha taha vevira-taraṅga-paḍimā-vaḍiaṃ</l>
<l>kiṃkāavva-vimūḍhaṃ<caesura/> ghoḍaï hiaaṃ va uahiṇo sasi-bimbaṃ</l>
</lg>
<lg type="stanza" n="11">
<l>ṇavari a malaa-guhā-muha<caesura/>-bhariuvvaria-phuḍa-ṇīharanta-paḍiravaṃ</l>
<l>pavaṇeṇa uahi-salilaṃ<caesura/> pahāa-tūraṃ va āhaaṃ rahuvaïṇo</l>
</lg>
<lg type="stanza" n="12">
<l>haṃsa-ula-sadda-muhalaṃ<caesura/> ugghāḍijjanta-dasa-disā-vitthāraṃ</l>
<l>osaria-timira-salilaṃ<caesura/> jāaṃ puliṇaṃ va pāaḍaṃ diasa-muhaṃ</l>
</lg>
<lg type="stanza" n="13">
<l>aha gamia-ṇisā-samaaṃ<caesura/> gambhīrattaṇa-daḍha-ṭṭhiammi samudde</l>
<l>roso rāhava-vaaṇaṃ<caesura/> uppāo canda-maṇḍalaṃ va vilaggo</l>
</lg>
<lg type="stanza" n="14">
<l>to se tamāla-ṇīlaṃ<caesura/> ṇiḍāla-vaṭṭaṃ paloṭṭa-sea-jala-lavaṃ</l>
<l>bhiuḍī thira-vitthiṇṇaṃ<caesura/> kaḍaaṃ viñjhassa visa-laa vva vilaggā</l>
</lg>
<lg type="stanza" n="15">
<l>aha jaṇia-bhiuḍi-bhaṅgaṃ<caesura/> jāaṃ dhaṇu-hutta-valia-loaṇa-jualaṃ</l>
<l>amarisa-viiṇṇa-kampaṃ<caesura/> siḍhila-jaḍā-bhāra-bandhaṇaṃ tassa muhaṃ</l>
</lg>
<lg type="stanza" n="16">
<l>paṇaa-paḍibhaṅga-vimaṇo<caesura/> thoa-tthoa-paḍivaḍḍhiāmarisa-raso</l>
<l>taha sommo vi rahu-suo<caesura/> jāo palaa-raï-maṇḍala-durāloo</l>
</lg>
<lg type="stanza" n="17">
<l>to sāhasa-ṇimmāṇaṃ<caesura/> amitta-dīsanta-lacchi-saṃkea-haraṃ</l>
<l>saṃṭhia-rosālāṇaṃ<caesura/> geṇhaï bhua-dappa-bīa-lakkhaṃ cāvaṃ</l>
</lg>
<lg type="stanza" n="18">
<l>akkanta-dhaṇu-bharoṇaa<caesura/>-dharaṇi-ala-tthala-paloṭṭa-jala-pabbhāro</l>
<l>thoaṃ pi aṇārūḍhe<caesura/> uahī cāvammi saṃsaaṃ ārūḍho</l>
</lg>
<lg type="stanza" n="19">
<l>dhūmāi dhūma-kaluse<caesura/> jalaï jalantāruhanta-jīā-bandhe</l>
<l>paḍirava-paḍiuṇṇa-disaṃ<caesura/> rasaï rasanta-sihare dhaṇummi ṇaha-alaṃ</l>
</lg>
<lg type="stanza" n="20">
<l>bhijjaü mahi tti va phuḍaṃ<caesura/> ṇatthi samuddo tti dāruṇaṃ va païṇṇaṃ</l>
<l>ṇāsaü jaaṃ ti va maṇe<caesura/> ciraṃ tuleūṇa vilaïaṃ ṇeṇa dhaṇuṃ</l>
</lg>
<lg type="stanza" n="21">
<l>to cira-vioa-taṇuo<caesura/> saï-bāhomaṭṭha-maüa-jīāghāo</l>
<pb n="28"/>
<l>jāo aṇṇo ccia se<caesura/> vilaïa-dhaṇu-metta-vāvaḍo vāma-bhuo</l>
</lg>
<lg type="stanza" n="22">
<l>aha vāma-bhuapphālaṇa<caesura/>-paḍirava-paḍiuṇṇa-dasa-disā-vitthāraṃ</l>
<l>saṃbharaï jāa-saṅkaṃ<caesura/> palaa-ghaṇabbhahia-pellaṇaṃ tellokkaṃ</l>
</lg>
<lg type="stanza" n="23">
<l>geṇhaï a so aṇāara<caesura/>-paraṃmuha-pasāriagga-hatthāvaḍiaṃ</l>
<l>khaa-sūra-maūhāṇa va<caesura/> ekkaṃ uahi-parivattaṇa-sahaṃ bāṇaṃ</l>
</lg>
<lg type="stanza" n="24">
<l>to saṃdhanteṇa saraṃ<caesura/> rasantarolugga-bhiuḍi-bhaṅgeṇa ciraṃ</l>
<l>ṇīsasiūṇa pulaïo<caesura/> aṇuampā-dūmiāṇaṇeṇa samuddo</l>
</lg>
<lg type="stanza" n="25">
<l>aha kaḍḍhiuṃ paütto<caesura/> ṇikkampa-ṇirāa-diṭṭhi-saccavia-saraṃ</l>
<l>valia-bhua-ruddha-majjhaṃ<caesura/> daḍha-ṇippīḍia-guṇaṃ dhaṇuṃ rahuṇāho</l>
</lg>
<lg type="stanza" n="26">
<l>sara-muha-visama-pphaliā<caesura/> ṇamanta-dhaṇu-koḍi-vipphuranta-cchāā</l>
<l>ṇajjaï kaḍḍhijjantā<caesura/> jīā-sadda-gahiraṃ rasanti ravi-arā</l>
</lg>
<lg type="stanza" n="27">
<l>phuḍa-jīā-rava-muhalaṃ<caesura/> tajjeï va bāṇa-muha-jalantaggi-sihaṃ</l>
<l>jalaṇihi-vaha-paḍiuddhaṃ<caesura/> āaṇṇāaḍḍhiaṃ viambhaï va dhaṇuṃ</l>
</lg>
<lg type="stanza" n="28">
<l>khuhia-jala-siṭṭha-sāro<caesura/> muha-ṇiddhāvia-pasāriukkā-ṇivaho</l>
<l>āaḍḍhijjanto ccia<caesura/> ṇajjaï paḍio tti sāare rāma-saro</l>
</lg>
<lg type="stanza" n="29">
<l>dhua-vijju-piṅgalāiṃ<caesura/> sara-muha-ṇiggiṇṇa-huavaha-palittāiṃ</l>
<l>uppāa-loaṇāi va<caesura/> phuṭṭanti disā-muhāṇa ghaṇa-bindāiṃ</l>
</lg>
<lg type="stanza" n="30">
<l>to bhua-rahasāaḍḍhia<caesura/>-dhaṇu-vaṭṭha-pphulia-bahala-dhūmuppīḍaṃ</l>
<l>muaï muha-ṇiggaāṇala<caesura/>-sihā-samolugga-sūra-kiraṇaṃ bāṇaṃ</l>
</lg>
<lg type="stanza" n="31">
<l>so jaliūṇa ṇaha-ale<caesura/> saliladdhatthamia-huavahāamba-muho</l>
<l>paḍhamoiṇṇa-diṇaaro<caesura/> dīho diaho vva sāarammi ṇivaḍio</l>
</lg>
<lg type="stanza" n="32">
<l>gaaṇe vijju-ṇihāo<caesura/> khaanta-kālāṇalo samudducchaṅge</l>
<l>mahi-ampo pāāle<caesura/> hoi paḍanta-paḍia-ṭṭhio rāma-saro</l>
</lg>
<pb n="29"/>
<lg type="stanza" n="33">
<l>tassa a maggālaggā<caesura/> aïnti ṇiddhūma-jalaṇa-amba-cchāā</l>
<l>uahiṃ bāṇa-ṇihāā<caesura/> addhatthamiassa diṇaarassa va kiraṇā</l>
</lg>
<lg type="stanza" n="34">
<l>ṇavari a sara-ṇibbhiṇṇo<caesura/> valaā-muha-vihua-kesara-saḍugghāo</l>
<l>uddhāio rasanto<caesura/> vīsattha-pasutta-kesari vva samuddo</l>
</lg>
<lg type="stanza" n="35">
<l>dūrāiddha-ṇiatte<caesura/> samuhāgaa-bahala-sara-ṇihāa-kkhuḍie</l>
<l>dohāijjaï va ṇahaṃ<caesura/> ṭaṅka-cchea-rahasuṭṭhiammi samudde</l>
<!--ṭaṅka corrected by GS, ṭhaṅka in main text!-->
</lg>
<lg type="stanza" n="36">
<l>raaṇāara-para-bhāe<caesura/> majjha-cchiṇṇammi bāṇa-ghāukkhitte</l>
<l>ṇivaḍaï bīaddhanto<caesura/> phuḍiosario vva malaa-aḍa-pabbhāro</l>
</lg>
<lg type="stanza" n="37">
<l>bhiṇṇa-giri-dhāu-ambā<caesura/> visama-cchiṇṇa-ppavanta-mahihara-vakkhā</l>
<l>khubbhanti khuhia-maarā<caesura/> āvāāla-gahirā samudduddesā</l>
</lg>
<lg type="stanza" n="38">
<l>āamba-ravi-arāhaa<caesura/>-dara-vihaḍia-dhavala-kamala-maüla-cchāaṃ</l>
<l>bhamaï sara-pūria-muhaṃ<caesura/> ugghāḍia-paṇḍuroaraṃ saṅkha-ulaṃ</l>
</lg>
<lg type="stanza" n="39">
<l>vevanti vihua-macchā<caesura/> sara-ghāukkhuḍia-maara-dāḍhā-dhavalā</l>
<l>maṇi-bhara-visamoṇāmia<caesura/>-lua-visahara-gholira-pphaṇā jala-ṇivahā</l>
</lg>
<lg type="stanza" n="40">
<l>phuṭṭanta-vidduma-vaṇaṃ<caesura/> saṃkhohuvvatta-ṇinta-raaṇa-maūhaṃ</l>
<l>gholaï velāvaḍiaṃ<caesura/> pheṇa-ṇihucchalia-mottiaṃ uvahi-jalaṃ</l>
</lg>
<lg type="stanza" n="41">
<l>jala-pabbāḍia-mukkā<caesura/> khaṇa-metta-tthaïa-pāaḍia-vitthārā</l>
<l>honti pasaṇṇa-kkhuhiā<caesura/> mūallaïa-muhalā samuddāvattā</l>
</lg>
<lg type="stanza" n="42">
<l>valamāṇuvvattanto<caesura/> ekkaṃ cira-āla-pīḍiaṃ siḍhilento</l>
<l>bīeṇa va pāāle<caesura/> pāseṇa ṇisammiuṃ paütto uvahī</l>
</lg>
<lg type="stanza" n="43">
<l>sara-vea-galatthallia<caesura/>-suvela-rubbhanta-sāaraddha-tthaïaṃ</l>
<pb n="30"/>
<l>osaria-dāhiṇa-disaṃ<caesura/> dīsaï ukkhaṇḍiekka-pāsaṃ va ṇahaṃ</l>
</lg>
<lg type="stanza" n="44">
<l>āi-varāheṇa vi je<caesura/> addiṭṭhā mandareṇa vi aṇāliddhā</l>
<l>khuhiā te vi bhaaarā<caesura/> āvāāla-gahirā samudduddesā</l>
</lg>
<lg type="stanza" n="45">
<l>ekkekkammi valanto<caesura/> bāṇa-ppahara-vivare ṇaha-ṇirālambe</l>
<l>khaa-kālāṇala-bhīo<caesura/> paḍaï rasanto rasāale vva samuddo</l>
</lg>
<lg type="stanza" n="46">
<l>dīsanti diṭṭha-mahaṇā<caesura/> puṭṭhi-paḍiṭṭhia-paloṭṭa-mandara-siharā</l>
<l>āsāiāmaa-rasā<caesura/> bāṇa-daḍha-ppahara-mucchiā timi-macchā</l>
</lg>
<lg type="stanza" n="47">
<l>ukkhitta-mahāvattā<caesura/> dara-daḍḍha-vivaṇṇa-vidduma-raa-kkhaürā</l>
<l>āvāāla-valantā<caesura/> dīsanti mahā-bhuaṃga-ṇīsāsa-vahā</l>
</lg>
<lg type="stanza" n="48">
<l>vevaï pemma-ṇialiaṃ<caesura/> sara-saṃdaṭṭa-dhaṇiovaūhaṇa-suhiaṃ</l>
<l>jīeṇa ekkamekkaṃ<caesura/> parirakkhanta-valiaṃ bhuaṃgama-mihuṇaṃ</l>
</lg>
<lg type="stanza" n="49">
<l>moḍia-vidduma-viḍavā<caesura/> dhāvanti jalammi maṇi-ṇihaṃsaṇa-ṇisiā</l>
<l>sippi-uḍa-majjha-ṇiggaa<caesura/>-muha-lagga-tthora-muttiā rāma-sarā</l>
</lg>
<lg type="stanza" n="50">
<l>visa-veo vva pasario<caesura/> jaṃ jaṃ ahilei bahala-dhūmuppīḍo</l>
<l>kajjalaïjjaï taṃ taṃ<caesura/> ruhiraṃ va mahoahissa vidduma-veḍhaṃ</l>
</lg>
<lg type="stanza" n="51">
<l>khuhia-samudduppaïā<caesura/> bāṇukkitta-paḍiekka-vitthaa-vakkhā</l>
<l>visama-bharoṇaa-siharā<caesura/> ṇahaddha-vantha-valiā paḍanti mahiharā</l>
</lg>
<lg type="stanza" n="52">
<l>chiṇṇa-vivaïṇṇa-bhoā<caesura/> kaṇṭha-paḍiṭṭhavia-jīviāgaa-rosā</l>
<l>diṭṭhīhi bāṇa-ṇivahe<caesura/> ḍahiūṇa muanti jīviāi bhuaṃgā</l>
</lg>
<lg type="stanza" n="53">
<l>āūrei rasanto<caesura/> ukkhaḍia-bhuaṃga-bhoa-pabbhārāiṃ</l>
<l>sara-muha-galatthaṇukkhaa<caesura/>-sela-ṭṭhāṇa-vivaroarāi huavaho</l>
</lg>
<lg type="stanza" n="54">
<l>bhiṇṇuvvūḍha-jalaarā<caesura/> dara-diṇṇa-mahā-taraṅga-giri-aḍa-ghāā</l>
<pb n="31"/>
<l>chiṇṇa-paḍiuddha-viddhā<caesura/> phuḍanti māaṅga-maara-danta-pphaḍihā</l>
</lg>
<lg type="stanza" n="55">
<l>jālāloa-vimuhiaṃ<caesura/> salila-taraṅga-parisakkaṇa-parikkhaliaṃ</l>
<l>pariharaï vidduma-vaṇaṃ<caesura/> dhūmāhaa-amba-loaṇaṃ mīṇa-ulaṃ</l>
</lg>
<lg type="stanza" n="56">
<l>uvvattoara-dhavalā<caesura/> dara-ṇiggaha-ḍaḍḍha-jamala-jīhā-ṇivahā</l>
<l>saṃdhenti uppaantā<caesura/> thora-taraṃga-viaḍantarāi bhuaṃgā</l>
</lg>
<lg type="stanza" n="57">
<l>dīsanti daruttiṇṇā<caesura/> huāsaṇuttatta-vāa-maa-ṇīsandā</l>
<l>pakkaggāha-ṇahaṅkusa<caesura/>-visama-samukkatta-matthaā kari-maarā</l>
</lg>
<lg type="stanza" n="58">
<l>gholaï gaoṇiattaṃ<caesura/> visama-ṭṭhia-maṇi-silā-ala-paloṭṭantaṃ</l>
<l>jhijjanta-salila-vihalaṃ<caesura/> velā-puliṇa-gamaṇūsuaṃ saṅkha-ulaṃ</l>
</lg>
<lg type="stanza" n="59">
<l>mukka-samudducchaṅgā<caesura/> pakkha-kkhevehi saṃbhama-samuppaïā</l>
<l>abbhuttenti mahiharā<caesura/> ekkakkama-sihara-saṃṭhiaṃ mihi-ṇivahaṃ</l>
</lg>
<lg type="stanza" n="60">
<l>vihaluvvatta-bhuaṃgā<caesura/> chiṇṇa-mahāsura-siruppaaṇa-gambhīrā</l>
<l>mūlutthaṅghia-raaṇā<caesura/> ṇenti rasantā rasāala-jaluppīḍā</l>
</lg>
<lg type="stanza" n="61">
<l>bāṇa-ṇihāucchittā<caesura/> huavaha-jālāhaüppavanta-ppheṇā</l>
<l>aṭṭanti ṇaha-ale ccia<caesura/> mārua-bhiṇṇa-lahuā salila-kallolā</l>
</lg>
<lg type="stanza" n="62">
<l>ṇivvūḍha-visa-tthavaā<caesura/> bhoāaḍḍhaṇa-galanta-gamaṇucchāhā</l>
<l>tuṅga-taraṃga-kkhaliā<caesura/> visamuvvattoarā valanti bhuaṃgā</l>
</lg>
<lg type="stanza" n="63">
<l>vevanti ṇiṇṇaāṇaṃ<caesura/> sara-ṇivaha-cchiṇṇa-saṅkha-vihaḍia-valaā</l>
<l>hattha vva uahi-ṇimiā<caesura/> mukka-ravakkanda-ṇivaḍiāṇa taraṃgā</l>
</lg>
<lg type="stanza" n="64">
<l>huavaha-bharia-ṇiambā<caesura/> jalaara-saṃdaṭṭa-vakkha-uḍa-pabbhārā</l>
<pb n="32"/>
<l>cira-saṃṇiroha-masiṇā<caesura/> dukkheṇa ṇahaṃ samuppaanti mahiharā</l>
</lg>
<lg type="stanza" n="65">
<l>jalaï jalanta-jalaaraṃ<caesura/> bhamaï bhamanta-maṇi-vidduma-laā-jālaṃ</l>
<l>rasaï rasantāvattaṃ<caesura/> bhijjaï bhijjanta-pavvaaṃ uahi-jalaṃ</l>
</lg>
<lg type="stanza" n="66">
<l>āvatta-vivara-bhamiro<caesura/> malaa-maṇi-silā-ala-kkhalia-saṃcāro</l>
<l>gholira-taraṃga-visamo<caesura/> jaha dīsaï sāaro tahea huavaho</l>
</lg>
<lg type="stanza" n="67">
<l>rahasa-palittucchalio<caesura/> je ccia paḍivei malaa-vaṇa-vitthāre</l>
<l>vijjhāa-ṇiattanto<caesura/> te ccea puṇo vi vijjhavei samuddo</l>
</lg>
<lg type="stanza" n="68">
<l>utthambhia-maaraharo<caesura/> maara-vasāmisa-visaṅkhala-sihā-ṇivaho</l>
<l>ṇivaha-ṇisuddha-mahiharo<caesura/> mahihara-kūḍa-viaḍo viambhaï jalaṇo</l>
</lg>
<lg type="stanza" n="69">
<l>jalaṇutthaṅghia-mūlā<caesura/> bāṇukkhitta-paḍiattaṇa-ṇisumbhantā</l>
<l>ṇivaḍanti jaluppīḍā<caesura/> paḍilomāgaa-paḍanta-viaḍāvattā</l>
</lg>
<lg type="stanza" n="70">
<l>dhūmāi jalaï vihaḍaï<caesura/> ṭhāṇaṃ siḍhilei malaï malaücchaṅgaṃ</l>
<l>dhīrassa paḍhama-iṇhaṃ<caesura/> taha vi hu raaṇāaro ṇa bhañjaï pasaraṃ</l>
</lg>
<lg type="stanza" n="71">
<l>bhuaïnda-loaṇāṇaṃ<caesura/> phuṭṭantāṇa a timīṇa sāara-majjhe</l>
<!--phuṭṭantāṇa corrected by GS, phuṭṭhantāṇa in main text!-->
<l>saṃvatta-jalaharāṇa va<caesura/> rāma-sarāṇala-haāṇa ṇīharaï rao</l>
</lg>
<lg type="stanza" n="72">
<l>muha-puñjiaggi-ṇivahā<caesura/> dhūma-sihā-ṇiha-ṇirāa-aḍḍhia-salilā</l>
<l>ṇivaḍanti ṇahukkhittā<caesura/> palaükkā-daṇḍa-saṃṇihā ṇaï-sottā</l>
</lg>
<lg type="stanza" n="73">
<l>aṭṭanta-salila-ṇivaho<caesura/> thoa-tthoa-paḍimukka-puliṇucchaṅgo</l>
<l>dīsaï osakkanto<caesura/> maggāhutto paaṃ paaṃ va samuddo</l>
</lg>
<lg type="stanza" n="74">
<l>jalaṇa-ṇivahammi salilaṃ<caesura/> sāṇala-ṇivahucchalanta-salilammi ṇahaṃ</l>
<l>salila-ṇivahotthaammi a<caesura/> atthāaï ṇaha-ale dasa-disā-akkaṃ</l>
</lg>
<lg type="stanza" n="75">
<l>sihiṇā paavijjante<caesura/> āaṭṭantammi vitthae jala-ṇivahe</l>
<pb n="33"/>
<l>jāā gimha-vilambia<caesura/>-ravi-raha-cakka-masiṇā samuddāvattā</l>
</lg>
<lg type="stanza" n="76">
<l>ṇivvaḍia-dhūma-ṇivaho<caesura/> uddhāia-maragaa-ppahā-milia-siho</l>
<l>vitthiṇṇammi samudde<caesura/> seālomaïlio vva gholaï jalaṇo</l>
</lg>
<lg type="stanza" n="77">
<l>jalaï valavāṇalo via<caesura/> phuṭṭaï selo vva rāma-bāṇāhihao</l>
<l>rasaï jalao vva uahī<caesura/> khuhio laṅghei māruo vva ṇaha-alaṃ</l>
</lg>
<lg type="stanza" n="78">
<l>hoi thimiammi thimio<caesura/> valaï valantammi vihaḍaï visaṃghaḍie</l>
<l>parivaḍḍhiammi vaḍḍhaï<caesura/> salile jhīṇammi ṇavara jhijjaï jalaṇo</l>
</lg>
<lg type="stanza" n="79">
<l>rāma-sarāṇala-paavia<caesura/>-jhijjantoahi-vihatta-taḍa-viccheā</l>
<l>te ccia taha-vitthārā<caesura/> tuṅgā dīsanti dīva-maṇḍali-bandhā</l>
</lg>
<lg type="kulaka">
<label>āikulaaṃ 8</label>
<lg type="stanza" n="80">
<l>ia dāvia-pāālaṃ<caesura/> jalaṇa-sihāvaṭṭamāṇa-jala-saṃghāaṃ</l>
<l>rāmo dalia-mahiharaṃ<caesura/> khavia-bhuaṃga-ṇivahaṃ khavei samuddaṃ</l>
</lg>
<lg type="stanza" n="81">
<l>jala-pabbhāra-paloṭṭia<caesura/>- bhamanta-saṅkha-ula-vihala-mukkakkandaṃ</l>
<l>phuḍia-vaḍavā-muhāṇala<caesura/>-palitta-dara-daḍḍha-saṃcaranta-visaharaṃ</l>
</lg>
<lg type="stanza" n="82">
<l>jhijjanta-jalāloia<caesura/>-kiraṇa-muṇijjanta-raaṇa-pavvaa-siharaṃ</l>
<l>thora-taraṃga-karāhaa<caesura/>-disā-laā-bhagga-paḍia-jalahara-viḍavaṃ</l>
</lg>
<lg type="stanza" n="83">
<l>sāṇala-sara-ṇiddāria<caesura/>-sakesarujjalia-sīha-maara-kkhandaṃ</l>
<l>āsaṇṇa-bhīa-visahara<caesura/>-veḍhia-kari-maara-dhavala-danta-pphalihaṃ</l>
</lg>
<lg type="stanza" n="84">
<l>dhua-pavvaa-sihara<caesura/>-paḍanta-maṇi-silā-bhagga-vidduma-laāveḍhaṃ</l>
<l>dara-ḍaḍḍha-visaharujjhia<caesura/>-visa-paṅka-kkhutta-vihala-kari-maara-ulaṃ</l>
</lg>
<lg type="stanza" n="85">
<l>rundāvatta-paholira<caesura/>-velāvaḍiekkamekka-bhiṇṇa-mahiharaṃ</l>
<l>ṇaha-aru-vilagga-vevira<caesura/>-dhūma-laā-visama-laṅghia-disā-ālaṃ</l>
</lg>
<pb n="34"/>
<lg type="stanza" n="86">
<l>pakkha-parirakkhaṇuṭṭhia<caesura/>-sara-ṇivahāhaa-disā-païṇṇa-mahiharaṃ</l>
<l>phuḍia-jala-majjha-ṇiggaa<caesura/>-phuḍa-raaṇujjoa-saṃdhiubbhaḍa-vivaraṃ</l>
</lg>
<lg type="stanza" n="87">
<l>huavaha-paḍitta-ṇūmia<caesura/>-ṇia-ṇaaṇumhā-visaṃṭhula-maha-ggāhaṃ</l>
<l>parivaḍḍhiekkamekkāṇurāa-sara-pahara-ṇivvalia-saṅkha-ulaṃ</l>
</lg>
</lg>
<trailer>ia pañcamo āsāsao parisamatto</trailer>
</div>
<pb n="35"/>
<div type="canto" n="6">
<head>chaṭṭhao āsāsao</head>
<lg type="kulaka">
<label>āikulaaṃ 5</label>
<lg type="stanza" n="1">
<l>aha ṇiggao jalantaṃ<caesura/> dara-ḍaḍḍha-mahā-bhuaṃga-pāava-ṇivahaṃ</l>
<l>mottūṇa dhūma-bhariaṃ<caesura/> pāāla-vaṇaṃ disā-gao vva samuddo</l>
</lg>
<lg type="stanza" n="2">
<l>mandara-daḍha-parimaṭṭhaṃ<caesura/> palaa-viambhia-varāha-dāḍhullihiaṃ</l>
<l>visamaṃ samuvvahanto<caesura/> rāma-sarāghāa-dūmiaṃ vaccha-aḍaṃ</l>
</lg>
<lg type="stanza" n="3">
<l>gambhīra-vaṇāhoe<caesura/> dīhe deha-sarise bhue vahamāṇo</l>
<l>ahiṇava-candaṇa-gandhe<caesura/> aṇahukkhitte vva malaa-sariā-sotte</l>
</lg>
<lg type="stanza" n="4">
<l>lahuia-kotthuha-virahaṃ<caesura/> mandara-giri-mahaṇa-saṃbhame vi amukkaṃ</l>
<l>tārekkāvali-raaṇaṃ<caesura/> sasi-maïrāmaa-sahoaraṃ vahamāṇo</l>
</lg>
<lg type="stanza" n="5">
<l>garuaṃ uvvahamāṇo<caesura/> hattha-ppharisa-paḍisiddha-vaṇa-veallaṃ</l>
<l>ruhirāruṇa-romañcaṃ<caesura/> khalanta-gaṅgāvalambiaṃ vāma-bhuaṃ</l>
</lg>
</lg>
<lg type="stanza" n="6">
<l>ālīṇo a rahuvaïṃ<caesura/> ṇiaa-cchāāṇulitta-malaa-maṇi-silaṃ</l>
<l>saṃsia-suhoaïvvaṃ<caesura/> dumaṃ laāe vva jāṇaīa virahiaṃ</l>
</lg>
<lg type="stanza" n="7">
<l>sara-ghāa-ruhira-kusumo<caesura/> tivahaa-vallī-piṇaddha-maṇi-raaṇa-phalo</l>
<l>rāma-caraṇesu uahī<caesura/> daḍha-pavaṇāiddha-pāao vva ṇivaḍio</l>
</lg>
<lg type="stanza" n="8">
<l>pacchā a hittha-hiaā<caesura/> jatto ccia ṇiggaā vivalhattha-muhī</l>
<l>hari-caraṇammi tahiṃ cia<caesura/> kamalāambammi tivahaā vi ṇivaḍiā</l>
</lg>
<lg type="stanza" n="9">
<l>aha maüaṃ pi bhara-sahaṃ<caesura/> jampaï thoaṃ pi attha-sārabbhahiaṃ</l>
<!--GS's corrigenda seems to say that maüaṃ pi should be read as maüammi, but
whether this is meant to be a proper correction or a proposed emendation is not clear.
He says, "S.35 Z. 17 lies मि, cf. N. 16" where N16 is the apparatus note "॰अम्मि(!)
RHh"!-->
<l>paṇaaṃ pi dhīra-garuaṃ<caesura/> thui-saṃbaddhaṃ pi aṇaliaṃ salilaṇihī</l>
</lg>
<lg type="stanza" n="10">
<l>duttārattaṇa-garuiṃ<caesura/> thira-dhīra-pariggahaṃ tume ccia ṭhaviaṃ</l>
<l>aṇuvālanteṇa thiiṃ<caesura/> piaṃ ti tuha vippiaṃ mae kaha vi kaaṃ</l>
</lg>
<pb n="36"/>
<lg type="stanza" n="11">
<l>viasanta-raa-kkhaüraṃ<caesura/> maaranda-rasuddhumāa-muhala-mahuaraṃ</l>
<l>uduṇā dumāṇa dijjaï<caesura/> hīraï ṇa uṇo tamappaṇa ccia kusumaṃ</l>
</lg>
<lg type="stanza" n="12">
<l>kiṃ pamhaṭṭha mhi ahaṃ<caesura/> tuha calaṇuppaṇṇa-tivahaā-paḍiuṇṇaṃ</l>
<l>khaa-kālāṇala-khaviaṃ<caesura/> dharaṇi-aluddharaṇa-viluliaṃ appāṇaṃ</l><!-- G. has kalāṇala here, but Basak correctly has kālāṇala (see 5.45) !-->
</lg>
<lg type="stanza" n="13">
<l>calaṇehi muha-virohe<caesura/> dāḍhāghāehi dharaṇi-veḍhuddharaṇe</l>
<l>soa-kilinteṇa tume<caesura/> iṇhiṃ dahamuha-vahe sarehi vilulio</l>
</lg>
<lg type="stanza" n="14">
<l>ṇiaāvatthāhi vi me<caesura/> eaṃ dhīreṇa vippiaṃ dhīra kaaṃ</l>
<l>jaṃ ṇeṇa paaï-sommā<caesura/> kaha vi visaṃvāiā tuha muha-cchāā</l>
</lg>
<lg type="stanza" n="15">
<l>eaṃ tuha eārisa<caesura/>-sura-kajja-sahassa-khea-vīsāma-sahaṃ</l>
<l>jaa-pabbālaṇa-joggaṃ<caesura/> parirakkhasu palaa-rakkhiaṃ jala-ṇivahaṃ</l>
</lg>
<lg type="stanza" n="16">
<l>apariṭṭhia-mūla-alaṃ<caesura/> jatto gammaï tahiṃ dalanta-mahi-alaṃ</l>
<l>ṇa hu salila-ṇibbharaṃ cia<caesura/> khavie vi mamammi duggamaṃ pāālaṃ</l>
</lg>
<lg type="stanza" n="17">
<l>taṃ kālassa ṇisammaü<caesura/> kaha vi darukkitta-dasama-kaṇṭha-kkhaliaṃ</l>
<l>ghaḍia-giri-seu-bandhaṃ<caesura/> cira-ālāuñciaṃ dahamuhammi paaṃ</l>
</lg>
<lg type="kulaka">
<label>juggaaṃ</label>
<lg type="stanza" n="18">
<l>aha jaa-dupparialle<caesura/> dahamuha-kuvieṇa pavaa-vaï-paccakkhaṃ</l>
<l>rahuṇāheṇa samudde<caesura/> vālimmi va bāṇa-ṇiamiammi pasante</l>
</lg>
<lg type="stanza" n="19">
<l>pavaāhivaï-viiṇṇā<caesura/> rāmāṇattī pavaṃgamesu vilaggā</l>
<l>sesa-pphaṇa-vicchūḍhā<caesura/> tihuaṇa-sāra-garuī mahi vva bhuaṃge</l>
</lg>
</lg>
<lg type="stanza" n="20">
<l>to harisa-paḍhama-tulie<caesura/> caliā phuṭṭanta-pamha-visamūsasie</l>
<l>veukkhaa-sīmante<caesura/> pavaā dhuṇiūṇa kesara-saḍugghāe</l>
</lg>
<lg type="stanza" n="21">
<l>pavaa-kkhohia-mahi-ala<caesura/>-dhua-malaa-paḍanta-sihara-mukka-kalaalo</l>
<l>uddhāio aṇāgaa<caesura/>-ghaḍanta-dharaṇihara-saṃkamo vva samuddo</l>
</lg>
<pb n="37"/>
<lg type="stanza" n="22">
<l>kampaï mahenda-selo<caesura/> hari-saṃkhoheṇa dalaï meiṇi-veḍhaṃ</l>
<l>saï-duddiṇa-taṇṇāo<caesura/> ṇavara ṇa uddhāi malaa-vaṇa-kusuma-rao</l>
</lg>
<lg type="stanza" n="23">
<l>to saṃcālia-selaṃ<caesura/> kaha vi tulaggeṇa sama-ghaḍanta-kkampaṃ</l>
<l>dūraṃ pavaṃgama-balaṃ<caesura/> ṇaha-muha-lagga-vasuhaṃ ṇahaṃ uppaïaṃ</l>
</lg>
<lg type="stanza" n="24">
<l>uppaaṇoṇaa-mahi-ala<caesura/>-ṇaï-muha-paḍisotta-patthio salilaṇihī</l>
<l>jala-ṇivahāhaa-siḍhile<caesura/> pavaücchevaṇa-sahe karei mahihare</l>
</lg>
<lg type="stanza" n="25">
<l>phuramāṇa-jalaṇa-piṅgala<caesura/>-ṇirantaruppaïa-pavaa-pellijjanto</l>
<l>jatto dīsaï tatto<caesura/> ṇajjaï dhīma-ṇivaho tti gaaṇuddeso</l>
</lg>
<lg type="stanza" n="26">
<l>dīsaï dūruppaïaṃ<caesura/> uahimmi ahomuhosaranta-cchāaṃ</l>
<l>pāālaṃ va aïntaṃ<caesura/> dharaṇiharuddharaṇa-kaṅkhiaṃ kaï-seṇṇaṃ</l>
</lg>
<lg type="stanza" n="27">
<l>addiṭṭha-disā-ṇivahaṃ<caesura/> jāaṃ pavaa-bala-saṃṇiruddhāloaṃ</l>
<l>vicchiṇṇāava-kasaṇaṃ<caesura/> diasa-muhe vi diasāvasāṇe vva ṇahaṃ</l>
</lg>
<lg type="stanza" n="28">
<l>ovaïā a sarahasaṃ<caesura/> taṃsa-ṭṭhia-puṭṭhi-ṇīsaranta-ravi-arā</l>
<l>selesu mukka-kalaala<caesura/>-paḍirava-bharia-kuharoaresu pavaṃgā</l>
</lg>
<lg type="stanza" n="29">
<l>veovaïāṇa a siṃ<caesura/> jāaṃ dalia-mahi-saṃdhi-bandhaṇa-mukkaṃ</l>
<l>ukkhalia-tuleavvaṃ<caesura/> kaha vi bhuaṃga-dharia-ṭṭhiaṃ giri-ālaṃ</l>
</lg>
<lg type="stanza" n="30">
<l>āḍhattā a tuleuṃ<caesura/> ura-paḍia-visaṭṭa-gaṇḍa-seladdhante</l>
<l>kuvia-maïndovaggia<caesura/>-saṃkhoha-pphiḍia-vaṇa-gae dharaṇihare</l>
</lg>
<lg type="stanza" n="31">
<l>vacchutthaṅghia-kaḍaā<caesura/> to te kaḍaa-paḍiaṭṭalia-vaccha-aḍā</l>
<l>selesu sela-garuā<caesura/> pavaā pavaesu mahiharā a pahuttā</l>
</lg>
<lg type="stanza" n="32">
<l>pavaa-bhua-ṇolliāṇia<caesura/>-mahihara-paḍipellaṇoṇaüṇṇaa-visamā</l>
<l>jāā paloṭṭioahi<caesura/>-vāraṃ-vāra-bhariā mahi-aladdhantā</l>
</lg>
<pb n="38"/>
<lg type="stanza" n="33">
<l>visahia-vajja-ppaharā<caesura/> ukkhammanti khaa-mārua-paḍikkhambhā</l>
<l>agaṇia-varāha-ṇihasā<caesura/> palaa-jalutthaṅgha-pabbalā dharaṇiharā</l>
</lg>
<lg type="stanza" n="34">
<l>jalaovaṭṭha-vimukkā<caesura/> aṇantaroiṇṇa-saraa-vanthāvaḍiā</l>
<l>ekka-kkhevuggāhia<caesura/>-dara-vasuāa-visaā visaṭṭanti girī</l>
</lg>
<lg type="stanza" n="35">
<l>vihuṇanti vihuvvantā<caesura/> valenti selā pavaṃgama-valijjantā</l>
<l>ṇāmenti ṇamijjantā<caesura/> ukkhippantā a ukkhiventi mahi-alaṃ</l>
</lg>
<lg type="stanza" n="36">
<l>dalia-mahi-veḍha-siḍhilā<caesura/> mūlālagga-bhuaïnda-kaḍḍhijjantā</l>
<l>saṃcālijjanta ccia<caesura/> aïnti garuā rasāalaṃ dharaṇiharā</l>
</lg>
<lg type="stanza" n="37">
<l>ṇava-pallava-sacchāā<caesura/> jalaoara-sisira-mārua-viijjantā</l>
<l>vāanti takkhaṇukkhaa<caesura/>-hari-hatthukkhitta-bhembhalā malaa-dumā</l>
</lg>
<lg type="stanza" n="38">
<l>kampijjanta-dharāhara<caesura/>-sihara-samāiḍḍha-jalahara-raüppitthā</l>
<l>gaa-suha-vatta-ṇisaṇṇā<caesura/> vevaï haṃsī sahassavatta-ṇisaṇṇā</l>
</lg>
<lg type="stanza" n="39">
<l>pavaovaūḍha-kaḍḍhia<caesura/>-selabbhantara-bhamanta-visama-kkhaliā</l>
<l>gahiraṃ rasanti vitthaa<caesura/>-vaccha-tthala-ruddha-ṇiggamā ṇaï-sottā</l>
</lg>
<lg type="stanza" n="40">
<l>addhukkhitta-pasiḍhile<caesura/> addha-vaha-bhuaṃga-kaḍḍhiaddhatthamie</l>
<l>ummūlenti rasāala<caesura/>-paṅka-kkhutta-sariā-muhe dharaṇihare</l>
</lg>
<lg type="stanza" n="41">
<l>uvvellaï va ṇirāaṃ<caesura/> pāsallantesu sihara-paḍimuccantaṃ</l>
<l>ukkhippantesu puṇo<caesura/> saṃvellijjaï va mahiharesu ṇaha-alaṃ</l>
</lg>
<lg type="stanza" n="42">
<l>ummūlenti pavaṃgā<caesura/> bhua-siharāruhaṇa-ṇiccala-pariggahie</l>
<l>kaḍaāvaḍaṇutthaṅghia<caesura/>-visama-vivatta-vivaraṃ-muhā dharaṇihare</l>
</lg>
<lg type="stanza" n="43">
<l>hari-bhua-kaḍḍhia-mukkā<caesura/> bhuaṃga-daḍha-veḍhaṇāvalambaṇa-dhariā</l>
<l>bhijjantā vi mahi-ale<caesura/> oallanti ṇa paḍanti candaṇa-viḍavā</l>
</lg>
<pb n="39"/>
<lg type="stanza" n="44">
<l>paḍisamaï ṇaha-ṇibaddho<caesura/> cireṇa bhariabbha-ṇāa-gambhīraaro</l>
<l>hari-bhua-vikkama-pisuṇo<caesura/> aaṇḍa-bhajjanta-dharaṇihara-ṇigghoso</l>
</lg>
<lg type="stanza" n="45">
<l>pāsallanti mahiharā<caesura/> jatto-huttā pavaṃgama-bhua-kkhittā</l>
<l>dhuvvanta-dhāu-ambā<caesura/> tatto-huttā valanti sariā-sottā</l>
</lg>
<lg type="stanza" n="46">
<l>dīsanti pavaa-valiā<caesura/> āvattesu va mahoahissa valantā</l>
<l>sariāṇa ghaḍia-patthia<caesura/>-valanta-salila-valaantaresu mahiharā</l>
</lg>
<lg type="stanza" n="47">
<l>maaranda-garua-vakkhaṃ<caesura/> pāsoallanta-vaṇa-laā-vicchūḍhaṃ</l>
<l>ṇa muaï kusuma-ggocchaṃ<caesura/> āsāia-mahu-rasaṃ pi mahuara-mihuṇaṃ</l>
</lg>
<lg type="stanza" n="48"><!-- galitaka !-->
<l>uppua-surahi-gandha-maaranda-rañjiāiṃ<caesura/>
ṭhia-parilenta-bhamira-bhamaroarañjiāiṃ</l>
<l>kamala-vaṇāi sūra-parimāsa-viasiāiṃ<caesura/>
ucchalie sarāṇa salilammi via-siāiṃ</l>
</lg>
<lg type="stanza" n="49">
<l>daḍha-saṃdāṇia-mūlā<caesura/> valanti vāṇara-bhuāvalambia-siharā</l>
<l>rosuppittha-bhuaṃgama<caesura/>-visamuddha-phaṇā-paṇolliā dharaṇiharā</l>
</lg>
<lg type="stanza" n="50">
<l>sariā saranta-pavahā<caesura/> aṇṇoṇṇa-mahā-ṇaï-ppavaha-palhatthā</l>
<l>khohia-paṅka-kkhaürā<caesura/> valanta-sela-valiā muhuttaṃ vūḍhā</l>
</lg>
<lg type="stanza" n="51">
<l>kaḍḍhijjanti samantā<caesura/> visamuvvattanta-dhavala-kasaṇa-cchāā</l>
<l>mahihara-mūlālaggā<caesura/> rasāaladdha-paḍigholirā bhuaïndā</l>
</lg>
<lg type="stanza" n="52">
<l>galaï sarasaṃ pi kusumaṃ<caesura/> vāi aṇāliddha-bandhaṇaṃ pi kisalaaṃ</l>
<l>rahasummūlia-mahihara<caesura/>-bhaa-vivalāa-vaṇa-devaāṇa laāṇaṃ</l>
</lg>
<pb n="40"/>
<lg type="stanza" n="53"><!-- galitaka !-->
<l>ukkhippanti jaṃ disāsuṃ dharā samattā<caesura/>
teṇa khaṇeṇa ṇajjaï vasuṃdharā samattā</l>
<l>kīraï mahiharehi gaaṇaṃ di-sāla-āṇaṃ<caesura/>
vaḍḍhaï jalaa-sihara-paüṇaṃ disā-laāṇaṃ</l>
</lg>
<lg type="stanza" n="54">
<l>ekkakkeṇa a selaṃ<caesura/> kara-ala-juala-dhariaṃ tulanteṇa kaaṃ</l>
<l>addhatthamiaṃ ca ṇahaṃ<caesura/> addhugghāḍia-rasāalaṃ ca mahi-alaṃ</l>
</lg>
<lg type="stanza" n="55">
<l>sela-ṇiambālaggā<caesura/> pavirala-ṇaï-magga-pāaḍa-taḍa-ccheā</l>
<l>bhuaïnda-pphaṇa-dhariā<caesura/> ṇahaṃ vilagganti meiṇi-aladdhantā</l>
</lg>
<lg type="stanza" n="56"><!-- galitaka !-->
<l>dharaṇihareṇa a caliaṃ calia-kandareṇaṃ<caesura/>
phuṭṭaï gaa-ulaṃ aṇāliddha-kaṃ dareṇaṃ</l>
<l>giri-siharāi sarasa-hariāla-vaṅkiāiṃ<caesura/>
sama-visamaṃ ṇamanti hari-āla-vaṅkiāiṃ</l>
</lg>
<lg type="stanza" n="57">
<l>pāava-siharuttiṇṇo<caesura/> malaa-vaṇa-pavitta-pavaṇa-raa-vitthario</l>
<l>saṃjhā-rāo vva ṇahaṃ<caesura/> apphundaï malia-ravi-araṃ kusuma-rao</l>
</lg>
<lg type="stanza" n="58">
<l>kaḍḍhia-mūla-ṇirantara<caesura/>-rasāalukkhitta-salila-kaddama-ghaḍiā</l>
<l>vaḍḍhanti tti muṇijjaï<caesura/> ṇajjaï ṇa muanti mahi-alaṃ ti mahiharā</l>
</lg>
<lg type="stanza" n="59"><!-- galitaka !-->
<l>siharāi ṇiāi ṇahaṃ mahinda-laddhāiṃ<caesura/>
malaassa a aïṇiāi mahiṃ daladdhāiṃ</l>
<l>viñjha-ṇiambāṇa kaī dappuṇṇāmāṇaṃ<caesura/>
sajjha-aḍāṇa a bhariā dhua-puṇṇāmāṇaṃ</l>
</lg>
<lg type="stanza" n="60">
<l>siharāṇa bhua-sirehiṃ<caesura/> kaḍaāṇa a māviaṃ urehi pamāṇaṃ</l>
<l>vaṇa-vivarehi darīṇaṃ<caesura/> tuliā pavaāṇa agga-hatthehi girī</l>
</lg>
<pb n="41"/>
<lg type="stanza" n="61">
<l>paḍisanta-kaṇṇa-ālaṃ<caesura/> ovatta-muhaṃ pasāriolugga-karaṃ</l>
<l>jhāï ṇu soa-ṇimillaṃ<caesura/> vīsamaï ṇu bhamia-ṇīsahaṃ hatthi-ulaṃ</l>
</lg>
<lg type="stanza" n="62"><!-- galitaka !-->
<l>pāavā a pāsalla-sela-visamāṇiā<caesura/>
cuṇṇiā dalijjanta-daluvvi-samāṇiā</l>
<l>jalaharā a vihaḍanta-mahinda-ravāviā<caesura/>
vaṇa-laā a gholanti mahiṃ dara-vāviā</l>
</lg>
<lg type="stanza" n="63">
<l>ṭuṭṭantā vi sasaddaṃ<caesura/> pavaa-bhua-kkheva-mūla-valiaddhantā</l>
<l>bhuaehi bhoa-bhārā<caesura/> sela-bharaṅkusaïa-pphaṇehi ṇa ṇāā</l>
</lg>
<lg type="stanza" n="64">
<l>dara-dāvia-pāālaṃ<caesura/> dara ukkhitta-vihalosaranta-bhuaṃgaṃ</l>
<l>dīsaï hīrantaṃ miva<caesura/> kaīhi dara-tulia-mahiharaṃ mahi-veḍhaṃ</l>
</lg>
<lg type="stanza" n="65"><!-- galitaka !-->
<l>mīṇa-ulāi avi a siḍhilenti jīviaṃ ṇa a ṇadī harāiṃ<caesura/>
viasante muanti dharaṇihara-saṃbhame ṇaaṇa-dīharāiṃ</l>
<l>mahisa-ulāṇa maṇi-silā-velliāṇa vaṇa-candaṇāsiāṇaṃ<caesura/>
avaseso vi ṇatthi timiruggamāṇa jaha canda-ṇāsiāṇaṃ</l>
</lg>
<lg type="stanza" n="66">
<l>addhe addha-pphuḍiā<caesura/> addhe addha-kaḍaükkhaa-silā-veḍhā</l>
<l>pavaa-bhuāhaa-visaḍhā<caesura/> addhe addha-siharā paḍanti mahiharā</l>
</lg>
<lg type="stanza" n="67">
<l>jassa siharaṃ vivajjaï<caesura/> paḍiaṃ phuḍio a jo dharijjaï selo</l>
<l>so ccea visajjijjaï<caesura/> ukkhantūṇa vi apūramāṇammi bhare</l>
</lg>
<lg type="stanza" n="68"><!-- galitaka !-->
<l>loaṇa-vattantarie kaṇe ruantīo<caesura/>
dhārenti bāhamaïe kaṇeru-antīo</l>
<l>maṇṇenti a āsāaṃ visaṃ ṇava-aṇassa<caesura/>
virahammi jūha-vaïṇo visaṇṇa-vaaṇassa</l>
</lg>
<pb n="42"/>
<lg type="stanza" n="69">
<l>seluddharaṇārosia<caesura/>-bhuaïnda-ṇirāaa-pphaṇa-ṇisammantī</l>
<l>jaha jaha saṃkhohijjaï<caesura/> taha taha kaï-deha-bhara-sahā hoi mahī</l>
</lg>
<lg type="stanza" n="70">
<l>saṃcālia-ṇikkampā<caesura/> bhuā-ṇihāa-visamukkhaa-silā-veḍhā</l>
<l>khuḍiā siharaddhesu a<caesura/> pavaehi ṇiamba-bandhaṇesu a selā</l>
</lg>
<lg type="stanza" n="71">
<l>uṇṇāmiaṃ miva ṇahaṃ<caesura/> dūraṃ osāriā viva disāhoā</l>
<l>ummūlantehi dhare<caesura/> pasāriaṃ miva pavaṃgamehi mahi-alaṃ</l>
</lg>
<lg type="stanza" n="72">
<l>dīsaï kaï-ṇivahukkhaa<caesura/>-dharāhara-ṭṭhāṇa-gahira-vivaruttiṇṇo</l>
<l>uppāāava-ambo<caesura/> sesāhi-pphaṇa-maṇi-ppahā-vicchaḍḍo</l>
</lg>
<lg type="stanza" n="73">
<l>kelāsa-diṭṭha-sāraṃ<caesura/> garuaṃ pi bhuā-balaṃ ṇisāara-vaïṇo</l>
<l>pavaehi pāḍiekkaṃ<caesura/> ekka-karukkhitta-mahiharehi lahuïaṃ</l>
</lg>
<lg type="stanza" n="74">
<l>ukkhaa-giri-vivarovaia-diṇaarāava-milanta-tama-saṃghāaṃ</l>
<l>jāaṃ pavirala-timiraṃ<caesura/> āvaṇḍura-dhūma-dhūsaraṃ pāālaṃ</l>
</lg>
<lg type="stanza" n="75">
<l>pavaehi a ṇiravekkhaṃ<caesura/> kao karantehi girisa-vāsuddharaṇaṃ</l>
<l>sāmia-kajjekka-raso<caesura/> aasa-muhe vi jasa-bhāaṇaṃ appāṇo</l>
</lg>
<lg type="stanza" n="76">
<l>honti garuā vi lahuā<caesura/> pavaṃga-bhua-sihara-ṇimia-vitthaa-mūlā</l>
<l>rahasuddhāia-mārua<caesura/>-dūrukkhittojjharā dharāhara-ṇivahā</l>
</lg>
<lg type="stanza" n="77">
<l>aha veeṇa pavaṃgā<caesura/> saalaṃ āaḍḍhiūṇa mahihara-ṇivahaṃ</l>
<l>ovaaṇāhi vi lahuaṃ<caesura/> vīsajjia-kalaalaṃ ṇahaṃ uppaïā</l>
</lg>
<lg type="stanza" n="78">
<l>caḍulehi ṇippaampā<caesura/> uppaïavva-lahuehi vitthaa-garuā</l>
<l>ekka-kkheveṇa ṇahaṃ<caesura/> pakkhehi va mahiharā kaīhi vilaïā</l>
</lg>
<lg type="stanza" n="79">
<l>pavaakkanta-vimukkaṃ<caesura/> visamuddha-pphuḍia-patthia-ṇiattantaṃ</l>
<l>ghaḍiaṃ ghaḍanta-ṇaï-muha<caesura/>-saṃdāṇia-sela-ṇiggamaṃ mahi-veḍhaṃ</l>
</lg>
<pb n="43"/>
<lg type="stanza" n="80">
<l>hīranta-mahiharāhiṃ<caesura/> maīhi bhaa-hittha-patthia-ṇiattāhiṃ</l>
<l>mohanti khaṇa-vivattia<caesura/>-sasaṃbhamummuha-paloiāi vaṇāiṃ</l>
</lg>
<lg type="stanza" n="81">
<l>ummūliāṇa khuḍiā<caesura/> ukkhippantāṇa ujjuaṃ osariā</l>
<l>ṇijjantāṇa ṇirāā<caesura/> girīṇa maggeṇa patthiā ṇaï-sottā</l>
</lg>
<lg type="stanza" n="82">
<l>ummuha-sāraṅga-aṇaṃ<caesura/> apphundaï malia-meha-sāraṃ gaaṇaṃ</l>
<l>vivarabbhantara-vihaaṃ<caesura/> giri-ālaṃ sihara-paribhamanta-ravi-haaṃ</l>
</lg>
<lg type="stanza" n="83">
<l>aṃsa-ṭṭhavia-mahiharā<caesura/> ubbhia-dāhiṇa-karāvalambia-siharā</l>
<l>uttāṇa-vāma-kara-ala<caesura/>-dharia-ṇiamba-pasarā ṇiattanti kaī</l>
</lg>
<lg type="stanza" n="84">
<l>patthāṇa ccia paḍhamaṃ<caesura/> bhua-metta-pahāviāṇa jaṃ ṇa pahuttaṃ</l>
<l>kaha taṃ cia tāṇaṃ cia<caesura/> pahuppaï kaīṇa mahiharāṇa a gaaṇaṃ</l>
</lg>
<lg type="stanza" n="85">
<l>vahaï pavaṃgama-loo<caesura/> sama-tuliukkhitta-milia-mūladdhante</l>
<l>ekkakkama-siharuggama<caesura/>-ṇihasuppusia-sariā-muhe dharaṇihare</l>
</lg>
<lg type="stanza" n="86">
<l>ṇivvaṇṇeūṇa ciraṃ<caesura/> pavaā bolenti mahihara-bharakkantā</l>
<l>sāara-paḍirūāiṃ<caesura/> paḍhamukkhaa-viaḍa-mahihara-ṭṭhāṇāiṃ</l>
</lg>
<lg type="stanza" n="87">
<l>khaṇa-saṃdhia-meha-aḍā<caesura/> veukkhippanta-giriṇirāa-ṭṭhaviā</l>
<l>parivaḍḍhantāāmā<caesura/> vahanti va ṇahaṅgaṇe mahā-ṇaï-sottā</l>
</lg>
<lg type="stanza" n="88">
<l>selesu sela-tuṅgā<caesura/> ṇaha-ala-miliesu milia-danta-pphalihā</l>
<l>pavaa-vihuesu vihuā<caesura/> ṇivvaḍiesu vi ṇa ṇivvalanti vaṇa-gaā</l>
</lg>
<lg type="stanza" n="89">
<l>vevira-paoharāṇaṃ<caesura/> disāṇa giri-vivara-diṭṭha-taṇu-majjhāṇaṃ</l>
<l>kusuma-raeṇa surahiṇā<caesura/> agghāeṇa va ṇimīliāi muhāiṃ</l>
</lg>
<lg type="stanza" n="90">
<l>pavaā kara-ala-dharie<caesura/> ṇaha-muha-ṇibbhiṇṇa-vevamāṇa-visahare</l>
<l>gaï-vasa-visaṭṭa-sihare<caesura/> biïa-karehi parisaṃṭhaventi mahihare</l>
</lg>
<pb n="44"/>
<lg type="stanza" n="91">
<l>ṇaha-ala-vea-pahāvia<caesura/>-pavaṃga-hīranta-sela-sihara-kkhaliā</l>
<l>maggāgaa-selāṇaṃ<caesura/> honti muhuttojjharā mahā-ṇaï-sottā</l>
</lg>
<lg type="stanza" n="92">
<l>veukkhaa-duma-ṇivahe<caesura/> taḍa-pabbhāra-ṇiha-ṇivvalanta-jalahare</l>
<l>ṇenti jaraḍhāavāhaa<caesura/>-dari-vivara-ṇisaṇṇa-gaa-ule dharaṇihare</l>
</lg>
<lg type="stanza" n="93">
<l>dhāvaï vea-pahāvia<caesura/>-pavaṃga-hīranta-sela-siharantario</l>
<l>chāāṇumagga-laggo<caesura/> turiaṃ chiṇṇāao vva malaücchaṅgo</l>
</lg>
<lg type="stanza" n="94">
<l>āloiā ṇa diṭṭhā<caesura/> saccaviā ṇa gahiā samovaïehiṃ</l>
<l>ummūliā vi jehiṃ<caesura/> tehi ṇa uahiṃ ṇiā kaīhi mahiharā</l>
</lg>
<lg type="stanza" n="95">
<l>bhagga-duma-bhaṅga-bhario<caesura/> ukkhitta-visaṭṭa-paḍia-mahihara-visamo</l>
<l>pavaāṇa uahi-laggo<caesura/> lakkhijjaï biia-saṃkamo vva gaï-vaho</l>
</lg>
<lg type="stanza" n="96">
<l>veeṇa gahia-selaṃ<caesura/> velā-bolenta-paḍiṇiattovaïaṃ</l>
<l>jāaṃ rāmāhimuhaṃ<caesura/> aṇurāupphulla-loaṇaṃ kaï-seṇṇaṃ</l>
</lg>
<trailer>ia siri-pavaraseṇa-viraïe dahamuhavahe mahākavve chaṭṭho āsāsao</trailer>
</div>
<pb n="45"/>
<div type="canto" n="7">
<head>sattamo āsāsao</head>
<lg type="stanza" n="1">
<l>aha te vikkama-ṇihasaṃ<caesura/> dahavaaṇa-paāva-laṅghaṇagga-kkhandhaṃ</l>
<l>āḍhattā viraeuṃ<caesura/> sāsaa-rāma-jasa-lañchaṇaṃ seu-vahaṃ</l>
</lg>
<lg type="stanza" n="2">
<l>ṇavari a mahi-ala-dhariā<caesura/> mukkā uahimmi vāṇarehi mahiharā</l>
<l>āi-varāha-bhuehi va<caesura/> palaüvvahaṇa-daliā mahi-aladdhantā</l>
</lg>
<lg type="stanza" n="3">
<l>ṇivaḍantammi ṇa diṭṭho<caesura/> dūrovaïammi kampio giri-ṇivahe</l>
<l>khaṇa-paḍiammi vilulio<caesura/> atthamiammi parivaḍḍhio salilaṇihī</l>
</lg>
<lg type="stanza" n="4">
<l>ṇihaüvvatta-jalaaraṃ<caesura/> kaḍḍhia-kāṇaṇa-bhamanta-bhamirucchaṅgaṃ</l>
<l>jāaṃ kalasu-cchāaṃ<caesura/> paḍhamucchaliāgaaṃ mahoahi-salilaṃ</l>
</lg>
<lg type="stanza" n="5">
<l>salilatthamia-mahiharo<caesura/> puṇo vi addiṭṭha-milia-giri-saṃghāo</l>
<l>taha-ghaḍia-pavvao via<caesura/> dīsaï ṇaha-sāarantarāluddeso</l>
</lg>
<lg type="stanza" n="6">
<l>jaṇiaṃ paḍivakkha-bhaaṃ<caesura/> tuliā selā dhuo kaīhi samuddo</l>
<l>ṇa hu ṇavara hiaa-sārā<caesura/> ārambhā vi garuā mahā-lakkhāṇaṃ</l>
</lg>
<lg type="stanza" n="7">
<l>jo dīsaï dharaṇiharo<caesura/> ṇajjaï eeṇa bajjhaï tti samuddo</l>
<l>uahimmi uṇa vaḍantā<caesura/> kattha gaa tti salileṇa ṇajjanti dharā</l>
</lg>
<lg type="stanza" n="8">
<l>saala-mahi-veḍha-viaḍo<caesura/> sihara-sahassa-paḍiruddha-raï-raha-maggo</l>
<l>ia tuṅgo vi mahiharo<caesura/> timiṅgilassa vaaṇe taṇaṃ va paṇaṭṭho</l>
</lg>
<lg type="stanza" n="9">
<l>pavvaa-siharucchittaṃ<caesura/> dhāvaï jaṃ jaṃ jalaṃ ṇahaṅgaṇa-huttaṃ</l>
<l>taṃ taṃ raaṇehi samaṃ<caesura/> dīsaï ṇakkhatta-maṇḍalaṃ va paḍantaṃ</l>
</lg>
<pb n="46"/>
<lg type="stanza" n="10">
<l>vāṇara-veāiddhā<caesura/> pihula-valanta-ṇiaojjhara-parikkhittā</l>
<l>appatta ccia uahiṃ<caesura/> bhamanti āvatta-maṇḍalesu va selā</l>
</lg>
<lg type="stanza" n="11">
<l>khaṇa-melia-ppaviddho<caesura/> siharantara-ṇinta-ritta-vāṇara-loo</l>
<l>pacchā paḍaï samudde<caesura/> aṇṇo milaï paḍhamaṃ ṇahe giri-ṇivaho</l>
</lg>
<lg type="stanza" n="12">
<l>dīhā valanta-viaḍā<caesura/> rasanti uahimmi mārua-bharijjantā</l>
<l>pāāloara-gahirā<caesura/> rahasoviddhāṇa mahiharāṇa gaï-vahā</l>
</lg>
<lg type="stanza" n="13">
<l>ukkhitta-vimukkāiṃ<caesura/> ṇahammi ekkekkamāvaḍaṇa-bhiṇṇāiṃ</l>
<l>vajja-bhaüppitthāi va<caesura/> paḍanti raaṇāare giri-sahassāiṃ</l>
</lg>
<lg type="stanza" n="14">
<l>bhiṇṇa-silā-ala-siharā<caesura/> ṇiaa-dumosaria-kusuma-raa-dhūsariā</l>
<l>paḍhamaṃ paḍanti selā<caesura/> pacchā vāuddhuā mahā-ṇaï-sottā</l>
</lg>
<lg type="stanza" n="15">
<l>ṇimmala-salilabbhantara<caesura/>-vihatta-dīsanta-visama-gaï-saṃcārā</l>
<l>ṇāsanti ṇiccala-ṭṭhia<caesura/>-pavaṃgamāloiā cireṇa mahiharā</l>
</lg>
<lg type="stanza" n="16">
<l>pheṇa-kusumantaruttiṇṇa-kesarāāra-vevira-maūhāiṃ</l>
<l>sūenti pavantāiṃ<caesura/> mūlukkhuhiaṃ mahoahiṃ raaṇāiṃ</l>
</lg>
<lg type="stanza" n="17">
<l>vihuṇaï velaṃ va mahiṃ<caesura/> bhindaï samaaṃ va dharaṇihara-saṃghāaṃ</l>
<l>geṇhaï bhaaṃ va gaaṇaṃ<caesura/> muaï sahāaṃ va sāaro pāālaṃ</l>
</lg>
<lg type="stanza" n="18">
<l>palhatthanti valantā<caesura/> cala-viḍavantara-ṇiatta-taru-pārohā</l>
<l>mūluṇṇāmia-jalaā<caesura/> ahomuhandoliojjharā dharaṇiharā</l>
</lg>
<lg type="stanza" n="19">
<l>aṭṭhia-paḍanta-mahihara<caesura/>-dūruṭṭhia-jala-raandhaāratthamie</l>
<l>sāhaï ṇavara paḍante<caesura/> pakkhuhia-samudda-paḍirao dharaṇihare</l>
</lg>
<lg type="stanza" n="20">
<l>dara-dhoa-kesara-saḍā<caesura/> pāālumha-giri-dhāu-kaddamia-muhā</l>
<l>paḍisakkanti pavaṃgā<caesura/> palhatthia-mahiharūsasanta-kkhandhā</l>
</lg>
<pb n="47"/>
<lg type="stanza" n="21">
<l>vialantojjhara-lahuā<caesura/> pavaṇa-vihuvvanta-pāavuddha-paallā</l>
<l>pavaehi uddha-mukkā<caesura/> siharehi paḍanti sāarammi mahiharā</l>
</lg>
<lg type="stanza" n="22">
<l>atthamia-sela-maggā<caesura/> bhiṇṇa-ṇiattanta-salila-puñjia-kusumā</l>
<l>honti hariāla-kavilā<caesura/> dāṇa-suandhuppavanta-gaaduma-bhaṅgā</l>
</lg>
<lg type="stanza" n="23">
<l>atthāanti sarosā<caesura/> salila-daratthamia-sela-siharāvaḍiā</l>
<l>ekkāvatta-valantā<caesura/> dhuvvantāamba-loaṇā vaṇa-mahisā</l>
</lg>
<lg type="stanza" n="24">
<l>bhiṇṇa-miliaṃ pi bhijjaï<caesura/> puṇo vi ekkakkamāvaloaṇa-suhiaṃ</l>
<l>selatthamaṇa-ṇaüṇṇaa<caesura/>-taraṅga-hīranta-kāaraṃ hariṇa-ulaṃ</l>
</lg>
<lg type="stanza" n="25">
<l>dāḍhā-vibhiṇṇa-kumbhā<caesura/> kari-maarāṇa thira-hattha-kaḍḍhijjantā</l>
<l>mottā-gabbhiṇa-soṇia<caesura/>-bheranta-muha-kandarā rasanti maïndā</l>
</lg>
<lg type="stanza" n="26">
<l>uvvattia-kari-maarā<caesura/> paḍanti paḍia-giri-saṃbhamubbhaḍa-rosā</l>
<l>ovaïa-maara-ṇiddaa<caesura/>-lua-gattāvara-visaṃṭhulā māaṅgā</l>
</lg>
<lg type="stanza" n="27">
<l>vihua-pavāla-kisalaaṃ<caesura/> sela-daratthamia-dari-muha-valantīhiṃ</l>
<l>āveḍha-pahuppantaṃ<caesura/> vīīhi dumesu vaṇa-laāhi va bhamiaṃ</l>
</lg>
<lg type="stanza" n="28">
<l>giri-ṇivahehi rasantaṃ<caesura/> ukkhammantehi ṇivaḍiehi a samaaṃ</l>
<l>dharaṇīa sāarassa a<caesura/> ugghāḍijjaï ṇirantaraṃ pāālaṃ</l>
</lg>
<lg type="stanza" n="29">
<l>veāviddha-valantā<caesura/> muhala-valantojjharāvali-parikkhittā</l>
<l>saṃvellia-ghaṇa-ṇivahā<caesura/> valia-laāliṅgiā paḍanti mahiharā</l>
</lg>
<lg type="stanza" n="30">
<l>ekkakkamāvaḍantā<caesura/> ṇiaa-bhua-kkheva-bhiṇṇa-seladdhantā</l>
<l>ṇinti dhua-kesara-saḍā<caesura/> gaaṇucchalia-salilotthaā kaï-ṇivahā</l>
</lg>
<lg type="stanza" n="31">
<l>dīsaï vāraṃ vāraṃ<caesura/> giri-ghāukkhitta-salila-reia-bhariaṃ</l>
<l>pāālaṃ va ṇaha-alaṃ<caesura/> ṇaha-vivaraṃ va viaḍoaraṃ pāālaṃ</l>
</lg>
<pb n="48"/>
<lg type="stanza" n="32">
<l>saṃkhoha-bhiṇṇa-mahi-ala<caesura/>-galia-jalolugga-paṅkaa-vaṇucchaṅgā</l>
<l>vihala-gaïndālambia<caesura/>-phuḍia-paḍanta-siharā paḍanti mahiharā</l>
</lg>
<lg type="stanza" n="33">
<l>rasaï giri-ghāa-bhiṇṇo<caesura/> tīraṃ laṅghei valaï visama-kkhalio</l>
<l>pāvaï mahaṇāvatthaṃ<caesura/> ṇavara ṇa ṇiddei sāaro amaa-rasaṃ</l>
</lg>
<lg type="stanza" n="34">
<l>ukkhaa-ṇisuddha-selo<caesura/> saṃsaïa-samudda-ghora-mukkakkando</l>
<l>rakkhasa-purīa kaha ā<caesura/> gamaṇovāo vi dāruṇa-samārambho</l>
</lg>
<lg type="stanza" n="35">
<l>veukkhaliuddhāia<caesura/>-ṇaha-bhamira-phuranta-kañcaṇa-silā-veḍhaṃ</l>
<l>kusuma-suandha-raālaṃ<caesura/> palhatthaï pavaa-ṇolliaṃ dhara-ālaṃ</l>
</lg>
<lg type="stanza" n="36">
<l>vaḍḍhaï pavaa-kalaalo<caesura/> valaï valanta-valaā-muho salilaṇihī</l>
<l>pavaṇa-ṇirāia-rukkhā<caesura/> paḍanti uddha-ṭṭhiojjharā dharaṇiharā</l>
</lg>
<lg type="stanza" n="37">
<l>dūrāiddha-ṇiattā<caesura/> moḍia-malia-hariandaṇa-maïjjantā</l>
<l>uahiṃ rahasukkhittā<caesura/> āsāenti virasaṃ mahā-ṇaï-macchā</l>
</lg>
<lg type="stanza" n="38">
<l>āsīvisa-maṇi-ambā<caesura/> palhatthanti vihaḍanta-visama-ṇiambā</l>
<l>duma-ṇivahovari-hariā<caesura/> darīsu selā ravi-ppahā-varihariā</l>
</lg>
<lg type="stanza" n="39">
<l>dhariaṃ veovattaṃ<caesura/> giri-ghāucchitta-pāṇiammi samudde</l>
<l>valiūṇa bhuaa-vaïṇā<caesura/> kaha vi tulagga-visamāaaṃ mahi-veḍhaṃ</l>
</lg>
<lg type="stanza" n="40">
<l>vajja-bhaaṃ dharaṇiharā<caesura/> āi-varāha-khura-pellaṇāi vasumaī</l>
<l>samaaṃ cia pamhaṭṭhaṃ<caesura/> saṃbhario mahaṇa-saṃbhamaṃ ca samuddo</l>
</lg>
<lg type="stanza" n="41"><!-- galitaka !-->
<l>malaa-candaṇa-laā-hare saṃbharamāṇao<caesura/>
ṇiaa-mahaṇa-dukkhaṃ miva saṃbharamāṇao</l>
<l>rasaï selā-siharāhihao sariā-vaī<caesura/>
dahamuhassa doseṇa samosariāvaī</l>
</lg>
<pb n="49"/>
<lg type="stanza" n="42">
<l>jala-vaṭṭhatthamiesu a<caesura/> uddhāi girīsu malia-vidduma-ambo</l>
<l>āvalia-cuṇṇiesuṃ<caesura/> dhua-dhāu-rao vva sīhara-raügghāo</l>
</lg>
<lg type="stanza" n="43"><!-- galitaka !-->
<l>sela-sihara-saṃkhohia-kallolantaaṃ<caesura/>
galia-dhāu-rasa-rāia-ka-llolantaaṃ</l>
<l>rasaï uahi-salilaṃ dharesu valamāṇaaṃ<caesura/>
bhagga-candaṇa-rasosahi-ṇivvalamāṇaaṃ</l>
</lg>
<lg type="stanza" n="44">
<l>giri-ṇivvalia-paḍantā<caesura/> uddhaa-jala-mūla-milia-pattala-viḍavā</l>
<l>lahuattaṇuppavantā<caesura/> gaaṇam aṇāaḍḍhiā vi lagganti dumā</l>
</lg>
<lg type="stanza" n="45"><!-- galitaka !-->
<l>pavaa-balehi rāa-saṃjāa-maccharehiṃ<caesura/>
gaaṇa-ṇirāa-bhiṇṇa-ghaṇa-bhesiaccharehiṃ</l>
<l>phuḍa-dhavalagga-danta-paḍipelliāharehiṃ<caesura/>
bhijjaï sāarassa salilaṃ dharāharehiṃ</l>
</lg>
<lg type="stanza" n="46">
<l>pavaṇa-bharanta-dari-muhaṃ<caesura/> pavaṇa-suakkanta-vihalia-silā-veḍhaṃ</l>
<l>paḍaï siharojjharuggaa<caesura/>-mahinda-dhaṇu-gabbhiṇaṃ mahinda-kkhaṇḍaṃ</l>
</lg>
<lg type="stanza" n="47"><!-- galitaka !-->
<l>gaaṇa-alammi sela-saṃghaṭṭa-vāriāṇaṃ<caesura/>
otthariaṃ raveṇa jala-bharia-vāriāṇaṃ</l>
<l>bahumāṇaṃ laā-harāiṃ saandalāiṃ<caesura/>
kiṃ paḍiaṃ ṇa hoi siharaṃ saaṃ dalāiṃ</l>
</lg>
<lg type="stanza" n="48">
<l>lakkhijjanti samudde<caesura/> giri-ghāuvvatta-maara-visamukkittā</l>
<l>chea-pasaranta-ruhirā<caesura/> pheṇa-milantā vi camari-vāladdhantā</l>
<!--vāladdhantā corrected by GS, bāladdhantā in main text!-->
</lg>
<pb n="50"/>
<lg type="stanza" n="49"><!-- galitaka !-->
<l>siddha-aṇo bhaeṇa muñcaï laā-harāiṃ<caesura/>
suraa-visesa-jāa-seollaāharāiṃ</l>
<l>giri-sariā-muhāi ṇāsanti sāsaāiṃ<caesura/>
bhamaï mahoahissa salilaṃ disā-saāiṃ</l>
</lg>
<lg type="stanza" n="50">
<l>bhamaï samukkhitta-karaṃ<caesura/> gaa-vaï-vāria-pavitta-pakkaggāhaṃ</l>
<l>vihalutthaṅghia-kalahaṃ<caesura/> viaḍāvatta-muham āgaaṃ gaa-jūhaṃ</l>
</lg>
<lg type="stanza" n="51"><!-- galitaka !-->
<l>samuha-paḍanta-viaḍa-giri-sihara-velliāṇaṃ<caesura/>
vīi-parikkhalanta-pavaṇa-vasa-velliāṇaṃ</l>
<l>diṭṭhiṃ dei rāhavo kaha vi jā ṇaīṇaṃ<caesura/>
tā virahei ṇavara hiaammi jāṇaī ṇaṃ</l>
</lg>
<lg type="stanza" n="52">
<l>dara-daḍḍha-vidduma-vaṇā<caesura/> uddhāanti sihi-kajjalia-saṅkha-ulā</l>
<l>pāāla-lagga-kaḍḍhia<caesura/>-rāma-sarolugga-pattaṇā jala-ṇivahā</l>
</lg>
<lg type="stanza" n="53">
<l>bhīa-ṇisaṇṇa-jalaaraṃ<caesura/> paloṭṭa-ṇiaa-bhara-bhiṇṇa-vakkha-mahiharaṃ</l>
<l>dīsaï vihiṇṇa-salilaṃ<caesura/> kuviuddhāia-bhuaṃgamaṃ pāālaṃ</l>
</lg>
<lg type="stanza" n="54">
<l>khuhia-samuddāhimuhā<caesura/> taṃsa-ṭṭhia-mahiharosaranta-kkhaliā</l>
<l>kari-maara-baddha-lakkhā<caesura/> kari-maara-paḍicchiā paḍanti gaïndā</l>
</lg>
<lg type="stanza" n="55">
<l>ṇa vi taha pavaāviddhā<caesura/> viaḍa-ṇiamba-garuā rasāala-mūlaṃ</l>
<l>jaha ucchaliuddhāia<caesura/>-salila-bharovāhiā aïnti mahiharā</l>
</lg>
<lg type="stanza" n="56">
<l>utthaṅghia-duma-ṇivahā<caesura/> giri-ghāuvvatta-mucchia-mahā-macchā</l>
<l>velā-sela-kkhaliā<caesura/> uddhaṃ bhijjanti uahi-jala-kallolā</l>
</lg>
<lg type="stanza" n="57">
<l>addhatthamia-visaṃṭhula<caesura/>-gaa-jūhārūḍha-sihara-vihalassa ṇahaṃ</l>
<l>jīaṃ va jhatti ṇajjaï<caesura/> girissa kuharāhi uggaaṃ sura-mihuṇaṃ</l>
</lg>
<pb n="51"/>
<lg type="stanza" n="58">
<l>dhariā bhuehi selā<caesura/> selehi dumā dumehi ghaṇa-saṃghāā</l>
<l>ṇa vi ṇajjaï kiṃ pavaā<caesura/> seuṃ bandhanti o miṇenti ṇaha-alaṃ</l>
</lg>
<lg type="stanza" n="59"><!-- galitaka !-->
<l>rahasa-visajjiekkamekkā valanta-dhua-paḍia-maṇi-silā sāarammi ṇivaḍanti dhara-ṇihāā<caesura/>
malia-mahā-bhuaṃga-bhagga-pphaṇoarosaria-saṃpuḍaṃ rasāalaṃ dummenti dharaṇi-hāā</l>
<l>ṇāsaï jaṃ jalaṃ sāarassa cuṇṇia-maṇosilā-aḍa-paḍanta-sela-sandāruṇaṃ phalantaṃ<caesura/>
daria-ṇisāarenda-hīranta-jāṇaī-bāha-ṇibbhara-puloiassa kira dāruṇaṃ phalaṃ taṃ</l>
</lg>
<lg type="stanza" n="60"><!-- galitaka !-->
<l>sela-silāhaā samuddoare maṇīṇaṃ<caesura/>
cuṇṇijjanti vittharā raaṇa-gāmaṇīṇaṃ</l>
<l>bharaï ṇahaṅgaṇaṃ aṇivviṇṇa-meha-lāṇaṃ<caesura/>
haṃsa-ulāvalīṇa vaṇa-rāi-mehalāṇaṃ</l>
</lg>
<lg type="stanza" n="61"><!-- galitaka !-->
<l>rasaï rasāalaṃ dalaï meiṇī ṇisubbhanti jalaa-ṇivahā parīi gaaṇaṅgaṇe kavi-aṇo<caesura/>
<!--meiṇī corrected by GS, seiṇī in main text!-->
osubbhanti mahiharā mahiharāhihao sāaro vi suiraṃ thalammi gholaï amukka-viaṇo</l>
<l>kusuma-pasāhaṇaṃ miva sa-muddha-pallavaṃ sāarammi paḍiāṇa viḍava-laggaṃ dumāvalīṇaṃ<caesura/>
jāaṃ bhiṇṇa-sippi-uḍa-majjha-ṇiggaa-tthora-dhavala-mottā-vihūsaṇaṃ viddumāvalīṇaṃ</l>
</lg>
<lg type="stanza" n="62"><!-- galitaka !-->
<l>atthamiāṇa mahiharāṇa samaccharehiṃ<caesura/>
parimaliāi vaṇa-gaehi samaccharehiṃ</l>
<l><pb n="52"/>sāhaï kusuma-reṇumaïo dhao vvaṇāiṃ<caesura/>
aviraa-ṇimmahanta-mahu-gandha-ovvaṇāiṃ</l>
</lg>
<lg type="stanza" n="63">
<l>vahaï pavaṃgama-loo<caesura/> pahuppaï ṇahaṅgaṇaṃ paḍicchaï uahī</l>
<l>dei mahī vi mahihare<caesura/> taha vi hu dūra-viaḍoaraṃ pāālaṃ</l>
</lg>
<lg type="stanza" n="64">
<l>ia khohenti pavaṃgā<caesura/> thoa-virāa-giri-paṅka-ṇivvua-mahisaṃ</l>
<l>duma-milia-vidduma-vaṇaṃ<caesura/> thala-sāvaa-milia-jalaaraṃ maaraharaṃ</l>
</lg>
<lg type="stanza" n="65">
<l>vaṇa-gaa-gandhārosia<caesura/>-jambhāanta-paḍiuddha-kesari-maaraṃ</l>
<l>samuha-paḍanta-dharāhara<caesura/>-bhīa-valanta-bhuaïnda-jaṇiāvattaṃ</l>
</lg>
<lg type="stanza" n="66">
<l>atthāanta-vaṇa-tthali<caesura/>-pariṇāmolugga-paṇḍu-vatta-tthaïaṃ</l>
<l>maaṇa-duma-bhaṅga-ṇiggaa<caesura/>-kasāa-rasa-maïa-vihala-gholira-macchaṃ</l>
</lg>
<lg type="stanza" n="67">
<l>dharaṇihara-bhāra-vellia<caesura/>-pallava-dala-muddha-vellia-laā-jālaṃ</l>
<l>visavaṇṇavāavāhaa<caesura/>-pavvāanta-visavaṇṇa-vāava-kusumaṃ</l>
</lg>
<lg type="stanza" n="68">
<l>āvatta-bhamira-mahihara<caesura/>-siharojjhara-sīharandhaāria-gaaṇaṃ</l>
<l>paḍiosahi-gandhāhaa<caesura/>-pāāla-samucchalanta-vihala-visaharaṃ</l>
</lg>
<lg type="stanza" n="69">
<l>āvatta-maṇḍaloara<caesura/>-valanta-sela-kaḍaa-ppahāmijjantaṃ</l>
<l>ṇinta-rasāala-visahara<caesura/>-vitthiṇṇa-phaṇā-maṇi-ppahā-mijjantaṃ</l>
</lg>
<lg type="stanza" n="70">
<l>avvocchiṇṇa-visajjia<caesura/>-ṇirantarāāma-milia-pavvaa-ghaḍio</l>
<l>dīsaï ṇaha-ṇimmāo<caesura/> ṇāsaï uahimmi ṇivaḍio seu-vaho</l>
</lg>
<lg type="stanza" n="71">
<l>to gheppiuṃ paüttā<caesura/> thoa-tthoaṃ parissameṇa pavaṃgā</l>
<l>aṇurāe vva virāe<caesura/> laṅkāṇattha-ghaḍaṇa-kkhame seu-vahe</l>
</lg>
<trailer>ia sattamo āsāsao</trailer>
<!-- Goldschmidt samatto !-->
</div>
<pb n="53"/>
<div type="canto" n="8">
<head>aṭṭhamo āsāsao</head>
<lg type="kulaka">
<label>juggaaṃ</label>
<lg type="stanza" n="1">
<l>ia jāhe ṇivaḍantā<caesura/> siharojjhara-dhoa-sura-vimāṇa-dhaa-vaḍā</l>
<l>atthāanti samudde<caesura/> vitthāratthamia-ṇaha-alā vi mahiharā</l>
</lg>
<lg type="stanza" n="2">
<l>tāhe ṇisuddha-sesā<caesura/> vevantuvvatta-kara-alosaria-aḍā</l>
<l>ṭhaviā velā-mūle<caesura/> khaṇa-lakkhia-gāravā kaīhi mahiharā</l>
</lg>
</lg>
<lg type="stanza" n="3">
<l>giri-saṃkhoha-vimukkā<caesura/> jhīṇā appatta-paḍhama-gamaṇoāsā</l>
<l>mandandolaṇa-maüā<caesura/> gaāgaa ccia samudda-saliluppīḍā</l>
</lg>
<lg type="stanza" n="4">
<l>bhiṇṇa-ghaḍantāvatto<caesura/> āvattantara-bhamanta-bhiṇṇa-mahiharo</l>
<l>mahihara-saṃbhama-vihuo<caesura/> vihua-ṇiatta-salilo ṇiattaï uahī</l>
</lg>
<lg type="stanza" n="5">
<l>vocchijjanta-kalaalaṃ<caesura/> jahoia-ṭṭhāṇa-dara-paattāvattaṃ</l>
<l>dīsaï khaṇa-dullakkhaṃ<caesura/> taṃ cia thimia-salilattaṇaṃ jalaṇihiṇo</l>
</lg>
<lg type="stanza" n="6">
<l>mottā-ghaḍanta-kusumaṃ<caesura/> sama-maragaa-vatta-bhaṅga-bhariāvattaṃ</l>
<l>vidduma-milia-kisalaaṃ<caesura/> sasaṅkha-dhavala-kamalaṃ pasammaï salilaṃ</l>
</lg>
<lg type="stanza" n="7">
<l>dīsaï samosiantī<caesura/> khaṇa-ṇivvaliuttaranta-vilulia-kusumā</l>
<l>jhijjantāruṇa-ambā<caesura/> samudda-vaṭṭhammi dhāu-paṅka-cchāā</l>
</lg>
<lg type="stanza" n="8">
<l>vaṇa-gaa-gandhuttiṇṇā<caesura/> puṇo ṇiattanti āavāhaa-vihalā</l>
<l>ṇiaa-kara-sīharollia<caesura/>-ṇivvāanta-muha-maṇḍalā kari-maarā</l>
</lg>
<lg type="stanza" n="9">
<l>duma-bhaṅga-kalusiāiṃ<caesura/> kasāa-rasa-bhiṇṇa-paṇḍura-ppheṇāiṃ</l>
<l>jāāi ṇiṇṇaāṇaṃ<caesura/> utthala-valaṇa-raa-dhūsarāi muhāiṃ</l>
</lg>
<lg type="stanza" n="10">
<l>khuhioahi-vicchūḍhā<caesura/> mahinda-kaḍaesu malaa-bhitti-ccheā</l>
<l>ghaḍiā malia-gaa-ulā<caesura/> malaa-aḍesu a mahinda-seladdhantā</l>
</lg>
<pb n="54"/>
<lg type="stanza" n="11">
<l>dīsanti viaḍa-dhavalā<caesura/> thimia-ṇiattanta-jala-taraṃgia-vaṭṭhā</l>
<l>vāsui-ṇimmoa-ṇihā<caesura/> ṇirantarālagga-mottiā puliṇa-vahā</l>
</lg>
<lg type="stanza" n="12">
<l>khohenti khuhia-ṇihuaṃ<caesura/> uahiṃ ṇaha-vantha-paḍiṇiattovaïā</l>
<l>pavvaa-ghāukkhittā<caesura/> cira-ālāloiā salila-saṃghāā</l>
</lg>
<lg type="stanza" n="13">
<l>aha ṇala-viiṇṇa-ṇaaṇo<caesura/> jampaï vihaḍanta-maṇi-silāsaṇa-vaṭṭho</l>
<l>uvvattiāaa-ṭṭhia<caesura/>-vāma-arāruhia-tia-bharo pavaa-vaī</l>
</lg>
<lg type="stanza" n="14">
<l>khavio vāṇara-loo<caesura/> dūra-ṭṭhia-virala-pavvaaṃ mahi-veḍhaṃ</l>
<l>ṇa a dīsaï seu-vaho<caesura/> mā hu ṇamejja garuaṃ puṇo rāma-dhaṇuṃ</l>
</lg>
<lg type="stanza" n="15">
<l>maïrā muddha-miaṅko<caesura/> amaaṃ lacchī sakotthuhaṃ duma-raaṇaṃ</l>
<l>kiṃ seu-bandha-lahuaṃ<caesura/> jaṃ vottūṇa raaṇāareṇa ṇa diṇṇaṃ</l>
</lg>
<lg type="stanza" n="16">
<l>dhūmāanti ccia se<caesura/> ajja vi pāāla-deha-dūrālaggā</l>
<l>āaṭṭanta-jalāhaa<caesura/>-sasadda-vijjhavia-huavahā rāma-sarā</l>
</lg>
<lg type="stanza" n="17">
<l>taṃ bandhasu dhīra tumaṃ<caesura/> seuṃ ajjea jāva dūrantariā</l>
<l>ekkaṃ malaa-suvelā<caesura/> hontu duhā a viaḍā samuddaddhantā</l>
</lg>
<lg type="stanza" n="18">
<l>tā pavaa-balāhi phuḍaṃ<caesura/> viṇṇāṇāsaṅgha-ṇivvalanta-cchāo</l>
<l>pavaa-vaï-saṃbhamummuha<caesura/>-viiṇṇa-bhaa-hittha-loaṇo bhaṇaï ṇalo</l>
</lg>
<lg type="stanza" n="19">
<l>bhaṇṇaï pavaṃga-purao<caesura/> rahuṇāhassa a pavaṃga-vaï vīsatthaṃ</l>
<l>tuha seu-bandha-jaṇiā<caesura/> mamammi saṃbhāvaṇā ṇa hohiï aliā</l>
</lg>
<lg type="stanza" n="20">
<l>khavio pavvaa-ṇivaho<caesura/> daliaṃ va rasāalaṃ dhuo vva samuddo</l>
<l>jīaṃ va pariccattaṃ<caesura/> ajja va saṃbhāvaṇā tuhaṃ ṇivvūḍhā</l>
</lg>
<pb n="55"/>
<lg type="stanza" n="21">
<l>taṃ pekkhasu mahi-vialaṃ<caesura/> mahi-vaṭṭhammi va mahaṃ mahoahi-vaṭṭhe</l>
<l>ghaḍiaṃ ghaḍanta-mahihara<caesura/>-ghaḍia-suvela-malaantaraṃ seu-vahaṃ</l>
</lg>
<lg type="stanza" n="22">
<l>kiṃ uttaraü ṇirantara<caesura/>-ghaḍanta-dharaṇihara-saṃkameṇa samuddaṃ</l>
<l>o boleu dhuoahi<caesura/>-thouttiṇṇa-mahi-maṇḍaleṇa kaï-balaṃ</l>
</lg>
<lg type="stanza" n="23">
<l>taṃ pecchaha malao ccia<caesura/> patthanto paḍigaaṃ gao vva suvelaṃ</l>
<l>maha bhua-daḍha-saṃruddho<caesura/> āiddhaṃ dhuṇaü muha-vaḍaṃ va samuddaṃ</l>
</lg>
<lg type="stanza" n="24">
<l>o viraemi ṇaha-ale<caesura/> turia-pahāvia-pavaṃga-saṃcaraṇa-sahaṃ</l>
<l>aṇuparivāḍi-pariṭṭhia<caesura/>-ghaṇa-kūḍa-ghaḍanta-mahiharaṃ seu-vahaṃ</l>
</lg>
<lg type="stanza" n="25">
<l>o sāaroarabbhantarāṇiovari-pariṭṭhavia-ṇipphandā</l>
<l>jalahara-lambia-vakkhā<caesura/> ghaḍentu laṅkā-vahaṃ rasāala-selā</l>
</lg>
<lg type="stanza" n="26">
<l>taṃ maha-maggālaggā<caesura/> viraeha jahā-ṇioa-mukka-mahiharā</l>
<l>aṇuvāa-diṭṭha-dosaṃ<caesura/> aïrā-honta-suha-bandhaṇaṃ seu-vahaṃ</l>
</lg>
<lg type="stanza" n="27">
<l>ia ṇala-vaaṇa-harisiaṃ<caesura/> galia-parissama-ṇirāa-mukka-kalaalaṃ</l>
<l>caliaṃ tulia-dharāhara<caesura/>-kaa-ṇibbhara-dasa-disaṃ pavaṃgama-seṇṇaṃ</l>
</lg>
<lg type="kulaka">
<label>juggaaṃ</label>
<lg type="stanza" n="28">
<l>aha ṇeṇa suha-ppharise<caesura/> piuṇo salilammi majjiūṇa saṇiamaṃ</l>
<l>rāma-caraṇāṇa paḍhamaṃ<caesura/> pacchā kāūṇa ravi-suassa paṇāmaṃ</l>
</lg>
<lg type="stanza" n="29">
<l>to kaṇaa-dhāu-ambo<caesura/> sapallavāsoa-viḍava-bharia-dari-muho</l>
<l>paḍhamaṃ ṇaleṇa ṇimio<caesura/> maṅgala-kalaso vva jalaṇihimmi mahiharo</l>
</lg>
</lg>
<lg type="stanza" n="30">
<l>taha paḍhamaṃ cia mukko<caesura/> velā-aḍa-saṃṭhio ṇaleṇa mahiharo</l>
<l>jaha dīsiuṃ paüttaṃ<caesura/> laṅkāṇatthassa seu-bandhassa muhaṃ</l>
</lg>
<lg type="stanza" n="31">
<l>bhamio a taha dharāhara<caesura/>-paharucchitta-salilo ṇahammi samuddo</l>
<l>mahihara-raa-maïlāiṃ<caesura/> jaha dhoāi samaaṃ disāṇa muhāiṃ</l>
</lg>
<pb n="56"/>
<lg type="stanza" n="32">
<l>jala-taṇṇāa-ghaḍantā<caesura/> avibhāvijjanta-ghaḍaṇa-maggoāsā</l>
<l>ṇa muanti ekkamekkaṃ<caesura/> khuhia-samudda-visamāhaā vi mahiharā</l><!-- G. has ghaḍanta-, B has (correctly) ghaḍantā. !-->
</lg>
<lg type="stanza" n="33">
<l>paḍivaha-patthia-salilā<caesura/> velā-aḍa-paḍia-mahihara-samakkantā</l>
<l>je ccia ahigama-maggā<caesura/> jāā te ccea ṇiggamā vi ṇaīṇaṃ</l>
</lg>
<lg type="stanza" n="34">
<l>ṇivaḍanti tuṅga-siharā<caesura/> pavaa-vimukkā ahomuhā vi ṇala-vahe</l>
<l>bhamiūṇa mūla-garuā<caesura/> jahea ummūliā tahea mahiharā</l>
</lg>
<lg type="stanza" n="35">
<l>vihuṇenti vihuvvantā<caesura/> kari-maara-muhāi thira-ṇihitta-ṇaha-muhā</l>
<l>muha-pajjatta-daḍhukkhaa<caesura/>-kumbha-aḍa-bhamanta-kesarā kesariṇo</l>
</lg>
<lg type="stanza" n="36">
<l>paḍigaa-gandha-pasāria<caesura/>-kari-maara-cchiṇṇa-galia-kara-pabbhāre</l>
<l>jāṇanti ṇavara kuviā<caesura/> lavaṇa-jalāliddha-vaṇa-muhe vaṇa-hatthī</l>
</lg>
<lg type="stanza" n="37">
<l>dara-ghaḍia-seu-bandhā<caesura/> uppaïūṇa pavaā samudduppaïe</l>
<l>kaḍḍhanti jamala-kara-ala<caesura/>-saṃdāṇia-vakkha-saṃpuḍe dharaṇihare</l>
</lg>
<lg type="stanza" n="38">
<l>bandhaï ṇalo vi takkhaṇa<caesura/>-visamucchalia-cala-kesara-saḍugghāo</l>
<l>tia-valia-kara-pasāria<caesura/>-hari-hatthukkhitta-mahiharo seu-vahaṃ</l>
</lg>
<lg type="stanza" n="39">
<l>jaṃ bahu-pavvaa-jaṇiaṃ<caesura/> vicchūḍha-samudda-pāaḍaṃ mahi-vivaraṃ</l>
<l>taṃ ekko paḍirumbhaï<caesura/> vitthārabbhahia-saṃṭhio dharaṇiharo</l>
</lg>
<lg type="stanza" n="40">
<l>sāara-laddha-tthāhaṃ<caesura/> ṇimenti jaṃ jaṃ dharāharaṃ kaï-ṇivahā</l>
<l>bajjhaï purao-huttā<caesura/> kāūṇa paaṃ tahiṃ tahiṃ seu-vaho</l>
</lg>
<lg type="stanza" n="41">
<l>samaaṃ pavaa-vimukke<caesura/> seu-vahammi samaaṃ abhāa-paḍante</l>
<l>paripelleï raei a<caesura/> samaaṃ ca ṇalo paḍicchiūṇa mahihare</l>
</lg>
<lg type="stanza" n="42">
<l>avalambaï ṇala-ghaḍie<caesura/> abhāa-valiāṇie ghaḍei mahihare</l>
<l>seu-vahassa samuddo<caesura/> uvvellanta-salilo pavaḍḍhaï purao</l>
</lg>
<pb n="57"/>
<lg type="stanza" n="43">
<l>jaṃ jaṃ āṇei giriṃ<caesura/> raï-raha-akka-parimaṭṭha-siharaṃ haṇumā</l>
<l>taṃ taṃ līlāï ṇalo<caesura/> vāma-karutthaṅghiaṃ raei samudde</l>
</lg>
<lg type="stanza" n="44">
<l>vitthaa-sara-kamala-sire<caesura/> sele dara-ghaḍia-seu-saṃkama-lasire</l>
<l>jalaṇihi-seā-laggā<caesura/> pāāla-dharā dharenti seālaggā</l>
</lg>
<lg type="stanza" n="45">
<l>velā-aḍa-saṃbaddhā<caesura/> gaoṅiattanta-jala-raa-vihuvvantī</l>
<l>hallanta-kiraṇa-viḍavā<caesura/> andolaï maragaa-ppahā vaṇa-rāī</l>
</lg>
<lg type="stanza" n="46">
<l>dantesu valia-laggā<caesura/> khohuppittha-gaa-saṃpahārukkhittā</l>
<l>kari-maarāṇa bhuaṃgā<caesura/> paḍanti kālāsa-maṇḍala-paḍicchandā</l>
</lg>
<lg type="stanza" n="47">
<l>pavvaa-vaḍaṇāiddho<caesura/> jo ccia uahissa paḍiṇiattaï paḍhamaṃ</l>
<l>so ccia saliladdhanto<caesura/> aṇṇo-hutta-visamaṃ velaï ṇala-vahaṃ</l>
</lg>
<lg type="stanza" n="48">
<l>khuhia-samuddatthamiā<caesura/> khuḍenti akkhuḍia-maa-jalojjhara-pasarā</l>
<l>calaṇālagga-bhuaṃge<caesura/> pāse vva ṇirāa-kaḍḍhie māaṅgā</l>
</lg>
<lg type="stanza" n="49">
<l>raaṇa-cchavi-vimalaarā<caesura/> phala-rasa-bharia-dara-bhiṇṇa-maragaa-ṇivahā</l>
<l>odhuvvanti taraṃgā<caesura/> cuṇṇia-saṅkha-ula-paṇḍuraara-ppheṇā</l>
</lg>
<lg type="stanza" n="50">
<l>ghaḍamāṇehi a samaaṃ<caesura/> jhijjaï selehi jettiaṃ cia uahī</l>
<l>ucchalaï tettiaṃ cia<caesura/> utthaṅghia-mūla-salila-paripūranto</l>
</lg>
<lg type="stanza" n="51">
<l>uddha-pphuḍia-ṇaï-muhā<caesura/> ṇiaa-ṭṭhāṇa-siḍhilosaranta-mahiharā</l>
<l>andolanta-samuddā<caesura/> andolanti va ṇahaṃ dharaṇi-saṃkhohā</l>
</lg>
<lg type="stanza" n="52">
<l>addhuṭṭhia-seu-vahaṃ<caesura/> hoi khaṇaṃ addha-diṇṇa-hari-hiaa-suhaṃ</l>
<l>addhovaïa-mahiharaṃ<caesura/> addhosāria-rasāalaṃ uahi-jalaṃ</l>
</lg>
<lg type="stanza" n="53">
<l>ṇimmāo tti muṇijjaï<caesura/> dūrāiddhammi sāare seu-vaho</l>
<l>so ccia salila-bharanto<caesura/> thoāraddho vva dīsaï ṇiattante</l>
</lg>
<pb n="58"/>
<lg type="stanza" n="54">
<l>avi pūraï pāālaṃ<caesura/> ṇa a kuvia-disā-gaïnda-gamaṇa-vihāā</l>
<l>uahi-viiṇṇoāsā<caesura/> pūrenti mahā-varāha-paa-ṇikkhevā</l>
</lg>
<lg type="stanza" n="55">
<l>jāaṃ mahihara-mahiaṃ<caesura/> dhāu-aḍa-kkhalaṇa-sarasa-pallava-rāaṃ</l>
<l>duma-bhaṅga-tuvara-surahiṃ<caesura/> uppajjanta-maïraṃ va sāara-salilaṃ</l>
</lg>
<lg type="stanza" n="56">
<l>saṃcālei samuddo<caesura/> jaha jaha virala-ṭṭhiaṃ dharāhara-ṇivahaṃ</l>
<l>taha taha virāa-siharo<caesura/> pūria-vivara-tthiro ghaḍaï seu-vaho</l>
</lg>
<lg type="stanza" n="57">
<l>paḍaï ṇu ṇaha-ala-ghaḍio<caesura/> kaḍḍhijjaï ṇu malaāhi cira-ṇimmāo</l>
<l>ghaḍaï ṇu samudda-salile<caesura/> ghaḍio ṇīi ṇu rasāalāhi ṇala-vaho</l>
</lg>
<lg type="stanza" n="58">
<l>gaaṇammi uahi-salilaṃ<caesura/> salila-vimukke rasāalammi ṇaha-alaṃ</l>
<l>dīsaï tīsu vi samaaṃ<caesura/> ṇaha-salila-rasāalesu pavvaa-jālaṃ</l>
</lg>
<lg type="stanza" n="59">
<l>velālāṇa-ṇialio<caesura/> rasiūṇa rasāala-ṭṭhiaṃ pi samuddo</l>
<l>cālei seu-bandhaṃ<caesura/> khambhaṃ āraṇṇa-kuñjaro vva valanto</l>
</lg>
<lg type="stanza" n="60">
<l>pellijjanti daḍhaaraṃ<caesura/> jaha jaha pavaehi khuhia-jala-taṇṇāā</l>
<l>ohaṭṭantāāmā<caesura/> taha taha ekkakkamaṃ aïnti mahiharā</l>
</lg>
<lg type="stanza" n="61"><!-- galitaka !-->
<l>pavaa-bhua-galatthalliā vippaïṇṇa-raaṇā<caesura/>
dharaṇiharā paḍanti bhaa-cuṇṇa-iṃṇara-aṇā</l>
<l>khuhio sāaro rasaï uṇṇaaṃ ṇa īṇaṃ<caesura/>
moanto vva tivva-bhaa-uṇṇaaṃ ṇaīṇaṃ</l>
</lg>
<lg type="stanza" n="62">
<l>bharaï va dūrāiddho<caesura/> dhuvvaï va paḍanta-dharaṇihara-kaddamio</l>
<l>rumbhaï va paḍiṇiatto<caesura/> bhiṇṇo ghaḍaï va maṇi-ppahāhi samuddo</l>
</lg>
<lg type="stanza" n="63"><!-- galitaka !-->
<l>kari-maarāṇa khuhia-sāara-visāsiāṇaṃ<caesura/>
seu-vahammi paḍia-giri-ṇivaha-visāsiāṇaṃ</l>
<l><pb n="59"/>samaaṃ vaṇa-gaāṇa ṇivahā dharosiāṇaṃ<caesura/>
samuhaṃ āvaḍanti maa-gandha-rosiāṇaṃ</l>
</lg>
<lg type="stanza" n="64">
<l>utthaṅghia-duma-ṇivahā<caesura/> suiraṃ parimalia-seu-vaha-pāsallā</l>
<l>dhāu-kalaṅka-kkhaürā<caesura/> dūraṃ gantūṇa uvvamanti taraṃgā</l>
</lg>
<lg type="stanza" n="65"><!-- galitaka !-->
<l>dīsaï maa-ulehi uahī ṇalo aṇehiṃ<caesura/>
samaaṃ sela-paḍaṇa-bhaa-uṇṇa-loaṇehiṃ</l>
<l>jaṃ khaliaṃ aīi salilaṃ ṇaīṇa ūraṃ<caesura/>
taṃ uddhāi pavaa-kalaala-viiṇṇa-ūraṃ</l>
</lg>
<lg type="kulaka">
<label>kulaaṃ</label>
<lg type="stanza" n="66">
<l>ia saala-mahi-alukkhaa<caesura/>-mahihara-saṃghāa-ṇimmia-mahārambhaṃ</l>
<l>ṇiaa-cchāā-vaïara<caesura/>-sāmalaïa-sāaroara-jaladdhantaṃ</l>
</lg>
<lg type="stanza" n="67">
<l>visamosaria-silā-ala<caesura/>-daḍha-ghāukkhitta-maccha-pacchima-bhāaṃ</l>
<l>majjha-cchiṇṇa-bhuaṃgama<caesura/>-veḍhuppīḍaṇa-viāria-silā-veḍhaṃ</l>
</lg>
<lg type="stanza" n="68">
<l>selummūlaṇa-saṃbhama<caesura/>-gahia-pphilia-gaa-magga-dhāia-sīhaṃ</l>
<l>giri-sihara-ṇisaṇṇāṇia<caesura/>-giri-pellia-ṇinta-muhala-jalahara-salilaṃ</l>
</lg>
<lg type="stanza" n="69">
<l>pāsalla-paḍia-vaṇa-gaa<caesura/>-ruddha-mahojjhara-duhā-pahāvia-salilaṃ</l>
<l>dharaṇiharantaria-ṭṭhia<caesura/>-candaṇa-vaṇa-muṇia-malaa-sihara-kkhaṇḍaṃ</l>
</lg>
<lg type="stanza" n="70">
<l>vīī-paḍiūlāhaa<caesura/>-thouvvellia-dumāvalambanta-laaṃ</l>
<l>visama-siharantarāgaa<caesura/>-saṃvellia-sāaraṃ ghaḍenti ṇala-vahaṃ</l>
</lg>
</lg>
<lg type="stanza" n="71">
<l>vittharaï seu-bandho<caesura/> vihuvvaï dharāharāhao salilaṇihī</l>
<l>diṭṭha-suvelucchaṅgaṃ<caesura/> rasaï disā-iṇṇa-paḍiravaṃ kaï-seṇṇaṃ</l>
</lg>
<lg type="stanza" n="72">
<l>dīsanti bhiṇṇa-salile<caesura/> samudda-majjhammi seu-bandhakkantā</l>
<l>saṃbhama-kaḍḍhaṇa-luggā<caesura/> bhaa-cuṇṇa-palāa-sela-pakkhaddhantā</l>
</lg>
<pb n="60"/>
<lg type="stanza" n="73">
<l>mahihara-pahara-kkhohia<caesura/>-salila-parikkhaa-virāa-mūla-mahiharaṃ</l>
<l>thoa-tthoosariaṃ<caesura/> bandhenti pavaṃgamā puṇo vi ṇala-vahaṃ</l>
</lg>
<lg type="stanza" n="74">
<l>jaha jaha accāsaṇṇo<caesura/> uahiṃ jeūṇa hoi seu-vaha-varo</l>
<l>ucchalaï dharāhihaaṃ<caesura/> dūraṃ thoattaṇeṇa taha taha salilaṃ</l>
</lg>
<lg type="stanza" n="75">
<l>mahihara-paharucchittā<caesura/> uariṃ seussa je paḍanti khalantā</l>
<l>te ccia saliluppīḍā<caesura/> honti valanta-visamā mahā-ṇaï-sottā</l>
</lg>
<lg type="stanza" n="76">
<l>dei samatta-cchāaṃ<caesura/> dara-milia-suvela-mahihara-taḍaddhanto</l>
<l>bīoāsa-pahāvia<caesura/>-timi-pūria-sāarantaro seu-vaho</l>
</lg>
<lg type="stanza" n="77">
<l>jāhe seu-ṇivaddhaṃ<caesura/> dhuṇaï ṇalo visama-saṃṭhia-mahā-selaṃ</l>
<l>tāhe cireṇa saalo<caesura/> saalakkanta-vasuho ṇiattaï uahī</l>
</lg>
<lg type="stanza" n="78">
<l>lahuia-pesaṇa-harisia<caesura/>-kaï-ṇivaha-ṇisuddha-sela-pahara-valanto</l>
<l>ṇaï-sotto vva samuddo<caesura/> seu-suvelantare muhuttaṃ vūḍho</l>
</lg>
<lg type="stanza" n="79">
<l>jaha jaha ṇimmāvijjaï<caesura/> vāṇara-vasahehi seu-saṃkama-siharaṃ</l>
<l>taha taha dahamuha-hiaaṃ<caesura/> phāḍijjaï sāarassa salileṇa samaṃ</l>
</lg>
<lg type="stanza" n="80">
<l>pāāla-milia-mūlo<caesura/> avvocchiṇṇa-pasaranta-sariā-sotto</l>
<l>ṭhāṇa-ṭṭhio vi paḍio<caesura/> muhammi dharaṇihara-saṃkamassa suvelo</l>
</lg>
<lg type="stanza" n="81">
<l>malaücchaṅga-gaeṇa vi<caesura/> rahuvaï-pāsa-ṭṭhieṇa vāṇara-vaïṇā</l>
<l>kaï-kalaaleṇa ṇāo<caesura/> ṇippacchima-sela-pūrio seu-vaho</l>
</lg>
<lg type="stanza" n="82">
<l>ārambhante saalo<caesura/> tihāa-visamo daruṭṭhiammi ṇala-vahe</l>
<l>hoi duhā a samatte<caesura/> so ccia aṇṇo puṇo puṇo vi samuddo</l>
</lg>
<lg type="stanza" n="83">
<l>malaücchaṅga-paütto<caesura/> calanta-vāṇara-bharoṇao seu-vaho</l>
<l>garuo tiūḍa-giriṇā<caesura/> palhatthanto dumo dumeṇa va dhario</l>
</lg>
<lg type="stanza" n="84">
<l>dīsaï seu-mahā-vaha<caesura/>-dohāia-puvva-pacchima-disā-bhāaṃ</l>
<pb n="61"/>
<l>ovvattohaa-pāsaṃ<caesura/> majjhukkhitta-visamaṃ ṇamantaṃ va ṇahaṃ</l>
</lg>
<lg type="stanza" n="85">
<l>malaa-suvelālaggo<caesura/> paḍiṭṭhio ṇaha-ṇihammi sāara-salile</l>
<l>uaatthamaṇa-ṇirāo<caesura/> ravi-raha-maggo vva pāaḍo seu-vaho</l>
</lg>
<lg type="stanza" n="86">
<l>dīsaï pavaṇa-vihuvvanta-sāaroara-pariṭṭhia-mahā-siharo</l>
<l>viaḍa-pasāria-vakkho<caesura/> uppaamāṇo vva mahiharo seu-vaho</l>
</lg>
<lg type="stanza" n="87">
<l>araī thorūsāsā<caesura/> ṇiddā-ṇāso vivaṇṇadā dobballaṃ</l>
<l>seummi raïjjante<caesura/> rāmādo rāvaṇammi saṃkantāiṃ</l>
</lg>
<lg type="stanza" n="88">
<l>aha thora-tuṅga-viaḍo<caesura/> ṇeuṃ ṇihaṇaṃ sabandhavaṃ dahavaaṇaṃ</l>
<l>dohāia-salilaṇihī<caesura/> kaanta-hattho vva pasario seu-vaho</l>
</lg>
<lg type="stanza" n="89">
<l>visameṇa paaï-visamaṃ<caesura/> mahihara-garueṇa samara-sāhasa-garuaṃ</l>
<l>dūrattheṇa vi bhiṇṇaṃ<caesura/> sūleṇa va seuṇā dasāṇaṇa-hiaaṃ</l>
</lg>
<lg type="stanza" n="90">
<l>dīsanti khuhia-sāara<caesura/>-salilollia-kusuma-ṇivaha-lagga-mahuarā</l>
<l>seussa pāsa-mahihara<caesura/>-paaḍantovvatta-kisalaā kaḍaa-dumā</l>
</lg>
<lg type="stanza" n="91">
<l>thimioahi-sacchāā<caesura/> kattha vi dīsanti mahiharantara-vaḍiā</l>
<l>phaliha-silā-ala-ghaḍiā<caesura/> majjha-cchiṇṇa vva seu-bandhoāsā</l>
</lg>
<lg type="stanza" n="92">
<l>hima-paḍaṇotthaïāiṃ<caesura/> ghaḍiāi vi ṇala-vahammi ṇajjanti phuḍaṃ</l>
<l>siharāi sihari-vaïṇo<caesura/> malaassa a malia-candaṇa-suandhāiṃ</l>
</lg>
<lg type="stanza" n="93">
<l>jāā phuḍa-vitthārā<caesura/> gaoṇiattanta-jala-raa-vihuvvantā</l>
<l>pakkaggāha-samaggā<caesura/> seummi vi sāarassa velā-maggā</l>
</lg>
<lg type="stanza" n="94">
<l>selāiñchaṇa-paḍiā<caesura/> salilollia-garua-kesara-bharakkantā</l>
<l>dīsanti daruttiṇṇā<caesura/> saṃkama-pāsalla-saṃṭhiā kesariṇo</l>
</lg>
<pb n="62"/>
<lg type="stanza" n="95">
<l>puvvāvaroahi-gaā<caesura/> daṭṭhuṃ puvvāvaroahi-samuppaṇṇā</l>
<l>seu-paḍisiddha-pasarā<caesura/> puṇo ṇa pecchanti kula-harāi jalaarā</l>
</lg>
<lg type="stanza" n="96">
<l>dīsanti dhāu-ambā<caesura/> mārua-vihua-dhavalojjhara-paḍaddhantā</l>
<l>seussa tuṅga-siharā<caesura/> uhaa-tala-pariṭṭhiā dhaa vva mahiharā</l>
</lg>
<lg type="stanza" n="97">
<l>aha ṇimmia-seu-vahaṃ<caesura/> seu-vahabbhahia-thala-païṇṇa-mahiharaṃ</l>
<l>caliaṃ calanta-rāhava<caesura/>-hiaa-ṇihippanta-raṇa-suhaṃ kaï-seṇṇaṃ</l>
</lg>
<lg type="stanza" n="98">
<l>pecchanti a bolantā<caesura/> saṃkama-dohāia-kkhavia-vitthāraṃ</l>
<l>valaā-muha-ṇiṭṭhaviekka-pāsa-vocchiṇṇa-pāṇiaṃ maaraharaṃ</l>
</lg>
<lg type="kulaka">
<label>juggaaṃ</label>
<lg type="stanza" n="99">
<l>saṅkha-ula-dhavala-kamale<caesura/> phuḍa-maragaa-haria-vatta-bhaṅga-ṇihāe</l>
<l>vidduma-milia-kisalae<caesura/> uhaa-taḍāvaddha-saṃkamammi ṇala-vahe</l>
</lg>
<lg type="stanza" n="100">
<l>saṃcaraï vāṇara-balaṃ<caesura/> ṇamaï visaṭṭanta-mahiharo seu-vaho</l>
<l>oāhia-pāālaṃ<caesura/> savva-tthāma-garuaṃ dharei samuddo</l>
</lg>
</lg>
<lg type="stanza" n="101">
<l>saṃcālei ṇiambaṃ<caesura/> dharei uariṃ taraṃga-kara-pabbhāraṃ</l>
<l>khambhammi vaṇa-gao via<caesura/> āvaddho seu-saṃkamammi samuddo</l>
</lg>
<lg type="stanza" n="102">
<l>uttiṇṇā a pavaṃgā<caesura/> sela-bharuvvahaṇa-jaṇia-sea-tusārā</l>
<l>dhāu-maïle kara-ale<caesura/> pāsa-ṭṭhia-mahiharojjharesu dhuvantā</l>
</lg>
<lg type="stanza" n="103">
<l>pattā a dahamuhāṇia<caesura/>-ṇandaṇa-vaṇa-pāavoia-vaṇuddesaṃ</l>
<l>jala-bhara-ṇisaṇṇa-jalahara<caesura/>-bhara-moḍia-vaṇa-laaṃ suvelucchaṅgaṃ</l>
</lg>
<lg type="stanza" n="104">
<l>moūṇa samuttiṇṇaṃ<caesura/> uahim aviddavia-vikkamaṃ kaï-seṇṇaṃ</l>
<l>jāo rakkhasa-loo<caesura/> rakkhasa-ṇāhassa pelavāṇatti-aro</l>
</lg>
<lg type="stanza" n="105">
<l>jāva a mahoahi-aḍe<caesura/> āvāsa-ggahaṇa-vāvaḍaṃ kaï-seṇṇaṃ</l>
<l>tāva kaanteṇa kao<caesura/> rāvaṇa-sīsammi vāma-hattha-pphaṃso</l>
</lg>
<pb n="63"/>
<lg type="stanza" n="106">
<l>rāmassa rāvaṇassa a<caesura/> loāloantarāla-ṇīsāmaṇṇe</l>
<l>vaḍḍhanta-ṇiattante<caesura/> pāārantara-duhāiammi paāve</l>
</lg>
<lg type="stanza" n="107">
<l>jāā lacchīa samaṃ<caesura/> sohā mahiassa sāarassa pasaṇṇā</l>
<l>tiasa-jaṇiāṇurāe<caesura/> uttiṇṇammi maalañchaṇammi va rāme</l>
</lg>
<trailer>ia siri-pavaraseṇa-viraïe dahamuhavahe aṭṭhamo āsāsao</trailer>
</div>
<pb n="64"/>
<div type="canto" n="9">
<head>ṇavamo āsāsao</head>
<lg type="stanza" n="1">
<l>aha pecchanti pavaṃgā<caesura/> saala-jaakkamaṇa-vaḍḍhia-mahā-siharaṃ</l>
<l>ṇiṭṭhavia-dāhiṇa-disaṃ<caesura/> sesa-disā-muha-vahāviaṃ va suvelaṃ</l>
</lg>
<lg type="stanza" n="2">
<l>bhuvaṇassa va mahumahaṇaṃ<caesura/> bhuvaṇa-bhara-jjhīṇa-mahumahassa va sesaṃ</l>
<l>sesassa va salilaṇihiṃ<caesura/> sariā-vaïṇo visammiavva-bhara-sahaṃ</l>
</lg>
<lg type="stanza" n="3">
<l>dharaṇi-hareavva-sahaṃ<caesura/> uahi-bhareavva-pabbala-ṇaï-ppavahaṃ</l>
<l>ṇaha-māavva-samatthaṃ<caesura/> khaa-mārua-rumbhiavva-jogga-ṇiambaṃ</l>
</lg>
<lg type="stanza" n="4">
<l>dūra-paripellia-disaṃ<caesura/> dūroṇāmia-samattha-pāāla-alaṃ</l>
<l>dūraarukkhitta-ṇahaṃ<caesura/> ṇavara karāsaṇṇa-pāava-pphala-kusumaṃ</l>
</lg>
<lg type="stanza" n="5">
<l>pāsallāgaa-sariaṃ<caesura/> amukka-pāāla-sāara-jalucchaṅgaṃ</l>
<l>āi-varāhuvvattaṇa<caesura/>-khaṇa-paḍiuddha-ṭṭhiaṃ va meiṇi-veḍhaṃ</l>
</lg>
<lg type="stanza" n="6">
<l>pāāla-bharia-mūlaṃ<caesura/> vajja-muhāoḍaṇa-ṭṭhavia-ṇikkampaṃ</l>
<l>ālāṇa-kkhambhaṃ miva<caesura/> sura-hatthi-kkhandha-ṇihasa-masiṇia-pāsaṃ</l>
</lg>
<lg type="stanza" n="7">
<l>vimalia-rasāaleṇa vi<caesura/> visahara-vaïṇā adiṭṭha-mūla-ccheaṃ</l>
<l>appatta-tuṅga-siharaṃ<caesura/> tihuaṇa-haraṇa-parivaḍḍhieṇa vi hariṇā</l>
</lg>
<lg type="stanza" n="8">
<l>vicchūḍhoahi-salilaṃ<caesura/> kaḍaa-bhamanta-bhuaïnda-diṇṇāveḍhaṃ</l>
<l>pāsa-ṭṭhieṇa raïṇā<caesura/> karehi hariṇa vva mandaraṃ uvaūḍhaṃ</l>
</lg>
<lg type="stanza" n="9">
<l>sesa-sira-raaṇa-ghaṭṭia<caesura/>-maṇi-mūlujjoa-haa-rasāala-timiraṃ</l>
<l>visamuddha-sihara-saṃkaḍa<caesura/>-paṇaṭṭha-ravi-maṇḍalandhaāria-gaaṇaṃ</l>
</lg>
<pb n="65"/>
<lg type="stanza" n="10">
<l>sasi-bimba-pāsa-ṇihasaṇa<caesura/>-kasaṇa-silā-bhitti-pasariāmaa-lehaṃ</l>
<l>joṇhā-jala-pabbālia<caesura/>-visamumhāanta-muṇia-ravi-raha-maggaṃ</l>
</lg>
<lg type="stanza" n="11">
<l>siharālīṇa-miaṅkaṃ<caesura/> virala-ṭṭhia-gahia-salila-jalaa-kkhaṇḍaṃ</l>
<l>khuḍiuvvūḍha-muṇālaṃ<caesura/> ṇisāsu visama-hia-kaddamaṃ va sura-gaaṃ</l>
</lg>
<lg type="stanza" n="12">
<l>haria-vaṇa-rāi-pisuṇia<caesura/>-dūraarāloa-sihara-sariā-maggaṃ</l>
<l>pavaṇukkhuḍia-kilāmia<caesura/>-miaṅka-puṭṭhi-paḍiūsasanta-kisalaaṃ</l>
</lg>
<lg type="stanza" n="13">
<l>dūruddhāia-siharaṃ<caesura/> jalaṇihi-jala-diṭṭha-viaḍa-pāaḍa-paḍimaṃ</l>
<l>uppāāsaṇi-pahaaṃ<caesura/> uddha-pphuḍia-paḍiekka-pāsaṃ va ṭhiaṃ</l>
</lg>
<lg type="stanza" n="14">
<l>guru-bhara-sesāhi-pphaṇa<caesura/>-vāraṃ-vāra-paḍiruddha-mūlucchaṅgaṃ</l>
<l>khaa-māruukkhaāṇia<caesura/>-tuṅga-aḍāvaḍia-bhiṇṇa-sesa-mahiharaṃ</l>
</lg>
<lg type="stanza" n="15">
<l>gahia-jala-meha-pellia<caesura/>-ṇivvāanta-ṇihua-ṭṭhia-mahā-mahisaṃ</l>
<l>ṇihaa-gaa-kumbha-lohia<caesura/>-silā-alosukkha-baddha-muttā-vaḍalaṃ</l>
</lg>
<lg type="stanza" n="16">
<l>lavaṇa-jala-sīharāhaa<caesura/>-daruvvamanta-duma-muddha-pallava-rāaṃ</l>
<l>sīha-rava-bhīa-patthia<caesura/>-ṇiuñciekka-calaṇa-ṭṭhiukkaṇṇa-maaṃ</l>
</lg>
<lg type="stanza" n="17">
<l>kaḍaa-paripelliāṇaṃ<caesura/> raï-ara-pāaḍia-kandarā-bhariāṇaṃ</l>
<l>abbhantara-ṭṭhiāṇaṃ<caesura/> parilla-pāsa-parisaṃṭhiaṃ va disāṇaṃ</l>
</lg>
<lg type="stanza" n="18"><!-- galitaka !-->
<l>raaṇiāsu dūruggaa-siha-raaṇaṃ taaṃ<caesura/>
suha-ṇisaṇṇa-maa-khaṇḍia-sihara-aṇantaaṃ</l>
<l>kuvia-rāma-bhiṇṇoahi-daḍha-sara-ṇolliaṃ<caesura/>
sihara-lagga-sasi-maṇḍala-ṇīsaraṇolliaṃ</l>
</lg>
<pb n="66"/>
<lg type="stanza" n="19">
<l>dūrovāhia-mūlaṃ<caesura/> ravi-ara-bolīṇa-sihara-ṇaṭṭhāloaṃ</l>
<l>addhatthamiāāmaṃ<caesura/> jahea uahi-salile tahea ṇaha-ale</l>
</lg>
<lg type="stanza" n="20">
<l>pavaṇandolia-candaṇa<caesura/>-saṃghaṭṭuṭṭhia-suandhi-dhūmuppīḍaṃ</l>
<l>dara-pīoahi-garuia<caesura/>-sesaddhanta-jalaāvalambia-siharaṃ</l>
</lg>
<lg type="stanza" n="21">
<l>tala-paḍihaa-sāaraaṃ<caesura/> uddhojjhara-vihua-sīha-rosāaraaṃ</l>
<l>gaha-mālā-meliaaṃ<caesura/> sihara-ṭṭhia-canda-maṇḍalāmeliaaṃ</l>
</lg>
<lg type="stanza" n="22">
<l>sasi-purao pasariaaṃ<caesura/> kuharesu ṇivāa-ṇippaampa-sariaaṃ</l>
<l>maṇimaa-pāsuttamaaṃ<caesura/> kaṇaa-silāsīṇa-suhia-pāsutta-maaṃ</l>
</lg>
<lg type="stanza" n="23">
<l>bhiṇṇukkhitta-paraṃmuha<caesura/>-valanta-saddūla-gahia-gaa-kumbha-aḍaṃ</l>
<l>bila-pāsutta-bhuaṃgama<caesura/>-jala-dhārāāra-ṇiggaa-maṇi-cchāaṃ</l>
</lg>
<lg type="stanza" n="24">
<l>aṭṭhia-samudda-sīhara<caesura/>-dupparimāsa-ṇiha-kaṇṭaanta-maṇi-aḍaṃ</l>
<l>ṇaha-lagga-mottiā-phala<caesura/>-gaa-sīsārūḍha-ṇīharanta-maïndaṃ</l>
</lg>
<lg type="stanza" n="25">
<l>ovaṭṭha-komalāiṃ<caesura/> vahamāṇaṃ meha-vimalia-vimukkāiṃ</l>
<l>kappa-laā-vasuāia<caesura/>-pavaṇuddhua-dhavala-aṃsuāi vaṇāiṃ</l>
</lg>
<lg type="stanza" n="26">
<l>ārūḍhoahi-salile<caesura/> addhukkhaa-sarasa-visama-pāsalla-dume</l>
<l>kusuma-bharie vahantaṃ<caesura/> phaliha-aḍuttāṇa-patthie ṇaï-sotte</l>
</lg>
<lg type="stanza" n="27">
<l>ravi-raha-turaṃgamāṇaṃ<caesura/> vāāiddha-siharojjharehi dhuvantaṃ</l>
<l>thoolla-paggahāiṃ<caesura/> lālā-pheṇa-lava-gabbhiṇāi muhāiṃ</l>
</lg>
<lg type="stanza" n="28">
<l>dīhara-siharālaggaṃ<caesura/> pajjaliosahi-sihāhaaṃ vahamāṇaṃ</l>
<pb n="67"/>
<l>pāaḍia-maa-kalaṅkaṃ<caesura/> ṇisāsu kajjalaïoaraṃ va miaṅkaṃ</l>
</lg>
<lg type="stanza" n="29">
<l>uddharia-dharaṇi-viaḍaṃ<caesura/> āi-varāha-hia-vaṅka-dūroāḍhaṃ</l>
<l>ṇaï-sottehi bharantaṃ<caesura/> khaa-raï-saṃtāva-sosiaṃ maara-haraṃ</l>
</lg>
<lg type="stanza" n="30">
<l>aṇṇāāgamaṇa-dise<caesura/> purao-paḍisadda-bhesia-ṇiatta-mae</l>
<l>vivara-bharie vahantaṃ<caesura/> ukkaṇṇia-vaṇa-gae maïnda-ṇiṇāe</l>
</lg>
<lg type="stanza" n="31">
<l>tāmarasa-raāambaṃ<caesura/> saresu suvvanta-mahura-sara-āambaṃ</l>
<l>gahiāmisa-hari-aïaṃ<caesura/> velāṇila-sīharolla-vaṇa-hariaïaṃ</l>
</lg>
<lg type="stanza" n="32">
<l>milia-samuddaddhante<caesura/> pāaḍa-ṇaha-maṇḍale pahutta-dasa-dise</l>
<l>uiatthamia-diṇaare<caesura/> bhuvaṇa-vihāe vva kandare vahamāṇaṃ</l>
</lg>
<lg type="stanza" n="33">
<l>ucchalioahi-bharie<caesura/> thoa-tthoosaranta-ṇivvūḍha-jale</l>
<l>āi-mahure vahantaṃ<caesura/> purao-hutta-lavaṇe sihara-ṇīsande</l>
</lg>
<lg type="stanza" n="34">
<l>raaṇa-cchavi-huvvantaṃ<caesura/> valanta-sesa-pihula-pphaṇa-vihuvvantaṃ</l>
<l>sara-parivaḍḍhia-kamalaṃ<caesura/> kaḍaa-laā-lagga-sūra-raha-akka-malaṃ</l>
</lg>
<lg type="stanza" n="35">
<l>ṇaha-ṇīle vahamāṇaṃ<caesura/> umhāhaa-mahisa-maggiovaraṇa-vahe</l>
<l>pāsa-pasaranta-kiraṇe<caesura/> maa-taṇhāveḍhie sare vva maṇi-aḍe</l>
</lg>
<lg type="stanza" n="36">
<l>gaa-malia-tamāla-vaṇaṃ<caesura/> sīha-muhoruddha-raaa-sihara-kkhaṇḍaṃ</l>
<l>mahisāhaa-kasaṇa-silaṃ<caesura/> aṇurūa-ṭṭhāṇa-mukka-vaṇaara-rosaṃ</l>
</lg>
<lg type="stanza" n="37">
<l>kesari-calaṇa-talāhaa<caesura/>-bhiṇṇa-païṇṇa-gaa-kumbha-mottā-raaṇaṃ</l>
<l>vaṇa-dava-bhīa-pahāvia<caesura/>-gaa-ula-malia-ṇaï-saṃgamottāra-aṇaṃ</l>
</lg>
<lg type="stanza" n="38">
<l>kaḍaa-valanta-ravi-rahaṃ<caesura/> tala-vaṇa-rāi-paḍigholirubbhaḍa-tāraṃ</l>
<l>pāsalla-ṇisaṇṇassa vi<caesura/> uariṃ bīa-bhuaṇassa va ṇisammantaṃ</l>
</lg>
<pb n="68"/>
<lg type="stanza" n="39">
<l>addha-cchiṇṇa-ravi-are<caesura/> asamatta-pahutta-saala-canda-maūhe</l>
<l>chiṇṇa-kaḍae vahantaṃ<caesura/> uddhāa-ṇiatta-garuḍa-maggia-sihare</l>
</lg>
<lg type="stanza" n="40"><!-- galitaka !-->
<l>sura-vahūṇa hiaa-ṭṭhia-raa-ṇava-sāraaṃ<caesura/>
sāarassa raïaṃ miva raaṇa-vasāraaṃ</l>
<l>ṇaliṇi-vatta-uḍa-jāa-mahura-sāmoaaṃ<caesura/>
vaüla-vaṇa-ṇimmahanta-mahu-rasāmoaaṃ</l>
</lg>
<lg type="stanza" n="41">
<l>tivva-jaraḍhāavāhaa<caesura/>-hariālāmoa-vimharāia-hariṇaṃ</l>
<l>saṃkhāoahi-sībhara<caesura/>-lavaṇa-rasāsāa-mahisa-libbhanta-silaṃ</l>
</lg>
<lg type="stanza" n="42"><!-- galitaka !-->
<l>tuṅga-raaa-siharuggamehi tāraṃ gaaṃ<caesura/>
sīha-ṇihaa-gaa-lohia-mottā-raṅgaaṃ</l>
<l>garua-dhīra-ṇivvāhia-bahu-jua-saṃkhaaṃ<caesura/>
uahi-salila-saṃkanta-sarujjua-saṅkhaaṃ</l>
</lg>
<lg type="stanza" n="43"><!-- galitaka !-->
<l>maṇi-pahamma-sāmoaaṃ<caesura/>
<!--maṇi- corrected by GS, paṇi- in main text!-->
maṇipa-hamma-sāmoaaṃ</l>
<l>sarasa-raṇṇa-ṇiddāvaaṃ<caesura/>
sara-saraṇṇa-ṇiddā-vaaṃ</l>
</lg>
<lg type="stanza" n="44"><!-- galitaka !-->
<l>daria-rakkhasāmoaaṃ<caesura/>
dari-arakkha-sāmoaaṃ</l>
<l>visaa-ruppa-hāantaaṃ<caesura/>
visa-aru-ppahāantaaṃ</l>
</lg>
<lg type="stanza" n="45">
<l>jaraḍha-visosahi-veḍhia<caesura/>-bhuaṃga-pariharia-candaṇa-duma-kkhandhaṃ</l>
<l>bolanta-visahara-pphaṇa<caesura/>-maṇi-ppahāhaa-virāïa-duma-cchāaṃ</l>
</lg>
<lg type="stanza" n="46"><!-- galitaka !-->
<l>phaḍiha-kiraṇa-ṇivahehi dharaṇi-dhavalāaaṃ<caesura/>
suvvamāṇa-sura-sundari-muddha-valāaaṃ</l>
<l>palaa-samaa-salileṇa vi asaala-dhoaaṃ<caesura/>
vivara-ṇinta-ṇava-canda-sarisa-aladhoaaṃ</l>
</lg>
<pb n="69"/>
<lg type="stanza" n="47"><!-- galitaka !-->
<l>ramma-anda-rāa-cchaaṃ<caesura/>
ramma-andarā-acchaaṃ</l>
<l>sagga-ggaha-ṇisā-maggaaṃ<caesura/>
sagga-ggahaṇi-sāmaggaaṃ</l>
</lg>
<lg type="stanza" n="48">
<l>paṅkuttaranta-laṅghia<caesura/>-parivatta-varāha-vañciāhaa-sīhaṃ</l>
<l>sara-saliloara-ṇivaḍia<caesura/>-ṇiaa-bharatthamia-kaṇaa-pallava-gocchaṃ</l>
</lg>
<lg type="stanza" n="49"><!-- galitaka !-->
<l>ṇaha-siriṃ saala-ṇīla-meha-lāvaṇṇiaṃ<caesura/>
baddha-joisāuvva-mehalā-vaṇṇiaṃ</l>
<l>siharehiṃ bāhūhi va pacchāantaaṃ<caesura/>
maṇṇuaṃ disāṇaṃ miva pacchāantaaṃ</l>
</lg>
<lg type="stanza" n="50"><!-- galitaka !-->
<l>a-sura-vandi-sāhāraṇaṃ<caesura/>
asuravaṃ disā-hāraṇaṃ</l>
<l>sūraaṃ tama-ṇivālaaṃ<caesura/>
sūra-anta-maṇi-vālaaṃ</l>
</lg>
<lg type="stanza" n="51">
<l>hariṇā bali-mahi-haraṇe<caesura/> samae jalaehi jalaṇihīhi juante</l>
<l>jaṃ ṇa caïaṃ bhareuṃ<caesura/> taṃ deheṇa bhuaṇaṃ bhareūṇa ṭhiaṃ</l>
</lg>
<lg type="stanza" n="52">
<l>atthāaṃ va vahantaṃ<caesura/> jālantara-ṇiggaüddha-amba-maūhaṃ</l>
<l>āsaṇṇa-sihara-vaṇa-dava<caesura/>-bolīṇa-paṇaṭṭha-maṇḍalaṃ diasaaraṃ</l>
</lg>
<lg type="stanza" n="53">
<l>vaḍavā-muha-saṃtāve<caesura/> bhiṇṇa-aḍe a garue taraṃga-ppahare</l>
<l>avirahia-kula-harāṇa va<caesura/> sariāṇa kaeṇa sāarassa sahantaṃ</l>
</lg>
<lg type="stanza" n="54">
<l>raaṇīsu uvvahantaṃ<caesura/> ekkakkāamba-maṇi-silā-saṃkantaṃ</l>
<l>muddha-miaṅka-cchāaṃ<caesura/> khura-muha-maggaṃ va raï-turaṃgāṇa ṭhiaṃ</l>
</lg>
<lg type="stanza" n="55">
<l>visama-parisaṃṭhiehiṃ<caesura/> visamuddhāia-laā-harotthaïehiṃ</l>
<l>kañcaṇa-silā-alehiṃ<caesura/> chiṇṇāava-maṇḍalehi va parikkhittaṃ</l>
</lg>
<lg type="stanza" n="56">
<l>appatta-diṇaarāiṃ<caesura/> āava-bhaa-sihara-saṃṭhia-bhuaṃgāiṃ</l>
<l>kaḍaehi uvvahantaṃ<caesura/> vaṇāi uddha-parivaḍḍhia-cchāāiṃ</l>
</lg>
<pb n="70"/>
<lg type="stanza" n="57">
<l>tuṅgattaṇa-pajjatte<caesura/> vitthaa-vikkhambha-siṭṭha-muha-vitthāre</l>
<l>tiasa-gaāṇa vahantaṃ<caesura/> danta-pphaliha-jualaṅkie kaḍaa-aḍe</l>
</lg>
<lg type="stanza" n="58">
<l>tiasa-gaāṇa vahantaṃ<caesura/> hatthumhāhaa-kilanta-pallava-rāe</l>
<l>kaḍa-parigholaṇa-kavile<caesura/> cira-vūḍha-vimukka-pāriāaa-viḍave</l>
</lg>
<lg type="stanza" n="59">
<l>pāsāaaṃ vahantaṃ<caesura/> maṇi-kaḍaa-maūha-dhavalia-maa-cchāaṃ</l>
<l>puṭṭhovaïa-mahojjhara<caesura/>-jala-ghāuvvatta-maṇḍalaṃ va miaṅkaṃ</l>
</lg>
<lg type="stanza" n="60">
<l>salila-dara-dhoa-kusumaṃ<caesura/> dīsantovari-parilla-jaraḍhāloaṃ</l>
<l>maaraharassa vahantaṃ<caesura/> abbhāsabbhahia-sāmalaṃ vaṇa-rāiṃ</l>
</lg>
<lg type="stanza" n="61">
<l>tiasa-gaāṇa vahantaṃ<caesura/> dūruṇṇia-magga-ṇaha-ṇiatta-mahuare</l>
<l>ovaaṇa-paattante<caesura/> uppaaṇa-paṇaṭṭha-ṇiggame gaï-magge</l>
</lg>
<lg type="stanza" n="62">
<l>thoāhaa-timirāiṃ<caesura/> vahamāṇaṃ thoa-ṇiggaa-maūhāiṃ</l>
<l>ṇintaggi-gabbhiṇāi va<caesura/> thouttiṇṇa-raaṇaṅkura-ṭṭhāṇāiṃ</l>
</lg>
<lg type="stanza" n="63">
<l>moḍia-pavvāa-dume<caesura/> uvvellāveḍha-bhagga-puñjaïa-lae</l>
<l>vaṇa-gaa-jujjha-parimale<caesura/> vahamāṇaṃ pahara-paḍia-danta-pphaḍihe</l>
</lg>
<lg type="stanza" n="64">
<l>mandara-paharucchalie<caesura/> ajja vi vitthiṇṇa-maṇi-pahamma-ṇihitte</l>
<l>jalaṇihi-jala-vocchee<caesura/> aṇiggaāmaa-rase samuvvahamāṇaṃ</l>
</lg>
<lg type="stanza" n="65">
<l>jala-saṃkhohālaggaṃ<caesura/> vahamāṇaṃ visama-bhagga-pattaṇa-ṇivahaṃ</l>
<l>rāhava-sara-saṃghāaṃ<caesura/> vajja-muha-kkhuḍia-pakkha-sesaṃ va ṭhiaṃ</l>
</lg>
<lg type="stanza" n="66">
<l>kumbhovaggaṇa-ṇivaḍia<caesura/>-kari-hatthukkhuḍia-sīha-kesara-bhāraṃ</l>
<l>sahaari-viruāaṇṇaṇa<caesura/>-valanta-bhamara-parivattia-laā-kusumaṃ</l>
</lg>
<lg type="stanza" n="67">
<l>hima-sīale vahantaṃ<caesura/> pavaṇomāsa-visamosasia-seāle</l>
<l>diasāsāra-kkhuḍie<caesura/> dara-vasuāa-salile sasi-maṇi-ppavahe</l>
</lg>
<pb n="71"/>
<lg type="stanza" n="68">
<l>visamullalia-parimale<caesura/> kamaliṇi-vatta-parigholira-jala-cchāe</l>
<l>maragaa-silā-alovari<caesura/>-pavitta-pāraa-rase samuvvahamāṇaṃ</l>
</lg>
<lg type="stanza" n="69">
<l>āruhaï va divasa-muhe<caesura/> uddhāantuddha-maṇḍalāura-turao</l>
<l>sama-maṇḍala-bolīṇo<caesura/> oaraï va jaṃ diṇāvasāṇammi raī</l>
</lg>
<lg type="stanza" n="70">
<l>chundanti jattha vanthe<caesura/> ṇisāsu visama-parihāra-pariattantā</l>
<l>kaḍaesu kaüjjoā<caesura/> purao-bolanta-tāraāhi vaṇaarā</l>
</lg>
<lg type="stanza" n="71">
<l>piaama-vioiāṇaṃ<caesura/> jattha a sihara-miliaṃ cilāa-vahūṇaṃ</l>
<l>bolei bāha-maïlia<caesura/>-kusumañjali-samuha-tāḍiaṃ sasi-bimbaṃ</l>
</lg>
<lg type="stanza" n="72"><!-- galitaka !-->
<l>ṇaha-alaṃ va gaha-sohiaṃ savimāṇaaṃ<caesura/>
sihara-ruddha-khaa-mārua-rahasa-vimāṇaaṃ</l>
<l>raaṇa-sihara-kiraṇuggamehi ghaṇa-rāaaṃ<caesura/>
dari-muhesu guppanta-sīha-ghaṇa-rāaaṃ</l>
</lg>
<lg type="stanza" n="73">
<l>jammi samatta vva disā<caesura/> jhīṇa vva mahī kaāvasāṇaṃ va ṇahaṃ</l>
<l>atthamio vva samuddo<caesura/> ṇaṭṭhaṃ va rasāalaṃ ṇisaṇṇaṃ va jaaṃ</l>
</lg>
<lg type="stanza" n="74">
<l>jassa siharesu bahuso<caesura/> valanti valamāṇa-jua-valanta-kkhandhā</l>
<l>bhīāruṇa-parivattia<caesura/>-ghoṇā-gholanta-cāmarā raï-turaā</l>
</lg>
<lg type="stanza" n="75">
<l>dīsanti joisa-vahe<caesura/> ṇisāsu voḍhūṇa kusuma-ṇivahaṃ va jahiṃ</l>
<l>gahia-paḍhamuccaāi va<caesura/> pahāa-vocchiṇṇa-tāraāi vaṇāiṃ</l>
</lg>
<lg type="stanza" n="76">
<l>jattha a gamenti ṇiddaṃ<caesura/> ṇisāsu ṇīsāsa-vihua-pelava-jalaā</l>
<l>canda-parimāsa-paaḍia<caesura/>-sasi-maṇi-salilojjharāhaā vaṇa-mahisā</l>
</lg>
<pb n="72"/>
<lg type="stanza" n="77">
<l>jattha a siharāvaḍiaṃ<caesura/> valaï silā-bhitti-visama-pāsallaïaṃ</l>
<l>bhuaïnda-maṇi-ṇihaṃsaṇa<caesura/>-paṇaṭṭha-ujjoa-saṃcaaṃ sasi-bimbaṃ</l>
</lg>
<lg type="stanza" n="78">
<l>āmoia-pāālo<caesura/> jassa khaüppāa-kampa-ṇiddaa-vihuo</l>
<l>pabbālei mahi-alaṃ<caesura/> avalicchia-sesa-sāaro maaraharo</l>
</lg>
<lg type="stanza" n="79">
<l>jattha bhamanti ṇahaṅkusa<caesura/>-sihara-samāsaṇṇa-muhala-kaḍḍhia-jalaā</l>
<l>muha-paḍia-vijju-maṇḍala<caesura/>-dara-pajjalia-dhua-kesarā kesariṇo</l>
</lg>
<lg type="stanza" n="80">
<l>ojjhara-majjaṇa-suhiā<caesura/> jattha puṇo vi divasāava-kilimmantā</l>
<l>ṇivvāanti ṇisaṇṇā<caesura/> khandhugghuṭṭha-hariandaṇa-dumesu gaā</l>
</lg>
<lg type="stanza" n="81">
<l>jattha a bhamira-mahuaraṃ<caesura/> kaḍaa-laā-lagga-dhavala-cāmara-pamhaṃ</l>
<l>sasiuddhua-kusuma-raaṃ<caesura/> ṇajjaï turiāṇa raï-turaṃgāṇa gaaṃ</l>
</lg>
<lg type="stanza" n="82"><!-- galitaka !-->
<l>añjaṇa-rāeṇa saï dhūsarantaāiṃ<caesura/>
gaṇḍa-alesu khalia-visamosarantaāiṃ</l>
<l>sura-bandīṇa ṇaaṇa-galiāiṃ aṃsuāiṃ<caesura/>
kappa-laāṇa jattha maïlenti aṃsuāiṃ</l>
</lg>
<lg type="stanza" n="83">
<l>ekka-sihare samappaï<caesura/> jassa a sosavia-malia-duma-saṃghāo</l>
<l>saï dakkhiṇuttarāaṇa<caesura/>-ṇaha-gamaṇāgamaṇa-vilulio raï-vantho</l>
</lg>
<lg type="stanza" n="84">
<l>jeṇa bhara-bhiṇṇa-vasuhaṃ<caesura/> apphuṇṇa-rasāalaṃ samotthaïa-ṇahaṃ</l>
<l>savva-disā-vicchūḍhaṃ<caesura/> parivaḍḍhanteṇa vaḍḍhiaṃ va tihuaṇaṃ</l>
</lg>
<lg type="stanza" n="85">
<l>gandhāvaddha-mahuarā<caesura/> vasanti jattha samaaṃ sura-aṇāṇugaā</l>
<l>aṇṇoṇṇaṃ-paḍiūlā<caesura/> ekka-kkhambhalliā sura-gaa vva udū</l>
</lg>
<pb n="73"/>
<lg type="stanza" n="86">
<l>dīsaï vivalāanto<caesura/> jattha samāsaṇṇa-dahamuha-bhaāviggo</l>
<l>siharantarāla-paḍilagga-moiāṇikka-maṇḍalo diasaaro</l>
</lg>
<lg type="stanza" n="87">
<l>jattha a maāṇa maṇahara<caesura/>-kiṃṇara-gīa-suhioṇimillacchāṇaṃ</l>
<l>visamia-romanthāṇaṃ<caesura/> ei viuddhaṃ cireṇa romaṃ thāṇaṃ</l>
</lg>
<lg type="stanza" n="88"><!-- galitaka !-->
<l>tīra-parinta-muhala-kalahaṃsa-roaesuṃ<caesura/>
kuvia-gaïnda-baddha-kalahaṃ saroaesuṃ</l>
<l>kumua-vaṇāṇa jattha ṇaha-anda-laggaāṇaṃ<caesura/>
ravi-ara-daṃsaṇe vi ṇa haaṃ dalaggaāṇaṃ</l>
</lg>
<lg type="stanza" n="89">
<l>valamāṇammi mahumahe<caesura/> jattha a pāucchalanta-raaṇujjoaṃ</l>
<l>viaḍaṃ phaṇa-pabbhāraṃ<caesura/> gāḍha-bharuttāṇiaṃ ṇimei aṇanto</l>
</lg>
<lg type="stanza" n="90">
<l>dīsaï kaḍaallīṇo<caesura/> jassa a vivara-sarisubbhaḍa-maa-cchāo</l>
<l>avahovāsa-maūho<caesura/> siharujjhara-bhiṇṇa-maṇḍalo vva miaṅko</l>
</lg>
<lg type="stanza" n="91">
<l>majjha-karālāï jahiṃ<caesura/> tiṇṇi vi samaaṃ ṇirantara-pahuttāiṃ</l>
<l>thoruṇṇae hari-bhue<caesura/> valaāi va bhuaṇa-maṇḍalāi ṭhiāiṃ</l>
</lg>
<lg type="stanza" n="92">
<l>somia-dumā raï-vahā<caesura/> ṇava-vaṇa-rāi-suha-sīarā sasi-vanthā</l>
<l>jattha vaṇantara-taṇuā<caesura/> ṇavara ṇa ṇajjanti tāraā-gaï-maggā</l>
</lg>
<lg type="stanza" n="93">
<l>alaa-paḍilagga-gandhaṃ<caesura/> tiasa-vahūṇaṃ silā-alotthaa-maliaṃ</l>
<l>akkhivaï jattha pavaṇo<caesura/> osukkhanta-surahiṃ tamāla-kisalaaṃ</l>
</lg>
<lg type="stanza" n="94">
<l>pavaṇāhaa-palhatthā<caesura/> darīsu jassa a puṇo vi lagganti ṇahaṃ</l>
<l>paḍisotta-patthiummuha<caesura/>-muhutta-pīa-salilojjharā salilaharā</l>
</lg>
<pb n="74"/>
<lg type="kulaka">
<label>juggaaṃ</label>
<lg type="stanza" n="95">
<l>addiṭṭha-gaa-paṇollia<caesura/>-paḍanta-taḍa-ghāa-mucchiuṭṭhia-sīhe</l>
<!--mucchiuṭṭhia corrected by GS, succhiuṭṭhia in main text!-->
<l>saddūla-rava-visaṃṭhula<caesura/>-ṇivaḍia-aṇṇoṇṇa-lagga-kiṃṇara-mihuṇe</l>
</lg>
<lg type="stanza" n="96">
<l>tuṅga-aḍojjhara-muhale<caesura/> jassa a kasaṇa-maṇi-gaṇḍa-seladdhante</l>
<l>sevantīṇa ṇa patto<caesura/> tiasa-vahūṇa siḍhilattaṇaṃ aṇurāo</l>
</lg>
</lg>
<trailer>ia siri-pavaraseṇa-viraïe dahamuhavahe mahākavve suvelavaṇṇaṇo ṇavamo āsāsao
</trailer>
</div>
<pb n="75"/>
<div type="canto" n="10">
<head>dasamo āsāsao</head>
<lg type="stanza" n="1">
<l>aha ṇiaa-mahiharesu va<caesura/> suvela-siharesu ṇivvaḍia-vīsatthaṃ</l>
<l>parisaṃṭhiaṃ haammi va<caesura/> ahaammi vi dahamuhe pavaṃgama-seṇṇaṃ</l>
</lg>
<lg type="stanza" n="2">
<l>raïṇā vi aṇacchuṇṇā<caesura/> vīsatthaṃ mārueṇa vi aṇāliddhā</l>
<l>tiasehi vi parihariā<caesura/> pavaṃgamehi maliā suvelucchaṅgā</l>
</lg>
<lg type="stanza" n="3">
<l>riu-ṇaari tti sarosaṃ<caesura/> jaṇaa-suā ettha ṇivasaï tti saharisaṃ</l>
<l>pahuṇā laṅkāhimuhī<caesura/> uhaa-rasandoliā viiṇṇā diṭṭhī</l>
</lg>
<lg type="stanza" n="4">
<l>to sua-rāmāgamaṇo<caesura/> pavaakkanta-sihareṇa jāāmariso</l>
<l>roseṇa galia-dhīro<caesura/> samaṃ suveleṇa kampio dahavaaṇo</l>
</lg>
<lg type="stanza" n="5">
<l>tāva a āsaṇṇa-ṭṭhia<caesura/>-kaï-bala-ṇigghosa-kalusiassa bhaaaraṃ</l>
<l>dahavaaṇassa samosaria-pariaṇaṃ muaï diṭṭhi-vāaṃ diaso</l>
</lg>
<lg type="stanza" n="6">
<l>sura-gaa-ṇihassa raïṇo<caesura/> kaḍḍhantassa ṇaliṇiṃ va diasa-cchāaṃ</l>
<l>valaï hariāla-kavilo<caesura/> kamala-raa-kkhaürio vva kara-pabbhāro</l>
</lg>
<lg type="stanza" n="7">
<l>olugga-ppharisāṇaṃ<caesura/> jhijjanta-pasāriāava-ṇirāāṇaṃ</l>
<l>āāmijjantīṇa va<caesura/> jāaṃ taliṇattaṇaṃ duma-cchāāṇaṃ</l>
</lg>
<lg type="stanza" n="8">
<l>dīsaï vidduma-ambaṃ<caesura/> sindūrāhaa-gaïnda-kumbha-cchāaṃ</l>
<l>mandara-dhāu-kalaṅkia<caesura/>-vāsuï-maṇḍala-ṇiakkalaṃ raï-bimbaṃ</l>
</lg>
<lg type="stanza" n="9">
<l>maülenti disāhoā<caesura/> chāā-sāmalaïoaraṃ mahi-veḍhaṃ</l>
<l>diaso kalāvaseso<caesura/> siharālagga-taṇuāavā dharaṇiharā</l>
</lg>
<pb n="76"/>
<lg type="stanza" n="10">
<l>attha-ṇiamba-pariṇae<caesura/> hiāava-raammi sura-gaammi va diase</l>
<l>dīsaï palhatthantaṃ<caesura/> vihaḍia-dhāu-siharaṃ va diṇaara-bimbaṃ</l>
</lg>
<lg type="stanza" n="11">
<l>kamalāṇa diasa-vigame<caesura/> saṃbajjhanti galiāava-kilintāiṃ</l>
<l>maaranda-matta-mahuara<caesura/>-cala-pakkhuppusia-mahu-rasāi dalāiṃ</l>
</lg>
<lg type="stanza" n="12">
<l>dīsanti do vi sarisā<caesura/> kaï-calaṇāiddha-mahi-raa-samakkantā</l>
<l>atthāanto a raī<caesura/> āsaṇṇa-viṇāsa-ṇippaho dahavaaṇo</l>
</lg>
<lg type="stanza" n="13">
<l>addhatthamia-diṇaaro<caesura/> tuṅgovāsa-parisaṃṭhiāava-seso</l>
<l>gaaṇe mukka-mahi-alo<caesura/> parippavanta-taliṇo kilimmaï diaso</l>
</lg>
<lg type="stanza" n="14">
<l>diaseṇa vaṇa-gaeṇa va<caesura/> paraṃmuhāiddha-pāavassa va raviṇo</l>
<l>dīsaï thora-karālo<caesura/> uddho mūla-ṇivaho vva kara-pabbhāro</l>
</lg>
<lg type="stanza" n="15">
<l>ṇavari a diṇaara-bimbaṃ<caesura/> saṃjhāmaïammi ṇiaa-ruhira-ppaṅke</l>
<l>dahavaaṇassa bhaaaraṃ<caesura/> paḍhama-sira-cchea-maṇḍalaṃ va ṇiuḍḍaṃ</l>
</lg>
<lg type="stanza" n="16">
<l>bhamara-bharovattāiṃ<caesura/> pariṇaa-kesara-paloṭṭa-raa-garuāiṃ</l>
<l>ravi-viraha-milantāi vi<caesura/> honti karālāi paṅkaāṇa dalāiṃ</l>
</lg>
<lg type="stanza" n="17">
<l>avara-disā-vitthiṇṇo<caesura/> dīha-maūha-visama-ppahā-saṃghāo</l>
<l>raa-ṇibbharo vva dīsaï<caesura/> kāla-muha-kkhitta-diasa-kaḍḍhaṇa-maggo</l>
</lg>
<lg type="stanza" n="18">
<l>uddhovaanta-bimbe<caesura/> veeṇa mahiṃ va diṇaarammi aïgae</l>
<l>ucchaliāava-ambā<caesura/> saṃjhā-rāa-mihiā ṇahammi ṇihittā</l>
</lg>
<lg type="stanza" n="19">
<l>attha-siharammi dīsaï<caesura/> meru-aḍugghuṭṭha-kaṇaa-kaddama-ambo</l>
<l>valamāṇa-turia-ravi-raha<caesura/>-paḍiuṭṭhia-dhaa-vaḍo vva saṃjhā-rāo</l>
</lg>
<pb n="77"/>
<lg type="stanza" n="20">
<l>viasaï dhavalāambaṃ<caesura/> gaa-ruhirāliddha-kesari-saḍa-cchāaṃ</l>
<l>pavaṇandolaṇa-caḍulaṃ<caesura/> saṃjhā-rajjanta-kesaraṃ kumua-vaṇaṃ</l>
</lg>
<lg type="stanza" n="21">
<l>hoi apāaḍa-dīhā<caesura/> dara-vocchijjanta-visama-saṃjhā-rāā</l>
<l>odhūsaria-dasa-disā<caesura/> abaddha-timirā diṇāvasāṇa-cchāā</l>
</lg>
<lg type="stanza" n="22">
<l>saṃjhāava-muccantaṃ<caesura/> jalia-pasammanta-huavaha-ṭṭhāṇa-ṇihaṃ</l>
<l>dūratthamia-diṇaaraṃ<caesura/> jāaṃ saṃvatta-sarasi-rūaṃ gaaṇaṃ</l>
</lg>
<lg type="stanza" n="23">
<l>saṃjhā-rāa-tthaïā<caesura/> dara-saṃrūḍhandhaāra-kaa-para-bhāā</l>
<l>diasa-cchavi-parisese<caesura/> jhijjante ṇivvalanti dīvujjoā</l>
</lg>
<lg type="stanza" n="24">
<l>vihaḍanta-rāa-ṇialaṃ<caesura/> uhaa-taḍa-ṭṭhia-milanta-diṭṭhi-raï-suhaṃ</l>
<l>avasaṃ cakkāa-juaṃ<caesura/> huṃkārāatta-jīviaṃ vochiṇṇaṃ</l>
</lg>
<lg type="stanza" n="25">
<l>tāva a tamāla-kasaṇo<caesura/> kañcaṇa-kaḍaaṃ va bahala-saṃjhā-rāaṃ</l>
<l>paripelliūṇa a tamo<caesura/> hia-kaddama-sura-gaïnda-ṇihaso vva ṭhio</l>
</lg>
<lg type="stanza" n="26">
<l>āsaṇṇammi paviralaṃ<caesura/> bahalaṃ thoantarammi dūrammi ghaṇaṃ</l>
<l>obhagga-diṭṭhi-pasaraṃ<caesura/> savvattha sama-ṭṭhiaṃ pi dīsaï timiraṃ</l>
</lg>
<lg type="stanza" n="27">
<l>ghaṇa-viḍava-ṭṭhia-timirā<caesura/> timirāliddha-maïlanta-muddha-kisalaā</l>
<l>kisalaa-ṇisaṇṇa-kusumā<caesura/> kusumāmoeṇa ṇavara ṇajjanti dumā</l>
</lg>
<lg type="stanza" n="28">
<l>melāvia-savva-disaṃ<caesura/> āsaṇṇammi vi paṇaṭṭha-ṇaaṇāloaṃ</l>
<l>sūeavva-mahi-alaṃ<caesura/> jāaṃ sūra-vaḍaṇāṇurūaṃ timiraṃ</l>
</lg>
<lg type="stanza" n="29">
<l>okkhaṇḍeavva-daḍho<caesura/> pasaraï ukkhammiavva-bahalugghāo</l>
<pb n="78"/>
<l>avalambiavva-joggo<caesura/> sasiṇā bhettavva-saṃghao tama-ṇivaho</l>
</lg>
<lg type="stanza" n="30">
<l>vahaï va mahi-ala-bhario<caesura/> ṇolleï va pacchao dharei va purao</l>
<l>pellei va pāsa-gao<caesura/> garuāi va uvari-saṃṭhio tama-ṇivaho</l>
</lg>
<lg type="stanza" n="31">
<l>dīsaï a timira-milio<caesura/> kasaṇa-silā-bhiṇṇa-salila-sībhara-dhavalo</l>
<l>thoummillanta-diso<caesura/> uaantaria-taṇuo sasi-arujjoo</l>
</lg>
<lg type="stanza" n="32">
<l>dīsaï jua-kkhaammi va<caesura/> mahi-ala-para-bhāa-sasi-arāhaa-timirā</l>
<l>ṇivvaḍia-dhūma-huavaha<caesura/>-ḍajjhanta-samudda-saṃṇihā puvva-disā</l>
</lg>
<lg type="stanza" n="33">
<l>ṇavari a acchāloā<caesura/> uaa-giri-kkhalia-bahala-joṇhā-ṇivahā</l>
<l>jāā paṇaṭṭha-timirā<caesura/> muddha-miaṅka-paripaṇḍulā puvva-disā</l>
</lg>
<lg type="stanza" n="34">
<l>ṇava-kamaloara-ambaṃ<caesura/> kesara-somāra-saṃgalanta-maūhaṃ</l>
<l>viralei samāsaṇṇaṃ<caesura/> ṇīsesei timiraṃ ṇa tā sasi-bimbaṃ</l>
</lg>
<lg type="stanza" n="35">
<l>to uaa-sihara-miliaṃ<caesura/> jāaṃ uppusia-timira-dhavala-cchāaṃ</l>
<l>ia-hutta-ṭṭhia-sura-gaa<caesura/>-danta-cchea-parimaṇḍalaṃ sasi-bimbaṃ</l>
</lg>
<lg type="stanza" n="36">
<l>ṇavari a sasi-ara-ṇisuḍhia<caesura/>-vivalāia-timira-kalusa-tārā-ṇivahaṃ</l>
<l>jāaṃ bahu-kusumotthaa<caesura/>-silā-alāāra-saṃṇihaṃ gaaṇa-alaṃ</l>
</lg>
<lg type="stanza" n="37">
<l>dara-milia-canda-kiraṇā<caesura/> dara-dhuvvanta-timira-kkhaüriāloā</l>
<l>dara-pāaḍa-taṇu-viḍavā<caesura/> dara-baddha-cchāhi-maṇḍalā honti dumā</l>
</lg>
<lg type="stanza" n="38">
<l>hoi ṇaha-laṅghaṇa-sahaṃ<caesura/> jāa-tthāma-kiraṇāhaükkhaa-timiraṃ</l>
<l>vialia-muddha-sahāaṃ<caesura/> jaraḍhāanta-dhavalaṃ ṇisāara-bimbaṃ</l>
</lg>
<lg type="stanza" n="39">
<l>taha-parisaṃṭhia-selaṃ<caesura/> vitthiṇṇa-disaṃ tahujjua-ṇaï-ppavahaṃ</l>
<l>khantūṇa va ukkiṇṇaṃ<caesura/> sasiṇā tama-saṃcaaṃ puṇo vi mahi-alaṃ</l>
</lg>
<pb n="79"/>
<lg type="stanza" n="40">
<l>bahalammi vi tama-ṇivahe<caesura/> ṇivvāleūṇa saccavia-rūvāo</l>
<l>aṇubandhanti sasi-arā<caesura/> ghettuṃ ṇa caanti pāava-cchāāo</l>
</lg>
<lg type="stanza" n="41">
<l>ṇavara karālei sasī<caesura/> muha-parihaṭṭaṇa-samūsasanta-dala-uḍaṃ</l>
<l>avaḍicchiekkamekkā<caesura/> visaaṃ phālenti mahuara ccia kumuaṃ</l>
</lg>
<lg type="stanza" n="42">
<l>pusio ṇu ṇiravasesaṃ<caesura/> samaaṃ thora-kara-pellio ṇu virāo</l>
<l>otthaïo ṇu samatto<caesura/> sasiṇā pīo ṇu ṇiddaaṃ tama-ṇivaho</l>
</lg>
<lg type="stanza" n="43">
<l>maṃsala-cikkhilla-ṇihaṃ<caesura/> hattha-ggejjhaṃ va maïlia-disā-akkaṃ</l>
<l>khantūṇa va tama-ṇivahaṃ<caesura/> candujjoeṇa khaüriaṃ va ṇaha-alaṃ</l>
</lg>
<lg type="stanza" n="44">
<l>bhiṇṇa-tama-duddiṇāiṃ<caesura/> viḍavantara-virala-paḍia-canda-karāiṃ</l>
<l>thoa-suhāloāiṃ<caesura/> paaḍanti va muddha-pallavāi vaṇāiṃ</l>
</lg>
<lg type="stanza" n="45">
<l>parimalia-dduma-kusumā<caesura/> uahutta-disā-gaïnda-maa-ṇīsandā</l>
<l>ṇivviṭṭha-paṅkaa-vaṇā<caesura/> ovagganti kumuoarāi mahuarā</l>
</lg>
<lg type="stanza" n="46">
<l>hoi ṇirāaa-lambo<caesura/> gavakkha-paḍio disā-gaassa va sasiṇo</l>
<l>kasaṇa-maṇi-kuṭṭima-ale<caesura/> geṇhanto sara-jalaṃ va kara-pabbhāro</l>
</lg>
<lg type="stanza" n="47">
<l>dīsanti gaa-ula-ṇihe<caesura/> sasi-dhavala-maïnda-viddue tama-ṇivahe</l>
<l>bhavaṇa-cchāhi-samūhā<caesura/> dīhā ṇīsaria-kaddama-paa-cchāā</l>
</lg>
<lg type="stanza" n="48">
<l>taṃsuṇṇamanta-bimbo<caesura/> jālantara-ṇiggaosaranta-maūhā</l>
<l>bhiṇṇa-vivarandhaāro<caesura/> bhagga-cchāhi-pasaro vilaggaï cando</l>
</lg>
<lg type="stanza" n="49">
<l>vicchaḍḍia-cuṇṇa-ṇihā<caesura/> āvīaṃsua-visesiabbha-cchāā</l>
<l>viaḍa-gavakkhovaïā<caesura/> dīvujjoa-miliā kilimmaï joṇhā</l>
</lg>
<lg type="stanza" n="50">
<l>pariṇāma-darummillaṃ<caesura/> ovatteavva-bahala-joṇhā-bhariaṃ</l>
<pb n="80"/>
<l>thoa-tthoa-maüliaṃ<caesura/> bhara-vitthāria-dalaṃ va vevaï kumuaṃ</l>
</lg>
<lg type="stanza" n="51">
<l>pavaṇāampia-siharā<caesura/> gaoṇiattanta-viḍava-vihua-cchāā</l>
<l>sasi-kiraṇa-parikkhittā<caesura/> joṇhā-vea-vaḍiā pavanti va rukkhā</l>
</lg>
<lg type="stanza" n="52">
<l>gharamaṇi-maūha-bhiṇṇo<caesura/> salilāhaa-bahala-candaṇa-rasa-cchāo</l>
<l>uddesullalia-tamo<caesura/> dīsaï vivara-visamo vva joṇhā-ṇivaho</l>
</lg>
<lg type="stanza" n="53">
<l>vialia-ṇiaa-cchāaṃ<caesura/> jāaṃ joṇhā-parippavanta-miaṅkaṃ</l>
<l>vicchūḍhavva-maūhaṃ<caesura/> avibhāvia-saṇha-tāraaṃ gaaṇa-alaṃ</l>
</lg>
<lg type="stanza" n="54">
<l>ṇivvaḍia-tuṅga-siharā<caesura/> dhavalā dīsanti diṭṭha-mahi-ala-bandhā</l>
<l>ṇaha-majjha-ṭṭhia-sasahara<caesura/>-vocchiṇṇa-cchāhi-maṇḍalā dharaṇiharā</l>
</lg>
<lg type="stanza" n="55">
<l>vivaraṃ ti pariharijjaï<caesura/> bahala-duma-cchāhi-maṇḍalāgaa-timiraṃ</l>
<l>occhundaï vīsatthaṃ<caesura/> joṇhā-ṇivaha-bhariaṃ thalaṃ miva vivaraṃ</l>
</lg>
<lg type="kulaka">
<label>juggaaṃ</label>
<lg type="stanza" n="56">
<l>ia vammaha-jaggāvia<caesura/>-tīra-visūranta-ṇivvalia-cakkāe</l>
<l>jāammi maüliuppala<caesura/>-dukkha-pahuppanta-mahuarammi paose</l>
</lg>
<lg type="stanza" n="57">
<l>vammaha-paravvasāiṃ<caesura/> rāmāgamaṇa-parivaḍḍhiāveāiṃ</l>
<l>ahilakkhanti muanti a<caesura/> raï-vāvāraṃ vilāsiṇī-hiaāiṃ</l>
</lg>
</lg>
<lg type="stanza" n="58">
<l>laddha-galantāsāaṃ<caesura/> āvea-vihiṇṇa-vammahullalia-suhaṃ</l>
<l>chiṇṇa-ghaḍijjanta-rasaṃ<caesura/> ṇāvajjhaï daïa-cumbaṇaṃ juvaīṇaṃ</l>
</lg>
<lg type="stanza" n="59">
<l>vevaï sasaï kilimmaï<caesura/> saaṇe āmuaï ṇīsaho aṅgāiṃ</l>
<l>ṇa viṇajjaï kiṃ bhīo<caesura/> o maaṇa-paravvaso vilāsiṇi-sattho</l>
</lg>
<lg type="stanza" n="60">
<l>piaama-vacchesu vaṇe<caesura/> ovaïa-disā-gaïnda-dantullihie</l>
<l>vevaï daṭṭhūṇa ciraṃ<caesura/> saṃbhāvia-samara-kāaro juaï-jaṇo</l>
</lg>
<pb n="81"/>
<lg type="stanza" n="61">
<l>suraa-suhaddha-maüliaṃ<caesura/> bhamara-darakkanta-mālaī-maüla-ṇihaṃ</l>
<l>sāhaï samaruppesaṃ<caesura/> uppitthummilla-tāraaṃ ṇaaṇa-juaṃ</l>
</lg>
<lg type="kulaka">
<label>juggaaṃ</label>
<lg type="stanza" n="62">
<l>aha sasi-jaṇiāmoe<caesura/> maa-parivaḍḍhia-piāhisāraṇa-sokkhe</l>
<l>maaṇummūlia-māṇe<caesura/> rāa-parāhīṇa-raï-suhammi paose</l>
</lg>
<lg type="stanza" n="63">
<l>valaï a dūmia-kuvio<caesura/> avasāia-hirisio aīi sarīraṃ</l>
<l>sasaï a cumbia-suhio<caesura/> maa-pāaḍia-hiao vilāsiṇi-sattho</l>
</lg>
</lg>
<lg type="stanza" n="64">
<l>rosa-pusiāharāṇaṃ<caesura/> daïa-balāmoli-cumbaṇa-paruṇṇāṇaṃ</l>
<l>ṇivvalia-maṇṇu-garuaṃ<caesura/> haraï parā-hutta-jampiaṃ juaīṇaṃ</l>
</lg>
<lg type="stanza" n="65">
<l>ahisāraṇaṃ ṇa geṇhaï<caesura/> ṇa saṃṭhavei alaaṃ ṇa pucchaï dūiṃ</l>
<l>candāloa-paḍihao<caesura/> vevaï mūḍha-hiao vilāsiṇi-sattho</l>
</lg>
<lg type="stanza" n="66">
<l>avamaṇṇia-rāma-kahaṃ<caesura/> jahā-pura-paaṭṭa-juaï-jaṇa-vāvāraṃ</l>
<l>sohaï raaṇiarāṇaṃ<caesura/> āsaṅghia-dahamuhaṃ paosāgamaṇaṃ</l>
</lg>
<lg type="stanza" n="67">
<l>pia-pāsāhi ṇiatto<caesura/> samuhaṃ aliaṃ pi jaṃ bhaṇaï dūi-jaṇo</l>
<l>taṃ cia kāmiṇi-sattho<caesura/> dūmentiṃ pi bahuso ṇiattei kahaṃ</l>
</lg>
<lg type="stanza" n="68">
<l>saaṇesu paṇaa-kalahe<caesura/> samuha-ṇisaṇṇa-pia-velavijjantīhiṃ</l>
<l>parivattiuṃ ṇa caïaṃ<caesura/> ṇavaraṃ ṇaaṇesu vialiaṃ bāha-jalaṃ</l>
</lg>
<lg type="stanza" n="69">
<l>aṇuṇaa-khaṇa-laddha-suhe<caesura/> puṇo vi saṃbharia-maṇṇu-dūmia-vihale</l>
<l>hiae māṇavaīṇaṃ<caesura/> cireṇa paṇaa-garuo pasammaï roso</l>
</lg>
<lg type="stanza" n="70">
<l>alaaṃ chivaï vilakkho<caesura/> paḍisāreï valaaṃ jamei ṇiatthaṃ</l>
<l>mohaṃ ālavaï sahiṃ<caesura/> daïāloa-ṇaḍio vilāsiṇi-sattho</l>
</lg>
<pb n="82"/>
<lg type="stanza" n="71">
<l>abbhuṭṭhaṇa-turiāṇaṃ<caesura/> sohaï daïovaūhaṇa-virāāṇaṃ</l>
<l>asamatta-maṇḍaṇāṇaṃ<caesura/> tahea saaṇa-gamaṇaṃ vilāsavaīṇaṃ</l>
</lg>
<lg type="stanza" n="72">
<l>avasāia-diṇṇa-suho<caesura/> sahīhi thira-diṭṭhi-ṇihua-vāria-viḍio</l>
<l>hittha-hiao muṇijjaï<caesura/> piehi alia-kuvio vilāsiṇi-sattho</l>
</lg>
<lg type="stanza" n="73">
<l>saha vaḍḍhiaṃ sahiṃ miva<caesura/> vaḍḍhantiṃ piaamāhisāraṇa-vigghe</l>
<l>vārei cireṇa mao<caesura/> lajjaṃ vicchuhaï vammaho ccia paḍhamaṃ</l>
</lg>
<lg type="stanza" n="74">
<l>sahi-aṇa-hatthāhi muhaṃ<caesura/> dara-raïa-visesaaṃ samakkhettūṇa</l>
<l>juvaīhi valia-visamaṃ<caesura/> appāhijjaï sasaṃbhamaṃ dūi-jaṇo</l>
</lg>
<lg type="stanza" n="75">
<l>aṇṇaṃ sahi-aṇa-purao<caesura/> appāhento a aṇṇahā dūi-jaṇaṃ</l>
<l>jampaï vimukka-dhīraṃ<caesura/> aṇṇaṃ cia daïa-daṃsaṇe juvaï-jaṇo</l>
</lg>
<lg type="stanza" n="76">
<l>kaha vi samuhāṇiaṅke<caesura/> kaha kaha vi valanta-cumbiovatta-muhe</l>
<l>dei khalantullāve ṇava-vahu-satthe visūria-raaṃ pi dhiiṃ</l>
</lg>
<lg type="stanza" n="77">
<l>sāsaï vimukka-māṇo<caesura/> bahalubbhiṇṇa-pulaüggameṇa piāṇaṃ</l>
<l>purao-hutta-ṇisaṇṇo<caesura/> gaoṇiatta-hiao vilāsiṇi-sattho</l>
</lg>
<lg type="stanza" n="78">
<l>ṇa piaï diṇṇaṃ pi muhaṃ<caesura/> ṇa paṇāmei aharaṃ ṇa moei balā</l>
<l>kaha vi paḍivajjaï raaṃ<caesura/> paḍhama-samāgama-paraṃmuho juvaï-jaṇo</l>
</lg>
<lg type="stanza" n="79">
<l>avalambijjaü dhīraṃ<caesura/> ṇa a so ehii ihuggae vi paose</l>
<l>ia dūīhi tulijjaï<caesura/> paḍhamāṇia-piaamo vilāsiṇi-sattho</l>
</lg>
<lg type="stanza" n="80">
<l>dei vilāsavaīṇaṃ<caesura/> suhe a dukkhe a pāaḍia-sabbhāvā</l>
<pb n="83"/>
<l>aṇavekkhia-lajjāiṃ<caesura/> sahi vva vīsattha-jampiāi pasaṇṇā</l>
</lg>
<lg type="stanza" n="81">
<l>candujjoeṇa mao<caesura/> maeṇa candāavo ṇu vaḍḍhia-pasaro</l>
<l>dohi vi tehi ṇu maaṇo<caesura/> maaṇeṇa ṇu do vi te ṇiā aïbhūmiṃ</l>
</lg>
<lg type="stanza" n="82">
<l>canda-areṇa paose<caesura/> ṇijjaï maaṇeṇa mahu-maeṇa a samaaṃ</l>
<l>dūraṃ dūrārūḍho<caesura/> juvaīṇa piesu bahu-raso aṇurāo</l>
</lg>
<trailer>ia dasamo āsāsao</trailer>
</div>
<pb n="84"/>
<div type="canto" n="11">
<head>eāraho āsāsao</head>
<lg type="kulaka">
<label>juggaaṃ</label>
<lg type="stanza" n="1">
<l>ia paḍisāria-cande<caesura/> dūrukkhaṇḍia-ṇisā-paatta-virāme</l>
<l>cittavia-kāmiṇi-aṇe<caesura/> jāma-cchea-visamaṃ gaammi paose</l>
</lg>
<lg type="stanza" n="2">
<l>dīhaṃ rakkhasa-vaïṇā<caesura/> cintā reavia-dhīra-dāvia-hiaaṃ</l>
<l>dasahi vi muhehi samaaṃ<caesura/> āloia-suṇṇa-dasa-disaṃ ṇīsasiaṃ</l>
</lg>
</lg>
<lg type="stanza" n="3">
<l>cintei sasaï jūraï<caesura/> bāhuṃ paripusaï dhuṇaï muha-saṃghāaṃ</l>
<l>hasaï pariosa-suṇṇaṃ<caesura/> sīā-ṇippasara-vammaho dahavaaṇo</l>
</lg>
<lg type="stanza" n="4">
<l>bahu-maṇṇaï vaccha-aḍaṃ<caesura/> hīrantuvvatta-jaṇaa-taṇaāliddhaṃ</l>
<l>ṇindaï a vaaṇa-ṇivahaṃ<caesura/> appatta-piā-muhāmaa-rasāsāaṃ</l>
</lg>
<lg type="stanza" n="5">
<l>paḍirumbhantassa vi se<caesura/> bhagga-ṇiatta-parisaṃṭhavia-bhijjante</l>
<l>visamuddhāia-kampe<caesura/> hiae ullalaï alahuammi vi dhīraṃ</l>
</lg>
<lg type="stanza" n="6">
<l>to se visamuvvattia<caesura/>-virala-pasāria-karaṅguli-dara-tthaïaṃ</l>
<l>khaliaṃ aṃsammi muhaṃ<caesura/> viambhiāāsa-galia-bāhuppīḍaṃ</l>
</lg>
<lg type="stanza" n="7">
<l>visamuggāhia-mahuraṃ<caesura/> dūmia-danta-vvaṇāhara-parikkhaliaṃ</l>
<l>āaṇṇei piāṇaṃ<caesura/> valanta-hiaāvahīriaṃ jaa-saddaṃ</l>
</lg>
<lg type="stanza" n="8">
<l>āmuaï mahaï saaṇaṃ<caesura/> maggaï raaṇi-viramaṃ juucchaï diasaṃ</l>
<l>ṇīi ṇiattei puṇo<caesura/> raï-lambhovāa-maggaṇāura-hiao</l>
</lg>
<lg type="stanza" n="9">
<l>pacchāantassa vi se<caesura/> bahuso hiaa-ṭṭhio piāṇa vi purao</l>
<l>samaaṃ muha-ṇivahammi vi<caesura/> sīāmaïo paaṭṭaï samullāvo</l>
</lg>
<pb n="85"/>
<lg type="stanza" n="10">
<l>taṃ pulaïammi pecchaï<caesura/> ullāvanto a tīa geṇhaï gottaṃ</l>
<l>ṭhāi a tassa samaaṇe<caesura/> aṇṇammi vi cintiammi sa ccia hiae</l>
</lg>
<lg type="stanza" n="11">
<l>sāhaï se saṃtāvaṃ<caesura/> vāsa-haraddhanta-visama-puñjia-kusumo</l>
<l>āaa-ṇīsāsa-hao<caesura/> kilinta-sagga-taru-pallavo uvaāro</l>
</lg>
<lg type="stanza" n="12">
<l>deha-pariṇāha-viaḍe<caesura/> valaï bharovvatta-dalia-pāsaddhante</l>
<l>dūroṇāmia-majjhe<caesura/> visamaṃ bhūmi-saaṇe paholira-hattho</l>
</lg>
<lg type="stanza" n="13">
<l>dakkhiṇṇa-metta-diṇṇo<caesura/> jaṇaa-suā-hutta-hiaa-diṇṇukkaṇṭho</l>
<l>ullalaï khaṇa-vilakkho<caesura/> ṇiaanteura-muhesu se muha-ṇivaho</l>
</lg>
<lg type="stanza" n="14">
<l>jā aṇṇeṇa hasanto<caesura/> gamei ummaccharaṃ vilāsiṇi-satthaṃ</l>
<l>tā dūsaha-saṃtāvaṃ<caesura/> aṇṇaṃ se soa-dummaṇaṃ hoi muhaṃ</l>
</lg>
<lg type="stanza" n="15">
<l>ṇiuṇa-hasiāṇuviddhaṃ<caesura/> sīā-lambhāvahāraṇa-visaṃvāaṃ</l>
<l>suṇaï ṇa lakkhei phuḍaṃ<caesura/> aṇṇa-viiṇṇa-hiao piāṇa dahamuho</l>
</lg>
<lg type="stanza" n="16">
<l>īsā-macchara-garue<caesura/> sāhikkheva-parivaḍḍhiovālambhe</l>
<l>kaha kaha vi gamei khaṇaṃ<caesura/> vilakkha-hasiehi kāmiṇi-samullāve</l>
</lg>
<lg type="stanza" n="17">
<l>tassa paḍiruddha-sesaṃ<caesura/> bāhotthaa-kaṇṭha-visama-paa-ṇikkhevaṃ</l>
<l>saṅkijjaï vimaṇāhiṃ<caesura/> phuḍaṃ ṇa ṇajjaï piāhi gotta-kkhaliaṃ</l>
</lg>
<lg type="stanza" n="18">
<l>kaha vi ṭhavei dahamuho<caesura/> kiṃ ti aṇālavia-moha-diṇṇālāvaṃ</l>
<l>daïāhi galia-bāhaṃ<caesura/> rosa-ṇiruttara-puloiaṃ appāṇaṃ</l>
</lg>
<lg type="stanza" n="19">
<l>aṇahiao vi piāṇaṃ<caesura/> ummaccha-pasāriagghavia-huṃkāraṃ</l>
<l>ahiṇandaï dahavaaṇo<caesura/> samatta-ṇivvelliāharoṭṭha-pulaïaṃ</l>
</lg>
<lg type="stanza" n="20">
<l>duccintiāvaesaṃ<caesura/> piāhi ummaccha-saṃbhama-kaāloaṃ</l>
<l>hasaï khaṇaṃ appāṇaṃ<caesura/> aṇahiaa-visajjiāsaṇa-ṇiattantaṃ</l>
</lg>
<lg type="stanza" n="21">
<l>taha sa gao aïbhūmiṃ<caesura/> jaha ṇa viṇijjantaṇaṃ piāhi ṇa ṇāo</l>
<pb n="86"/>
<l>ṇa a ṇāūṇa ṇa hasio<caesura/> ṇa a hasiūṇa aṇusoiuṃ ṇa a tiṇṇo</l>
</lg>
<lg type="stanza" n="22">
<l>cinteuṃ ca paütto<caesura/> avahovāsa-pasaranta-ṇīsāsa-haaṃ</l>
<l>dosu ṇimeūṇa samaṃ<caesura/> ekkaṃ āsaṇṇa-muha-kavolesu karaṃ</l>
</lg>
<lg type="stanza" n="23">
<l>aṅkāgaaṃ sahijjaï<caesura/> paosa-raï-viggha-saṅkieṇa kaï-balaṃ</l>
<l>taṃ kassa vi soatthaṃ<caesura/> valaï aladdha-suraaṃ mahaṃ cia hiaaṃ</l>
</lg>
<lg type="stanza" n="24">
<l>kiṃ bhua-vivara-paholira<caesura/>-saṃkhoha-pphiḍia-gahia-kaḍḍhia-ṇihaaṃ</l>
<l>atthakkāsaṇṇa-ṭhiaṃ<caesura/> ṇipphala-caḍula-muhalaṃ malemi kaï-balaṃ</l>
<!-- Goldschmidt thiaṃ ṇṇipphala!-->
</lg>
<lg type="stanza" n="25">
<l>o sasi-karāhaümmilla-loaṇandolamāṇa-bāha-taraṃgaṃ</l>
<l>āsāemi kaa-ggaha<caesura/>-ṇiruttaruttāṇiāṇaṇaṃ jaṇaa-suaṃ</l>
</lg>
<lg type="stanza" n="26">
<l>kaha viraha-ppaḍiūlā<caesura/> hohii samuha-hiaā païmmi uvagae</l>
<l>ṇecchaï iarā vi sasiṃ<caesura/> kiṃ uṇa diṭṭhammi diṇaarammi kamaliṇī</l>
</lg>
<lg type="stanza" n="27">
<l>abbhatthaṇaṃ ṇa geṇhaï<caesura/> tīraï tihuaṇa-sirīa vi ṇa loheuṃ</l>
<l>ṇa gaṇei sarīra-vahaṃ<caesura/> kaha maṇṇe hojja jāṇaī sāṇuṇaā</l>
</lg>
<lg type="stanza" n="28">
<l>paï-māhappa-ṇisaṇṇā<caesura/> avamaṇṇia-sesa-sappurisa-soḍīrā</l>
<l>jaï ṇavara hojja va vasā<caesura/> lua-rāhava-sīsa-daṃsaṇā jaṇaa-suā</l>
</lg>
<lg type="stanza" n="29">
<l>addiṭṭha-lajjaṇijjo<caesura/> bhagga-parittāṇa-vialiāsā-bandhe</l>
<l>avaso abandhu-lahuo<caesura/> bhaeṇa ṭhii-bhaṅga-sāhasaṃ kuṇaï jaṇo</l>
</lg>
<lg type="stanza" n="30">
<l>ṇavari a ṇaṃ kheālasa<caesura/>-jimbhāanta-valiuddha-muha-saṃghāaṃ</l>
<l>bhumaā-bhaṅgāṇatto<caesura/> samaaṃ pāsesu pariaṇo allīṇo</l>
</lg>
<lg type="stanza" n="31">
<l>to ekka-hiaa-guṇiaṃ<caesura/> dasahi vi samaaṃ muhehi appāheuṃ</l>
<l>ṇa pahuppaï dahavaaṇo<caesura/> cira-kaṅkhia-lambha-gabbhiṇakkhara-garuaṃ</l>
</lg>
<pb n="87"/>
<lg type="stanza" n="32">
<l>aṇṇeṇa samāraddhaṃ<caesura/> vaaṇaṃ aṇṇeṇa harisa-gahia-pphiḍiaṃ</l>
<l>aṇṇeṇa addha-bhaṇiaṃ<caesura/> muheṇa aṇṇeṇa se kaha vi ṇimmaviaṃ</l>
</lg>
<lg type="stanza" n="33">
<l>to uggāhia-soaṃ<caesura/> teṇa bhaṇanteṇa muha-paholira-dhūmaṃ</l>
<l>saṃtāviekka-hiaaṃ<caesura/> dasa-kaṇṭha-kkhalia-palahuaṃ ṇīsasiaṃ</l>
</lg>
<lg type="stanza" n="34">
<l>āhāsaï a ṇisiare<caesura/> āṇā-sama-kāla-diṇṇa-paḍisaṃlāve</l>
<l>mahi-ṇimiohaa-kara-ala<caesura/>-taṃsa-ṭṭhia-tia-bharuṇṇamia-dehaddhe</l>
</lg>
<lg type="stanza" n="35">
<l>taṃ māā-ṇimmaviaṃ<caesura/> riu-daṃsaṇa-visama-valia-ṇiccala-ṇaaṇaṃ</l>
<l>dāveha kaṇṭha-rahiaṃ<caesura/> sīāi vioa-paṇḍuraṃ rāma-siraṃ</l>
</lg>
<lg type="stanza" n="36">
<l>to amarisa-melāvia<caesura/>-bhumaüggāhia-taraṃgia-ṇilāḍa-aḍaṃ</l>
<l>chiṇṇāṇiaṃ va taṃ cia<caesura/> tāhe ccia tehi ṇimmiaṃ rāma-siraṃ</l>
</lg>
<lg type="stanza" n="37">
<l>saṃpatthiā a saṃbhama<caesura/>-calaṇovaḍaṇa-visamuṭṭhiā pamaa-vaṇaṃ</l>
<l>kaha vi samattappāhia<caesura/>-dahavaaṇāṇatti-vāvaḍā raaṇiarā</l>
</lg>
<lg type="stanza" n="38">
<l>pattā a phuḍia-maṇi-aḍa<caesura/>-vivaruṭṭhia-salila-baddha-paṅkaa-maülaṃ</l>
<l>pavaṇa-sua-bhagga-pāava<caesura/>-bhaṅguggaa-bāla-kisalaaṃ pamaa-vaṇaṃ</l>
</lg>
<lg type="kulaka">
<label>āikulaaṃ</label>
<lg type="stanza" n="39">
<l>pecchanti a saï-saṃṭhia<caesura/>-vaaṇa-visaṃvaïa-thaṇa-ṇisaṇṇa-kara-alaṃ</l>
<l>dahavaaṇāgama-saṅkia<caesura/>-paa-sadduppittha-loaṇaṃ jaṇaa-suaṃ</l>
</lg>
<lg type="stanza" n="40">
<l>piaama-sahattha-pesia<caesura/>-maṇi-suṇṇaïa-siḍhiladdha-veṇī-bandhaṃ</l>
<l>dhoa-kaladhoa-paṇḍura<caesura/>-paḍanta-bāha-pahaüṇṇaa-tthaṇa-alasaṃ</l>
</lg>
<lg type="stanza" n="41">
<l>ajamia-pamhala-veṇiṃ<caesura/> bāha-jala-pahāviālaotthaïa-muhiṃ</l>
<l>rasaṇā-suṇṇa-ṇiambaṃ<caesura/> vicchaḍḍia-maṇḍaṇagghavia-lāvaṇṇaṃ</l>
</lg>
<pb n="88"/>
<lg type="stanza" n="42">
<l>thoa-maüāaa-ṭṭhia<caesura/>-piaama-gaa-hiaa-suṇṇa-ṇiccala-ṇaaṇaṃ</l>
<l>kaï-bala-saddāaṇṇaṇa<caesura/>-bāha-taraṃga-parigholamāṇa-paharisaṃ</l>
</lg>
<lg type="stanza" n="43">
<l>īsi-raa-bhiṇṇa-pāḍala<caesura/>-vasuāa-ppharusa-bāha-bindu-ṭṭhāṇaṃ</l>
<l>vicchaḍḍia-paridhūsara<caesura/>-ṇiaa-sahāva-parisaṃṭhiāhara-rāaṃ</l>
</lg>
<lg type="stanza" n="44">
<l>vaaṇaṃ samuvvahantaṃ<caesura/> olugga-kaola-ṇivvalantāāmaṃ</l>
<l>asamatta-kalā-dīhaṃ<caesura/> kaï-diahāsaṇṇa-pūriavvaṃ va sasiṃ</l>
<!--pūriavvaṃ corrected by GS, puriavvaṃ in main text !-->
</lg>
<lg type="stanza" n="45">
<l>deha-cchavi-ṇivvalie<caesura/> bhiṇṇa-daruvvatta-roaṇā-sacchāe</l>
<l>bhūsaṇa-bandhaṇa-magge<caesura/> lakkhijjanta-taliṇattaṇe vahamāṇaṃ</l>
</lg>
<lg type="stanza" n="46">
<l>daṭṭhavva-caḍula-ṇaaṇaṃ<caesura/> uvaūhaṇa-lālasa-pphuria-bāhu-laaṃ</l>
<l>āsaṇṇa-ṭṭhia-daïaṃ<caesura/> raseṇa ekka-saaṇammi va visūrantiṃ</l>
</lg>
<lg type="stanza" n="47">
<l>dūsaha-miaṅka-daṃsaṇa<caesura/>-duuṇaarukkaṇṭha-ṇīsaha-ṇisaṇṇaṅgiṃ</l>
<l>gaa-jīvia-parisaṅkia<caesura/>-ṇisiari-hattha-parimaṭṭha-ṇiccala-hiaaṃ</l>
</lg>
<lg type="stanza" n="48">
<l>hattheṇa bāha-garuia<caesura/>-dūra-palambālaotthaeṇa vahantiṃ</l>
<l>pia-pesiaṅgulīaa<caesura/>-maṇi-ppahā-pāaḍekka-pāsaṃ va muhaṃ</l>
</lg>
<lg type="stanza" n="49">
<l>āsaṇṇa-jujjha-vimaṇaṃ<caesura/> rāma-bhuāsaṅgha-ṇiṭṭhavia-saṃtāvaṃ</l>
<l>hiaāvalia-dahamuhaṃ<caesura/> kiṃ maṇṇe hohii tti vimuhijjantiṃ</l>
</lg>
<lg type="stanza" n="50">
<l>samuhāloaṇa-viḍiaṃ<caesura/> viḍia-ṇimilla-pia-daṃsaṇūsua-hiaaṃ</l>
<l>ūsua-hiaümmillaṃ<caesura/> ummillosaria-paï-muha-kilimmantiṃ</l>
</lg>
</lg>
<lg type="stanza" n="51">
<l>daṭṭhūṇa a ṇaṃ dūmia<caesura/>-hiaa-paholanta-saṃbharia-kāavvā</l>
<l>allīṇā māāmaa<caesura/>-rāma-sirullaaṇa-kāarā raaṇiarā</l>
</lg>
<pb n="89"/>
<lg type="stanza" n="52">
<l>aha tehi tīa purao<caesura/> chea-samuvvatta-māsa-diṇṇāveḍhaṃ</l>
<l>ṭhaviaṃ rāhava-vaaṇaṃ<caesura/> lua-majjha-vilagga-vāma-hatthaṃ ca dhaṇuṃ</l>
</lg>
<lg type="stanza" n="53">
<l>āloie visaṇṇā<caesura/> uvaṇijjantammi veviuṃ āḍhattā</l>
<l>sīā raaṇiarehiṃ<caesura/> rāma-siraṃ ti bhaṇie gaa ccia mohaṃ</l>
</lg>
<lg type="stanza" n="54">
<l>paḍiā a hattha-siḍhilia<caesura/>-ṇiroha-paṇḍara-samūsasanta-kavolā</l>
<l>pellia-vāma-paohara<caesura/>-visamuṇṇaa-dāhiṇa-tthaṇī jaṇaa-suā</l>
</lg>
<lg type="stanza" n="55">
<l>maraṇammi bandhavāṇaṃ<caesura/> jaṇassa kiṃ hoi bandhavo ccia saraṇaṃ</l>
<l>taha guru-soa-kavaliā<caesura/> dharammi paḍiā vimucchiā dharaṇi-suā</l>
</lg>
<lg type="stanza" n="56">
<l>ṇa kao bāha-vimukkho<caesura/> ṇivvaṇṇeuṃ pi ṇa caïaṃ rāma-siraṃ</l>
<l>ṇavara-paḍivaṇṇa-mohā<caesura/> gaa-jīvia-ṇīsahā mahimmi ṇisaṇṇā</l>
</lg>
<lg type="stanza" n="57">
<l>khaṇa-ṇiccala-ṇīsāsaṃ<caesura/> jāaṃ mohandhaāra-sāma-cchāaṃ</l>
<l>virala-miliacchi-vattaṃ<caesura/> mucchā-hīranta-tāraaṃ tīa muhaṃ</l>
</lg>
<lg type="stanza" n="58">
<l>visaria-vioa-dukkhaṃ<caesura/> takkhaṇa-pabbhaṭṭha-rāma-maraṇāāsaṃ</l>
<l>jaṇaa-taṇaāi ṇavaraṃ<caesura/> laddhaṃ mucchā-ṇimīliacchīa suhaṃ</l>
</lg>
<lg type="stanza" n="59">
<l>thaṇa-pariṇāhotthaïe<caesura/> tīe hiaammi paaṇuaṃ pi ṇa diṭṭhaṃ</l>
<l>dīhaṃ pi samūsasiaṃ<caesura/> sūijjaï ṇavara vevire aharoṭṭhe</l>
</lg>
<lg type="stanza" n="60">
<l>aparipphuḍa-ṇīsāsā<caesura/> to sā moha-virame vi ṇīsaha-paḍiā</l>
<l>aṇuvajjha-bāha-garuia<caesura/>-dukkha-samuvvūḍha-tāraaṃ ummillā</l>
</lg>
<lg type="kulaka">
<label>kulaaṃ 4</label>
<lg type="stanza" n="61">
<l>pecchaï a sarahasoharia-maṇḍalaggāhighāa-visama-cchiṇṇaṃ</l>
<l>dūra-dhaṇu-saṃdhiañcia<caesura/>-sara-puṅkhāliddha-sāmalaïāvaṅgaṃ</l>
</lg>
<pb n="90"/>
<lg type="stanza" n="62">
<l>ṇivvūḍha-ruhira-paṇḍura<caesura/>-maülanta-cchea-māsa-pellia-vivaraṃ</l>
<l>bhajjanta-paḍia-paharaṇa<caesura/>-kaṇṭha-cchea-dara-lagga-dhārā-cuṇṇaṃ</l>
</lg>
<lg type="stanza" n="63">
<l>ṇiddaa-saṃdaṭṭāhara<caesura/>-mūlukkhitta-dara-diṭṭha-dāḍhā-hīraṃ</l>
<l>saṃkhāa-soṇia-ppaṅka-paḍala-pūrenta-kasaṇa-kaṇṭha-ccheaṃ</l>
</lg>
<lg type="stanza" n="64">
<l>ṇisiara-kaa-ggahāṇia<caesura/>-ṇilāḍa-aḍa-ṇaṭṭha-bhiuḍi-bhumaā-bhaṅgaṃ</l>
<l>galia-ruhiraddha-lahuaṃ<caesura/> aṇahiaümmilla-tāraaṃ rāma-siraṃ</l>
</lg>
</lg>
<lg type="stanza" n="65">
<l>taha ṇimia ccia diṭṭhī<caesura/> mukka-kavola-vihuro ura ccia hattho</l>
<l>gaa-jīvia-ṇicceṭṭhā<caesura/> ṇavaraṃ sā mahi-alaṃ thaṇa-bhareṇa gaā</l>
</lg>
<lg type="stanza" n="66">
<l>to mucchiuṭṭhiāe<caesura/> kiṃ eaṃ ti gaaṇe disāsu a samaaṃ</l>
<l>suṇṇa-parigholiacchaṃ<caesura/> jāaṃ mūḍha-parideviaṃ tīa muhaṃ</l>
</lg>
<lg type="stanza" n="67">
<l>ṇivvaṇṇeūṇa a ṇaṃ<caesura/> tatto-hutta-ṭṭhiosianta-ṇisaṇṇo</l>
<l>kaṅkhantīa ṇa patto<caesura/> vaaṇaṃ maraṇaṃ ca se kaha vi appāṇo</l>
</lg>
<lg type="stanza" n="68">
<l>ṇavari a pasāriaṅgī<caesura/> raa-bhariuppaha-païṇṇa-veṇī-bandhā</l>
<l>paḍiā ura-saṃdāṇia<caesura/>-mahi-ala-cakkalaïa-tthaṇī jaṇaa-suā</l>
</lg>
<lg type="stanza" n="69">
<l>savvaṅga-ṇisaṇṇāa vi<caesura/> ṇīsesa-kkhavia-vali-vibhaṅga-ṇirāo</l>
<l>tīe majjha-paeso<caesura/> thaṇa-jahaṇa-karālio ṇa pāvaï vasuhaṃ</l>
</lg>
<lg type="stanza" n="70">
<l>sahasāloa-virāaṃ<caesura/> daïa-muhe tammi sāṇusaa-daṭṭhavve</l>
<l>mohaṃ gantūṇa ciraṃ<caesura/> samaaṃ bāheṇa āgaaṃ se hiaaṃ</l>
</lg>
<lg type="stanza" n="71">
<l>to kaha vi laddha-saṇṇā<caesura/> bāhovaggia-kavola-ala-saṃdaṭṭaṃ</l>
<l>maggaï saṃgoveuṃ<caesura/> alaaṃ tīa vihalo ṇa pāvaï hattho</l>
</lg>
<pb n="91"/>
<lg type="stanza" n="72">
<l>āvea-samukkhittaṃ<caesura/> to se kheāgamosiantovattaṃ</l>
<l>paḍiaṃ ṇiaücchaṅge<caesura/> appattaṃ cia paohare kara-jualaṃ</l>
</lg>
<lg type="stanza" n="73">
<l>mūḍha-hiaāi daṭṭhuṃ<caesura/> acaantīa samuhaṃ kaha vi rāma-siraṃ</l><!-- the change of sūḍha to mūḍha proposed by P. Dundas !-->
<l>taṃsoṇamanta-ṇīsaha<caesura/>-vaaṇa-cchanda-valiālaāi pulaïaṃ</l>
</lg>
<lg type="stanza" n="74">
<l>parideviuṃ paüttā<caesura/> ṇiaa-sarīra-paḍimukka-rāhava-dukkhaṃ</l>
<l>kara-magguṭṭhia-soṇia<caesura/>-vivaṇṇa-uṇṇaa-paoharā jaṇaa-suā</l>
</lg>
<lg type="stanza" n="75">
<l>āvāa-bhaaaraṃ cia<caesura/> ṇa hoi dukkhassa dāruṇaṃ ṇivvahaṇaṃ</l>
<l>jaṃ mahilā-bīhacchaṃ<caesura/> diṭṭhaṃ sahiaṃ ca tuha mae avasāṇaṃ</l>
</lg>
<lg type="stanza" n="76">
<l>bāhuṇhaṃ tujjha ure<caesura/> jaṃ mocchihimi tti saṃṭhiaṃ maha hiae</l>
<l>dhara-ṇiggamaṇa-paattaṃ<caesura/> sāhasu taṃ kammi ṇivvavijjaü dukkhaṃ</l>
</lg>
<lg type="stanza" n="77">
<l>virahammi tujjha dhariaṃ<caesura/> dacchāmi tumaṃ ti jīviaṃ kaha vi mae</l>
<l>taṃ esa mae diṭṭho<caesura/> phaliā vi maṇorahā ṇa pūrenti mahaṃ</l>
</lg>
<lg type="stanza" n="78">
<l>puhavīa hohii paī<caesura/> bahu-purisa-visesa-cañcalā rāa-sirī</l>
<l>kaha tā mahaṃ cia imaṃ<caesura/> ṇīsāmaṇṇaṃ uatthiaṃ vehavvaṃ</l>
</lg>
<lg type="stanza" n="79">
<l>kiṃ eaṃ ti palattaṃ<caesura/> visaümmillehi loaṇehi a diṭṭhaṃ</l>
<l>vialia-lajjāi mae<caesura/> hoi phuḍaṃ ṇāha tuha muhaṃ ti paruṇṇaṃ</l>
</lg>
<lg type="stanza" n="80">
<l>sahio tujjha vioo<caesura/> raaṇiarīhi samaaṃ sahīhi va vutthaṃ</l>
<l>daṭṭhuṃ tumaṃ ti hontaṃ<caesura/> jaï ettāhe vi jīviaṃ vialantaṃ</l>
</lg>
<lg type="stanza" n="81">
<l>jāe para-loa-gae<caesura/> tumammi vavasāa-metta-suha-daṭṭhavve</l>
<l>harisa-ṭṭhāṇe vi mahaṃ<caesura/> ijjhaï addiṭṭha-dahamuha-vahaṃ hiaaṃ</l>
</lg>
<pb n="92"/>
<lg type="stanza" n="82">
<l>bāhaṃ ṇa dharei muhaṃ<caesura/> āsā-bandho vi me ṇa rumbhaï hiaaṃ</l>
<l>ṇavari a cintijjante<caesura/> ṇa viṇajjaï keṇa jīviaṃ saṃruddhaṃ</l>
</lg>
<lg type="stanza" n="83">
<l>bolīṇo maaraharo<caesura/> majjha kaeṇa maraṇaṃ pi de paḍivaṇṇaṃ</l>
<l>ṇivvūḍhaṃ ṇāha tume<caesura/> ajja vi dharaï akaaṇṇuaṃ maha hiaaṃ</l>
</lg>
<lg type="stanza" n="84">
<l>uggāhia rāma tumaṃ<caesura/> guṇe gaṇeūṇa purisamaïo tti jaṇo</l>
<l>galia-mahilā-sahāvaṃ<caesura/> saṃbhariūṇa a mamaṃ ṇiattihii kahaṃ</l>
</lg>
<lg type="stanza" n="85">
<l>tuha bāṇukkhaa-ṇihaaṃ<caesura/> dacchimi dahakaṇṭha-muha-ṇihāaṃ ti kaā</l>
<l>maha bhāadhea-valiā<caesura/> vivarā-huttā maṇorahā palhatthā</l>
</lg>
<lg type="stanza" n="86">
<l>jaṃ taṇuammi vi virahe<caesura/> pemmāvandheṇa saṅkaï jaṇassa jaṇo</l>
<l>taṃ jāaṃ ṇavara imaṃ<caesura/> pecchantīe a tārisaṃ majjha phalaṃ</l>
</lg>
<lg type="stanza" n="87">
<l>to vilavia-ṇipphandaṃ<caesura/> galanta-hiaa-parisuṇṇa-loaṇa-jualaṃ</l>
<l>mahuraṃ āsāsantī<caesura/> hatthuṇṇāmia-muhī bhaṇaï ṇaṃ tiaḍā</l>
</lg>
<lg type="stanza" n="88">
<l>avarigalio visāo<caesura/> akhaṇḍiā muddhaā ṇa pecchaï pemmaṃ</l>
<l>mūḍho juvaï-sahāo<caesura/> timirāhi vi diṇaarassa cintei bhaaṃ</l>
</lg>
<lg type="stanza" n="89">
<l>tihuaṇa-mūlāhāraṃ<caesura/> visaḍha-mahinda-paḍimukka-vūḍha-raṇa-dhuraṃ</l>
<l>jāṇantī kīsa tumaṃ<caesura/> tulesi sesa-purisāṇumāṇeṇa païṃ</l>
</lg>
<lg type="stanza" n="90">
<l>amilia-sāara-salilā<caesura/> aṇaha-ṭṭhia-mahiharā aṇuvvatta-alā</l>
<l>rāmassa chiṇṇa-paḍiaṃ<caesura/> kaha pattiasi dharaṇī dharei tti siraṃ</l>
</lg>
<lg type="stanza" n="91">
<l>mārua-moḍia-viḍavaṃ<caesura/> miaṅka-kiraṇa-paḍimāsa-maülia-kamalaṃ</l>
<l>kaha hoi rāma-vaḍaṇe<caesura/> ia ṇicchāaṃ dasāṇaṇa-dharujjāṇaṃ</l>
</lg>
<pb n="93"/>
<lg type="stanza" n="92">
<l>mā ruasu pusasu bāhaṃ<caesura/> uaūheūṇa aṃsa-pariatta-muhaṃ</l>
<l>saṃbharia viraha-dukkhaṃ<caesura/> rottavvaṃ de puṇo païssa vi aṅke</l>
</lg>
<lg type="stanza" n="93">
<l>aïrā a dacchihi tumaṃ<caesura/> tuha viraholugga-paṇḍura-muha-cchāaṃ</l>
<l>gaa-rosa-suhāloaṃ<caesura/> oāria-cāva-ṇivvuaṃ dāsarahiṃ</l>
</lg>
<lg type="stanza" n="94">
<l>pattihi amarisa-bhariaṃ<caesura/> hareṇa vi apatthaṇijja-kaṇṭha-ccheaṃ</l>
<l>phuṭṭantaṃ jaï hontaṃ<caesura/> chiṇṇaṃ pi kaa-ggahuggaaṃ rāma-siraṃ</l>
</lg>
<lg type="stanza" n="95">
<l>kiṃ ti samāsasiavve<caesura/> mujjhasi dahavaaṇa-dappa-bhaṅgupphālaṃ</l>
<l>pecchantī pamaa-vaṇaṃ<caesura/> rāmāṇatti-ara-pavaa-āviddha-dumaṃ</l>
</lg>
<lg type="stanza" n="96">
<l>ṇihaükkhaa-sura-loaṃ<caesura/> daria-ṇisāara-ṇihāa-palhatthantaṃ</l>
<l>kaha teṇa khaṇaṃ mi viṇā<caesura/> dharei jassa bhuaṇaṃ bhua-vavaṭṭhambhaṃ</l>
</lg>
<lg type="stanza" n="97">
<l>taha taṃ si gaā mohaṃ<caesura/> mucchā-gaa-paḍia-ṇīsaha-visaṇṇaṅgī</l>
<l>rakkhasa-māetti phuḍaṃ<caesura/> jāṇantī jaha imaṃ ahaṃ pi visaṇṇā</l>
</lg>
<lg type="stanza" n="98">
<l>milia-ṇisāara-purao<caesura/> suvela-malaantarāla-ṇimmavia-vahe</l>
<l>pellia-tiūḍa-sihare<caesura/> ajja vi kiṃ tujjha rāhave aggahaṇaṃ</l>
</lg>
<lg type="stanza" n="99">
<l>maliā malaa-ṇiambā<caesura/> thale vva caṅkammiaṃ mahoahi-salile</l>
<l>vutthaṃ suvela-sihare<caesura/> ajja vi kiṃ tujjha rāhave aggahaṇaṃ</l>
</lg>
<lg type="stanza" n="100">
<l>to agahiovaesā<caesura/> gaoṇiattanta-jīvia-muhijjantī</l>
<l>tiaḍāa jaṇaa-taṇaā<caesura/> sahi-sabbhāva-sarisaṃ urammi ṇisaṇṇā</l>
</lg>
<lg type="stanza" n="101">
<l>loaṇa-vaïara-laggaṃ<caesura/> taṃsa-ṇisaṇṇāa tīa tiaḍā-vacche</l>
<pb n="94"/>
<l>galiaṃ kaola-pellaṇa<caesura/>-pīḍijjantālaüggaaṃ bāha-jalaṃ</l>
</lg>
<lg type="stanza" n="102">
<l>to jampiuṃ paüttā<caesura/> puṇo vi atthekka-uṭṭhia-samūsasiā</l>
<l>ura-gholira-veṇī-muha<caesura/>-thaṇa-laggugghuṭṭha-mahi-raā jaṇaa-suā</l>
</lg>
<lg type="stanza" n="103">
<l>sāhasu ja ccia paḍhamaṃ<caesura/> daṭṭhūṇa ahaṃ imaṃ mahimmi ṇisaṇṇā</l>
<l>sa ccia mohummillā<caesura/> pecchāmi a ṇaṃ puṇo dharemi a jīaṃ</l>
</lg>
<lg type="stanza" n="104">
<l>sahiā rakkhasa-vasahī<caesura/> diṭṭhaṃ tuha ṇāha erisaṃ avasāṇaṃ</l>
<l>ajja vi vaaṇijja-haaṃ<caesura/> dhūmāi ccia ṇa pajjalaï me hiaaṃ</l>
</lg>
<lg type="stanza" n="105">
<l>purisa-sarisaṃ tuha imaṃ<caesura/> rakkhasa-sarisaṃ kaaṃ ṇisāara-vaïṇā</l>
<l>kaha tā cintia-sulahaṃ<caesura/> mahilā-sarisaṃ ṇa saṃpaḍaï me maraṇaṃ</l>
</lg>
<lg type="stanza" n="106">
<l>pavaṇa-sua-siṭṭha-turiaṃ<caesura/> iha entassa avalambiuṃ maha jīaṃ</l>
<l>viraha-lahuaṃ pi rāhava<caesura/> mae jiantīa jīviaṃ tujjha hiaṃ</l>
</lg>
<lg type="stanza" n="107">
<l>alaandhaāria-muhī<caesura/> samuhāgaa-kaṇṭha-bhamia-veṇī-bandhā</l>
<l>moha-paḍivaṇṇa-hiaā<caesura/> dara-jampia-ṇīsahaṃ puṇo vi ṇisaṇṇā</l>
</lg>
<lg type="stanza" n="108">
<l>to phuḍia-veṇi-bandhaṇa<caesura/>-bhaṅguggaa-visama-kesa-palhattharaṇe</l>
<l>paḍiā rāmora-tthala<caesura/>-saaṇa-ṇirāsa-hiaā mahi-alucchaṅge</l>
</lg>
<lg type="stanza" n="109">
<l>tīa ṇava-pallaveṇa va<caesura/> paharāamba-vihaleṇa hattheṇa muhaṃ</l>
<l>parimajjiuṃ ṇa caïaṃ<caesura/> ekka-kavola-miliālaaṃ kaha vi kaaṃ</l>
</lg>
<lg type="stanza" n="110">
<l>samuha-miliaṃ pi jāhe<caesura/> rūaṃ bāha-vihalā ṇa geṇhaï diṭṭhī</l>
<l>tāhe kaha kaha vi kaaṃ<caesura/> uhaa-karuppusia-loaṇaṃ tīa muhaṃ</l>
</lg>
<lg type="stanza" n="111">
<l>to sā bhamanta-mārua<caesura/>-visama-païṇṇālaüppusia-bāha-jalā</l>
<l>pecchaï rāhava-vaaṇaṃ<caesura/> ṇisāarocchuṇṇa-mahi-ala-paholantaṃ</l>
</lg>
<pb n="95"/>
<lg type="stanza" n="112">
<l>lakkhijjanta-visāā<caesura/> abbhahiummilla-ṇiccala-ṭṭhia-ṇaaṇā</l>
<l>rāma-sira-baddha-lakkhā<caesura/> dhuvvaï bāheṇa se ṇa rumbhaï diṭṭhī</l>
</lg>
<lg type="stanza" n="113">
<l>to taṃ daṭṭhūṇa puṇo<caesura/> maraṇekka-rasāi bāha-ṇīsāracchaṃ</l>
<l>āucchasu maṃ ti kaaṃ<caesura/> tiaḍā-gaa-loaṇāi dīṇa-vihasiaṃ</l>
</lg>
<lg type="stanza" n="114">
<l>sahiammi rāma-virahe<caesura/> dāruṇa-hiaa-ppaḍicchie vehavve</l>
<l>sahasu gaa-ṇeha-lahuaṃ<caesura/> maha ṇillajja-maraṇaṃ imaṃ ti paruṇṇā</l>
</lg>
<lg type="stanza" n="115">
<l>savvassa a esa gaī<caesura/> ṇa uṇo māṇuṇṇaāṇa imam avasāṇaṃ</l>
<l>aṇusarisaṃ ti bhaṇantī<caesura/> āhantūṇa paḍiā thiraṃ thaṇa-alasaṃ</l>
</lg>
<lg type="stanza" n="116">
<l>taha jīva-lajjiāe<caesura/> vilavantīa vi visāa-ṇīsaha-maüaṃ</l>
<l>dāsarahi tti palattaṃ<caesura/> pia tti sīāi ṇa caïaṃ vāhattuṃ</l>
</lg>
<lg type="stanza" n="117">
<l>aṇusoiuṃ ṇa icchaï<caesura/> ṇa dei aṅgammi sā parammi va paharaṃ</l>
<l>bāhaṃ muaï ṇa rumbhaï<caesura/> mariavve laddha-paccaaṃ se hiaaṃ</l>
</lg>
<lg type="kulaka">
<label>juggaaṃ</label>
<lg type="stanza" n="118">
<l>to taṃ maraṇa-ṇimitte<caesura/> aṇiattanta-hiaaṃ paattā vottuṃ</l>
<l>tiaḍā dhuagga-kara-ala<caesura/>-dara-paḍia-paḍicchiaṅga-visamoaṇṇaṃ</l>
</lg>
<lg type="stanza" n="119">
<l>jāṇaï siṇeha-bhaṇiaṃ<caesura/> mā raaṇiari tti me juucchasu vaaṇaṃ</l>
<l>ujjāṇammi vaṇammi a<caesura/> jaṃ surahiṃ taṃ laāṇa geṇhaï kusumaṃ</l>
</lg>
</lg>
<lg type="stanza" n="120">
<l>kim u jīantīa tume<caesura/> jaï aliaṃ sahi ṇa hojja rāhava-maraṇaṃ</l>
<l>aṇahe uṇa rahuṇāhe<caesura/> tuha me maraṇa-vihuraṃ kilammaï hiaaṃ</l>
</lg>
<lg type="stanza" n="121">
<l>cinteuṃ pi ṇa labbhaï<caesura/> jaha saṃbhāvesi taha imaṃ jaï hontaṃ</l>
<l>to dāṇi kiṃ jaṇammi va<caesura/> tumammi saṃṭhāvaṇā mahaṃ aṇurūvā</l>
</lg>
<pb n="96"/>
<lg type="stanza" n="122">
<l>saalā ṇisāara-purī<caesura/> ghara-parivāḍi-sama-ṇīharia-ruṇṇa-ravā</l>
<l>ekkeṇa kaā kaïṇā<caesura/> kaha hohii aṇaha-rakkhasaṃ rahu-vaḍaṇaṃ</l>
</lg>
<lg type="stanza" n="123">
<l>ṇatthi ṇihammaï rāmo<caesura/> aïrā hohii arakkhasaṃ tellokkaṃ</l>
<l>diṭṭhaṃ ti bhaṇāmi phuḍaṃ<caesura/> pattia kassa vi pio kulassa viṇāso</l>
</lg>
<lg type="stanza" n="124">
<l>uṭṭhesu muasu soaṃ<caesura/> pusa eaṃ bāha-maïliaṃ thaṇa-vaṭṭhaṃ</l>
<l>suṇasu saüṇe ṇa vaṭṭaï<caesura/> samarāhimuhe païmmi aṃsu-ṇivāo</l>
</lg>
<lg type="stanza" n="125">
<l>mottūṇa a rahuṇāhaṃ<caesura/> lajjāgaa-sea-binduijjanta-muho</l>
<l>keṇa va aṇṇeṇa kao<caesura/> pāārantaria-ṇippaho dahavaaṇo</l>
</lg>
<lg type="stanza" n="126">
<l>aïrā a de rahu-suo<caesura/> taṇṇāantagga-hattha-maüia-pamhaṃ</l>
<l>mocchihi vevantaṅguli<caesura/>-guppantukkhitta-visama-bhāaṃ veṇiṃ</l>
</lg>
<lg type="stanza" n="127">
<l>vialia-lajjā-lahuaṃ<caesura/> ea karantassa rahuvaïmmi dharante</l>
<l>ṇa a taha dukkhāmi tume<caesura/> jaha parivattammi dahamuhassa sahāve</l>
</lg>
<lg type="stanza" n="128">
<l>vāli-vaha-diṭṭha-sāraṃ<caesura/> bāṇa-galatthia-samudda-diṇṇa-thala-vahaṃ</l>
<l>rohia-laṅkā-valaaṃ<caesura/> mā lahuaṃ peccha rāhavassa bhua-balaṃ</l>
</lg>
<lg type="stanza" n="129">
<l>diṭṭhā si mae siviṇe<caesura/> sasi-sūrālihaṇa-sohiummuha-paḍimā</l>
<l>khandhuṭṭhia-sura-gaa-kaṇṇa-āla-vihua-dhavalaṃsua-dasaddhantā</l>
</lg>
<lg type="stanza" n="130">
<l>diṭṭho a me dahamuho<caesura/> daha-muha-parivāḍi-viaḍa-kaḍḍhaṇa-maggo</l>
<l>kāla-daḍha-pāsa-kaḍḍhia<caesura/>-dara-ghaḍiugghaḍia-khalia-muha-saṃghāo</l>
</lg>
<lg type="stanza" n="131">
<l>taṃ avalambasu dhīraṃ<caesura/> ṇāsaü saṃpaï amaṅgalaṃ jāva imaṃ</l>
<pb n="97"/>
<l>muṇia-paramattha-lahuī<caesura/> avahīria-ṇipphalā ṇiattaü māā</l>
</lg>
<lg type="stanza" n="132">
<l>hontaṃ jaï rāma-siraṃ<caesura/> eāvatthaṃ pi to samūsasamāṇaṃ</l>
<l>amaaṃ miva ṇāa-rasaṃ<caesura/> āsāeūṇa tuha kara-ppharisa-suhaṃ</l>
</lg>
<lg type="stanza" n="133">
<l>ia rāma-pemma-kittaṇa<caesura/>-dūsaha-vajjāhighāa-dūmia-hiaā</l>
<l>saṃbharia mukka-kaṇṭhaṃ<caesura/> aṇṇamaaṃ maraṇa-ṇiccaā vi paruṇṇā</l>
</lg>
<lg type="stanza" n="134">
<l>to tiaḍā-vaaṇehi vi<caesura/> ṇa saṃṭhiā jāva tīa pavaa-kalaalo</l>
<l>raṇa-saṃṇāha-gabhīro<caesura/> ṇa suo rāhava-pahāa-maṅgala-paḍaho</l>
</lg>
<lg type="stanza" n="135">
<l>aha bahuviha-saṃṭhāvaṇa<caesura/>-paccāṇijjanta-jīviāsā-bandhaṃ</l>
<l>tīa gaa-soa-visaaṃ<caesura/> dūruṇṇāmia-paoharaṃ ṇīsasiaṃ</l>
</lg>
<lg type="stanza" n="136">
<l>to āsāsia-suhie<caesura/> tīe puṇarutta-saccavia-vīsatthe</l>
<l>vihaḍia-vehavva-bhae<caesura/> puṇo vi saṃghaḍaï viraha-dukkhaṃ hiae</l>
</lg>
<lg type="stanza" n="137">
<l>māā-mohammi gae<caesura/> sue a pavaāṇa samara-saṃṇāha-rave</l>
<!--samara corrected by GS, sasara in main text !-->
<l>jaṇaa-taṇaāi diṭṭhaṃ<caesura/> tiaḍā-ṇehāṇurāa-bhaṇiassa phalaṃ</l>
</lg>
<trailer>ia eāraho āsāsao parisamatto</trailer>
</div>
<pb n="98"/>
<div type="canto" n="12">
<head>bāraho āsāsao</head>
<lg type="stanza" n="1">
<l>tāva a dara-daliuppala<caesura/>-paloṭṭa-dhūli-maïlanta-kalahaṃsa-ulo</l>
<l>jāo dara-saṃmīlia<caesura/>-hariāanta-kumuāaro paccūso</l>
</lg>
<lg type="stanza" n="2">
<l>aruṇāamba-cchāo<caesura/> ṇava-salilākalusa-candimāhaa-mūlo</l>
<l>dhāu-kalaṅka-kkhaüro<caesura/> osaraï taḍo vva raaṇi-pacchima-bhāo</l>
</lg>
<lg type="stanza" n="3">
<l>ṇivvaṇṇijjaï rūaṃ<caesura/> aruṇa-siholugga-candimammi mahi-ale</l>
<l>ovvatta-dhūsarāṇaṃ<caesura/> ṇavara calantīṇa pāava-cchāāṇaṃ</l>
</lg>
<lg type="stanza" n="4">
<l>saṃmīlaï kumua-vaṇaṃ<caesura/> addhatthamia-galia-ppahaṃ sasi-bimbaṃ</l>
<l>vialaï raaṇi-cchāā<caesura/> aruṇāhaa-muddha-tāraā puvva-disā</l>
</lg>
<lg type="stanza" n="5">
<l>dīsaï a timira-reia<caesura/>-pallava-amba-taruṇāruṇāhaa-mihiaṃ</l>
<l>visama-vihiṇṇa-maṇasilā<caesura/>-bhaṅga-ppharusa-maṇi-pavvaaddhaṃ va ṇahaṃ</l>
</lg>
<lg type="stanza" n="6">
<l>tāva a attha-ṇiambaṃ<caesura/> ṇava-salilāuṇṇa-gaa-paa-cchavi-kaluso</l>
<l>patto aruṇuṇṇāmia<caesura/>-pāsallanta-gaaṇosaranto vva sasī</l>
</lg>
<lg type="stanza" n="7">
<l>honti pavaṇāhaāiṃ<caesura/> phuḍa-mahura-vihaṃga-ṇīharanta-ruāiṃ</l>
<l>guñjanta-mahuarāiṃ<caesura/> dhua-silhā-lahua-kisalaāi vaṇāiṃ</l>
</lg>
<lg type="stanza" n="8">
<l>aruṇakkanta-vialiaṃ<caesura/> ṇiaaṅkāṇugaa-bahala-joṇhā-bhariaṃ</l>
<l>attha-siharāhi paḍiaṃ<caesura/> ukkhaḍia-karāvalambaṇaṃ sasi-bimbaṃ</l>
</lg>
<lg type="stanza" n="9">
<l>piaama-vioa-dukkhaṃ<caesura/> kaha vi gameūṇa jāmiṇīa pahāe</l>
<l>aṇudhāi paḍiruantī<caesura/> abbhuṭṭhāuṃ va sahaarī cakkāaṃ</l>
</lg>
<pb n="99"/>
<lg type="stanza" n="10">
<l>jāaṃ samalliante<caesura/> abbhahiosahi-sihā-karālia-pāsaṃ</l>
<l>attha-siharaṃ miaṅke<caesura/> aṇṇamaa-paaṭṭa-canda-maṇi-ṇīsandaṃ</l>
</lg>
<lg type="stanza" n="11">
<l>dūroṇaa-ṇakkhattaṃ<caesura/> aruṇa-sihāhaa-galatthioṇaa-joṇhaṃ</l>
<l>atthamaï va sasi-sahiaṃ<caesura/> uṭṭhei va uaa-pavvaāhi ṇaha-alaṃ</l>
</lg>
<lg type="stanza" n="12">
<l>paï-lambheṇa paoso<caesura/> jāo diṇṇa-pphalo raï-suheṇa ṇisā</l>
<l>āṇia-virahukkaṇṭho<caesura/> galaï aṇivviṇṇa-vammaho paccūso</l>
</lg>
<lg type="stanza" n="13">
<l>vīsambha-vaḍḍhia-rasaṃ<caesura/> aïrāa-kkhalia-sesa-saṃṭhia-rasaṇaṃ</l>
<l>vialia-maeṇa ṇiuṇaṃ<caesura/> paccūsa-raaṃ paosa-dūrabbhahiaṃ</l>
</lg>
<lg type="stanza" n="14">
<l>saṃkantāhara-rāaṃ<caesura/> thoa-surā-saṃṭhiuppaladdha-tthaïaṃ</l>
<l>casaaṃ kāmiṇi-mukkaṃ<caesura/> kilinta-vaüla-taṇuo ṇa muñcaï gandho</l>
</lg>
<lg type="stanza" n="15">
<l>pasiḍhila-kesa-kalāo<caesura/> uvvattia-mehalāvaruddha-ṇiambo</l>
<l>chāā-lagga-parimalo<caesura/> piaama-mukka-taṇuo vilāsiṇi-sattho</l>
</lg>
<lg type="stanza" n="16">
<l>duṇṇimia-vāma-calaṇaṃ<caesura/> valanta-pīṇoru-visama-pāuddhāraṃ</l>
<l>dukkheṇa saṃṭhavijjaï<caesura/> pia-hutta-ṇiatta-patthiaṃ juvaīhiṃ</l>
</lg>
<lg type="stanza" n="17">
<l>saṃkhohia-kamala-saro<caesura/> saṃjhāava-amba-dhāu-kaddamia-muho</l>
<l>ṭhāṇa-pphiḍio vva gao<caesura/> rattiṃ bhamiūṇa paḍiṇiatto diaso</l>
</lg>
<lg type="stanza" n="18">
<l>aruṇa-paḍivohiāe<caesura/> abbhutthantīa āaaṃ va diṇaaraṃ</l>
<l>sāhenti vihaḍiāiṃ<caesura/> ṇimiaṃ kamalāi diasa-lacchīa paaṃ</l>
</lg>
<lg type="stanza" n="19">
<l>ekkekkama-vocchiṇṇaṃ<caesura/> paosa-vīsattha-vihaḍiaṃ uahi-jale</l>
<l>jaṇaṇiṃ va canda-paḍimaṃ<caesura/> alliaï vihāa-kāaraṃ saṅkha-ulaṃ</l>
</lg>
<lg type="stanza" n="20">
<l>hoi kamalāarāṇaṃ<caesura/> samūsasantāṇa cira-ṇirohekkamuho</l>
<l>saṃcālia-mahu-mahuro<caesura/> mārua-bhiṇṇo vi maṃsalo ccia gandho</l>
</lg>
<pb n="100"/>
<lg type="stanza" n="21">
<l>jaṃ cia kāmiṇi-satthaṃ<caesura/> āucchantāṇa mukka-bāha-tthavaaṃ</l>
<l>rakkhasa-bhaḍāṇa taṃ cia<caesura/> jāaṃ ṇippacchimovaūhaṇa-sokkhaṃ</l>
</lg>
<lg type="stanza" n="22">
<l>aha samarantaria-suho<caesura/> dahamuha-vera-paḍimuñcaṇāaa-diaho</l>
<l>laddhāmarisāvasaro<caesura/> aladdha-ṇiddo vi rāhao paḍiuddho</l>
</lg>
<lg type="stanza" n="23">
<l>sīā-vioa-dukkhaṃ<caesura/> visahantassa caü-jāma-mettantariaṃ</l>
<l>dīho a gao kālo<caesura/> ṇa samā ekkā a sā ṇisā rahuvaïṇo</l>
</lg>
<lg type="stanza" n="24">
<l>ummillanti ccia se<caesura/> ṇiddā-sesoṇaacchi-vatta-kkhaliā</l>
<l>garuolaïa-raṇa-bhare<caesura/> diṭṭhī diṭṭha-samare dhaṇummi ṇisaṇṇā</l>
</lg>
<lg type="stanza" n="25">
<l>muaï a kilinta-kusumaṃ<caesura/> avahovāsa-maliovahāṇaddhantaṃ</l>
<l>saï-pariattaṇa-visamaṃ<caesura/> hiaāvea-pisuṇaṃ silā-saaṇīaṃ</l>
</lg>
<lg type="kulaka">
<label>juggaaṃ</label>
<lg type="stanza" n="26">
<l>to sela-sāra-garuaṃ<caesura/> aïrā-honta-daïā-samāgama-pisuṇaṃ</l>
<l>ahiṇandiūṇa suiraṃ<caesura/> phuramāṇabbhahia-pīvaraṃ vāma-bhuaṃ</l>
</lg>
<lg type="stanza" n="27">
<l>khaṇa-saṃmāṇia-dhammo<caesura/> dhaṇu-kaḍḍhaṇa-magga-moia-pariṭṭhiviaṃ</l>
<l>bandhaï malia-visajjia<caesura/>-tamāla-saaṇa-surahiṃ jaḍā-pabbhāraṃ</l>
</lg>
</lg>
<lg type="kulaka">
<label>juggaaṃ</label>
<lg type="stanza" n="28">
<l>dāūṇa galia-bāhaṃ<caesura/> cira-dhariāūramāṇa-rosāambaṃ</l>
<l>diṭṭhiṃ laṅkāhimuhiṃ<caesura/> samattha-ṇivvaḍia-tāraā-duppecchaṃ</l>
</lg>
<lg type="stanza" n="29">
<l>geṇhaï gahia-tthāmaṃ<caesura/> sīā-suṇṇaïa-saaṇa-magga-ṭṭhaviaṃ</l>
<l>bahuso virahukkaṇṭhia<caesura/>-ṇimia-muhoruṇṇa-maïa-koḍiṃ cāvaṃ</l>
<!-- Goldschmidt bahumo !-->
</lg>
</lg>
<lg type="stanza" n="30">
<l>to taṃ mahi-ala-ṇiviaṃ<caesura/> vāma-karāveḍha-ṇiṭṭhura-pariggahiaṃ</l>
<l>dāhiṇa-hattheṇa kaaṃ<caesura/> valanta-deha-bhara-ṇāmiaṃ sajjīaṃ</l>
</lg>
<lg type="stanza" n="31">
<l>kāūṇa sasia-manthara<caesura/>-garua-siro-ampa-tajjiaṃ paḍivakkhaṃ</l>
<l>calio calanta-pavvaa<caesura/>-vilaïa-dhaṇu-metta-sāhaṇo rahuṇāho</l>
</lg>
<pb n="101"/>
<lg type="stanza" n="32">
<l>caliaṃ ca tulia-pavvaa<caesura/>-milanta-sihara-ṇaha-ṇimmiekka-mahiharaṃ</l>
<l>aṇurūa-bhua-pariṭṭhia<caesura/>-viḍava-muṇijjanta-pāavaṃ kaï-seṇṇaṃ</l>
</lg>
<lg type="stanza" n="33">
<l>saṃṇajjhanti kuurisā<caesura/> saṃṇāha-bhareṇa kiṃ karenti samatthā</l>
<l>ṇiaa-balaṃ cia kavaaṃ<caesura/> kaīṇa appaḍihaā bhuā a paharaṇaṃ</l>
</lg>
<lg type="stanza" n="34">
<l>ṇāa-ṇisāara-sāraṃ<caesura/> māā-ṇikkalusa-jujjha-gaï-pabbuddhaṃ</l>
<l>agga-kkhandhammi kaaṃ<caesura/> laṅkā-magga-ṇiuṇaṃ vihīsaṇa-seṇṇaṃ</l>
</lg>
<lg type="stanza" n="35">
<l>samara-turiassa-sukaaṃ<caesura/> kaha mottavvaṃ ti dūmio suggīvo</l>
<l>gahiāuhammi rāme<caesura/> soaï a vihīsaṇo ṇisāara-vaṃsaṃ</l>
</lg>
<lg type="stanza" n="36">
<l>apphālie dhaṇummi a<caesura/> khohia-giri-vihua-sāare rahuvaïṇā</l>
<l>kampia-ghara-pāārā<caesura/> aṅga-kkhivaṇa-visamaṃ va vevaï laṅkā</l>
</lg>
<lg type="stanza" n="37">
<l>jhīṇa-pulaāiaṅgī<caesura/> aüvva-harisa-miliāṇaṇā jaṇaa-suā</l>
<l>soūṇa samāsatthā<caesura/> paḍhamullāvaṃ va rāhavassa dhaṇu-ravaṃ</l>
</lg>
<lg type="stanza" n="38">
<l>mucchāvia-juvaï-jaṇo<caesura/> rakkhasa-vaï-hiaa-mahiharāsaṇi-ghāo</l>
<l>vāmohei puri-aṇaṃ<caesura/> sīā-kaṇṇa-suhao pavaṃga-kalaalo</l>
</lg>
<lg type="stanza" n="39">
<l>kaï-vara-rahasuddhāia<caesura/>-dhua-samaa-pahāvioahi-samakkanto</l>
<l>salila-bharenta-dari-muho<caesura/> rasaï pasammanta-paḍiravaṃ dharaṇiharo</l>
</lg>
<lg type="stanza" n="40">
<l>ṇijjia-sesa-kalaalo<caesura/> paḍhamapphālia-rasanta-dhaṇu-ṇigghoso</l>
<l>sāmarisa-vimbhiāṇaṇa<caesura/>-dahavaaṇāaṇṇio cireṇa pasanto</l>
</lg>
<lg type="stanza" n="41">
<l>tāva a rakkhasa-ṇāho<caesura/> pāārantaria-kaḍaïaṃ kaï-seṇṇaṃ</l>
<l>raṇa-mahiaṃ agaṇento<caesura/> ṇiae ṇiddā-parikkhaammi viuddho</l>
</lg>
<pb n="102"/>
<lg type="stanza" n="42">
<l>vahaï vivalāa-ṇiddaṃ<caesura/> biiovāsa-pariattaṇāvaddha-suhaṃ</l>
<l>visama-sua-maṅgala-ravaṃ<caesura/> ohīanta-paalāiaṃ dahavaaṇo</l>
</lg>
<lg type="stanza" n="43">
<l>to mahu-maa-muccantāmasiṇohīranta-lohiacchi-ṇihāaṃ</l>
<l>dhaṇu-saddāmarisa-haaṃ<caesura/> ṇiddā-sesaṃ dasāṇaṇassa vialiaṃ</l>
</lg>
<lg type="stanza" n="44">
<l>tuṅga-maṇi-toraṇāi va<caesura/> ekkakkama-laṅghiaṅguli-karālāiṃ</l>
<l>uddhaṃ bhua-jualāiṃ<caesura/> muaï valeūṇa ṇiaa-saaṇucchaṅge</l>
</lg>
<lg type="stanza" n="45">
<l>aha bhaa-calierāvaṇa<caesura/>-bhajjanta-kkhambha-diṇṇa-sura-saṃkhohaṃ</l>
<l>āhammiuṃ paattaṃ<caesura/> raṇa-saṃṇāha-pisuṇaṃ dasāṇaṇa-tūraṃ</l>
</lg>
<lg type="stanza" n="46">
<l>raṇa-saṇṇā-paḍiuddhā<caesura/> gahia-jahāsaṇṇa-paharaṇā raaṇiarā</l>
<l>mīlanta-kaṇṭha-laggaṃ<caesura/> thoaṃ ghettūṇa ṇiggaā juvaï-jaṇaṃ</l>
</lg>
<lg type="stanza" n="47">
<l>āucchamāṇa-gahiā<caesura/> suammi atthekka-samara-saṇṇā-vaḍahe</l>
<l>juaï-muhāhi piāṇaṃ<caesura/> ṇenti amukka-siḍhila-ṭṭhiā aharoṭṭhā</l>
</lg>
<lg type="stanza" n="48">
<l>piaama-kaṇṭholaïaṃ<caesura/> juaīṇa suammi samara-saṃṇāha-rave</l>
<l>īsi-ṇihaṃ ṇavara bhaaṃ<caesura/> suraa-kkheeṇa galaï bāhā-jualaṃ</l>
</lg>
<lg type="stanza" n="49">
<l>sua-saṇṇā-rava-turiā<caesura/> paḍivaṇṇāuha-vihattha-valia-kara-alā</l>
<l>uvvellanti ṇisiarā<caesura/> vaccha-valanta-tthaṇaṃ piāveḍha-suhaṃ</l>
</lg>
<lg type="stanza" n="50">
<l>rumbhantīṇa piaame<caesura/> akkaa-uvve vi paṇaa-bhaṅgammi kae</l>
<l>juaīṇa cira-parūḍho<caesura/> bhaa-hitthammi hiae ṇa laggaï māṇo</l>
</lg>
<lg type="stanza" n="51">
<l>jaha jaha piāi rubbhaï<caesura/> saṃbhāvia-sāmiāvamāṇabbhahiaṃ</l>
<l>taha taha bhaïssa vaḍḍhaï<caesura/> saṃmāṇia-macchareṇa samarucchāho</l>
</lg>
<pb n="103"/>
<lg type="stanza" n="52">
<l>daïā-karehi dhariā<caesura/> khaliā paṇaeṇa pemma-rāeṇa hiā</l>
<l>māṇeṇa vavaṭṭhaviā<caesura/> raṇa-parioseṇa ṇiggaā raaṇiarā</l>
</lg>
<lg type="stanza" n="53">
<l>sura-samarucca-cchandā<caesura/> kaï-samasīsa-lahuāiammi raṇa-bhare</l>
<l>lajjanti a saṃṇahiuṃ<caesura/> ṇa a visahanti pasaraṃ parassa ṇisiarā</l>
</lg>
<lg type="stanza" n="54">
<l>vaṇa-vivaresu karālaṃ<caesura/> vaṇa-veḍhesu muhalaṃ khalantaddhantaṃ</l>
<l>hoi ura-tthala-visamaṃ<caesura/> puṭṭhi-ṇirāa-ṭṭhiaṃ mahoara-kavaaṃ</l>
</lg>
<lg type="stanza" n="55">
<l>sura-samara-diṭṭha-sāro<caesura/> rakkhasa-ṇāhassa jaṅgamo pāāro</l>
<l>sara-mokkhesu suhattho<caesura/> saṃṇajjhaï harisio kameṇa pahattho</l>
</lg>
<lg type="stanza" n="56">
<l>tisirassa samukkhitto<caesura/> bahu-kaṇṭhantara-karālio saṃṇāho</l>
<l>siḍhilaṃ cia osario<caesura/> ekkamuhukkhitta-hattha-taṇuammi ure</l>
</lg>
<lg type="stanza" n="57">
<l>diṇṇa-mahi-ampa-garuaṃ<caesura/> saṃcālente mahoare appāṇaṃ</l>
<l>vaccha-tthala-puñjaïo<caesura/> osaraï bhareṇa appaṇo saṃṇāho</l>
</lg>
<lg type="stanza" n="58">
<l>ṇīsarierāvaṇa-danta-musala-dīsanta-masiṇa-ṇihasa-cchāaṃ</l>
<l>kavaaṃ majjha-karālaṃ<caesura/> uttambhijjaï ura-tthale indaïṇo</l>
</lg>
<lg type="stanza" n="59">
<l>aïkāassa vi kavae<caesura/> cireṇa ūrūsu ṭhia-palambosāre</l>
<l>deha-ppahā-vimukkaṃ<caesura/> jāaṃ vocchiṇṇa-kasaṇa-mihiaṃ va ṇahaṃ</l>
</lg>
<lg type="stanza" n="60">
<l>samara-turio visūraï<caesura/> ura-tthaluvvatta-dāviaṃsovāsaṃ</l>
<l>āvandhiūṇa kavaaṃ<caesura/> vajja-muha-cchiṇṇa-bandhaṇaṃ dhummakkho</l>
</lg>
<lg type="stanza" n="61">
<l>roseṇa cira-parūḍhe<caesura/> phuḍie asaṇippahassa vaṇa-saṃghāe</l>
<l>kavaa-vivarehi galiaṃ<caesura/> suiraṃ uppāa-jalaharassa va ruhiraṃ</l>
</lg>
<lg type="stanza" n="62">
<l>ukkhippanta-ṇirāā<caesura/> amarisa-vea-valie ṇiumbhassa ure</l>
<l>phuḍa-dāvia-sīmantā<caesura/> vialia-loha-valaā visaṭṭaï māḍhī</l>
</lg>
<pb n="104"/>
<lg type="stanza" n="63">
<l>sura-paharaṇa-ghāa-sahaṃ<caesura/> suo vi suparicchaaṃ ṇivandhaï kavaaṃ</l>
<l>samuha-ṭṭhiaṃ ṇa āṇaï<caesura/> purao duvvāra-rāma-sara-dujjāaṃ</l>
</lg>
<lg type="stanza" n="64">
<l>turiāucchia-kāmiṇi<caesura/>-valanta-dhaṇiovaūhaṇāhiṇṇāṇaṃ</l>
<l>thaṇa-parimalaṃ daanto<caesura/> ṇīa ccia sāraṇo ṇa bandhaï kavaaṃ</l>
</lg>
<lg type="stanza" n="65">
<l>juttā kumbhassa rahe<caesura/> māā-baddha-muhalandhaāra-dhaa-vaḍe</l>
<l>sura-ruhira-daṭṭha-kesara<caesura/>-guppanta-bhuaṃga-paggahā kesariṇo</l>
</lg>
<lg type="stanza" n="66">
<l>ṇimmāei amarisaṃ<caesura/> paḍihatthei garuaṃ pi sāmia-sukaaṃ</l>
<l>vihuṇaï parāhimāṇaṃ<caesura/> ṇimio muṭṭhimmi maṇḍalaggassa karo</l>
</lg>
<lg type="stanza" n="67">
<l>saṃṇajjhanti samatthā<caesura/> ṇa sahijjaï kalaalo visūraï hiaaṃ</l>
<l>viraei sura-vahu-jaṇo<caesura/> vimāṇa-toraṇa-gaāgao ṇevacchaṃ</l>
</lg>
<lg type="stanza" n="68">
<l>ia jā samara-saaṇho<caesura/> saṃṇajjhaï harisio ṇisāara-loo</l>
<l>tā rahuvaï-dīsantaṃ<caesura/> allīṇaṃ cia samantao kaï-seṇṇaṃ</l>
</lg>
<lg type="stanza" n="69">
<l>bhaggārāma-violaṃ<caesura/> daliujjāṇa-bhavaṇovaṇiggama-lahuiṃ</l>
<l>ovagganti pavaṃgā<caesura/> sohā-viṇiaṃsaṇaṃ ṇisāara-ṇaariṃ</l>
</lg>
<lg type="stanza" n="70">
<l>aṅkāaa-raaṇiaraṃ<caesura/> dhīrāanta-pavaāhiva-dharijjantaṃ</l>
<l>rasaï visamāaa-paaṃ<caesura/> rosuddhāia-pariṭṭhiaṃ pavaa-balaṃ</l>
</lg>
<lg type="stanza" n="71">
<l>rahasallianta-gavvia<caesura/>-kaï-seṇṇa-cchanda-ṇaha-alallīṇa-suraṃ</l>
<l>bandittaṇa-daṭṭhavvaṃ<caesura/> pecchaï sura-vahu-jaṇo ṇisāara-ṇaariṃ</l>
</lg>
<lg type="stanza" n="72">
<l>raṇa-rahasa-patthiāṇaṃ<caesura/> uru-vea-visaṭṭa-sela-sihara-kkhaliā</l>
<l>pavaāṇa paḍhama-bhaggā<caesura/> paḍanti samaïñchiāṇa maggeṇa dumā</l>
</lg>
<lg type="stanza" n="73">
<l>ṇaha-ala-samuṭṭhiehiṃ<caesura/> pāārantaria-dhaa-vaḍehi pavaṃgā</l>
<l>sūenti guḍia-vāraṇa<caesura/>-raïa-ghaḍā-bandha-saṃṭhie raaṇiare</l>
</lg>
<pb n="105"/>
<lg type="stanza" n="74">
<l>bhamaï pavaṇāṇusārī<caesura/> pavaa-balassa khaliuṭṭhia-paücchalio</l>
<l>duma-bhaṅga-sadda-visamo<caesura/> mahi-ṇīharia-garuo samullavaṇa-rao</l>
</lg>
<lg type="stanza" n="75">
<l>ṇiddalia-maṇi-aḍāṇaṃ<caesura/> denti jahāsaṇṇa-vivara-palhatthāṇaṃ</l>
<l>vihaḍia-suvela-lambia<caesura/>-disā-valantojjharattaṇaṃ phaḍihāṇaṃ</l>
</lg>
<lg type="stanza" n="76">
<l>je cira-āla-parūḍhā<caesura/> samarāiñchia-mahinda-paa-ṇikkhevā</l>
<l>te ṇavara gourantara<caesura/>-vihaḍaṇa-caḍulehi vāṇarehi vihaḍiā</l>
</lg>
<lg type="stanza" n="77">
<l>jāā ṇisāara-purī<caesura/> pāārabbhantarāvasesa-dhaa-vaḍā</l>
<l>khaṇa-vāṇara-saṃvellia<caesura/>-phalihā-vijjhavia-rakkhasenda-paāvā</l>
</lg>
<lg type="stanza" n="78">
<l>viaḍa-giri-ūḍa-saṃṇiha<caesura/>-ṇirantarāsaṇṇa-vāṇara-parikkhittā</l>
<l>jāā pāārohaa<caesura/>-majjha-vvūḍha-phaḍiha vva rakkhasa-ṇaarī</l>
</lg>
<lg type="stanza" n="79">
<l>to taṃ valanta-viaḍaṃ<caesura/> vāṇara-seṇṇaṃ vihatta-dārāhoaṃ</l>
<l>jāaṃ ṇivaha-ṇirantara<caesura/>-laṅkā-pāāra-ghaḍia-maṇḍali-bandhaṃ</l>
</lg>
<lg type="stanza" n="80">
<l>biioahi-gambhīre<caesura/> phalihāvattammi biia-baddha-giri-vahā</l>
<l>āḍhattā laṅgheuṃ<caesura/> biia-suvelaṃ va vāṇarā pāāraṃ</l>
</lg>
<lg type="stanza" n="81">
<l>ṇavari a mukka-kalaalaṃ<caesura/> vāṇara-tuliammi dahamuhāhiṭṭhāṇe</l>
<l>caliaṃ raaṇiara-balaṃ<caesura/> khaaggi-vihue vva mahi-ale uahi-jalaṃ</l>
</lg>
<lg type="stanza" n="82">
<l>ārūḍho ṇīi rahaṃ<caesura/> āsaṇṇa-gaïnda-laṅghaṇa-valantehiṃ</l>
<l>sarahehi samara-tulio<caesura/> juttaṃ jua-bhagga-kesarehi ṇiumbho</l>
</lg>
<lg type="stanza" n="83">
<l>kaha vi paḍivaddha-kavao<caesura/> samarāsaṅghia-samattha-vāṇara-loo</l>
<l>ṇīi dhaṇu-koḍi-tāḍaṇa<caesura/>-tūravia-turaṃgamo raheṇa paaṅgho</l>
</lg>
<lg type="stanza" n="84">
<l>caḍula-vaḍāā-ṇivaho<caesura/> kañcaṇa-ghara-bhitti-viaḍa-kūvara-bandho</l>
<l>indaïṇo vi pasario<caesura/> ekkuddeso vva rakkhasa-urīa raho</l>
</lg>
<pb n="106"/>
<lg type="stanza" n="85">
<l>khaṇa-pariatta-maïndā<caesura/> khaṇa-lakkhia-kuñjarā khaṇantara-mahisā</l>
<l>tassa khaṇa-metta-mehā<caesura/> rahaṃ vahanti khaṇa-pavvaā a turaṃgā</l>
</lg>
<lg type="stanza" n="86">
<l>avisajjia-ṇikkante<caesura/> atthāṇa-kkhoha-halahaluṭṭhia-muhale</l>
<l>dahavaaṇassa suhāvaï<caesura/> āṇā-bhaṅgo vi takkhaṇaṃ ṇiaa-bale</l>
</lg>
<lg type="stanza" n="87">
<l>guḍia-guḍijjanta-bhaḍaṃ<caesura/> sohaï raṇa-turia-jutta-jujjanta-rahaṃ</l>
<l>ghaḍia-ghaḍenta-gaa-ghaḍaṃ<caesura/> calia-calanta-turaaṃ ṇisāara-seṇṇaṃ</l>
</lg>
<lg type="stanza" n="88">
<l>hatthi-gaa-varia-rāmaṃ<caesura/> raha-gaa-saccavia-pavaa-vaï-somettiṃ</l>
<l>āsa-gaa-varia-haṇumaṃ<caesura/> bhūmī-gaa-varia-kaï-balaṃ ṇīi balaṃ</l>
</lg>
<lg type="stanza" n="89">
<l>raha-saṃghaṭṭa-kkhaliaṃ<caesura/> goura-muha-puñjaïjjamāṇa-gaa-ghaḍaṃ</l>
<l>bhavaṇantara-guppantaṃ<caesura/> aghaḍentekkamuha-ṇiggamaṃ valaï balaṃ</l>
</lg>
<lg type="stanza" n="90">
<l>dukkheṇa gourāiṃ<caesura/> valanta-jua-koḍi-vihaḍia-kavāḍāiṃ</l>
<l>bolanti rakkhasa-rahā<caesura/> taṃsoṇāmia-dhaāhaovari-taḍimā</l>
</lg>
<lg type="stanza" n="91">
<l>ṇisuḍhia-disā-gaïndaṃ<caesura/> bhagga-bhuaṃga-pphaṇaṃ dalia-pāālaṃ</l>
<l>garuaṃ pi rakkhasāṇaṃ<caesura/> aïrā-honta-lahuaṃ bharaṃ sahaï mahī</l>
</lg>
<lg type="stanza" n="92">
<l>agga-kkhandhāvaḍiaṃ<caesura/> majjhe dāra-muha-ruddha-puñjia-pihulaṃ</l>
<l>ūsāsia-sāhi-muhaṃ<caesura/> kūlābharia-bhavaṇaṅgaṇaṃ ṇīi balaṃ</l>
</lg>
<lg type="stanza" n="93">
<l>ia dāra-kaa-tthambhaṃ<caesura/> ṇīi vihiṇṇa-viaḍaṃ ṇisāara-seṇṇaṃ</l>
<l>ekkamuha-dari-viṇiggaa<caesura/>-sama-tthaluttāṇa-patthia-ṇaï-cchāaṃ</l>
</lg>
<lg type="stanza" n="94">
<l>jāāi taṃ muhuttaṃ<caesura/> puṇṇa-jjhīṇa-sariā-puliṇa-sohāiṃ</l>
<l>rakkhasa-gharaṅgaṇāiṃ<caesura/> gaa-samarāhimuha-joha-païrikkāiṃ</l>
</lg>
<lg type="stanza" n="95">
<l>laṅkā-veḍhaṇa-turio<caesura/> āloia-dāra-ṇinta-rakkhasa-loo</l>
<l>rasiūṇa pavaa-ṇivaho<caesura/> khara-pavaṇāiddha-vaṇa-dao vva pacalio</l>
</lg>
<pb n="107"/>
<lg type="stanza" n="96">
<l>paharujjua-pāikkaṃ<caesura/> parivaḍḍhaï pakkha-pasariāsārohaṃ</l>
<l>mukkaṅkusa-māaṅgaṃ<caesura/> siḍhilia-raha-paggahaṃ ṇisāara-seṇṇaṃ</l>
</lg>
<lg type="stanza" n="97">
<l>to ekkāaa-veaṃ<caesura/> ekkakkama-diṇṇa-mahi-alabbhahia-paaṃ</l>
<l>ṭhāi aṇohīṇa-bhaḍaṃ<caesura/> taha parimaṇḍala-pahāviaṃ kaï-seṇṇaṃ</l>
</lg>
<lg type="stanza" n="98">
<l>patthanti jāa-rosā<caesura/> patthijjanti a mahaggha-raṇa-soḍīrā</l>
<l>ṇihaṇanti ṇihammanti a<caesura/> aṇurāeṇa ṇavaraṃ ṇa bhajjanti bhaḍā</l>
</lg>
<trailer>ia siri-pavaraseṇa-viraïe dahamuhavahe mahākavve bāraho āsāsao</trailer>
</div>
<pb n="108"/>
<div type="canto" n="13">
<head>teraho āsāsao</head>
<lg type="stanza" n="1">
<l>aha ṇiggaa-miliehiṃ<caesura/> allīṇa-samāgaehi a vimukka-ravaṃ</l>
<l>raaṇiara-vāṇarehiṃ<caesura/> diṇṇaṃ sahiaṃ ca garua-raṇa-patthāṇaṃ</l>
</lg>
<lg type="stanza" n="2">
<l>taha a purilla-ṇivāia<caesura/>-dehovari-ṇimia-calaṇa-patthaṇa-turiā</l>
<l>ekkakkamaṃ ahigaā<caesura/> thoaṃ jaha pahara-lālasā osariā</l>
</lg>
<lg type="stanza" n="3">
<l>jaha hiaehi vavasiaṃ<caesura/> raa-kalusehi ṇaaṇehi jaha saccaviaṃ</l>
<l>raaṇiarehi raṇa-muhe<caesura/> taha paḍivakkhammi paharaṇaṃ ohariaṃ</l>
</lg>
<lg type="stanza" n="4">
<l>paa-lambhabbhahia-javā<caesura/> muṭṭhi-pariṭṭhavia-ṇippaampa-kkhaggā</l>
<l>saccavia-laddha-lakkhā<caesura/> paḍhama-pahāra-visaā ṇa bhajjanti bhaḍā</l>
</lg>
<lg type="stanza" n="5">
<l>vihuṇanti calia-viḍave<caesura/> muha-maṇḍala-gholaṇuppusia-sindūre</l>
<l>pavaa-sa-hatthāiddhe<caesura/> kumbha-aḍukkhutta-pāave māaṅgā</l>
</lg>
<lg type="stanza" n="6">
<l>rosassa dāsarahiṇo<caesura/> maaṇassa a dūsahassa rakkhasa-vaïṇo</l>
<l>samaaṃ cia aḍḍhatto<caesura/> doṇha vi aṇurūa-dāruṇo pariṇāmo</l>
</lg>
<lg type="stanza" n="7">
<l>ṇihaṇanti gaehi gae<caesura/> turaehi turaṃgame rahehi a rahiṇo</l>
<l>jāaṃ pavaṃgamāṇaṃ<caesura/> paḍivakkho paharaṇaṃ ca rakkhasa-seṇṇaṃ</l>
</lg>
<lg type="stanza" n="8">
<l>sara-vikkiṇṇa-mahiharā<caesura/> sara-vihaḍia-sesa-muggarāhaa-selā</l>
<l>paharaṇa-maggāiñcia<caesura/>-bhua-cuṇṇia-pavvaā bhamanti ṇisiarā</l>
</lg>
<lg type="stanza" n="9">
<l>bhāa-paḍio vi vitthaa<caesura/>-giri-pariṇāha-viaḍe pavaṃga-kkhandhe</l>
<l>apahuppantāveḍho<caesura/> ullalaï gaassa thora-kara-pabbhāro</l>
</lg>
<pb n="109"/>
<lg type="stanza" n="10">
<l>raaṇiarora-tthala-cuṇṇiassa-kaï-rosa-pesiassa sihariṇo</l>
<l>uddhaṃ uddhāi rao<caesura/> osaraï ahomuho silā-saṃghāo</l>
</lg>
<lg type="stanza" n="11">
<l>riu-bala-majjha-ṇirāā<caesura/> ṇihaa-ṇirantara-ṇisuddha-ṇajjanta-bhaḍā</l>
<l>vikkama-ṇīsāmaṇṇā<caesura/> daṭṭhuṃ pi bhaḍāṇa dukkarā gaï-maggā</l>
</lg>
<lg type="stanza" n="12">
<l>ṇivvubbhaï soḍīraṃ<caesura/> appaḍihattha-lahuo hasijjaï paharo</l>
<l>vaḍḍhaï verāvandho<caesura/> aïsaṃdhijjanti sāhasesu samatthā</l>
</lg>
<lg type="stanza" n="13">
<l>ṇa paḍaï paḍie vi sire<caesura/> sūla-vihiṇṇaṃ pi ṇea bhijjaï hiaaṃ</l>
<l>duppariiaṃ ṇa laggaï<caesura/> lāvijjantaṃ pi paḍibhaḍāṇa raṇa-bhaaṃ</l>
</lg>
<lg type="stanza" n="14">
<l>sahaï paharesu dappo<caesura/> dappa-ṭṭhāṇesu sahaï purisāsaṅgho</l>
<l>ṇiddosesu bhaḍāṇaṃ<caesura/> osāresu vi ṇa osaraï rosa-raso</l>
</lg>
<lg type="stanza" n="15">
<l>riu-gaa-bhiṇṇukkhittā<caesura/> rosa-vihuvvanta-caḍula-kesara-ṇivahā</l>
<l>daḍha-daṭṭha-danta-mūlā<caesura/> rasiūṇa samaccharaṃ ṇimillanti kaī</l>
</lg>
<lg type="stanza" n="16">
<l>avahīraṇā ṇa kijjaï<caesura/> sumarijjaï saṃsae vi sāmia-sukaaṃ</l>
<l>ṇa gaṇijjaï viṇivāo<caesura/> diṭṭhe vi bhaammi saṃbharijjaï lajjā</l>
</lg>
<lg type="stanza" n="17">
<l>paḍhumāṇiāhi suiraṃ<caesura/> je jīvia-saṃsaammi vi paricchūḍhā</l>
<l>te ccia ahimuha-ṇihaā<caesura/> sura-bandīhi ahisāriā raaṇiarā</l>
</lg>
<lg type="stanza" n="18">
<l>raaṇiara-baddha-lakkho<caesura/> abaddha-ruhira-paripaṇḍuraṅga-ccheo</l>
<l>agaṇia-vaṇa-saṃtāvo<caesura/> uṇha-pahāra-saraso samalliaï kaī</l>
</lg>
<lg type="stanza" n="19">
<l>ṇa paḍikkhanti avasaraṃ<caesura/> occhundanti jaṇiaṃ pareṇa paāvaṃ</l>
<l>bolenti jahā-bhaṇiaṃ<caesura/> sāhukkāra-purao aïnti samatthā</l>
</lg>
<lg type="kulaka">
<label>āikulaaṃ 12</label>
<lg type="stanza" n="20">
<l>ia tāṇa taṃ viambhaï<caesura/> suraṅgaṇā-suraa-lambha-saṃkea-haraṃ</l>
<l>bhagga-jama-loa-vanthaṃ<caesura/> mahenda-bhavaṇujjuāia-vahaṃ jujjhaṃ</l>
</lg>
<pb n="110"/>
<lg type="stanza" n="21">
<l>kaï-vaccha-tthala-pariṇaa<caesura/>-ṇiaa-muhatthamia-danti-danta-pphalihaṃ</l>
<l>ṇihaa-bhaḍa-mahia-ṇivaḍia<caesura/>-sura-vahu-cala-valaa-muhala-pavaa-gaï-vahaṃ</l>
</lg>
<lg type="stanza" n="22">
<l>ovaaṇosuddha-rahaṃ<caesura/> uppaaṇocchitta-vihaḍamāṇa-gaïndaṃ</l>
<l>gahia-pphiḍia-turaṃgaṃ<caesura/> aṇudhāvia-pavaa-ṇihaa-rakkhasa-johaṃ</l>
</lg>
<lg type="stanza" n="23">
<l>rasa-ṇivvāora-tthala<caesura/>-suha-visahijjanta-candaṇa-duma-ppaharaṃ</l>
<l>kalaala-lohugghāḍia<caesura/>-muha-bolīṇa-sara-magga-ṇinta-ṇiṇāaṃ</l>
</lg>
<lg type="stanza" n="24">
<l>bhiṇṇa-ghaḍijjanta-ghaḍaṃ<caesura/> paḍiruddhosaria-cakkalia-pāikkaṃ</l>
<l>ruhirohiṇṇa-raha-vahaṃ<caesura/> muha-sukkha-ppheṇa-ṇihua-hesia-turaaṃ</l>
</lg>
<lg type="stanza" n="25">
<l>riu-paharaṇa-pariosia<caesura/>-sāhukkāra-rava-gabbhiṇa-paḍanta-siraṃ</l>
<l>ṇibbhiṇṇa-pahara-mucchia<caesura/>-vaaṇabbhantara-virāa-bhaḍa-cukkāraṃ</l>
</lg>
<lg type="stanza" n="26">
<l>sela-paharuvviāia<caesura/>-dukkha-vavaṭṭhavia-hatthi-patthia-johaṃ</l>
<l>bhagga-dhaa-ciṇha-vimuhia<caesura/>-paṇaṭṭha-ṇiaa-bhaḍa-dukkha-ṇajjanta-rahaṃ</l>
</lg>
<lg type="stanza" n="27">
<l>giri-pellia-raha-kaḍḍhaṇa<caesura/>-vihala-vasāria-muha-tthaṇanta-turaṃgaṃ</l>
<l>mahi-ala-paloṭṭa-mahihara<caesura/>-raaa-rasomalia-bhiṇṇa-paṇḍura-ruhiraṃ</l>
</lg>
<lg type="stanza" n="28">
<l>kaï-mukka-cuṇṇia-ṭṭhia<caesura/>-sela-muṇijjanta-sarasa-sariā-maggaṃ</l>
<l>oharia-vañciāiñciāsi-maggovaḍanta-vāṇara-johaṃ</l>
</lg>
<lg type="stanza" n="29">
<l>ahidhāvanta-pavaṃgama<caesura/>-mukkaṃsa-ṇirāa-kesara-saḍugghāaṃ</l>
<l>majjhanta-bhāa-ṇivaḍia<caesura/>-daṇḍāuha-bhiṇṇa-mahi-aloviddha-bhaḍaṃ</l>
</lg>
<lg type="stanza" n="30">
<l>gahia-sira-daṭṭha-vāṇara<caesura/>-ṇisāarora-tthaladdha-rovia-dāḍhaṃ</l>
<l>ṇaha-dharia-pavvaojjhara<caesura/>-sībhara-taṇṇāa-garuiosaṇṇa-raaṃ</l>
</lg>
<pb n="111"/>
<lg type="stanza" n="31">
<l>sārahi-hattha-alāhaa<caesura/>-muha-paḍiuṭṭhia-turaṃga-ṇivvūḍha-rahaṃ</l>
<l>sara-ghāa-cuṇṇiovaïa-pavvaāvīa-ruhira-sariā-sottaṃ</l>
</lg>
</lg>
<lg type="stanza" n="32">
<l>aṭṭanti asahaṇāiṃ<caesura/> khaṇḍijjanta-paḍisāriaddhantāiṃ</l>
<l>vocchijjanta-muhāiṃ<caesura/> bhijjantosaria-paḍibhaḍāi balāiṃ</l>
</lg>
<lg type="stanza" n="33">
<l>vāṇara-paharukkhuḍiā<caesura/> aṇirūvia-lakkha-pesiāsi-paharaṇā</l>
<l>mucchā-ṇimīliacchā<caesura/> ohīrantā vi allianti ṇisiarā</l>
</lg>
<lg type="stanza" n="34">
<l>cuṇṇia-garua-paḍibhaḍo<caesura/> phuraï aṇallīṇa-rakkhasāhaa-vihalo</l>
<l>khaṇḍijjanta-paaṭṭo<caesura/> oli-cchiṇṇa-paḍio pavaṃgama-joho</l>
</lg>
<lg type="stanza" n="35">
<l>soḍīreṇa paāvo<caesura/> chāā paharehi vikkamehi pariaṇo</l>
<l>jīeṇa a ahimāṇo<caesura/> rakkhijjaï a garuo sarīreṇa jaso</l>
</lg>
<lg type="stanza" n="36">
<l>bhijjaï uro ṇa hiaaṃ<caesura/> giriṇā bhajjaï raho ṇa uṇa ucchāho</l>
<l>chijjanti sira-ṇihāā<caesura/> tuṅgā ṇa uṇa raṇa-dohalā suhaḍāṇaṃ</l>
</lg>
<lg type="stanza" n="37">
<l>selojjharehi gaaṇe<caesura/> dhua-lohia-sībharehi dhārā-magge</l>
<l>maa-salilehi ghaḍāsu a<caesura/> vocchijjaï pasariaṃ mahi-raüṭṭhāṇaṃ</l>
</lg>
<lg type="stanza" n="38">
<l>visahia-khagga-ppaharā<caesura/> gaïnda-danta-lihiaggalā-paḍirūā</l>
<l>selāiñchaṇa-valiā<caesura/> visamaṃ bhajjanti pavaa-bāhu-pphaḍihā</l>
</lg>
<lg type="stanza" n="39">
<l>teṇhāio vi suiraṃ<caesura/> saṃṇāha-cchea-gabbhiṇammi vaṇa-muhe</l>
<l>ṇivvalia-loha-virasaṃ<caesura/> ṇa piaï āmuaï cakkhiūṇa vihaṃgo</l>
</lg>
<lg type="stanza" n="40">
<l>vevaï paḍio vi bhuo<caesura/> osuddhammi vaaṇammi dharaï amariso</l>
<l>lua-sīsaṃ pi kavandhaṃ<caesura/> dhāvaï ukkhitta-kaṇṭha-lohia-dhāraṃ</l>
</lg>
<pb n="112"/>
<lg type="stanza" n="41">
<l>dei rasaṃ riu-paharo<caesura/> vahaï dhuraṃ vikkamassa verāvandho</l>
<l>āaḍḍhia-raṇa-rahaso<caesura/> dappaṃ vaḍḍhei āao aïbhāro</l>
</lg>
<lg type="stanza" n="42">
<l>sāhei riuṃ va jasaṃ<caesura/> ṇa sahaï āāriaṃ va kāla-kkhevaṃ</l>
<l>lahaï suhaṃ miva ṇāsaṃ<caesura/> jīaṃ muaï samuhaṃ paharaṇaṃ va bhaḍo</l>
</lg>
<lg type="stanza" n="43">
<l>visahia-khagga-ppaharā<caesura/> vialia-lohia-kilinta-ṇīsāra-bhuā</l>
<l>mucchijjantoallā<caesura/> akkantā ṇiaa-mahiharehi pavaṃgā</l>
</lg>
<lg type="stanza" n="44">
<l>daaï kusuaṃ va māṇaṃ<caesura/> vaḍḍhantaṃ pi aṇahaṃ ṇa pattiaï jasaṃ</l>
<l>ṇa karei loa-garue<caesura/> jīa ccia ṇavara āaraṃ bhaḍa-sattho</l>
</lg>
<lg type="stanza" n="45">
<l>ṇihaālakkhia-johe<caesura/> jāe lahuammi ṇiaa-dhārā-magge</l>
<l>parivaḍḍhantāi-bharaṃ<caesura/> garuaṃ para-saṃkulaṃ aïnti samatthā</l>
</lg>
<lg type="stanza" n="46">
<l>dhārenti jasassa dhuraṃ<caesura/> entaṃ ṇa sahanti vikkamassa parihavaṃ</l>
<l>rosassa karenti dhiiṃ<caesura/> māṇaṃ vaḍḍhenti sāhasassa samatthā</l>
</lg>
<lg type="stanza" n="47">
<l>paharāsāia-harisaṃ<caesura/> khaṇa-mucchā-galia-raṇa-maṇoraha-sokkhaṃ</l>
<l>jīa-viḍhattaccharasaṃ<caesura/> sira-parivattia-jasaṃ viambhaï samaraṃ</l>
</lg>
<lg type="stanza" n="48">
<l>saṃdehesu hasijjaï<caesura/> rajjijjaï sāhase ramijjaï vasaṇe</l>
<l>mucchāsu vīsamijjaï<caesura/> ṇivvūḍhaṃ ti ṇavaraṃ gaṇijjaï maraṇe</l>
</lg>
<lg type="stanza" n="49">
<l>calio a caraṇa-pahao<caesura/> aüvva-diṇṇa-raï-maṇḍala-gahāsaṅko</l>
<l>atthekka-kaḍḍhia-ṇiso<caesura/> abhāa-bhagga-diaso mahi-raügghāo</l>
</lg>
<lg type="stanza" n="50">
<l>mūle bahalugghāo<caesura/> majjhoāse pasāriattaṇa-taḍiṇo</l>
<l>ṇaha-puñjia-vitthario<caesura/> paḍaï disāsu garuattaṇeṇa mahi-rao</l>
</lg>
<lg type="stanza" n="51">
<l>muaï bharei ṇu vasuhaṃ<caesura/> ṇīi disāhiṃ thaei ṇu disā-akkaṃ</l>
<l>addiṭṭha-ṇiggama-vaho<caesura/> paḍaï ṇahāhi gaaṇaṃ vilaggaï ṇu rao</l>
</lg>
<pb n="113"/>
<lg type="stanza" n="52">
<l>dīsaï raaṇiara-balaṃ<caesura/> pavaṃga-johehi māsala-raantariaṃ</l>
<l>osāa-haassa ṭhiaṃ<caesura/> purao maṇi-pavvaassa va haa-cchāaṃ</l>
</lg>
<lg type="stanza" n="53">
<l>odhūsaria-ghaa-vaḍo<caesura/> pasaraï maïlia-turaṃgama-muha-ppheṇo</l>
<l>kasaṇa-mihia vva taṇuo<caesura/> ṇahammi sāmalaïāavo raa-ṇivaho</l>
</lg>
<lg type="stanza" n="54">
<l>vāṇara-rahasa-visajjia<caesura/>-ṇahaṅgaṇovaïa-sela-magga-ṇirāo</l>
<l>raïṇo kalusa-cchāo<caesura/> paḍaï paṇālojjharo vva kiraṇujjoo</l>
</lg>
<lg type="stanza" n="55">
<l>kuvioharia-ṇisāara<caesura/>-pavaa-daḍha-kkhandha-pūriaddhantāsuṃ</l>
<l>maṃsala-mahu-kosa-ṇiho<caesura/> bajjhaï baddha-ruhirāsi-dhārāsu rao</l>
</lg>
<lg type="stanza" n="56">
<l>raṇa-parisakkaṇa-vihalā<caesura/> raï-kiraṇāhaa-kilinta-maülia-ṇaaṇā</l>
<l>ṇivvāanti gaïndā<caesura/> sībhara-saṃvalia-reṇu-kaddamia-muhā</l>
</lg>
<lg type="stanza" n="57">
<l>mūlāhoa-karālā<caesura/> soṇia-sotta-ṇivahantarāla-pasariā</l>
<l>ekkakkameṇa samaaṃ<caesura/> saṃbajjhanti uariṃ mahi-laüppīḍā</l>
</lg>
<lg type="stanza" n="58">
<l>ṇivvāleūṇa ṇahe<caesura/> gaa-sukkāria-valanta-dhaa-vaḍa-taṇuiṃ</l>
<l>pavaṇo kaḍḍhaï visamaṃ<caesura/> chāā-vaha-paṭṭha-dhūsaraṃ raa-lehaṃ</l>
</lg>
<lg type="stanza" n="59">
<l>saṃrumbhaï diṭṭhi-vahaṃ<caesura/> gaāṇa ahimuha-pahāviāṇa raṇa-muhe</l>
<l>mārua-kampijjanto<caesura/> vaaṇabbhāsammi muha-vaḍo vva mahi-rao</l>
</lg>
<lg type="stanza" n="60">
<l>ṇavari a bhaḍa-vaccha-tthala<caesura/>-vaṇa-magga-ṇirāa-patthiucchaliāe</l>
<l>ruhira-ṇaīa mahi-rao<caesura/> ummūlia-kūla-pāavo vva ṇisuddho</l>
</lg>
<lg type="stanza" n="61">
<l>palahua-ṇīhāra-ṇihaṃ<caesura/> saṃghāia-kamala-ṇāla-tantu-cchāaṃ</l>
<l>gholaï dara-vocchiṇṇaṃ<caesura/> mārua-bhiṇṇa-taliṇa-ṭṭhiaṃ raa-sesaṃ</l>
</lg>
<lg type="stanza" n="62">
<l>rumbhantujjua-maggaṃ<caesura/> dharāharantara-valanta-ṇaï-sotta-ṇihaṃ</l>
<l>valaï valanta-dhaa-vaḍaṃ<caesura/> paḍia-gaïnda-ṇivahantarālesu balaṃ</l>
</lg>
<pb n="114"/>
<lg type="stanza" n="63">
<l>dūsaha-sahia-ppaharā<caesura/> duvvojjha-vilagga-samara-ṇivvūḍha-bharā</l>
<l>occhuṇṇa-duggama-pahā<caesura/> kaa-dukkara-pesaṇā paḍanti pavaṃgā</l>
</lg>
<lg type="stanza" n="64">
<l>bandhu-vaha-baddha-veraṃ<caesura/> sahassa-pūraṇa-kavandha-jaṇiāmoaṃ</l>
<l>vaḍḍhaï bhaḍa-diṇṇa-rasaṃ<caesura/> bhuja-pabbala-pahua-vīra-paḍaṇaṃ jujjhaṃ</l>
</lg>
<lg type="stanza" n="65">
<l>maṇibandhāgaa-puñjia<caesura/>-saṃṇāha-cchea-valaa-diṇṇāveḍhaṃ</l>
<l>ṇeuṃ ṇa caei siā<caesura/> mūlucchiṇṇa-garuaṃ ṇisiarassa bhuaṃ</l>
</lg>
<lg type="stanza" n="66">
<l>āvattantara-valiā<caesura/> ruhira-ṇihāesu pāsa-baddha-ppheṇā</l>
<l>ollanta-pamha-garuā<caesura/> atthāanti paḍiūṇa camaruppīḍā</l>
</lg>
<lg type="stanza" n="67">
<l>uddha-muha-mukka-ṇāā<caesura/> puvvaddha-bharosianta-pacchima-bhāā</l>
<l>kumbhe pavaa-silāhaa<caesura/>-khuppantuddhaṅkuse dhuṇanti gaïndā</l>
</lg>
<lg type="stanza" n="68">
<l>aha pavaa-bharubbhantā<caesura/> paharujjua-tiasa-bhaṅga-dāṇa-samuiā</l>
<l>jāā rakkhasa-johā<caesura/> paḍhamuggaa-dukkaraṃ paḍivahāhimuhā</l>
</lg>
<lg type="stanza" n="69">
<l>bhaggoṇiattia-gaaṃ<caesura/> bhamiaṃ ṭhāṇa-parivattiobhagga-rahaṃ</l>
<l>ekka-paa-valia-johaṃ<caesura/> maṇḍali-diṇṇa-turaaṃ ṇisāara-seṇṇaṃ</l>
</lg>
<lg type="stanza" n="70">
<l>amarisa-vitthakkantā<caesura/> vivalāanti bhamiūṇa galiāmarisā</l>
<l>īsi-viatta-cchūḍhā<caesura/> ṇibbhīallīṇa-vāṇarā raaṇiarā</l>
</lg>
<lg type="stanza" n="71">
<l>raha-saṃdāṇia-turaaṃ<caesura/> turaṃgamora-tthala-kkhalia-pāikkaṃ</l>
<l>pāikkāvalia-gaaṃ<caesura/> gaa-bhajjanta-raha-saṃkulaṃ valaï balaṃ</l>
</lg>
<lg type="stanza" n="72">
<l>sasaï visamuddha-kampaṃ<caesura/> garuāanta-bhua-lambiobhagga-dumaṃ</l>
<l>vihalosaria-paḍibhaḍaṃ<caesura/> saṇṇovāhia-ṇisāaraṃ pavaa-balaṃ</l>
</lg>
<pb n="115"/>
<lg type="stanza" n="73">
<l>akkhaṇḍia-soḍīrā<caesura/> pavaāṇia-paḍhama-māṇa-bhaṅgāvasarā</l>
<l>bhaggā vi bhamanti puṇo<caesura/> ṇīsesaṃ rakkhasā ṇa geṇhanti bhaaṃ</l>
</lg>
<lg type="kulaka">
<label>antyakulaaṃ 4</label>
<lg type="stanza" n="74">
<l>taha vi a dara-parivattia<caesura/>-cakkalaïjjanta-garua-cakka-raha-vahaṃ</l>
<l>vitthakkanta-pahāvia<caesura/>-samattha-saṃṭhāvaṇā-viḍhatta-raṇa-jasaṃ</l>
</lg>
<lg type="stanza" n="75">
<l>vāṇara-paraṃmuhoṇāmiaddha-moḍia-ṇilāḍa-vaṭṭa-ṇisiaraṃ</l>
<!--paraṃmuho° corrected by GS, paraṃsuho° in main text !-->
<l>para-seṇṇa-kalaalāhittha-paḍiṇiattanta-gaa-violārohaṃ</l>
</lg>
<lg type="stanza" n="76">
<l>cala-vāṇarāṇudhāvia<caesura/>-vāla-dharijjanta-ṇiccala-ṭṭhia-turaaṃ</l>
<l>ṇihaa-bhaḍa-paḍia-sārahi<caesura/>-pavaṃga-bhesia-turaṃga-hīranta-rahaṃ</l>
</lg>
<lg type="stanza" n="77">
<l>dhārā-magga-ṇivāia<caesura/>-bala-paḍihaa-virala-vāṇaruṇṇia-maggaṃ</l>
<l>bhaggaṃ galanta-paharaṇa<caesura/>-suṇṇaïohaa-bhuaṃ ṇisāara-seṇṇaṃ</l>
</lg>
</lg>
<lg type="stanza" n="78">
<l>aha hia-macchara-lahuā<caesura/> ekkakkama-cakkhu-rakkhaṇāhia-hiaā</l>
<l>hiaāvaḍia-dahamuhā<caesura/> valiā paḍimukka-raṇa-bhaā raaṇiarā</l>
</lg>
<lg type="stanza" n="79">
<l>vocchiṇṇa-saṃdhia-jasā<caesura/> honti ṇiatta-samuha-ṭṭhavia-soḍīrā</l>
<l>kaï-bala-duppariallā<caesura/> siḍhilia-paḍivaṇṇa-raṇa-dhurā raaṇiarā</l>
</lg>
<lg type="stanza" n="80">
<l>to bhaṅga-lajjiāṇaṃ<caesura/> parivaḍḍhia-pasara-harisiāṇa a garuaṃ</l>
<l>raaṇiara-vāṇarāṇaṃ<caesura/> variāāria-bhaḍaṃ pavaṭṭaï jujjhaṃ</l>
</lg>
<lg type="stanza" n="81">
<l>suggīveṇa paaṅgho<caesura/> sattacchaa-pāaveṇa diṇṇa-raṇa-suho</l>
<l>vaṇa-gaa-dāṇa-surahiṇā<caesura/> vacchucchalia-kusumaṭṭahāseṇa hao</l>
</lg>
<lg type="stanza" n="82">
<l>diviāhaassa samare<caesura/> surahiṃ ura-paḍia-sarasa-candaṇa-gandhaṃ</l>
<l>asaṇippahassa jīaṃ<caesura/> agghāanta-suhioṇimillassa gaaṃ</l>
</lg>
<lg type="stanza" n="83">
<l>hantūṇa vajjamuṭṭhiṃ<caesura/> hasaï maïndo vi muṭṭhi-ghāa-ṇisuddhaṃ</l>
<l>āhittha-diṭṭhi-ṇiggaa<caesura/>-jalaṇa-sihāamba-phuḍia-loaṇa-jualaṃ</l>
</lg>
<pb n="116"/>
<lg type="stanza" n="84">
<l>kuvieṇa vijjumālī<caesura/> cira-jujjhia-harisio suseṇeṇa kao</l>
<l>calaṇa-jualāvalambia<caesura/>-ṇakkhukkhitta-khuḍiohaa-bhua-pphaḍiho</l>
</lg>
<lg type="stanza" n="85">
<l>sahia-paharaṃ ṇaleṇa vi<caesura/> tavaṇassa talāhighāa-moḍia-kaṇṭhaṃ</l>
<l>ṇihiaṃ dehammi siraṃ<caesura/> deho addha-ṇimio mahi-alammi kao</l>
</lg>
<lg type="stanza" n="86">
<l>hantūṇa jambumāliṃ<caesura/> jhatti vihiṇṇo aïñcio pavaṇa-suo</l>
<l>saala-tala-gāḍha-tāḍaṇa<caesura/>-bhiṇṇucchalia-sira-mea-sitta-dasa-disaṃ</l>
</lg>
<lg type="stanza" n="87">
<l>aha geṇhaï aïbhūmiṃ<caesura/> indaï-vāli-taṇaāṇa raṇa-soḍīraṃ</l>
<l>ṇihaekkamekka-pariaṇa<caesura/>-sa-hattha-paḍivaṇṇa-saṃsaa-tulārohaṃ</l>
</lg>
<lg type="stanza" n="88">
<l>bāṇandhaāria-disaṃ<caesura/> dhaṇu-maṇḍala-parigaaṃ visesei paraṃ</l>
<l>āloiukkhaāṇia<caesura/>-mukka-paḍantehi giri-sahassehi kaī</l>
</lg>
<lg type="stanza" n="89">
<l>ṇivaḍanti kusuma-ṇibbhara<caesura/>-milia-valanta-viḍavovaūḍha-mahuarā</l>
<l>vivaïṇṇa-pphala-lahuā<caesura/> dhua-majjha-kkhuḍia-pallavā duma-ṇivahā</l>
</lg>
<lg type="stanza" n="90">
<l>vāli-taṇaaṃ ṇa pāvaï<caesura/> gaaṇe guppaï dumehi sara-saṃghāo</l>
<l>chijjanti addha-vanthe<caesura/> entā dahamuha-suaṃ ṇa laṅghanti dumā</l>
</lg>
<lg type="stanza" n="91">
<l>vikkhitta-loddha-kusumaṃ<caesura/> sara-daliuddhāamāṇa-candaṇa-gandhaṃ</l>
<l>uddhua-mandāra-raaṃ<caesura/> sarasa-lavaṅga-dala-gabbhiṇaṃ hoi ṇahaṃ</l>
</lg>
<lg type="kulaka">
<label>āikulaaṃ 7</label>
<lg type="stanza" n="92">
<l>ia taṃ sama-paḍihatthaṃ<caesura/> vāraṃ-vāra-bala-diṇṇa-sāhukkāraṃ</l>
<l>indaï-vāli-suāṇaṃ<caesura/> paraṃ pamāṇaṃ gaaṃ pi vaḍḍhaï jujjhaṃ</l>
</lg>
<lg type="stanza" n="93">
<l>duma-kusuma-majjha-ṇiggaa<caesura/>-sara-puṅkhālagga-ṇijjamāṇa-mahuaraṃ</l>
<l>ṇivvāvārosaria<caesura/>-ṭṭhiohaāvigga-seṇṇa-vimhaa-diṭṭhaṃ</l>
</lg>
<lg type="stanza" n="94">
<l>dahamuha-taṇaa-visajjia<caesura/>-sara-bharia-ṇahaṅgaṇuppaïa-vāli-suaṃ</l>
<l>vāli-sua-rosa-pesia<caesura/>-sāla-silā-sela-ruddha-dahamuha-taṇaaṃ</l>
</lg>
<pb n="117"/>
<lg type="stanza" n="95">
<l>ṇisiara-sara-ṇiddāria<caesura/>-vāṇara-deha-ruhirāruṇa-disāhoaṃ</l>
<l>vāṇara-pahara-paattia<caesura/>-rakkhasa-ruhiroha-kaddamia-bhūmi-alaṃ</l>
</lg>
<lg type="stanza" n="96">
<l>riu-sūla-dūmiohīramāṇa-vāli-sua-diṇṇa-vāṇara-soaṃ</l>
<l>selāhighāa-mucchia<caesura/>-dahamuha-taṇaa-bhaa-bhiṇṇa-raaṇiara-balaṃ</l>
</lg>
<lg type="stanza" n="97">
<l>tārā-taṇaa-visesia<caesura/>-raaṇiara-paatta-pavaa-seṇṇa-kalaalaṃ</l>
<l>mandodari-sua-dūmia<caesura/>-vāṇara-pariosa-muhala-rakkhasa-loaṃ</l>
</lg>
<lg type="stanza" n="98">
<l>bhua-paḍia-ṇipphala-pphaliha-bhaṅga-helā-hasanta-vāṇara-johaṃ</l>
<l>ura-bhiṇṇa-silā-ala-mehaṇāa-mukkaṭṭahāsa-paṇḍuria-ṇahaṃ</l>
</lg>
</lg>
<lg type="stanza" n="99">
<l>aha indaïmmi vāli-taṇaeṇa samarāṇurāa-bhaggucchāhe</l>
<l>ṇihao tti hasanti kaī<caesura/> māāi ṭhia tti harisiā raaṇiarā</l>
</lg>
<trailer>ia teraho āsāsao parisamatto</trailer>
</div>
<pb n="118"/>
<div type="canto" n="14">
<head>caüddaho āsāsao</head>
<lg type="stanza" n="1">
<l>aha ṇipphala-gaa-diaso<caesura/> jahicchiāsaṃpaḍanta-dahamuha-lambho</l>
<l>jūraï laṅkāhimuho<caesura/> alasāanta-haa-rakkhaso rahuṇāho</l>
</lg>
<lg type="stanza" n="2">
<l>eesu suha-ṇisaṇṇo<caesura/> ṇa ṇīi samaraṃ dasāṇaṇo tti gaṇento</l>
<l>icchaï diṇṇāāse<caesura/> raaṇiaresu paḍimuñciuṃ sara-ṇivahe</l>
</lg>
<lg type="stanza" n="3">
<l>diṭṭhimmi patthiammi a<caesura/> āvaḍiammi a pare sara-ṇisumbhante</l>
<l>samarammi visūrantā<caesura/> mohukkarisia-dumā bhamanti pavaṃgā</l>
</lg>
<lg type="stanza" n="4">
<l>bhettūṇa turia-mukke<caesura/> aṇuloma-pahāvie silā-saṃghāe</l>
<l>paḍhamaṃ sāhenti paraṃ<caesura/> vihaḍia-vāṇara-maṇorahā rāma-sarā</l>
</lg>
<lg type="stanza" n="5">
<l>chijjaï kareṇa samaaṃ<caesura/> pavae ṇalliaï rakkhasāṇa paharaṇaṃ</l>
<l>pāvaï turia-vimukkaṃ<caesura/> aṇahaṃ ṇa a rakkhasaṃ pavaṃga-paharaṇaṃ</l>
</lg>
<lg type="stanza" n="6">
<l>bhiṇṇe vacchammi silā<caesura/> giri-siharaṃ chiṇṇa-pāḍia-sira-ṭṭhāṇe</l>
<l>ṇivaḍaï sarāhisaṃdhia<caesura/>-parakkamehi pavaehi rosa-vimukkaṃ</l>
</lg>
<lg type="stanza" n="7">
<l>saï saṃdhio ccia saro<caesura/> rahuṇāhassa saï cakkalaïaṃ ca dhaṇuṃ</l>
<l>acchijjaï a sarāhaa<caesura/>-saï-palhatthanta-rakkhasa-sirehi mahī</l>
</lg>
<lg type="stanza" n="8">
<l>visamālagga-huavahā<caesura/> visahara-reavia-bila-muha-paḍicchandā</l>
<l>dīsanti bāṇa-maggā<caesura/> rakkhasa-dehesu se ṇa dīsanti sarā</l>
</lg>
<lg type="stanza" n="9">
<l>ukkarisantassa kare<caesura/> patthantassa hiae rasantassa muhe</l>
<l>dīsanti ṇavara paḍiā<caesura/> ṇivaddha-sira-paḍaṇa-sūiā rāma-sarā</l>
</lg>
<pb n="119"/>
<lg type="stanza" n="10">
<l>jo jattha ccia diṭṭho<caesura/> suo jahiṃ jassa vialio vi ṇiṇāo</l>
<l>calio a jo jahiṃ cia<caesura/> tassa tahiṃ cea ṇivaḍiā rāma-sarā</l>
</lg>
<lg type="stanza" n="11">
<l>haa-hatthi-bhaḍa-turaṃgā<caesura/> dīhā dīsanti tammi rakkhasa-seṇṇe</l>
<l>agga-kkhandha-paattā<caesura/> kūlaṃ bhettūṇa ṇiggaā rāma-sarā</l>
</lg>
<lg type="stanza" n="12">
<l>jaṃ cia ualaddha-bhaaṃ<caesura/> kāhii samaaṃ paḍāiavvārambhaṃ</l>
<l>taṃ rāma-sarāhihaaṃ<caesura/> diṭṭhaṃ ṇavara paḍiaṃ ṇisāara-seṇṇaṃ</l>
</lg>
<lg type="stanza" n="13">
<l>ia taṃ bāṇukkittaṃ<caesura/> paḍanta-sama-kāla-diṭṭha-sira-saṃghāaṃ</l>
<l>sua-sāraṇāvasesaṃ<caesura/> khaṇeṇa rakkhasa-balaṃ kaaṃ rahuvaïṇā</l>
</lg>
<lg type="stanza" n="14">
<l>tāva a salohiāruṇa<caesura/>-rakkhasa-bala-ṇivvisesa-saṃjhā-timiro</l>
<l>paramatthao cirassa va<caesura/> ṇivvāo galia-rakkhasa-bhao diaho</l>
</lg>
<lg type="stanza" n="15">
<l>aha uggāhia-cāo<caesura/> ekko vāli-sua-moḍia-rahuppaïo</l>
<l>saṃcaraï mehaṇāo<caesura/> ṇiaa-cchavi-meliandhaārammi ṇahe</l>
</lg>
<lg type="stanza" n="16">
<l>to ṇiṭṭhavia-ṇisiarā<caesura/> indaïṇā garua-vera-mūlāhārā</l>
<l>samaaṃ cia saccaviā<caesura/> addiṭṭheṇa vihiṇevva daharaha-taṇaā</l>
</lg>
<lg type="stanza" n="17">
<l>muaï a saaṃbhu-diṇṇe<caesura/> tāṇa bhuaṃga-muha-ṇiggaāṇala-jīhe</l>
<l>ṇīsesa-ṇihaa-rakkhasa<caesura/>-vīsattha-palambiohaa-bhuāṇa sare</l>
</lg>
<lg type="stanza" n="18">
<l>to bhiṇṇaṅgaa-desā<caesura/> ṇiddāria-bīa-bāhu-pāaḍia-muhā</l>
<l>rāhava-dehammi ṭhiā<caesura/> tia-saṃdāṇia-bhuā bhuaṃgama-bāṇā</l>
</lg>
<lg type="stanza" n="19">
<l>ṇiddhoāasa-ṇīlā<caesura/> ṇinti visāṇala-phuliṅga-pajjalia-muhā</l>
<l>dhaṇu-saṃdhāṇa-vimukkā<caesura/> aüvva-ṇārāa-vibbhamā bhuaïndā</l>
</lg>
<lg type="stanza" n="20">
<l>ṇivaḍanti vijju-muhalā<caesura/> tāra-samabbhahia-loha-laṭṭhi-cchāā</l>
<l>kasaṇa-jalaoarāhi va<caesura/> rakkhasa-māandhaāria-ṇahāhi sarā</l>
</lg>
<pb n="120"/>
<lg type="stanza" n="21">
<l>paḍhumaṃ ravi-bimba-ṇihā<caesura/> palaükkā-saṃṇihā ṇahaddha-paḍantā</l>
<l>bhindantā honti sarā<caesura/> dara-ṇibbhiṇṇa-bhamiā bhuāsu bhuaṃgā</l>
</lg>
<lg type="stanza" n="22">
<l>bajjhanti daharaha-suā<caesura/> dara-bhagga-maṇorahā kilimmanti surā</l>
<l>addiṭṭha-mehaṇāā<caesura/> uṇṇāmia-pavvaā bhamanti pavaṃgā</l>
</lg>
<lg type="stanza" n="23">
<l>rasaï ṇahammi ṇisiaro<caesura/> bhiṇṇamabhiṇṇa-hiaaṃ disāsu kaï-balaṃ</l>
<l>bhijjanto vi ṇa bhijjaï<caesura/> riu-daṃsaṇa-diṇṇa-loaṇo dāsarahī</l>
</lg>
<lg type="stanza" n="24">
<l>rosāṇala-pajjaliaṃ<caesura/> jalanta-vaḍavā-muhāṇala-paḍicchandaṃ</l>
<l>aṅgesu laddha-pasarā<caesura/> hiaaṃ se ṇavara pariharanti bhuaṃgā</l>
</lg>
<lg type="stanza" n="25">
<l>tāṇa bhuaṃga-parigaā<caesura/> dukkha-pahuppanta-viaḍa-bhogāveḍhā</l>
<l>jāā thira-ṇikkampā<caesura/> malaa-aḍuppaṇṇa-candaṇa-duma vva bhuā</l>
</lg>
<lg type="stanza" n="26">
<l>taha paḍivaṇṇa-dhaṇu-sarā<caesura/> sara-ṇibbhijjanta-ṇiccala-bhua-pphalihā</l>
<l>daṭṭhoṭṭha-metta-lakkhia<caesura/>-ṇipphala-rosa-lahuā kaā rahu-taṇaā</l>
</lg>
<lg type="stanza" n="27">
<l>sara-ṇibbhiṇṇa-sarīrā<caesura/> jāā āloa-maggiavvāvaavā</l>
<l>dari-diṭṭha-pattaṇantara<caesura/>-ṇihitta-saṃkhāa-lohiā rahu-taṇaā</l>
</lg>
<lg type="stanza" n="28">
<l>sara-sīvioru-jualaṃ<caesura/> saṃkīlia-vihala-ṇiccala-ṭṭhia-calaṇaṃ</l>
<l>ṇialia-dehāvaavaṃ<caesura/> saṃcariavvaṃ pi rahu-suāṇa avahaaṃ</l>
</lg>
<lg type="stanza" n="29">
<l>to sura-hiaehi samaṃ<caesura/> paḍiaṃ vihalanta-paḍhama-saṃṭhia-bāṇaṃ</l>
<l>addiṭṭha-riu-visajjia<caesura/>-sara-paharaṅkusia-vāma-hatthāhi dhaṇuṃ</l>
</lg>
<lg type="stanza" n="30">
<l>uddhāio a sahasā<caesura/> vivalāa-vimāṇa-taḍima-pacchima-dese</l>
<l>sura-vahu-visamakkando<caesura/> ekkamuhāhaa-rasanta-tanti-cchāo</l>
</lg>
<pb n="121"/>
<lg type="stanza" n="31">
<l>to paḍio rahuṇāho<caesura/> bhañjanto tihuvaṇassa āsā-bandhaṃ</l>
<l>sīha-ṇahaṅkusa-pahao<caesura/> tuṅgaṃ āsaṇṇa-pāavaṃ va vaṇa-gao</l>
</lg>
<lg type="stanza" n="32">
<l>paḍiassa a rahuvaïṇo<caesura/> paḍio aṇumaggaaṃ sumittā-taṇao</l>
<l>uddha-ṭṭhiassa paṇao<caesura/> palhatthassa va dumassa chāā-ṇivaho</l>
<!-- Goldschmidt ūddha!-->
</lg>
<lg type="stanza" n="33">
<l>dharaṇi-paḍiesu tesu a<caesura/> ṇivvaṇṇanta-samuhoṇaa-bharuvvattā</l>
<l>uttāṇiekka-cakkā<caesura/> surāṇa taṃsa-taḍimā ciraṃ āsi rahā</l>
</lg>
<lg type="stanza" n="34">
<l>hiaa-paḍaṇe vva mūḍhaṃ<caesura/> raï-paḍaṇe vva sahasā tamammi ṇivaḍiaṃ</l>
<l>rāma-paḍaṇammi jāaṃ<caesura/> sira-paḍaṇe vva gaa-jīviaṃ tellokkaṃ</l>
</lg>
<lg type="stanza" n="35">
<l>aha rāma-parittāṇaṃ<caesura/> suṇṇa-disā-muha-paloaṇa-ṇirucchāhaṃ</l>
<l>bhaa-ṇiccala-puñjaïaṃ<caesura/> ṇa muaï paḍiaṃ pi rāhavaṃ kaï-seṇṇaṃ</l>
</lg>
<lg type="stanza" n="36">
<l>dīṇaṃ bhaggucchāhaṃ<caesura/> uvvigga-maṇaṃ visāa-pellia-hiaaṃ</l>
<l>rāhava-viiṇṇa-ṇaaṇaṃ<caesura/> ālekkha-gaaṃ va saṃṭhiaṃ kaï-seṇṇaṃ</l>
</lg>
<lg type="stanza" n="37">
<l>paḍiassa vi rahuvaïṇo<caesura/> dīsanto dei pavaa-vaï-saṃlāvaṃ</l>
<l>avisāa-mahagghavio<caesura/> sāsaa-dhīra-dhario muhassa pasāo</l>
</lg>
<lg type="stanza" n="38">
<l>ṇavari a vihīsaṇa-jalāhaacchiṇā vāṇarāhiveṇa ṇaha-aro</l>
<l>pāsammi dhaṇu-sahāo<caesura/> diṭṭho kaa-pesaṇo dasāṇaṇa-taṇao</l>
</lg>
<lg type="stanza" n="39">
<l>to rosa-tulia-pavvaa<caesura/>-sahasuddhāia-pahāvio suggīo</l>
<l>laṅkaṃ bhaa-vivalāaṃ<caesura/> ahileūṇa ṇavaraṃ ṭhio raaṇiaraṃ</l>
</lg>
<lg type="stanza" n="40">
<l>indaïṇā viṇiveia<caesura/>-rāhava-ṇihaṇa-suhio ṇisāara-ṇāho</l>
<l>āsāia-jaṇaa-suā<caesura/>-samāgamovāa-ṇivvuo ūsasio</l>
</lg>
<lg type="stanza" n="41">
<l>aha ṇisiarīhi dahamuha<caesura/>-vaaṇāṇia-diṭṭha-sarasa-khaṇa-vehavvā</l>
<pb n="122"/>
<l>mukkakkanda-visaṃṭhula<caesura/>-dara-vilavia-mucchiā kaā jaṇaa-suā</l>
</lg>
<lg type="stanza" n="42">
<l>to gaa-mohummillo<caesura/> pecchanto rāhavo sumittā-taṇaaṃ</l>
<l>parideviuṃ paütto<caesura/> takkhaṇa-pabbhaṭṭha-saala-sīā-dukkho</l>
</lg>
<lg type="stanza" n="43">
<l>jassa saalaṃ tihuaṇaṃ<caesura/> āruhaï dhaṇummi saṃsaaṃ ārūḍhe</l>
<l>so vi hao somittī<caesura/> ṇatthi vaṇe jaṃ ṇa ei vihi-pariṇāmo</l>
</lg>
<lg type="stanza" n="44">
<l>aha vāaṃ kaa-kajjo<caesura/> majjha kae mukka-jīvio somittī</l>
<l>ṇipphala-vūḍha-bhua-bharo<caesura/> ṇavara mae ccea lahuio appāṇo</l><!-- G. has vvūḍha, B. has vūḍha, correctly. !-->
</lg>
<lg type="stanza" n="45">
<l>aha jampaï suggīvaṃ<caesura/> mahuraṃ ucchāha-dāvia-pariccheaṃ</l>
<l>vaaṇaṃ sahasovatthia<caesura/>-maraṇāvatthā-vavaṭṭhavia-gambhīraṃ</l>
</lg>
<lg type="stanza" n="46">
<l>ṇivvūḍhaṃ dhīra tume<caesura/> imo vi uahutta-bhua-balo kaï-loo</l>
<l>kammaṃ imeṇa vi kaaṃ<caesura/> jaa-ṇivvaḍia-jasa-dukkaraṃ māruiṇā</l>
</lg>
<lg type="stanza" n="47">
<l>āvaddha-bandhu-veraṃ<caesura/> jaṃ me ṇa ṇiā vibhīsaṇaṃ rāa-sirī</l>
<l>dukkheṇa eṇa a mahaṃ<caesura/> avihāvia-bāṇa-veaṇa-rasaṃ hiaaṃ</l>
</lg>
<lg type="stanza" n="48">
<l>tā vaccasu mā mujjhasu<caesura/> turiaṃ teṇea seu-bandheṇa tumaṃ</l>
<l>pecchasu bandhava-vaggaṃ<caesura/> dukkhaṃ kālassa jāṇiuṃ pariṇāmaṃ</l>
</lg>
<lg type="stanza" n="49">
<l>to tivva-rosa-laṅghia<caesura/>-vihuāṇaṇa-dukkha-dharia-bāhuppīḍo</l>
<l>rahuvaïṇo paḍivaaṇaṃ<caesura/> bhaṇaï adāūṇa vāṇare pavaa-vaī</l>
</lg>
<lg type="stanza" n="50">
<l>vaccaha lakkhaṇa-sahiaṃ<caesura/> ṇava-pallava-raïa-vīra-saaṇattharaṇaṃ</l>
<l>pāveha vāṇara-uriṃ<caesura/> avihāvia-bāṇa-veaṇaṃ rahuṇāhaṃ</l>
</lg>
<lg type="kulaka">
<label>antyakulaaṃ</label>
<lg type="stanza" n="51">
<l>ahaaṃ pi vijju-paḍaṇāiritta-saṃpāa-gahia-pavviddha-dhaṇuṃ</l>
<l>addhohariāsāia<caesura/>-valia-bhuakkhitta-moḍia-gaā-vihalaṃ</l>
</lg>
<pb n="123"/>
<lg type="stanza" n="52">
<l>khandhaddhantovāhia<caesura/>-karajualolugga-candahāsa-kkhaggaṃ</l>
<l>akkanta-calaṇa-tāḍia<caesura/>-dalia-rahāhomuhosaranta-paharaṇaṃ</l>
</lg>
<lg type="stanza" n="53">
<l>bhagga-purilla-visaṃṭhula<caesura/>-bhua-jualukkhuḍia-sesa-ṇipphala-bāhuṃ</l>
<l>vajja-ṇiha-hattha-ṇivaḍanta-diṇṇa-daḍha-muṭṭhi-bhiṇṇa-vacchaddhantaṃ</l>
</lg>
<lg type="stanza" n="54">
<l>bhua-ṇivvālia-kaḍḍhia<caesura/>-khuḍiakkekka-visaranta-pavviddha-siraṃ</l>
<l>ṇipphala-sīā-saṃdhia<caesura/>-ṇakkhukkhuḍia-hiaaṃ karemi dahamuhaṃ</l>
</lg>
</lg>
<lg type="stanza" n="55">
<l>ia ajjaṃ cea mae<caesura/> ṇihaammi dasāṇaṇe ṇiā kikkindhaṃ</l>
<l>aṇumarihii va marantaṃ<caesura/> dacchihi va jianta-rāhavaṃ jaṇaa-suā</l>
</lg>
<lg type="stanza" n="56">
<l>visahara-bāṇa tti ime<caesura/> vihīsaṇeṇa viṇivārie suggīe</l>
<l>āḍhatto cinteuṃ<caesura/> mantaṃ hiaeṇa gāruḍaṃ rahuṇāho</l>
</lg>
<lg type="stanza" n="57">
<l>ṇavari a sahasucchippanta-sāaraddhanta-dhuvvamāṇa-suvelaṃ</l>
<l>jāaṃ khara-vāāhaa<caesura/>-kiranta-rakkhasa-kalevaraṃ dharaṇi-alaṃ</l>
</lg>
<lg type="kulaka">
<label>juggaaṃ</label>
<lg type="stanza" n="58">
<l>pecchaï a kaṇaa-pehuṇa<caesura/>-bahalujjoa-paḍisāria-mahā-timiraṃ</l>
<l>ṇava-piñcha-maüa-pamhaṃ<caesura/> thira-piṭṭhi-ṇihitta-mahumahāsaṇa-maggaṃ</l>
<!--piṭṭhi corrected by GS, pitthi in main text!-->
</lg>
<lg type="stanza" n="59">
<l>duvvāra-vāsavāuha<caesura/>-ghāa-vimukkekka-piñcha-pāaḍa-vacchaṃ</l>
<l>rāmo pāālañchia<caesura/>-kaṇṭha-valanta-ṭṭhioraa-dharaṃ garuḍaṃ</l>
</lg>
</lg>
<lg type="stanza" n="60">
<l>to kaa-rāma-paṇāme<caesura/> garuḍe ovaïa-samuha-saṃṭhia-diṭṭhe</l>
<l>doṇha vi mukka-sarīrā<caesura/> ṇa viṇajjaï te kahiṃ gaā sara-ṇivahā</l>
</lg>
<pb n="124"/>
<lg type="stanza" n="61">
<l>aha sara-bandha-vimukko<caesura/> viṇaā-taṇaovaūhaṇa-kkhaa-rahio</l>
<l>appāhiattha-manto<caesura/> jāo gaa-garuḍa-dāruṇo rahuṇāho</l>
</lg>
<lg type="stanza" n="62">
<l>aha sara-bandha-vimukke<caesura/> soūṇa ṇisāarāhivo rahuṇāhe</l>
<l>āaa-garuḍāsaṅko<caesura/> dhummakkhammi saalaṃ ṇimei raṇa-bharaṃ</l>
</lg>
<lg type="stanza" n="63">
<l>so roseṇa raheṇa va<caesura/> ucchāheṇa va ṇisāara-baleṇa samaṃ</l>
<l>ṇīi bhuaṃ va paharisaṃ<caesura/> vahamāṇo vikkamaṃ va verāvandhaṃ</l>
</lg>
<lg type="stanza" n="64">
<l>to so rakkhasa-ṇivaho<caesura/> saha dhummakkheṇa sāaraddhanta-ṇiho</l>
<l>vaḍavā-muhāṇalassa va<caesura/> saṃcaraṇa-pahammi mārua-suassa ṭhio</l>
</lg>
<lg type="stanza" n="65">
<l>aha dāruṇāvasāṇe<caesura/> kaï-rakkhasa-seṇṇa-vaïarammi paatte</l>
<l>saṃbhāriakkha-ṇihaṇo<caesura/> ottharaï sarehi māruiṃ dhummakkho</l>
</lg>
<lg type="stanza" n="66">
<l>to tassa sara-ṇighāe<caesura/> romantara-lagga-ṇipphale dhuamāṇo</l>
<l>akkamaṇa-moḍia-raho<caesura/> hia-dhummakkha-dhaṇu-saṃṭhio hasaï kaī</l>
</lg>
<lg type="stanza" n="67">
<l>bhaggo bhuammi phaliho<caesura/> vacchucchalia-daliaṃ ṇa iṭṭhaṃ musalaṃ</l>
<l>dhummakkha-rosa-mukkaṃ<caesura/> pavaassa jahiṃ tahiṃ virāi paharaṇaṃ</l>
</lg>
<lg type="kulaka">
<label>juggaaṃ</label>
<lg type="stanza" n="68">
<l>to dīha-vāma-kara-ala<caesura/>-paḍivaṇṇāveḍhaṇoṇaa-galuddesaṃ</l>
<l>rumbhanta-jīva-ṇiggama<caesura/>-vacchabbhantara-bhamanta-sīha-ṇiṇāaṃ</l>
</lg>
<lg type="stanza" n="69">
<l>khaṇa-vāvāri-visaṃṭhula<caesura/>-galanta-paharaṇa-palambiohaa-hatthaṃ</l>
<l>kuṇaï pabhañjaṇa-taṇao<caesura/> uddhuṭṭhia-mukka-jīviaṃ dhummakkhaṃ</l>
</lg>
</lg>
<lg type="stanza" n="70">
<l>aha paḍie dhummakkhe<caesura/> haa-sesammi a gae ṇisāara-seṇṇe</l>
<l>dahamuha-samuhāṇattaṃ<caesura/> ṇintaṃ pecchaï akampaṇaṃ pavaṇa-suo</l>
</lg>
<lg type="stanza" n="71">
<l>taṃ pi viiṇṇora-tthala<caesura/>-vīsatthoharia-ṇiṭṭhiāuha-ṇivahaṃ</l>
<l>osumbhaï haṇumanto<caesura/> ekkekka-kkhuḍia-vippaïṇṇāvaavaṃ</l>
</lg>
<pb n="125"/>
<lg type="stanza" n="72">
<l>aha dahamuha-saṃdiṭṭho<caesura/> haṇumantāghāa-sama-tulagga-pphiḍio</l>
<l>paḍio ṇīlassa muhe<caesura/> aladdha-samara-suha-dūmiassa pahattho</l>
</lg>
<lg type="stanza" n="73">
<l>ṇavari a patthāṇe ccia<caesura/> bāṇo kālāaso pahattha-vimukko</l>
<l>paḍio ṇīlassa ure<caesura/> vaṇa-paḍibhiṇṇa-ruhiruggameṇa pisuṇio</l>
</lg>
<lg type="stanza" n="74">
<l>veovattia-viḍavaṃ<caesura/> muaï kaī vi sura-hatthi-parimala-surahiṃ</l>
<l>gaï-magga-lagga-bhamaraṃ<caesura/> paḍisotta-pasāriaṃsuaṃ kappa-dumaṃ</l>
</lg>
<lg type="stanza" n="75">
<l>bolanta-jalaharassa va<caesura/> to se āsāra-jala-lava-tthavaa-ṇiho</l>
<l>āgama-maggammi ṭhio<caesura/> dhua-viḍava-kkhalia-mottiā-phala-ṇivaho</l>
</lg>
<lg type="stanza" n="76">
<l>to tassa bhua-vimukko<caesura/> bhaggo vaṇa-bharia-mottia-pphala-vaaro</l>
<l>bhajjanta-viḍava-vialia<caesura/>-siaṃsuāvīa-pahara-ruhirammi ure</l>
</lg>
<lg type="stanza" n="77">
<l>samaaṃ vañcei sare<caesura/> thaei samaaṃ kaī dumehi ṇaha-alaṃ</l>
<l>samaaṃ teṇa vimukko<caesura/> caüddisaṃ pāaḍo silā-saṃghāo</l>
</lg>
<lg type="stanza" n="78">
<l>vialanta-duma-ccheā<caesura/> sara-ghāa-dalanta-vialia-silā-ṇivahā</l>
<l>dīsanti dalia-pavvaa<caesura/>-vocchijjantojjharā ṇaha-aluddesā</l>
</lg>
<lg type="stanza" n="79">
<l>giri-dhāu-raa-kkhaüro<caesura/> aṃsa-vipalhattha-bahala-kesara-ṇivaho</l>
<l>saṃjhāava-vicchurio<caesura/> sajalo vva ghaṇo ṇahammi dīsaï ṇīlo</l>
</lg>
<lg type="stanza" n="80">
<l>ṇavari a gaaṇaddhante<caesura/> ovaḍaṇakkhitta-dhaṇu-ṇiatta-tthimio</l>
<l>taha dhario via dīsaï<caesura/> paḍhama-vimukkehi sara-samūhehi kaī</l>
</lg>
<lg type="stanza" n="81">
<l>aha ṇisiareṇa musalaṃ<caesura/> ṇīlassa lalāṭa-vaṭṭa-paccupphaliaṃ</l>
<l>majjhammi dharenta-ravaṃ<caesura/> samuhāgaa-turia-vañciaṃ paḍivaṇṇaṃ</l>
</lg>
<lg type="stanza" n="82">
<l>geṇhaï a jalaṇa-taṇao<caesura/> suvela-siharaddha-lagga-meha-cchāaṃ</l>
<l>viaḍa-pahatthora-tthala<caesura/>-sama-vitthāra-kaḍhiṇattaṇaṃ kasaṇa-silaṃ</l>
</lg>
<pb n="126"/>
<lg type="stanza" n="83">
<l>dūra-samuppaïeṇa a<caesura/> ṇīleṇa silā-alotthaammi diṇaare</l>
<l>jāo ṇahammi diaso<caesura/> takkhaṇa-baddha-timirā mahi-alammi ṇisā</l>
</lg>
<lg type="stanza" n="84">
<l>aha ṇīlassa pahattho<caesura/> raṇāṇurāeṇa sahia-gāḍha-ppaharo</l>
<l>ghāabbhantara-bhiṇṇo<caesura/> galanta-jīa-ruhiro gao dharaṇi-alaṃ</l>
</lg>
<trailer>ia siri-pavaraseṇa-viraïe dahamuhavahe mahākavve caüddaho āsāsao</trailer>
</div>
<pb n="127"/>
<div type="canto" n="15">
<head>pañcaraho āsāsao</head>
<lg type="stanza" n="1">
<l>aha ṇihaammi pahatthe<caesura/> bandhu-vahāmarisa-ṇinta-bāhuppīḍo</l>
<l>calio sihi-paccuggaa<caesura/>-huṃkāra-bharenta-dasa-diso dahavaaṇo</l>
</lg>
<lg type="stanza" n="2">
<l>taha kuvieṇa pahasiaṃ<caesura/> karāla-muha-kandarā-bharenta-dasa-disaṃ</l>
<l>jaha se bhaa-tuṇhikko<caesura/> bhavaṇa-kkhambhesu pariaṇo vi ṇilukko</l>
</lg>
<lg type="stanza" n="3">
<l>to rakkhasa-parivāraṃ<caesura/> ṇia-pāa-bharoṇamanta-pacchima-taḍimaṃ</l>
<l>sārahiṇā rubbhantaṃ<caesura/> caḍula-turaṃgama-dhaaṃ rahaṃ ārūḍho</l>
</lg>
<lg type="stanza" n="4">
<l>huṃkāreṇa sahāe<caesura/> khuhia-mahā-kalaaleṇa laṅkā-majjhe</l>
<l>pura-seṇṇa-kalaaleṇa a<caesura/> ṇāo calio tti vāṇarehi dahamuho</l>
</lg>
<lg type="stanza" n="5">
<l>ṇavari a muha-ṇivahovari<caesura/>-dukkha-pahutta-dhavalāavatta-cchāo</l>
<!--ṇivahovari- (cpd with dukkha) corrected by GS, main text has ṇivahovari
(followed by space)!-->
<l>ṇiggantūṇa purīo<caesura/> bhañjaï bhagga-raṇa-maccharaṃ kaï-seṇṇaṃ</l>
</lg>
<lg type="stanza" n="6">
<l>to muha-metta-valantā<caesura/> pacchima-kesara-saḍāhaagga-kkhandhā</l>
<l>bhaggāṇumagga-laggā<caesura/> pecchanti dasāṇaṇaṃ pavaṃgama-ṇivahā</l>
</lg>
<lg type="stanza" n="7">
<l>to te bhiṇṇa-paaṭṭe<caesura/> dahavaaṇakkanta-diṇṇa-viddavia-pae</l>
<l>pamhaṭṭha-jahā-bhaṇie<caesura/> bhaṇaï samuppaṇṇa-raṇa-bhae jalaṇa-suo</l>
</lg>
<lg type="stanza" n="8">
<l>mā muñcaha samara-dhuraṃ<caesura/> esa samukkhitta-malaa-siharaddhanto</l>
<l>jassa kaeṇa paḍāaha<caesura/> taṃ cia vo haraï jīviaṃ pavaa-vaī</l>
</lg>
<lg type="stanza" n="9">
<l>sīāhia-hiaeṇa a<caesura/> aha so tti dasāṇaṇeṇa sārahi-siṭṭho</l>
<l>ṇa vi taha rāmo tti ciraṃ<caesura/> jaha tīa pio tti sabahumāṇaṃ diṭṭho</l>
</lg>
<pb n="128"/>
<lg type="stanza" n="10">
<l>aha rāma-sarāhihao<caesura/> pavaehi paraṃmuhohasijjanta-raho</l>
<l>chiṇṇa-paḍiāavatto<caesura/> laṅkāhimuho gao ṇisāara-ṇāho</l>
</lg>
<lg type="stanza" n="11">
<l>to teṇa lahuia-jasaṃ<caesura/> patta-viṇāseṇa mukka-soḍīra-paaṃ</l>
<l>paḍivohaṇaṃ aāle<caesura/> suhovasuttassa kumbhaaṇṇassa kaaṃ</l>
</lg>
<lg type="stanza" n="12">
<l>so vi a jambhāanto<caesura/> aāla-paḍivoha-garuia-siraddhanto</l>
<l>ṇīa hasiūṇa suiraṃ<caesura/> lahuaṃ soūṇa rāma-vaha-saṃdesaṃ</l>
</lg>
<lg type="stanza" n="13">
<l>occhuṇṇa-raï-raha-vaho<caesura/> jāo dehassa se kaṇaa-pāāro</l>
<l>ūru-paesālaggo<caesura/> dara-khalio vva tavaṇijja-rāa-pariaro</l>
</lg>
<lg type="stanza" n="14">
<l>laṅghia-pāārassa a<caesura/> to se vivalāa-maara-pakkaggāhā</l>
<l>jāṇu-ppamāṇa-salilā<caesura/> jāā phaḍihā-gaā samuddaddhantā</l>
</lg>
<lg type="stanza" n="15">
<l>to taṃ pecchanta ccia<caesura/> pacchāhuttā ṇiatta-raṇa-vāvārā</l>
<l>hattha-paḍanta-dharāhara<caesura/>-visamakkantā paḍāiā kaï-ṇivahā</l>
</lg>
<lg type="stanza" n="16">
<l>aha selehi tarūhi a<caesura/> phalihehi a moggarehi hantūṇa daḍhaṃ</l>
<l>daḍha-daṇḍāuha-maggaṇa<caesura/>-musalehi khaṇeṇa vāṇara-balaṃ saalaṃ</l>
</lg>
<lg type="stanza" n="17">
<l>to pavaāi gaāiṃ<caesura/> turaāi a rakkhasāi lohia-matto</l>
<l>rāma-sarāghāa-dhuo<caesura/> ṇiaa-bale para-bale paatto khattuṃ</l>
</lg>
<lg type="stanza" n="18">
<l>cira-jujjhiassa to se<caesura/> doṇha vi rāma-dhaṇu-ṇiggaa-sarāhihaā</l>
<l>paḍhamaṃ dharaṇīa bhuā<caesura/> pacchā chea-ruhirojjharā palhatthā</l>
</lg>
<lg type="stanza" n="19">
<l>ekko ruddha-ṇaï-muho<caesura/> aṇuvelaṃ ṇivaḍio suvelo vva bhuo</l>
<l>sāara-laddhatthāmo<caesura/> bīo se bīa-seu-bandha vva ṭhio</l>
</lg>
<lg type="stanza" n="20">
<l>āaṇṇa-kaḍḍhieṇa a<caesura/> to se cakkalia-sihi-siheṇa raṇa-muhe</l>
<l>rahuvaï-sareṇa tuṅgaṃ<caesura/> cakkeṇa va rāhuṇo siraṃ ukkhuḍiaṃ</l>
</lg>
<pb n="129"/>
<lg type="stanza" n="21">
<l>gaaṇuṇṇaeṇa teṇa a<caesura/> pavaṇa-bharenta-muha-kandarā-muhaleṇaṃ</l>
<l>chiṇṇa-paḍieṇa vi kao<caesura/> caüttha-tuṅga-siharuggamo vva tiūḍo</l>
</lg>
<lg type="stanza" n="22">
<l>paḍie a kumbhaaṇṇe<caesura/> dūra-palāa-dara-bhagga-pakkaggāho</l>
<l>deha-bharantucchaṅgo<caesura/> pabbālei vaḍavā-muhaṃ maaraharo</l>
</lg>
<lg type="stanza" n="23">
<l>to kumbhaaṇṇa-ṇihaṇaṃ<caesura/> soūṇa dasāṇaṇo pahatthabbhahiaṃ</l>
<l>rosāava-rajjantaṃ<caesura/> puṇo vi hasiūṇa dhuṇaï muha-saṃghāaṃ</l>
</lg>
<lg type="stanza" n="24">
<l>ṇintassa a taṃ velaṃ<caesura/> amarisa-parivaḍḍhiassa bhavaṇucchaṅge</l>
<l>khambhantara-vitthārā<caesura/> te ccia vaccha-tthalassa se ṇa pahuttā</l>
</lg>
<lg type="stanza" n="25">
<l>dara-ṇiggaassa ṇavari a<caesura/> ugghāḍia-vaccha-bharia-bhavaṇucchaṅgo</l>
<l>jāṇu-paḍiuṭṭhio se<caesura/> jampaï hasiūṇa mehaṇāo tti suo</l>
</lg>
<lg type="stanza" n="26">
<l>ṇimmāviammi kajje<caesura/> sāhasa-garue vi appaṇa ccia guruṇā</l>
<l>putteṇa putta-sarisaṃ<caesura/> putta-ppharisaṃ ṇa pāvio hoi piā</l>
</lg>
<lg type="stanza" n="27">
<l>kīsa mamammi dharente<caesura/> māṇusa-mettassa daharaha-suassa kae</l>
<l>ia ṇīsi appaṇa ccia<caesura/> lahuanto amha rakkhasa-ulassa jasaṃ</l>
</lg>
<lg type="stanza" n="28">
<l>ukkhaa-bhuaṃga-raaṇaṃ<caesura/> ṇisuḍhia-ṇandaṇa-vaṇaṃ paloṭṭia-selaṃ</l>
<l>appāṇaṃ va ṇa āṇasi<caesura/> samaṃ samatthassa tihuaṇassa bhara-sahaṃ</l>
</lg>
<lg type="stanza" n="29">
<l>kiṃ ṇihaṇemi raṇa-muhe<caesura/> sarekka-sosavia-sāaraṃ rahuṇāhaṃ</l>
<l>o satta vi ajjaṃ cia<caesura/> valanta-vaḍavā-muhe malemi samudde</l>
</lg>
<lg type="kulaka">
<label>juggaaṃ</label>
<lg type="stanza" n="30">
<l>ia viṇṇavia-dahamuho<caesura/> pacchima-sārahi-kara-ṭṭhavia-sīsakko</l>
<l>āvaddha-kavaa-manthara<caesura/>-paa-vikkama-bhara-ṇamanta-vitthaa-taḍimaṃ</l>
</lg>
<lg type="stanza" n="31">
<l>dhaa-sihara-ṭṭhia-jalahara<caesura/>-muccantāsaṇi-paḍipphalia-sūra-karaṃ</l>
<l>samara-turio vilaggaï<caesura/> rahaṃ suāsaṇṇa-rāma-dhaṇu-ṇigghoso</l>
</lg>
</lg>
<pb n="130"/>
<lg type="stanza" n="32">
<l>ia vāria-dahavaaṇo<caesura/> dahavaaṇāṇatti-vilaïukkhitta-bharo</l>
<l>ṇīi rahaṃ ārūḍho<caesura/> rakkhasa-parivārio dasāṇaṇa-taṇao</l>
</lg>
<lg type="stanza" n="33">
<l>jo dahamuhagga-dāre<caesura/> turia-pahāvia-rahassa jo ṇaari-muhe</l>
<l>khohentassa kaï-balaṃ<caesura/> so ccia veo a se paatta-halahalo</l>
</lg>
<lg type="stanza" n="34">
<l>aha rāma-baddha-lakkho<caesura/> paḍhamuddhāia-pavaṃgama-kkhavia-balo</l>
<l>vāṇara-johehi samaṃ<caesura/> jalaṇa-sueṇa vario dasāṇaṇa-taṇao</l>
</lg>
<lg type="stanza" n="35">
<l>ṇīleṇa gaṇḍa-selaṃ<caesura/> divieṇa dumaṃ silā-alaṃ māruiṇā</l>
<l>dārei sarehi samaṃ<caesura/> ṇaleṇa mukkaṃ ca malaa-sihara-kkhaṇḍaṃ</l>
</lg>
<lg type="stanza" n="36">
<l>to bhagga-pavaa-seṇṇaṃ<caesura/> ṇiumbhilā-hutta-saccavia-patthāṇaṃ</l>
<l>vāreha mehaṇāaṃ<caesura/> vibhīsaṇeṇa bhaṇio sumittā-taṇao</l>
</lg>
<lg type="stanza" n="37">
<l>to māāhi sarehi a<caesura/> selehi a jujjhiassa rakkhasa-sarisaṃ</l>
<l>somittiṇā ṇisuddhaṃ<caesura/> piāmahattheṇa mehaṇāassa siraṃ</l>
</lg>
<lg type="stanza" n="38">
<l>soūṇa indaï-vahaṃ<caesura/> muaï sarosaṃ dasāṇaṇo bāha-jalaṃ</l>
<l>abbhuttia-dīvāṇaṃ<caesura/> ṇivaḍaï tuppaṃ va takkhaṇaṃ sahuāsaṃ</l>
</lg>
<lg type="stanza" n="39">
<l>ṇihae a mehaṇāe<caesura/> pariattanteṇa takkhaṇaṃ cia vihiṇā</l>
<l>rosa-visāehi samaṃ<caesura/> hatthehi va dohi āhao dahavaaṇo</l>
</lg>
<lg type="stanza" n="40">
<l>ṇīsesa-ṇihaa-bandhū<caesura/> to so ekko vi bahu-bhuā-duppeccho</l>
<l>bhīsaṇa-muha-saṃghāo<caesura/> rakkhasa-loo vva ṇiggao dahavaaṇo</l>
</lg>
<lg type="kulaka">
<label>juggaaṃ</label>
<lg type="stanza" n="41">
<l>ṇavari a pavaṇa-paṇollia<caesura/>-kasaṇa-palāā-darandhaāria-sūraṃ</l>
<l>pariṇaa-matterāvaṇa<caesura/>-maa-pabbālia-turaṃga-kesara-bhāraṃ</l>
</lg>
<lg type="stanza" n="42">
<l>cakka-mala-maïlioara<caesura/>-dhaa-vaḍa-pusia-sasi-bimba-pacchima-bhāaṃ</l>
<l>dhaṇaa-gaā-bhaṅguggaa<caesura/>-sihi-jālāluṅkhiaṃ rahaṃ ārūḍho</l>
</lg>
</lg>
<pb n="131"/>
<lg type="stanza" n="43">
<l>daṭṭhūṇa a taṃ ṇintaṃ<caesura/> pīā maṅgala-maṇāhi raaṇiarīhiṃ</l>
<l>jatto ccia uppaṇṇā<caesura/> tehiṃ cia loaṇehi bāha-tthavaā</l>
</lg>
<lg type="stanza" n="44">
<l>to teṇa kara-ala-ṭṭhia<caesura/>-selojjhara-salila-ṇivvaria-vaccha-aḍaṃ</l>
<l>diṭṭhīhi a bāṇehi a<caesura/> tuliaṃ jāi lahuaṃ pavaṃgama-seṇṇaṃ</l>
</lg>
<lg type="stanza" n="45">
<l>pāsāvaḍiammi vi se<caesura/> vihīsaṇe pavaa-seṇṇa-kaa-parivāre</l>
<l>dīṇo tti soaro tti a<caesura/> amarisa-rasa-saṃdhio vi ullalaï saro</l>
</lg>
<lg type="stanza" n="46">
<l>visahia-paḍhama-ppaharo<caesura/> ṇavari a roseṇa saṃdhiubbhaḍa-bāṇo</l>
<l>indāsaṇīa va dumo<caesura/> sattīa urammi lakkhaṇo ṇibbhiṇṇo</l>
</lg>
<lg type="stanza" n="47">
<l>so vi a pavaṇa-suāṇia<caesura/>-dharāharosahi-viiṇṇa-jīabbhahio</l>
<l>taha-saṃdhia-cāva-saro<caesura/> ṇisāarehi saha jujjhiuṃ āḍhatto</l>
</lg>
<lg type="kulaka">
<label>kulaaṃ</label>
<lg type="stanza" n="48">
<l>aha rāmo vi ṇiacchaï<caesura/> turaa-khura-ppahara-vihala-jalahara-vaṭṭhaṃ</l>
<l>ṭhia-vajjaharālambia<caesura/>-kaṇaa-dhaa-kkhambha-ṇimmahanta-parimalaṃ</l>
</lg>
<lg type="stanza" n="49">
<l>vāma-bhua-gahia-paggaha<caesura/>-māali-bhara-ṇamia-dīhara-dhurā-daṇḍaṃ</l>
<l>bhijjanta-meha-sīhara<caesura/>-taṇṇāoṇaa-ṇisaṇṇa-cāmara-pamhaṃ</l>
</lg>
<lg type="stanza" n="50">
<l>sasi-ṇihasa-tusārollia<caesura/>-ravi-ara-vasuāa-dhaa-vaḍa-sihaddhantaṃ</l>
<l>uṇṇaa-pacchima-taḍimaṃ<caesura/> ṇivaḍantaṃ khaa-vaïṃ va saggāhi rahaṃ</l>
</lg>
</lg>
<lg type="stanza" n="51">
<l>to rāmo māaḍiṇā<caesura/> paḍhama-darābhāsaṇummuha-pasaṇṇa-muho</l>
<l>tiasa-bahumāṇa-garuaṃ<caesura/> dūraaroṇāmiāṇaṇeṇa paṇamio</l>
</lg>
<lg type="stanza" n="52">
<l>dei a raha-puñjaïaṃ<caesura/> uhaa-kara-kkhivaṇa-pāaḍia-vitthāraṃ</l>
<l>kavaaṃ tihuaṇa-vaïṇo<caesura/> abbhantara-lagga-ṇimmahanta-parimalaṃ</l>
</lg>
<lg type="stanza" n="53">
<l>taṃ ca kavaaṃ surāhiva<caesura/>-savvaṅga-pahutta-loaṇa-suha-ppharisaṃ</l>
<l>sīā-viraholugge<caesura/> jāaṃ thoa-siḍhilaṃ rahuvaïssa ure</l>
</lg>
<pb n="132"/>
<lg type="stanza" n="54">
<l>mahi-alam oiṇṇeṇa a<caesura/> sura-vaï-hattha-parimāsa-saï-dullaliaṃ</l>
<l>ārūḍhassa rahaṃ se<caesura/> kavaaṃ savvaṅgiaṃ kaaṃ māaḍiṇā</l>
</lg>
<lg type="stanza" n="55">
<l>to ṇīla-ravi-suehiṃ<caesura/> samallio rāhavaṃ sumittā-taṇao</l>
<l>bhaṇaï dharaṇīa takkhaṇa<caesura/>-vilaïa-dhaṇu-gabbhiṇaṃ ṇimeūṇa karaṃ</l>
</lg>
<lg type="stanza" n="56">
<l>vīsamaü tumha cāvaṃ<caesura/> aḍaṇi-muha-pphiḍia-siḍhila-jīā-bandhaṃ</l>
<l>aïrā peccha virāaṃ<caesura/> mamammi ṇīle vva ravi-sue vva dahamuhaṃ</l>
</lg>
<lg type="stanza" n="57">
<l>garuammi kuṇasu kovaṃ<caesura/> lahue dahamuha-vahammi muasu amarisaṃ</l>
<l>tuṅgaṃ taḍaṃ ṇisumbhaï<caesura/> ṇa a ṇaï-vappaṃ sama-tthaliṃ va vaṇa-gao</l>
</lg>
<lg type="stanza" n="58">
<l>pajjattassa samatthaṃ<caesura/> dahiuṃ addhacchi-pecchieṇa vi tiuraṃ</l>
<l>rahuvaï kiṃ va ṇa suvvaï<caesura/> āṇattī tiṇaaṇassa tiasehi kaā</l>
</lg>
<lg type="stanza" n="59">
<l>to dahavaaṇāloaṇa<caesura/>-rosuggaa-sea-laṅghia-ṇilāḍa-aḍo</l>
<l>pulaïa-ṇīla-ravi-suo<caesura/> paṇaaṃ paḍibhaṇaï lakkhaṇaṃ rahuṇāho</l>
</lg>
<lg type="stanza" n="60">
<l>ṇivvūḍha-jampiāṇaṃ<caesura/> āsaṅghaï tumha vavasiaṃ maha hiaaṃ</l>
<l>kiṃ uṇa bharo vva hohii<caesura/> saaṃ-aṇiṭṭhavia-dahamuho majjha bhuo</l>
</lg>
<lg type="stanza" n="61">
<l>kumbhassa pahatthassa a<caesura/> dūsaha ṇihaṇeṇa indaïssa a samare</l>
<l>dasakaṇṭhaṃ muha-vaḍiaṃ<caesura/> kesariṇo vaṇa-gaaṃ va mā haraha mahaṃ</l>
</lg>
<lg type="stanza" n="62">
<l>tāṇa a kahaṃ paattaṃ<caesura/> vocchindantassa dahamuhassa raṇa-muhe</l>
<l>ummūliuṃ paatto<caesura/> agga-kkhandhammi kaï-balaṃ sara-ṇivaho</l>
</lg>
<lg type="stanza" n="63">
<l>to doṇha vi sama-sāraṃ<caesura/> bāṇa-vaha-pphiḍia-tiasa-pekkhijjantaṃ</l>
<l>ekkaara-maraṇa-garuaṃ<caesura/> jāaṃ rāmassa dahamuhassa a jujjhaṃ</l>
</lg>
<pb n="133"/>
<lg type="stanza" n="64">
<l>to kaḍḍhiūṇa cāvaṃ<caesura/> kuṇḍala-maṇi-kiraṇa-ghaḍia-jīā-bandhaṃ</l>
<l>mukko rāmassa ure<caesura/> paḍhamaṃ haa-bandhuṇā dahamuheṇa saro</l>
</lg>
<lg type="stanza" n="65">
<l>vea-paḍieṇa teṇa a<caesura/> taha dhīro vi parikampio rahuṇāho</l>
<l>appāṇa-ṇivvisesaṃ<caesura/> saalaṃ jaha ṇeṇa kampiaṃ tellokkaṃ</l>
</lg>
<lg type="stanza" n="66">
<l>rahuṇāhassa vi bāṇo<caesura/> aṇuparivāḍi-ghaḍia-pphuḍia-keūraṃ</l>
<l>dahavaaṇa-bhua-ṇihāaṃ<caesura/> tāla-vaṇa-kkhandha-pariaeṇa aïgao</l>
</lg>
<lg type="stanza" n="67">
<l>aṇṇaṃ saṃdhia-bāṇaṃ<caesura/> rahasāaḍḍhia-ṇirāa-vaṭṭhaṃ aṇṇaṃ</l>
<l>samaaṃ rakkhasa-vaïṇo<caesura/> aṇṇaṃ sara-lahuioaraṃ hoi dhaṇuṃ</l>
</lg>
<lg type="stanza" n="68">
<l>saï-saṃdhia-ṇinta-saraṃ<caesura/> avaṅga-desa-saï-lagga-jīā-bandhaṃ</l>
<l>dīsaï saï-mukka-saraṃ<caesura/> saï-maṇḍalia-viaḍoaraṃ rāma-dhaṇuṃ</l>
</lg>
<lg type="stanza" n="69">
<l>vāmo pasāria ccia<caesura/> dāhiṇa-hattho avaṅga-desa-ṇivaḍio</l>
<l>cāvesu a taha ṇimiā<caesura/> tāṇaṃ dīsanti antarālesu sarā</l>
</lg>
<lg type="stanza" n="70">
<l>dahamuha-visajjieṇa a<caesura/> sareṇa sīā-vioa-saï-saṃtattaṃ</l>
<l>hiaaṃ amukka-dhīraṃ<caesura/> ṇihāa-bhiṇṇaṃ pi rāhaveṇa ṇa ṇāaṃ</l>
</lg>
<lg type="stanza" n="71">
<l>rahuṇāha-pesieṇa a<caesura/> sareṇa samuhāgaassa rakkhasa-vaïṇo</l>
<l>bhiṇṇo ṇiḍāla-vaṭṭo<caesura/> ṇa a se phuḍa-bhiuḍi-viraaṇā viddaviā</l>
</lg>
<lg type="stanza" n="72">
<l>to se mucchā-vihalo<caesura/> lohia-ṇīsanda-bharia-loaṇa-ṇivaho</l>
<l>vāraṃ-vāra-paaṭṭo<caesura/> bhamio bāhu-siharesu muha-saṃghāo</l>
</lg>
<lg type="stanza" n="73">
<l>to gaa-mohummillo<caesura/> ṇaaṇa-huāsaṇa-païtta-pattaṇa-pamhaṃ</l>
<l>muaï sarosāaḍḍhia<caesura/>-biia-muhāvaṅga-milia-puṅkhaṃ bāṇaṃ</l>
</lg>
<lg type="stanza" n="74">
<l>to so khaāṇala-ṇiho<caesura/> kiraṇa-sahassehi ṇibbharenta-dasa-diso</l>
<l>rahuvaï-sara-rāhu-muhe<caesura/> panthaddhe sūra-maṇḍalo vva ṇiuḍḍo</l>
</lg>
<pb n="134"/>
<lg type="stanza" n="75">
<l>rahuṇāho vi sadhīraṃ<caesura/> ukkariseūṇa agga-hattheṇa saraṃ</l>
<l>āsaṇṇa-lāiavvaṃ<caesura/> pecchaï phulla-kamalāaraṃ va dahamuhaṃ</l>
</lg>
<lg type="stanza" n="76">
<l>rāmo saṃdhei saraṃ<caesura/> vibhīsaṇanteṇa valaï rakkhasa-lacchī</l>
<l>dahamuha-viṇāsa-pisuṇaṃ<caesura/> phuraï a sīāi takkhaṇaṃ vāmacchaṃ</l>
</lg>
<lg type="stanza" n="77">
<l>vāmaṃ ṇisiara-ṇaaṇaṃ<caesura/> rahuvaïṇo dāhiṇaṃ ca phundaï ṇaaṇaṃ</l>
<l>bandhu-vaha-rajja-pisuṇaṃ<caesura/> papphuraï vihīsaṇassa loaṇa-jualaṃ</l>
</lg>
<lg type="stanza" n="78">
<l>vaccha-bharantucchaṅge<caesura/> saṃdhia-bāṇe dhaṇummi kaḍḍhijjante</l>
<l>rāma-sara-pattaṇehi va<caesura/> uppusiā sura-vahūṇa bāha-tthavaā</l>
</lg>
<lg type="stanza" n="79">
<l>ṇavari a so rahuvaïṇā<caesura/> vāraṃ vāreṇa candahāsa-cchiṇṇo</l>
<l>ekkeṇa sareṇa luo<caesura/> ekkamuho dahamuhassa muha-saṃghāo</l>
</lg>
<lg type="stanza" n="80">
<l>avihatta-kaṇṭha-garuo<caesura/> chiṇṇo vi dasāṇaṇassa hoi bhaaaro</l>
<l>dharaṇi-aluttiṇṇassa va<caesura/> ṇiaa-cchea-paḍiuṭṭhio muha-ṇivaho</l>
</lg>
<lg type="stanza" n="81">
<l>tassa haassa raṇa-muhe<caesura/> rakkhasa-ṇāhassa ahimuhaṃ appāṇo</l>
<l>dasahi vi muhehi samaaṃ<caesura/> sihā-karālo vva huavaho ṇikkanto</l>
</lg>
<lg type="stanza" n="82">
<l>aha ṇihaammi dahamuhe<caesura/> ūsasiammi a samantao tellokke</l>
<l>vaaṇammi a uppusiā<caesura/> bhiuḍī oāriaṃ ca rāmeṇa dhaṇuṃ</l>
</lg>
<lg type="stanza" n="83">
<l>ṇiddaa-bandhuppitthā<caesura/> jāṇantī vikkamaṃ ṇisāara-vaïṇo</l>
<l>māa tti parigaṇentī<caesura/> ṇa muaï ṇihaaṃ pi rāvaṇaṃ rāa-sirī</l>
</lg>
<lg type="stanza" n="84">
<l>tāhe vibhīsaṇassa vi<caesura/> anto-hiaammi bandhu-ṇehuppaṇṇo</l>
<l>dāsarahiṇo vi purao<caesura/> mukko ccia loaṇehi bāha-tthavao</l>
</lg>
<lg type="stanza" n="85">
<l>ṇihaammi a dahavaaṇe<caesura/> vihīsaṇo ṇindiāmarattaṇa-saddo</l>
<l>parideviuṃ paütto<caesura/> maraṇa-samabbhahia-dukkha-diṇṇāāso</l>
</lg>
<lg type="stanza" n="86">
<l>jo ccia jeūṇa jamaṃ<caesura/> diṭṭho icchā-suhaṃ tume jama-loo</l>
<pb n="135"/>
<l>dīsihisi kaha ṇu patthiva<caesura/> iṇhiṃ taṃ cea sesa-jaṇa-sāmaṇṇaṃ</l>
</lg>
<lg type="stanza" n="87">
<l>ekkeṇa rakkhasāhiva<caesura/> puvvaṃ avahīriovaeseṇa vi te</l>
<l>sama-ṇihaṇeṇa raṇa-muhe<caesura/> paḍimukkaṃ ṇavara kumbhaaṇṇeṇa tuhaṃ</l>
</lg>
<lg type="stanza" n="88">
<l>patthiva tumaṃ muanto<caesura/> sama-suha-dukkhehi bandhavehi amukkaṃ</l>
<l>jaï haṃ dhamma-pahāṇo<caesura/> dhamma-pahāṇāṇa ko gaṇijjaü purao</l>
</lg>
<lg type="stanza" n="89">
<l>āhāsaï a rahuvaïṃ<caesura/> maraṇa-samobbhahia-ruddha-bāhuppīḍo</l>
<l>bandhu-vahāgaa-dukkho<caesura/> gimhumhā-sukkha-ṇaï-muho vva mahiharo</l>
</lg>
<lg type="stanza" n="90">
<l>pahu vīsajjehi mahaṃ<caesura/> tā dahamuha-kumbhaaṇṇa-calaṇa-ṇivaḍio</l>
<l>pacchā para-loa-gaaṃ<caesura/> chivāmi sīsammi mehaṇāaṃ ca suaṃ</l>
</lg>
<lg type="stanza" n="91">
<l>mahi-ala-paḍia-visaṃṭhula<caesura/>-vihīsaṇa-vilāva-jāaaṇuampeṇa</l>
<l>rāmeṇa vi pavaṇa-suo<caesura/> āṇatto rakkhasāhivaï-sakkāre</l>
</lg><!-- I have corrected G. and B. jāāṇuampeṇa to the
metrically correct jāaaṇuampeṇa (AO) !-->
<lg type="stanza" n="92">
<l>ṇihaammi a dahavaaṇe<caesura/> āsaṅghanteṇa jaṇaa-taṇaā-lambhaṃ</l>
<!-- Goldschmidt āsaṃṅghanteṇa!-->
<l>suggīveṇa vi diṭṭho<caesura/> paccuvaārassa sāarassa va anto</l>
</lg>
<lg type="stanza" n="93">
<l>kāūṇa a sura-kajjaṃ<caesura/> rahuvaï-vīsajjieṇa kaï-aṇa-purao</l>
<l>jalahara-guppanta-dhao<caesura/> saggāhimuho raho kao māaḍiṇā</l>
</lg>
<lg type="stanza" n="94">
<l>ghettūṇa jaṇaa-taṇaaṃ<caesura/> kañcaṇa-laṭṭhiṃ va huavahammi visuddhaṃ</l>
<l>patto puriṃ rahuvaī<caesura/> kāuṃ bharahassa sapphalaṃ aṇurāaṃ</l>
</lg>
<lg type="stanza" n="95"><!-- galitaka !-->
<l>ettha samappaï eaṃ<caesura/>
sīā-lambheṇa jaṇia-rāmabbhuaaṃ</l>
<l>rāvaṇavaha tti kavvaṃ<caesura/>
aṇurāaṅkaṃ samattha-jaṇa-ṇivvesaṃ</l>
</lg>
<trailer>ia siri-pavaraseṇa-viraïe kālidāsa-kae dahamuhavahe mahākavve pañcaraho āsāsao
parisamatto</trailer>
</div>
<pb n="136"/>
<div type="appendix">
<head>athādhikāni skandhakāni</head>
<lg type="stanza" n="1">
<l>saṃjhā-paṇāma-ghaḍio<caesura/> giri-taṇaā-vihua-vāma-hattha-vihaḍio</l>
<l>hasiūṇa mukka-salilo<caesura/> ekka-kareṇa ṇiamañjalī jeṇa kao</l>
</lg>
<lg type="stanza" n="2">
<l>garue vi samara-kajje<caesura/> viasanti ccia rasaṃ lihanti samatthā</l>
<l>baddha-pphalammi kusume<caesura/> bolīṇo hoi mahuarāṇa avasaro</l>
</lg>
<lg type="stanza" n="3">
<l>enti valanti valantā<caesura/> rāma-sarāghāa-laṅghia-ṇahāhoā</l>
<l>thorā<gap reason="lacuna" unit="mora" quantity="4"/>-sarisā<caesura/> tuṅgā
maṇi-pavvaa vva<gap reason="lacuna" unit="mora" quantity="8"/></l>
</lg>
<lg type="stanza" n="4">
<l>jalaṇa-ppahāṇuviddhaṃ<caesura/> āvatta-bhamanta-pavvaa-dumālaggaṃ</l>
<l>saṃbandha-raaṇa-pupphaṃ<caesura/> phuraï phuranta-ppahaṃ pavāla-kisalaaṃ</l>
</lg>
<lg type="stanza" n="5">
<l>masiṇia-mīṇa-kkhandhā<caesura/> aïnti ṇibbhiṇṇa-mahiharantara-sariā</l>
<l>bhijjanta-rosa-laṅghia<caesura/>-muha-lagga-bhuaṃgama-pphaṇā rāma-sarā</l>
</lg>
<lg type="stanza" n="6">
<l>palaa-ghaṇehi va khubbhaï<caesura/> vevaï uppāa-māruehi va uahī</l>
<l>khaa-sūrehi va jhijjaï<caesura/> rasaï sarehi tiasehi va mahijjanto</l>
</lg>
<lg type="stanza" n="7">
<l>bāṇosāria-salilā<caesura/> thoaṃ bhijjanta-pāaḍia-sippi-uḍā</l>
<l>viasanti viasiāava<caesura/>-oaṭṭanta-maṇi-gabbhiṇā puliṇa-vahā</l>
</lg>
<lg type="stanza" n="8">
<l>sīsa-raïañjali-uḍo<caesura/> sara-viaṇā-dūmiāṇaṇo salilaṇihī</l>
<l>pāesu dāsarahiṇo<caesura/> pavaṇa-vasa-kkhitta-pāavo vva ṇivaḍio</l>
</lg>
<lg type="stanza" n="9">
<l>vāṇara-caraṇakkantaṃ<caesura/> uccalia-samudda-salila-gahioāsaṃ</l>
<l>calaï cala-pāava-laaṃ<caesura/> kampaï kampia-dharāharaṃ mahi-veḍhaṃ</l>
</lg>
<pb n="137"/>
<lg type="stanza" n="10">
<l>visama-visaṭṭanta-silā<caesura/>-ala-siharuppaïa-bhīa-kiṃṇara-mihuṇā</l>
<l>ojjhara-mukkakkandā<caesura/> ummūlijjanti vāṇarehi mahiharā</l>
</lg>
<lg type="stanza" n="11">
<l>āiddha-mahihara-ṇihaṃ<caesura/> uahi-jala-paloṭṭa-meha-aḍa-pabbhāraṃ</l>
<l>paḍaï va purao-huttaṃ<caesura/> ṭaṅka-ccheammi seu-bandhassa muhaṃ</l>
</lg>
<lg type="stanza" n="12">
<l>bajjhantammi samudde<caesura/> soūṇa vi kalaalaṃ mahā-kaï-seṇṇaṃ</l>
<l>jāaṃ takkhaṇa-vihalaṃ<caesura/> bhaa-bhīa-visaṃṭhulaṃ dasāṇaṇa-hiaaṃ</l>
</lg>
<lg type="stanza" n="13">
<l>raaṇīa sāmala-muhaṃ<caesura/> daṃsaṇa-galia-timiraṃsua-suhāloaṃ</l>
<l>vikkhitta-kiraṇa-hāraṃ<caesura/> candaṃ ṇava-jovvaṇe thaṇaṃ va malentaṃ</l>
</lg>
<lg type="stanza" n="14">
<l>pulaaṃ jaṇenti dasakandharassa sarahasa-rāma-sarā sarīrammi</l>
<l>jaṇaa-taṇaā-thaṇa-pphaṃsa-mahaggha-kara-ala-kaḍḍhia-dhaṇu-vimukkā</l>
</lg>
<trailer>ityadhikāni skandhakāni</trailer>
</div>
</body>
</text>
</TEI>
Rāvaṇavaho (Setubandha)
A SARIT edition
Pravarasena
The Leverhulme Trust
Michael Willis
Eszter Berki
Creation of machine-readable text up to verse 4.10
Dániel Balogh
Creation of machine-readable from verse 4.11, proofreading, markup
SARIT: Search and Retrieval of Indic Texts
Copyright Notice
Copyright (C) Eszter Berki, Dániel Balogh,
and SARIT.
Distributed
by SARIT under a Creative
Commons Attribution-ShareAlike 3.0 Unported License.
Under this licence, you are free
- to Share — to copy, distribute and transmit the work
- to Remix — to adapt the work
Under the following conditions:
- Attribution — You must attribute the work in the manner specified by the author
or licensor (but not in any way that suggests that they endorse you or your use of
the work).
- Share Alike — If you alter, transform, or build upon this work, you may
distribute the resulting work only under the same or similar license to this
one.
More information and fuller details of this license are given on the Creative Commons
website.
SARIT assumes no responsibility for unauthorised use that infringes the rights of any
copyright owners, known or unknown.
2013
2013-09-25
The Setubandha by Pravarasena transcribed by
Eszter Berki and Dániel Balogh from the
1880 edition of Siegfried Goldschmidt.
Râvaṇavaha oder Setubandha
Siegfried Goldschmidt
Karl J. Trübner / Trübner & Co.
Strassburg / London
1880
Digital copy available via http://openlibrary.org/books/OL13505410M/
The published edition from which this e-text was transcribed is printed in the Devanāgarī
script. The electronic text below is in a lossless transliteration using the Latin
alphabet. The transliteration scheme used is the IAST
(The
International Alphabet of Sanskrit Transliteration), which is preferred by most
Sanskrit scholars to ISO 15919.
Diaereses are used to differentiate disyllabic aï and aü from monosyllabic ai and au.
In all other respects this document follows the
SARIT
Encoding Guidelines. Note that the skandhaka meter in which this text is
written has two varieties: most lines will have a caesura after the third gaṇa
(pathyā), which is encoded here, but a few lines will not (vipulā).
- Completed input up to 4.10
- Version 0.1 beta
- Completed input from 4.10 to end
- Completed markup for verse structure
- Added TEI encoding.
- Version 0.9 beta
- Merged and homogenised the two text sections
- Completed proofreading and tagging Eszter's section
- Version 1.0
- Completed full proofreading
- Incorporated Goldschmidt's corrigenda
- Checked kulakas and a few suspect typos against other editions
- Modified TEI encoding for validation with tei_all.dtd.
- Moved Dániel's corrections into the main text and Goldschmidt's readings to
comments.
- Version 1.1
- Collated the two pages missing from the archive.org scan of Goldschmidt
- Edited the TEI header to conform more closely to the present SARIT header
template.
- Added a pointer to the digitized text.
- Minor changes to the text (when Goldschmidt has
printed it incorrectly: see 4.24, 6.12, 8.32).
Notes in comments.
- Corrected about 60 typos submitted by Paul Dundas.
- Converted the @xml:ids of the SARIT version to
@n values (in accordance with the new guidelines).
- Converted the older encoding with <seg>
to <caesura> (also in accordance with the
new guidelines).
paḍhumo āsāsao
ṇamaha avaḍḍhia-tuṅgaṃ avasāriavitthaaṃ aṇoṇaa-gahiraṃ
appalahua-parisaṇhaṃ aṇāa-paramattha-pāaḍaṃ mahumahaṇaṃ
daṇuinda-ruhira-lagge jassa phurante ṇaha-ppahā-vicchaḍḍe
guppantī vivalāā galia vva thaṇaṃsue mahāsura-lacchī
pīṇattaṇa-duggejjhaṃ jassa bhuā-anta-ṇiṭṭhura-pariggahiaṃ 5
riṭṭhassa visama-valiaṃ kaṇṭhaṃ dukkheṇa jīviaṃ bolīṇaṃ
oāhia-mahi-veḍho jeṇa parūḍha-guṇa-mūla-laddha-tthāmo
ummūlanteṇa dumaṃ pāroho vva khuḍio mahendassa jaso
ṇamaha a jassa phuḍa-ravaṃ kaṇṭha-cchāā-ghaḍanta-ṇaaṇaggi-sihaṃ
phuraï phuriaṭṭahāsaṃ uddha-paḍitta-timiraṃ miva disā-akkam
vevaï jassa saviḍiaṃ valiuṃ mahaï pulaāia-tthaṇa-alasaṃ
pemma-sahāva-vimuhiaṃ bīovāsa-gamaṇūsuaṃ vāmaddhaṃ
jassa vilagganti ṇahaṃ phuḍa-paḍisaddā disā-ala-paḍikkhaliā 5
joṇhā-kallolā via sasi-dhavalāsu raaṇīsu hasia-ccheā
ṇaṭṭārambha-kkhuhiā jassa bhaübbhanta-maccha-pahaa-jala-raā
honti saliluddhumāia-dhūmāanta-vaḍavā-muhā maaraharā
ahiṇava-rāāraddhā cukka-kkhaliesu vihaḍia-pariṭṭhaviā
metti vva pamuha-rasiā ṇivvoḍhuṃ hoi dukkaraṃ kavva-kahā
parivaḍḍhaï viṇṇāṇaṃ saṃbhāvijjaï jaso viḍhappanti guṇā
suvvaï suurisa-cariaṃ kiṃ taṃ jeṇa ṇa haranti kavvālāvā
icchāi va dhaṇariddhī jovvaṇa-laddha vva āhiāīa sirī
dukkhaṃ saṃbhāvijjaï bandhacchāāi ahiṇavā attha-gaī
taṃ tiasa-bandi-mokkhaṃ samattha-tellokka-hiaa-salluddharaṇaṃ
suṇaha aṇurāa-iṇhaṃ sīā-dukkha-kkhaaṃ dahamuhassa vahaṃ
aha paḍivaṇṇa-virohe rāhava-vammaha-sareṇa māṇabbhahie
viddhāi vāli-hiae rāa-sirīa ahisārie suggīve
vavasāa-raï-paoso rosa-gaïnda-diḍha-siṅkhalā-paḍibandho
kaha kaha vi dāsarahiṇo jaa-kesari-païjaro gao ghaṇa-samao
gamiā kalamba-vāā diṭṭhaṃ mehandhaāriaṃ gaaṇa-alaṃ
sahio gajjia-saddo taha vi hu se ṇatthi jīvie āsaṅgho
to hari-vaï-jasa-vantho rāhava-jīassa paḍhama-hatthālambo
sīā-bāha-vihāo dahamuha-vajjha-diaho uvagao sarao
raï-ara-kesara-ṇivahaṃ sohaï dhavalabbha-dala-sahassa-parigaaṃ
mahumaha-daṃsaṇa-joggaṃ piāmahuppatti-paṅkaaṃ va ṇaha-alaṃ
diṇamaṇi-moha-pphuriaṃ galiaṃ ghaṇa-lacchi-raaṇa-rasaṇā-dāmaṃ
udu-maaṇa-bāṇa-vattaṃ ṇaha-mandāra-ṇava-kesaraṃ inda-dhaṇuṃ
dhua-meha-mahuarāo ghaṇa-samaāaḍḍhioṇaa-vimukkāo
ṇaha-pāava-sāhāo ṇiaa-ṭṭhāṇaṃ va paḍigaāu disāo
ahiṇava-ṇiddhāloā uddesāsāra-dīsamāṇa-jala-lavā
ṇimmāa-majjaṇa-suhā dara-vasuāa-cchaviṃ vahanti va diahā
suha-saṃmāṇia-ṇiddo virahāluṅkhia-samudda-diṇṇukkaṇṭho
asuvanto vi vivuddho paḍhama-viuddha-siri-sevio mahumahaṇo
sohaï visuddha-kiraṇo gaaṇa-samuddammi raaṇi-velā-laggo
tārā-muttā-vaaro phuḍa-vihaḍia-meha-sippi-saṃpuḍa-mukko
sattacchaāṇa gandho laggaï khalaï hiae kalambāmoo
kalahaṃsāṇa kala-rao ṭhāi ṇa saṃṭhāi pariṇaaṃ sihi-viruaṃ
pīṇa-paohara-laggaṃ disāṇa pavasanta-jalaa-samaa-viiṇṇaṃ
sohagga-paḍhama-iṇhaṃ pavvāaï sarasa-ṇaha-vaaṃ inda-dhaṇuṃ
pajjatta-salila-dhoe dūrālokkanta-ṇimmale gaaṇa-ale
accāsaṇṇaṃ va ṭhiaṃ vimukka-para-bhāa-pāaḍaṃ sasi-bimbaṃ
cira-āla-paḍiṇiattaṃ disāsu gholanta-kumua-raa-vellaviaṃ
bhamaï aladdhāsāaṃ kamalāara-daṃsaṇūsuaṃ haṃsa-ulaṃ
candāava-dhavalāo phuranta-diasa-raaṇantaria-sohāo
somme saraassa ure mottāvali-vibbhamaṃ vahanti ṇisāo
bhamara-rua-diṇṇa-saṇṇaṃ ghaṇa-roha-vimukka-diṇaara-arāliddhaṃ
pharisa-suhāantaṃ miva paḍivujjhaï jala-ṇihitta-ṇālaṃ ṇaliṇam
vammaha-dhaṇu-ṇigghoso kamala-vaṇa-kkhalia-lacchi-ṇeura-saddo
suvvaï kalahaṃsa-rao mahuari-vāhitta-ṇaliṇi-paḍisaṃlāo
khuḍiuppaïa-muṇālaṃ daṭṭhūṇa piaṃ va siḍhila-valaaṃ ṇaliṇiṃ
mahuari-mahurullāvaṃ mahumaa-ambaṃ muhaṃ va gheppaï kamalaṃ
pajjatta-kamala-gandho mahu-taṇṇāosaranta-ṇava-kumua-rao
bhamira-bhamaroaïvvo sañcaraï sa-dāṇa-sībharo vaṇa-vāo
kaṇṭaïa-ṇūmiaṅgī thoa-tthoosaranta-muddha-sahāvā
raï-ara-cumbijjantaṃ ṇa ṇiattei ṇaliṇī muhaṃ miva kamalaṃ
parigholanta-kkhaliaṃ sattacchaa-kusuma-dhavala-reṇukkhaïaṃ
uppusaï dāṇa-vaṅkaṃ muhutta-gaa-kaṇṇa-cāmaraṃ bhamara-ulaṃ
ia pahasia-kumua-sare bhaḍi-muha-paṅkaa-viruddha-candāloe
jāe phuranta-tāre lacchi-saaṃgāha-ṇava-paose sarae
jhijjaï jhīṇā vi taṇū aṭṭhia-bāhaṃ puṇo paruṇṇaṃ va muhaṃ
rāmassa aīsante āsā-bandhe vva cira-gae haṇumante
ṇavari a jahā-samatthia-ṇivvattia-kajja-ṇivvalanta-cchāaṃ
pecchaï mārua-taṇaaṃ maṇorahaṃ cea cintia-suhovaṇaaṃ
paḍhamaṃ cia māruiṇā harisa-bharijjanta-loaṇeṇa muheṇa
jaṇaa-taṇaā-paüttī pacchā vāāi ṇiravasesaṃ siṭṭhā
diṭṭha tti ṇa saddahiaṃ jhīṇa tti sabāha-mantharaṃ ṇīsasiaṃ
soaï tumaṃ tti ruṇṇaṃ pahuṇā jiaï tti māruī uvaūḍho
cintā-haa-ppahaṃ miva taṃ ca kare khea-ṇīsahaṃ va ṇisaṇṇaṃ
veṇī-bandhaṇa-maïlaṃ soa-kilintaṃ va se paṇāmei maṇiṃ
so kara-alañjali-gao bāha-tthavaa-pahaosihanta-maūho
ṇaaṇehi dāsarahiṇā diṭṭho pīo ṇu pucchio ṇu paüttiṃ
soaï a ṇaṃ rahuvaī viralaṅguli-galia-kiraṇa-dhārā-vaaraṃ
vaaṇe vimalujjoaṃ dara rottūṇa salilañjaliṃ va ṇimento
taṃ daïāhiṇṇāṇaṃ jammi vi aṅgammi rāhaveṇa ṇa ṇimiaṃ
sīā-parimaṭṭheṇa va vūḍho teṇa vi ṇirantaraṃ romañco
bāha-maïlaṃ pi to se dahamuha-cintā-viambhamāṇāmarisaṃ
jāaṃ dukkhāloaṃ jaraḍhāanta-ravi-maṇḍalaṃ miva vaaṇaṃ
to se cira-majjhatthe kuvia-kaanta-bhumaā-laā-paḍirūe
diṭṭhī diṭṭha-tthāme kajja-dhura vva ṇiae dhaṇummi ṇisaṇṇā
khaṇa mūlāvaddhāe ṇivvaṇṇanta-masiṇaṃ samārūḍhāe
sajjīaṃ miva jāaṃ aṇoṇamantaṃ pi rāma-diṭṭhīa dhaṇuṃ
suggīassa vi hiaaṃ rāhava-sukaa-paḍimoaṇā-sattaṇhaṃ
agaṇia-dahamuha-dappaṃ ṇivvūḍha-bharaṃ va takkhaṇaṃ ūsasiaṃ
cintia-laddhatthaṃ miva bhumaā-vikkheva-sūiāmarisa-rasaṃ
gamaṇaṃ rāhava-hiae rakkhasa-jīvia-haraṃ visaṃ va ṇihittaṃ
soha vva lakkhaṇa-muhaṃ vaṇa-māla vva viaḍaṃ hari-vaïssa uraṃ
kitti vva pavaṇa-taṇaaṃ āṇa vva balāi se vilaggaï diṭṭhī
saṃkhohia-mahi-veḍho to so kaï-seṇṇa-vilulia-vaṇāhoo
khuhia-samuddāhimuho mahaṇārambhammi mandaro via calio
caliaṃ ca vāṇara-balaṃ calie tammi cala-kesara-saḍujjoaṃ
gahia-disā-pariṇāhaṃ maūha-jālaṃ va diṇaarassa phurantaṃ
verāraṇi-pajjalio to so rosa-pavaṇāhaüddhaa-muhalo
vaḍḍhaï maggāṇugao laṅkā-vaṇa-rāi-vaṇa-dao kaï-loo
vaccaï a caḍula-kesara-saḍujjalāloa-vāṇara-parikkhitto
savva-disā-āaḍḍhia-palaa-palitta-giri-saṃkulo vva samuddo
gholanti ṇimmalāo phuranta-diasaara-pāaḍia-rūāo
dāvia-maggammi vi se hiae soandhaāriammi disāo
āloei a viñjhaṃ dhaṇu-saṃṭḥāṇassa sāarassa bhara-sahaṃ
sandhia-ṇaï-sotta-saraṃ avahovāsa-ghaḍiaṃ va jīā-bandhaṃ
masiṇia-siharucchaṅgo vihua-ṇiamba-vaṇa-pāaḍia-tuṅga-aḍo
viñjheṇa bharia-kuharo helā-vāo vi vāṇarāṇa ṇa sahio
pattā a sībharāhaa-dhāu-silā-ala-ṇisaṇṇa-rāia-jalaaṃ
sajjhaṃ ojjhara-pahasia-dari-muha-ṇikkanta-vaüla-maïrāmoaṃ
bolanti a pecchantā paḍimā-saṃkanta-dhavala-ghaṇa-saṃghāe
phuḍa-phaḍiha-silā-saṅkula-khaliovari-patthie via ṇaï-ppavahe
taḍa-pabbhāra-bharantā dalanta-pāāla-galia-jala-païrikkā
āvāe ccia jāā pahaa-mahā-vaha-ṇihā mahā-ṇaï-sottā
jalahara-ṇiddāantaṃ pāava-gahaṇesu sisira-ṇiddāantaṃ
saï duddiṇa-sāmalaaṃ pattā bhagga-dhua-candaṇa-rasā malaaṃ
candaṇa-pāava-lagge khuḍiuvvelia-laā-parimala-cchāe
sandāṇia-ṇimmoe pecchanti mahā-bhuaṅga-veḍhaṇa-magge
sevanti tīra-vaḍḍhia-ṇiaa-bharovvatta-candaṇa-laāliddhe
ramma-ttaṇa-dippa-vahe vaṇa-gaa-dāṇa-kaḍue giri-ṇaï-ppavahe
to taruṇa-sippi-saṃpuḍa-dara-dāvia-jala-ṇihitta-muttā-vaaraṃ
pattā pattala-vaülaṃ gaa-dāṇa-sugandhi-raa-ṇavelaṃ velaṃ
viasia-tamāla-ṇīlaṃ puṇo puṇo cala-taraṅga-kara-parimaṭṭhaṃ
phullelā-vaṇa-surahiṃ uahi-gaïndassa dāṇa-lehaṃ va ṭhiaṃ
pheṇa-visamaṅgarāaṃ vidduma-danta-vvaṇāṇia-muha-cchāaṃ
malia-vaṇa-kesa-kusumaṃ parihutta-samudda-parimalaṃ va vahantiṃ
sippi-uḍa-maüliacchiṃ laā-harabbhantaresu parivaḍḍhantaṃ
aṇurāa-pariṭṭhaviaṃ āaṇṇantiṃ va kiṃṇaruggīa-ravaṃ
ia siri-pavaraseṇa-viraïe dahamuhavahe mahākavve paḍhumo āsāsao samatto
biio āsāsao
aha pecchaï rahu-taṇao caḍulaṃ dosa-saa-dukkha-boleavvaṃ
amaa-rasa-sāra-garuaṃ kajjārambhassa jovvaṇaṃ va samuddaṃ
gaaṇassa va paḍivimbaṃ dharaṇīa va ṇiggamaṃ disāṇa va ṇilaaṃ
bhuaṇassa va maṇi-taḍimaṃ palaassa va sāvasesa-jala-vicchaḍḍaṃ
bhamirubbhaḍa-kallolaṃ thora-karāhaa-disā-muhotthaa-salilaṃ 5
sāsaa-maeṇa bahuso khohijjantaṃ disā-gaeṇa va sasiṇā
apphuṇṇa-vidduma-vaṇe guppanta-paḍitthire salila-kallole
mandara-gūḍha-ppahare ajja vi saṃkhāa-lohie vva vahantam
muhala-ghaṇa-vippaïṇṇaṃ jala-ṇivahaṃ bharia-saala-ṇaha-mahi-vivaraṃ
ṇaï-muha-palhatthantaṃ appāṇa-viṇiggaaṃ jasaṃ va piantaṃ 10
joṇhāe vva miaṅkaṃ kittīa va suurisaṃ pahāe vva raviṃ
selaṃ mahā-ṇaīa va sirīa cira-ṇiggaāi vi amuccantaṃ
kālantara-jīa-haraṃ gaoṇiattanta-pavaṇa-ghaṭṭijjantaṃ
sallaṃ va deha-laggaṃ viaḍaṃ vaḍavā-muhāṇalaṃ vahamāṇam
dhua-vaṇa-rāi-kara-alaṃ malaa-mahinda-tthaṇora-sollaṇa-suhiaṃ 15
velāliṅgaṇa-mukkaṃ chiviosariehi velavantaṃ va mahiṃ
ṭhāṇe vi ṭhii-pahuttaṃ palae mahi-maṇḍalammi vi amāantaṃ
paṇaanta-vāmaṇa-taṇuṃ kamanta-deha-bhara-bharia-loaṃ va hariṃ
dīsantaṃ ahirāmaṃ suvvantaṃ pi aviiṇha-soavva-guṇaṃ
sukaassa va pariṇāmaṃ uahujjantaṃ pi sāsaa-suha-pphalaaṃ 20
ukkhaa-dumaṃ va selaṃ hima-haa-kamalāaraṃ va lacchi-vimukkaṃ
pīa-maïraṃ va casaaṃ bahula-paosaṃ va muddha-canda-virahiaṃ
ṇipphaṇṇa-suhāloaṃ vimala-jalabbhantara-ṭṭhiaṃ vahamāṇaṃ
dara-kaḍḍhiaṃ va raïṇā karāvalambia-karaṃ raaṇa-saṃghāaṃ
mahaṇāāsa-vimukkaṃ ucchittāmaa-visaṅkhalāṇala-ṇivahaṃ 25
vāsui-muha-ṇīsandaṃ vaḍavā-muha-kuhara-puñjiaṃ vahamāṇaṃ
dhīraṃ va jala-samūhaṃ timi-ṇivahaṃ miva sapakkha-pavvaa-loaṃ
ṇaï-sotte vva taraṅge raaṇāi va garua-guṇa-saāi vahantaṃ
pāāloara-gahire mahi-païrikka-viaḍe ṇaha-ṇirālambe
tellokke vva mahumahaṃ appāṇa ccia gaāgaāi karentaṃ 30
ahilīa paramuhīhiṃ chiviosariehi aṇusaa-vilolāhiṃ
aṇuṇijjamāṇa-maggaṃ vevanta-ṇiatta-patthiāhi ṇaīhiṃ
jīa-garuīhi ajja vi icchā-pajjatta-suha-rasāhi maentaṃ
dhaṇa-riddhīa sirīa a saliluppaṇṇāi vāruṇīa a lolaṃ
caḍulaṃ pi thiīa thiraṃ tiasukkhitta-raaṇaṃ pi sārabbhahiaṃ 35
mahiaṃ pi aṇoluggaṃ asāu-salilaṃ pi amaa-rasa-ṇīsandaṃ
pajjatta-raaṇa-gabbhe ṇaha-aru-palhattha-canda-ara-pārohe
uarabbhantara-sele suravaï-ḍimba-ṇihie ṇihi vva vahantaṃ
pariambhiaṃ uvagae bolīṇammi a ṇiatta-caḍula-sahāvaṃ
ṇava-jovvaṇe vva kāmaṃ daïa-samāgama-suhammi candujjoe 40
dara-phuḍia-sippi-saṃpuḍa-paloṭṭa-saṅkha-muha-bharia-muttā-ṇiaraṃ
mārua-dūrucchālia-jala-bhariaddha-vaha-paḍiṇiatta-jalaharaṃ
maragaa-maṇi-ppahāhaa-hariāanta-jaraḍha-ppavāla-kisalaaṃ
sura-gaa-gandhuddhāia-kari-maarāsaṇṇa-diṇṇa-meha-muha-vaḍaṃ
maṇivālaaṃ tīra-laā-hara-ppahohāsia-ramma-ṇivālaaṃ 45
ghaṇa-vāriaṃ velāliṅgaṇeṇa caḍulaṃ mahi-laṅghaṇa-vāriaṃ
sasi-maūha-paḍipellaṇa-pakkhubbhantaaṃ
saṃcaranta-dharaṇīhara-pakkhubbhantaaṃ
dhīraaṃ saï muhala-ghaṇa-paa-vijjantaaṃ
aṭṭhiaṃ ca valavāṇala-paavijjantaaṃ
ṇiaa-visāṇala-paavia-muttā-ṇiara-parigholamāṇa-visaharaṃ
mīṇa-gaï-magga-pāaḍa-seālomaïla-maṇi-silā-saṃghāaṃ 50
sari-saṃkulaṃ mahumaha-vallahāi lacchīa sāra-sarisaṃ kulaṃ
mahi-lāiaṃ ṇaï-muha-patthioṇiattia-velā-mahilāiaṃ
ṇaï-sahassa-paḍiumbaṇa-ṇāa-rasantaaṃ
palaa-meha-sama-dūsaha-ṇāa-rasantaaṃ
pelaveṇa pavaṇeṇa mahura-saṃcāriaṃ
maüa-maa-khalantaṃ va mahu-rasaṃ cāriaṃ
kasaṇa-maṇi-cchāā-rasa-rajjantovari-parippavanta-ppheṇaṃ 55
hari-ṇāhi-paṅkaa-kkhalia-sesa-ṇīsāsa-jaṇia-viaḍāvattaṃ
saaraṅgaaṃ vidduma-pallava-ppahā-gholira-sāsaa-raṅgaaṃ
ravi-rāiaṃ dharaṇi-alaṃ va mandarāaḍḍhaṇa-dūra-virāiaṃ
muttālaaṃ tiasa-viiṇṇa-jīvia-suhāmaa-jammuttālaaṃ
vitthiṇṇaaṃ palaüvvella-salila-helā-maliuvvi-tthiṇṇaaṃ 60
cira-parūḍha-seāla-silā-hariantaaṃ
pavaṇa-bhiṇṇa-rava-dāruṇa-ṇīhariantaaṃ
mahumahassa ṇiddā-samae vīsāma-aṃ
palaï-ḍaḍḍha-vijjhāa-taluvvī-sāmaaṃ
asurovaḍaṇa-vihaṭṭia-jala-vivaruṭṭhia-rasāalumhā-ṇivahaṃ
mahaṇa-vasa-bhiṇṇa-bhāmia-dīvantara-lagga-mandara-aḍa-kkhaṇḍaṃ
esa amaa-rasa-saṃbhavo tti saṃbhāviaṃ
ṇaha-ṇihaṃ tameṇa va caüddisaṃ bhāviaṃ 65
guṇa-mahaggha-sāraṃ vasuhā-rakkhāṇiaṃ
ṇiaa-jasa-ṇihāṇaṃ miva saara-kkhāṇiaṃ
pavaṇuggāhia-jala-lava-ṇivaha-pahammanta-muhala-tīra-tala-vaṇaṃ
sasi-sela-maūhojjhara-parivaḍḍhia-salila-malia-puliṇucchaṅgaṃ
mandara-meha-kkhohia-sasi-kalahaṃsa-parimukka-salilucchaṅgaṃ
maragaa-sevālovari-ṇisaṇṇa-tuṇhikka-mīṇa-cakkāa-juaṃ 70
puṇṇa-ṇaï-sotta-saṃṇiha-jala-majjha-muṇijjamāṇa-calia-timi-vahaṃ
valaā-muha-mūla-samosaranta-masi-rāsi-kajjalia-pāālaṃ
to ugghāḍia-mūlo pavaa-balakkanta-mahi-aluddhucchalio
diṭṭhīa diṭṭha-sāro ṇajjaï tulio tti rāhaveṇa samuddo
kālantara-parihuttaṃ daṭṭhūṇa vi appaṇo mahoahi-saaṇaṃ
jaṇaa-suā-baddha-maṇo rāmo palaa-ghariṇiṃ ṇa saṃbharaï siriṃ
īsi-jala-pesiacchaṃ vihasanta-viiṇṇa-pavaa-vaï-saṃlāvaṃ
addiṭṭhe vva ṇa mukkaṃ diṭṭhe uahimmi lakkhaṇeṇa vi dhīraṃ
harisa-ṇirāuṇṇāmia-pīṇaarāloa-pāaḍovaribhāaṃ
pavaāhivo-vi pekkhaï addhuppaïaṃ va rumbhiūṇa sarīraṃ
garuḍeṇa va jalaṇa-ṇihaṃ samudda-laṅghaṇa-maṇeṇa vāṇara-vaïṇā
avahovāsa-pasariaṃ pakkha-viāṇaṃ va pulaïaṃ kaï-seṇṇaṃ
sāara-daṃsaṇa-hitthā akkhittosaria-vevamāṇa-sarīrā
sahasā lihia vva ṭhiā ṇipphanda-ṇirāa-loaṇā kaï-ṇivahā
pecchantāṇa samuddaṃ caḍulo vi aüvva-vimhaa-rasa-tthimio
haṇumantammi ṇivaḍio sagāravaṃ vāṇarāṇa loaṇa-ṇivaho
uahiṃ alaṅghaṇijjaṃ daṭṭhūṇa gaāgaaṃ ca mārua-taṇaaṃ
mohandhaāriesu vi gūḍho bhamaï hiaesu siṃ ucchāho
to tāṇa haa-cchāaṃ ṇiccala-loaṇa-sihaṃ paüttha-paāvaṃ
ālekkha-paīvāṇa va ṇiaaṃ païi-caḍulattaṇaṃ pi vialiaṃ
kaha vi ṭhaventi pavaṅgā samudda-daṃsaṇa-visāa-vimuhijjantaṃ
galia-gamaṇāṇurāaṃ paḍivantha-ṇiatta-loaṇaṃ appāṇaṃ
ia siri-pavaraseṇa-viraïe kālidāsa-kae dahamuhavahe mahākavve biio āsāsao
parisamatto
taïo āsāsao
to te kaï-māaṅge rūḍha-visāa-maa-bhāviomīlante
ālāṇa-kkhambhesu va bāhūsu silā-ala-ṭṭhiesu ṇisaṇṇe
āhāsaï suggīo ṇiaa-ravāhi phuḍa-ṇinta-jasa-ṇigghosam
dhīrāhi sāra-garuaṃ dantujjoāhi ṇimmalatthaṃ vaaṇam
dharaṇi-dharaṇe bhua ccia mahaṇammi surāsurā khaammi samuddā
hantavvammi dahamuhe eṇhiṃ tumhe ttha mahumahassa sahāā
mā sāsaa-soḍīraṃ kaha vi ṇiattanta-samuha-saṃṭhavia-paaṃ
āaa-vitthakkantaṃ paṇaantaṃ va suaṇaṃ parumhāha jasaṃ
rakkhasa-vaha-duvvojjho kajjārambho samudda-laṅghaṇa-garuo
paḍhumaṃ cia rahuvaïṇā uvariṃ hiaa-tulio bharo vva vilaïo
tumha ccia esa bharo āṇā-metta-pphalo pahuttaṇa-saddo
aruṇo chāā-vahaṇo visaaṃ viasanti appaṇā kamala-sarā
tariuṃ ṇa hu ṇavara imaṃ velā-vaṇa-vaüla-kusuma-vāsia-surahiṃ
hattha-uḍehi samatthā tumhe pāuṃ pi phala-rasaṃ va samuddaṃ
cira-āla-kaṅkhiāṇaṃ dhuāvamāṇa-ṇialuṇṇamanta-suhāṇaṃ
eso ṇavara avasaro asarisa-samasīsa-bandhaṇa-vimokkhāṇaṃ
te viralā sappurisā je abhaṇantā ghaḍenti kajjālāve
thoa ccia te vi dumā je amuṇia-kusuma-ṇiggamā denti phalaṃ
khiṇṇaṃ cāvammi karaṃ cira-ālukkaṇṭhiaṃ amarisammi maṇaṃ
mā dā deu rahuvaī bāṇāhimuhiṃ ca bāha-garuiṃ diṭṭhiṃ
ovaggaü tumha jaso dahavaaṇa-paāva-patthiva-pariggahiaṃ
vilulia-samudda-rasaṇaṃ ṇaha-bhavaṇanteuraṃ disā-vahu-ṇivahaṃ
jaṃ sāhasaṃ ṇa koraï taṃ daamāṇeṇa jīviaṃ kira daïaṃ
jo apaḍimukka-sukaā so vi gaṇijjaï jaammi jīanta-muo
kiṃ va ṇa āṇaha eaṃ kajjaṃ paripelavaṃ pi jaha pariṇāme
dei paraṃ saṃmohaṃ kusumaṃ visa-pāavassa va malijjantaṃ
vihaḍantaṃ pi samatthā vavasāaṃ purisa-duggamaṃ ṇenti vahaṃ
bhuvaṇantara-vikkhambhaṃ diasaaro vihaḍiekka-cakkaṃ va rahaṃ
kaa-kajje tāla-same aïrā pecchaha bhue aṇuttāla-same
ṇihuo rāasa-hāo paḍivakkhassa a aveu rāa-sahāo
saṅkhohia-maaraharo saṃbhantuvvatta-diṭṭha-rakkhasa-loo
velā-aḍa-mujjhante aha ṇe hasaï hiaeṇa mārua-taṇao
avvocchiṇṇa-pasario ahiaṃ uddhāi phuria-sūra-cchāo
ucchāho subhaḍāṇaṃ visama-kkhalio mahā-ṇaīṇa va sotto
māṇeṇa pariṭṭhaviā kula-parivāḍi-ghaḍiā aṇoṇaa-uvvā
cinteuṃ pi ṇa tīraï ohuppantī pareṇa ṇiaa-cchāā
parivaḍḍhantucchāho vialia-raṇa-maccharehi appatta-guṇo
aasa-kkantosario kaḍḍhijjaï dukkaraṃ bhaḍattaṇa-saddo
āhia-samarāamaṇā vasaṇammi a ūsave a sama-rāa-maṇā
avasāaa-visamatthā dhīra ccia honti saṃsae vi samatthā
vavasāa-sappivāsā kaha te hattha-ṭṭhiaṃ ṇa pāhenti jasaṃ
je jīvia-sandehe visaṃ bhuaṅga vva uvvamanti amarisaṃ
sīhā sahanti bandhaṃ ukkhaa-dāḍhā ciraṃ dharenti visaharā
ṇa uṇa jianti paḍihaā akkhaṇḍia-vavasiā khaṇaṃ pi samatthā
akaattha-paḍiṇiattā kaha samuhāloa-metta-paḍisaṃkantaṃ
dappaṇa-alesu va ṭhiaṃ ṇiaaṃ decchiha piā-muhesu visāaṃ
ṇijjanti cira-paattā samudda-gahirā vi paḍivahaṃ ṇaï-sottā
tīrenti ṇiatteuṃ asamāṇia-pesaṇā ṇa uṇa sappurisā
jo laṅghijjaï raïṇā jo vi khavijjaï khaāṇaleṇa vi bahuso
kaha so uia-parihao duttāro tti pavaāṇa bhaṇṇaü uahī
cintijjaü dāva imaṃ kula-vavaesa-kkhamaṃ vahantāṇa jasaṃ
lajjāi samuddassa vi doṇha vi kiṃ hoi dukkaraṃ boleuṃ
kiraṇāsaṇiṃ rahu-sue suhassa kira ṇāsaṇiṃ vimuñcaü mā dā
sela-sasāraame ho tumhe jeūṇa canda-sāraa-meho
bandhava-ṇehabbhahio hoi paro vi viṇaeṇa sevijjanto
kiṃ uṇa kaovaāro ṇikkāraṇa-ṇiddha-bandhavo dāsarahī
aïra-parūḍha vva laā samarucchāhe udummi va vilambante
ajja vi dāva maha imā maülei ccia phalaṃ ṇa dāvei sirī
keccira-mettaṃ va ṭhiī ea visaṃvāiā ṇa mocchihi rāmaṃ
kamalammi samuppaṇṇā taṃ cia raaṇīsu kiṃ ṇa muñcaï lacchī
saalujjoia-vasuhe samattha-jia-loa-vittharanta-paāve
ṭhāi ṇa ciraṃ ravimmi va vihāṇa-paḍiā vi maïladā sappurise
sappurisa-pāaḍa-vahaṃ paḍhamaṃ jaṃ rāhaveṇa amhāsu-kaaṃ
hojja va ṇa hojja va samaṃ amhehi kaaṃ pi kiṃ uṇa akīrantaṃ
rāhava-patthijjanto uddho dīsihaï kecciraṃ va dahamuho
dūranta-pecchiavvo sihara-paḍanta-viaḍāsaṇi vva vaṇa-dumo
bālāavaṃ va entaṃ dhua-ambālāa-vaṃsu-ṇivaha-cchāaṃ
kaï-seṇṇaṃ raaṇiarā tama-raa-ṇiara vva pecchiuṃ pi aoggā
garuammi vi paḍivakkhe honti bhaḍā ahia-vāria-ppaḍiūlā
paḍigaa gandhāiddhā uddhaṅkusa-ruddha-manthaa vva gaïndā
visamammi vi avisaṇṇo dhārei dhuraṃ dhuraṃdharo ccia ṇavaraṃ
kiṃ diṇaarovarāe diṇassa hoi avalambaṇaṃ sasi-bimbaṃ
mukka-salilā jalaharā ahiṇava-diṇṇa-pphalā a pāava-ṇivahā
lahuā vi honti garuā samara-muhoharia-maṇḍalaggā a bhuā
dappaṃ ṇa sahanti bhuā paharaṇa-kajja-sulahā dharenti mahiharā
vitthiṇṇo gaaṇa-vaho ṇijjaï kīsa garuattaṇaṃ paḍivakkho
dhīraṃ parirakkhantā garuaṃ pi bharaṃ dharenti ṇavara suurisā
ṭhāṇaṃ cia amuantā ṇīsesaṃ tihuaṇaṃ khaventi ravi-arā
kāara-paḍimukka-dhuraṃ jiṇanti patthāṇa-laṅghiagga-kkhandhā
paḍhamaṃ tā ṇiaa-balaṃ pacchā paharehi suurisā paḍivakkhaṃ
aṇṇenti maṅgalāiṃ alliaï sirī jaso pavaḍḍhaï purao
paḍivaṇṇa-raṇucchāhe paḍivakkhuddharaṇa-patthiammi suurise
vaccantā aïbhūmiṃ kaḍḍhia-suhaḍāsi-vatta-vanthāvaḍiā
ṇavara ṇa calanti bīaṃ lua-vakkhā mahihara vva verāvandhā
tā soaï rahu-taṇao tāva a sīā vi hattha-palhattha-muhī
tāva a dharaï dahamuho jāva visāeṇa vo tulijjaï dhīraṃ
aṇṇo aṇṇassa maṇo tumha ṇa āṇe aṇāhio maha appā
ṇivvaṇṇantassa imaṃ dara-rūḍha-vaṇa-ppasāhaṇaṃ haṇumantaṃ
paḍivakkhassa a lacchiaṃ āsāentaeṇaṃ
ṇiaa-kulassa a kittiaṃ āsāentaeṇaṃ
maraṇaṃ pi varaṃ laddhaaṃ ṇaa-ṇimmāṇaeṇaṃ
puriseṇa ciraṃ jīviaṃ ṇa a ṇimmāṇaeṇaṃ
ea vi sirīa diṭṭhaā ke saralacchiāe
kara-kamalassa a chikkaā kesara-lacchiāe
mujjhanti saviṇṇāṇaā samara-samāṇaammi
ea mamammi bhaṇantae sama-rasa-māṇaammi
mā soijjaü duhiā sīā loaeṇaṃ
ṇaliṇi vva samoluggaā sīāloaeṇaṃ
duhie rāhava-hiae kāma-ilantaammi
jīviammi ahilohiā kā maïlantaammi
candaa vva meha-maïlie raaṇī-sāraammi
kamalaammi va hima-ḍaḍḍhae raa-ṇīsāraammi
duhie rāhava-hiaae bhama-roattaammi
kusumammi va pavvāae bhamaroattaammi
kaïā ṇu viraha-viraïa-dobballa-pasāhaṇujjhiāharaṇāiṃ
ṇīsāsa-vasa-paholira-lambālaa-malia-pamhala-kaolāiṃ
pihula-ṇiamba-ala-kkhalia-siḍhila-valaa-vivaïṇṇa-bāhu-laāiṃ
dacchāma pariaṇa-tthua-kaa-pesaṇa-lajjiā pia-kalattāiṃ
ia jāhe bhaṇṇantaṃ ṇa calaï cintā-bharosianta-sarīraṃ
āaḍḍhaṇa-ṇicceṭṭhaṃ paṅka-kkhuttaṃ va gaa-ulaṃ kaï-seṇṇaṃ
to phuḍa-sadduddhāia-vaṇa-dava-bharia-giri-kandarāāra-muho
riu-vikkamam asahanto jampaï vāṇara-vaī puṇo vi hasanto
ia atthira-sāmatthe aṇṇassa vi pariaṇammi ko āsaṅgho
tattha vi ṇāma dahamuho tassa ṭhio esa paḍihaḍo majjha bhuo
avahoāsammi mahaṃ hattha-alāhaa-dalanta-patthia-salilo
jā ṇa ṇiattaï uahī bolīṇaṃ tāva hou vāṇara-seṇṇaṃ
ahiāṇaṃ tosi-hare dhariaṃ malaa-giriṇo hasanto sihare
guru-bhara-visaaṃseṇaṃ ṇejjāmi bhueṇa joaṇa-saaṃ seṇam
samuha-miliekkamekke ko ira āsaṇṇa-saṃsaammi sahāo
jāva ṇa dijjaï diṭṭhī kāavvaṃ dāva hoi cira-ṇivvūḍham
aha va mahaṇṇava-huttaṃ patthantassa gaaṇaṃ mahaṃ ṇa vahuttam
ruhira-vasāmisa-vattaṃ hantūṇa va ṇivvuo vasāmi savattam
ṇisuḍhijjanta-bhuaṅgaṃ mā mujjhaha maha sarosa-calaṇakkantam
jatto ṇamaï mahi-alaṃ tatto ṇāma saalo paaṭṭaü uahī
o jamala-kkhambhehi va dharieṇa bhuehi maha mahoahi-majjhe
ummūliāieṇaṃ samaïñchaü viñjha-saṃkameṇa kaï-balam
vivalāanta-bhuaṅgaṃ uvvattia-jalaaraṃ vihiṇṇa-mahiharam
muha-mārua-vihua-jalaṃ pecchaha raaṇāaraṃ karemi thala-vaham
majjha-kkhuḍiummūlia-bhuā-bhamāia-vimukka-sesaddhantam
etto-hutta-suvelaṃ tatto-hutta-malaaṃ karemi samuddam
aha va suvelālaggaṃ pecchaha ajjea bhagga-rakkhasa-viḍavam
sīā-kisalaa-sesaṃ majjha bhuāaḍḍhiaṃ laaṃ miva laṅkam
o bhagga-rakkhasa-dumaṃ ṇihaa-dasāṇaṇa-maïnda-suha-saṃcāram
rāmāṇurāa-matto malemi laṅkaṃ vaṇa-tthaliṃ va vaṇa-gao
ia siri-pavaraseṇa-viraïe kālidāsa-kae dahamuhavahe mahākavve taïo āsāsao
parisamatto
caüttho āsāsao
aha paḍhama-vaaṇa-ṇihuaṃ pacchā umhaïa-lajjiaṃ kaï-seṇṇaṃ
sasi-daṃsaṇa-pāsuttaṃ kamala-vaṇaṃ va diasāgameṇa vivuddhaṃ
ṇavari a kaï-hiaāiṃ dhuandhaāra-viaḍāi gamaṇucchāho
ekko bahuāi samaṃ giri-siharāi aruṇāavo vva vilaggo
to dappa-muha-pasāo āḍhatto tāṇa hiaa-hasiujjoo
raṇa-vikkamagga-hattho ṇiaa-sahāo vva pahariso vitthariuṃ
bahaluddhua-dhāu-raaṃ risaheṇa dhuojjharāhaa-kapola-alaṃ
bhiṇṇaṃ vāma-bhua-sire ummūlia-valia-paṇṇaaṃ giri-siharaṃ
pulaübbheāambaṃ ṇīlo paripusaï visama-kasaṇa-cchāaṃ
hiaa-ṇihitta-paharisaṃ sasi-paḍibhiṇṇa-ghaṇa-saṃṇihaṃ vaccha-aḍaṃ
vihaḍantoṭṭha-uḍa-dalaṃ phuranta-danta-ara-bahala-kesara-vaaraṃ
paharisa-candāloe hasiaṃ kumueṇa surahi-gandhuggāraṃ
vihaḍanta-dharaṇi-bandho uhaa-bhua-kkheva-muhala-vevira-viḍavo
visama-paḍanta-visaharo velā-candaṇa-dumo maïndeṇa dhuo
dippanta-durāloā diviassa sadhūma-sihi-sihāvatta-ṇihā
sommattaṇaṃ ṇa pattā harisa-bharentī vi visaharassa va diṭṭhī
saraho vi dari-muhuggaa-paḍisadda-pphuḍia-malaa-aḍa-pabbhāraṃ
muñcaï visaaṃ ṇāaṃ malei aṅgaṃ ca rosa-visa-aṇṇāaṃ
aruṇāamba-cchāe takkhaṇa-metta-paḍivuddha-paṅkaa-sohe
phuraï ṇimaḍhassa vi phuḍaṃ diasassa muhammi diṇaaro vva amariso
viaḍāharantarālaṃ kaaṃ suseṇassa rosa-hasieṇa phuḍaṃ
uppāa-ruhira-ambaṃ majjha-pphuḍia-raï-maṇḍalaṃ miva vaaṇaṃ
harisa-pariambhieṇa a addhullasia-raï-bimba-amba-cchaviṇā
purao-huttārambho muheṇa divaso vva pāaḍo vāli-suo
ṇecchaï ṇivvūḍha-bharo lahuaṃ dappuddhaattaṇaṃ pavaṇa-suo
kaa-pesaṇassa sohaï dhīraṃ cia mahaï rakkhiuṃ vaaṇijjaṃ
ṇibbhacchioahi-ravaṃ phuḍiāhara-ṇivvaḍanta-dāḍhā-hīraṃ
hasaï kaï-dappa-pasamia-rosa-virajjanta-loaṇo suggīvo
ṇavari sumittā-taṇao āsaṅghanto gurussa ṇiaaṃ ca balaṃ
ṇa a cintei ṇa jampaï uahiṃ sadasāṇaṇaṃ taṇaṃ va gaṇento
rahuṇāhassa vi diṭṭhī vāṇara-vaïṇo phuranta-vidduma-ambaṃ
vaaṇaṃ vaaṇāhi calā kamalaṃ kamalāhi bhamara-panti vva gaā
to vaa-pariṇāmoṇaa-bhumaā-vali-rubbhamāṇa-diṭṭhi-cchoho
āsaṇṇa-dhavala-mihiā-parikkhalantosahi-ppaho vva mahiharo
kara-vāria-kaï-loo suggīva-viiṇṇa-bhāsuracchi-cchoho
jālāhaa-duma-ṇivaho phuliṅga-piṅgalia-mahiharo vva vaṇa-davo
jampaï ricchāhivaī uṇṇāmeūṇa mahi-aladdhanta-ṇihaṃ 5
khalia-vali-bhaṅga-dāvia-vitthaa-bahala-vaṇa-kandaraṃ vaccha-aḍaṃ
saggaṃ apārijāaṃ kotthuha-lacchi-rahiaṃ mahumahassa uraṃ
sumirāmi mahaṇa-purao a-muddha-andaṃ ca hara-aḍā pabbhāraṃ
mahumaha-hatthammi mae ṇakkhukkhuḍia-sarasaṃ mahāsura-hiaaṃ
diṭṭhā aṇudhāvantī akkhittaṃ ṇiaa-hattha-kamalaṃ va sirī
taṃ ca hiraṇṇakkhassa vi sumarāmi mahā-varāha-dāḍhā-bhiṇṇaṃ
mahi-maṇḍalaṃ va tuliaṃ ukkhaa-hiaa-giri-bandhaṇaṃ vaccha-aḍaṃ
dhīraṃ haraï visāo viṇaaṃ jovvaṇa-mao aṇaṅgo lajjaṃ
ekkanta-gahia-vakkho kiṃ sīsaü jaṃ ṭhavei vaa-pariṇāmo
aṇuhūa-muṇeavve vihaḍia-visamakkhare vi saṃghaḍiatthe
jovvaṇa-mūḍha-pahasie mā avamaṇṇaha jarā-pariṇaüllāve
tujjha bhuāsu ṇisaṇṇo hari-sattho pabbalo surāṇa vi samare
mārua-laddha-tthāmo ovaggaï mahi-rao vi tā diasaaraṃ
kiṃ uṇa duppariallā majjāāikkamuppaha-valijjantā
uahi vva sāra-garuā ghaḍiā vi visaṃghaḍanti kajjālāvā
paccakkhāhi parokkhaṃ kaha vi tulagga-ghaḍiāhi āgama-suddhaṃ
saṃcālia-ṇikkampaṃ aṇuhūāhi vi mahaṃ suaṃ cia garuaṃ
jaṃ sohenti samatthā sama-sāra-parakkamā ṇa taṃ ṇivvaḍiā
ekko paavejja daḍhaṃ miliā uṇa diṇaarā khaventi tihuaṇaṃ
ovaggaï ahimāṇaṃ paḍivakkhassa vi ṇa tārisaṃ dei bhaaṃ
amarisa-gahio vva saro viddāi abhāa-saṃdhio ucchāho
ṇea tume mottavvaṃ suṭṭhu vi turieṇa dhīra-patthiva-cariaṃ
turavantassa ravissa vi maüijjaï dakkhiṇāaṇammi paāo
kiṃ aïrāeṇa imā amagga-samara-suha-cintia-kahāhi kaā
paharisa-paṇāmia-muhī gotta-kkhalaṇa-vimaṇa vva de jaa-lacchī
mā rajjaha rahasa ccia candassa vi dāva kumua-vaṇa-ṇipphaṇṇo
dūraṃ ṇivvalia-guṇo ekka-rasassa kamalesu viddāi jaso
kiṃ appaṇā pariaṇo parassa o pariaṇeṇa de paḍivakkho
sohaï patthijjanto jiāhimāṇassa kiṃ jaammi vi gahaṇaṃ
haṇumantāisaeṇa haṇumanta-muhāṇa vāṇarāṇa a vaïṇā
dhīra aṇivvalia-jasaṃ kāavvaṃ kiṃ tume vi mārui-sarisaṃ
kaha tammi vi lāijjaï jammi aiṇṇa-pphalā adūra-pasariā
paḍiammi dume vva laā sa ccia aṇṇaṃ puṇo vilaggaï āṇā
hantuṃ vimaggamāṇo hantuṃ turiassa appaṇā dahavaaṇaṃ
kiṃ icchasi kāuṃ je pavaa-vaï piaṃ ti vippiaṃ rahuvaïṇo
ia ṇiamia-suggīvo rāmanteṇa valio piāmaha-taṇao
parimaṭṭha-meru-siharo sūrāhimuho vva palaa-dhūmuppīḍo
jampaï a kiraṇa-pamhala-phuranta-danta-ppahā-ṇihāotthaïaṃ
viṇaa-paṇaaṃ vahanto samuhāgaa-dhavala-kesara-saḍaṃ va muhaṃ
rakkhijjaï tellokkaṃ palaa-samudda-vihurā dharijjaï vasuhā
uaraddhanta-pahutte vimuhijjaï sāare tti vimhaaṇijjaṃ
dhaṇu-vāvārassa raṇe kuvia-kaanta-ṇimisantara-ṇihassa tuhaṃ
phuḍa-vijju-vilasiassa va ārambho ccia ṇa hoi kiṃ avasāṇaṃ
ṇivvubbhaï palaa-bharo tīraï valavā-muhāṇalo vi visahiuṃ
diṇṇaṃ jeṇea tume kaha kāhii sāaro tahiṃ cia dhīraṃ
to pāaḍa-dobballaṃ pamhaṭṭha-piā-paohara-ppharisa-suhaṃ
vacchaṃ tamāla-ṇīlaṃ puṇo puṇo vāma-kara-aleṇa malento
uahissa jaseṇa jasaṃ dhīraṃ dhīreṇa garuaāi garuaaṃ
rāmo vi thiīa ṭhiiṃ bhaṇaï raveṇa a ravaṃ samupphundanto
duttārammi samudde kaï-loe vimuhie mamammi visaṇṇe
hari-vaï tume ccia imā duvvojjhā vi avalambiā kajja-dhurā
dhīrāhi sāra-garuaṃ alaṅghaṇijjāhi sāsaa-jasujjoaṃ
ricchāhivāhi vaaṇaṃ raaṇaṃ raaṇāarāhi va samucchaliaṃ
jattha paramattha-garuā ṇa honti tumhārisā thira-vavaṭṭhambhā
mahihara-mukka vva mahī atthāaï tattha vittharā kajja-dhurā
paḍivatti-metta-sāraṃ kajjaṃ thoāvasesiaṃ māruiṇā
saṃpaï jo ccea uraṃ dei pavaṃgāṇa piaï so ccea jasaṃ
tā savve ccia samaaṃ duttāraṃ pi haṇumanta-suha-bolīṇaṃ
abbhatthemha surāsura-ṇivvūḍhabbhatthaṇāaraṃ maaraharaṃ
aha ṇikkāraṇa-gahiaṃ mae vi abbhatthio ṇa mocchihi dhīraṃ
tā pecchaha bolīṇaṃ vihuoahi-jantaṇaṃ thaleṇa kaï-balaṃ
jattha mahaṃ paḍiuttho vasihii aṇṇassa kaha tahiṃ cia roso
diṭṭhiṃ pāḍei jahiṃ diṭṭhi-viso taṃ puṇo ṇa pecchaï biio
tāva a sahasuppaṇṇā ṇavāavāliddha-kasaṇa-mihiāambā
maüla-ppahāṇuviddhā āḍhattā dīsiuṃ ṇisiara-cchāā
to gamaṇa-vea-mārua-muhala-paḍaddhanta-ṇaha-ṇirāia-jalae
pecchanti ravi-arantara-gholāvia-pihula-vijjule raaṇiare
to ṇaha-alāvaḍante palaüppāa vva ṇisiare ahileuṃ
uṇṇāmia-giri-siharaṃ caliaṃ mahi-maṇḍalaṃ va vāṇara-seṇṇaṃ
osumbhanta-jalaharaṃ visama-ṭṭhia-pavaa-bala-valantāloaṃ
dīsaï bhamanta-vihaḍaṃ thāṇa-pphiḍia-siḍhilaṃ paḍantaṃ va ṇahaṃ
ṇavari a laṅkā-diṭṭho diṭṭha-sahāo vihīsaṇo māruiṇā
ṇiameūṇa kaï-balaṃ bīodanto vva rāhavassa uvaṇio
calaṇoṇaa-ṇihuassa a māṇeṇa va kara-aleṇa se rahuvaïṇā
uṇṇāmiaṃ ṇaṇu siraṃ jāaṃ rakkhasa-ulāhi dūrabbhahiaṃ
vavasia-ṇiveiattho so mārui-laddha-paccaāgaa-harisaṃ
suggīveṇa ura-tthala-vaṇa-mālā-malia-mahuaraṃ uvaūḍho
to jampaï rahu-taṇao samaaṃ dasasu vi disā-muhesu kiranto
paaï-sukaassa dhavalaṃ ṇīsandaṃ va hiaassa dantujjoaṃ
ṭhāṇaṃ davaggi-bhīā vaṇammi vaṇa-hatthiṇi vva parimaggantī
pecchaha laddhāsāā mottuṃ rakkhasa-ulaṃ ṇa icchaï lacchī
ṇajjaï vihīsaṇa tuhaṃ somma-sahāva-parivaḍḍhiaṃ viṇṇāṇaṃ
diṭṭhi-visehi va amaaṃ uahissa ṇisāarehi vi aviddaviaṃ
suddha-sahāveṇa phuḍaṃ phuranta-pajjatta-guṇa-maūheṇa tume
candeṇa va ṇiaa-mao kaluso vi pasāhio ṇisāara-vaṃso
kaha ira sa-kajja-kusalā kajja-gaïṃ maï-guṇehi avalambantā
kula-māṇa-vavaṭṭhambhā ṇa honti rāa-siri-bhāaṇaṃ sappurisā
laddhāsāeṇa ciraṃ sura-bandi-pariggahe ṇisāara-vaïṇā
sīā rakkhasa-vasahiṃ diṭṭhi-visa-haraṃ visosahi vva uvaṇiā
phiḍiā sura-saṃkhohā bandi-aṇakkandiaṃ gaaṃ pariṇāmaṃ
jāā dahamuha-gahiā tihuvaṇa-ḍimbassa jāṇaī avasāṇaṃ
aha ṇaaṇesu paharisaṃ kaṇṇesu pavaṃga-vaḍḍhiaṃ jaa-saddaṃ
sīsammi a ahiseaṃ palhatthaï a hiaammi se aṇurāaṃ
ia siri-pavaraseṇa-viraïe dahamuhavahe mahākavve caüttho āsāsao
pañcamo āsāsao
aha jalaṇihimmi ahiaṃ maaṇe a miaṅka-daṃsaṇa-viambhante
viraha-vihurassa ṇajjaï ṇisā vi rāmassa vaḍḍhiuṃ āḍhattā
uia-miaṅkaṃ ca ṇahaṃ ṇiama-ṭṭhia-rāhavaṃ ca sāara-puliṇaṃ
ṇenti paraṃ parivaḍḍhiṃ āliṅgia-candimaṃ mahoahi-salilaṃ
to se vioa-sulahā ṇiama-viiṇṇa-hiaa-kkhivaṇa-soḍīrā
khaürenti dhii-ggahaṇaṃ jāaṃ jāaṃ visūraṇā-vikkhevā
kāhii piaṃ samuddo galihii candāavo samappihii ṇisā
avi ṇāma dharejja piā o ṇe virahejja jīviaṃ ti visaṇṇo
ṇindaï miaṅka-kiraṇe khijjaï kusumāuhe juucchaï raaṇiṃ
jhīṇo vi ṇavara jhijjaï jīvejja pietti māruiṃ pucchanto
etto vasaï tti disā eṇaṃ sā ṇūṇa ṇindaï tti miaṅko
ettha ṇisaṇṇetti mahī eeṇa ṇia tti se ṇahaṃ pi bahu-maaṃ
dhīreṇa ṇisā-āmā hiaeṇa samaṃ aṇiṭṭhiā uvaesā
ucchāheṇa saha bhuā bāheṇa samaṃ galanti se ullāvā
dhīretti saṃṭhavijjaï mucchijjaï maaṇa-pelavetti gaṇento
dharaï pia tti dharijjaï vioa-taṇuetti āmuaï aṅgāiṃ
ubbhaḍa-hariṇa-kalaṅko malaa-laā-pallavuvvamanta-maūho
aruṇāhaa-vicchāo jāo suha-daṃsaṇo ṇavara tassa sasī
jaha jaha ṇisā samappaï taha taha vevira-taraṅga-paḍimā-vaḍiaṃ
kiṃkāavva-vimūḍhaṃ ghoḍaï hiaaṃ va uahiṇo sasi-bimbaṃ
ṇavari a malaa-guhā-muha-bhariuvvaria-phuḍa-ṇīharanta-paḍiravaṃ
pavaṇeṇa uahi-salilaṃ pahāa-tūraṃ va āhaaṃ rahuvaïṇo
haṃsa-ula-sadda-muhalaṃ ugghāḍijjanta-dasa-disā-vitthāraṃ
osaria-timira-salilaṃ jāaṃ puliṇaṃ va pāaḍaṃ diasa-muhaṃ
aha gamia-ṇisā-samaaṃ gambhīrattaṇa-daḍha-ṭṭhiammi samudde
roso rāhava-vaaṇaṃ uppāo canda-maṇḍalaṃ va vilaggo
to se tamāla-ṇīlaṃ ṇiḍāla-vaṭṭaṃ paloṭṭa-sea-jala-lavaṃ
bhiuḍī thira-vitthiṇṇaṃ kaḍaaṃ viñjhassa visa-laa vva vilaggā
aha jaṇia-bhiuḍi-bhaṅgaṃ jāaṃ dhaṇu-hutta-valia-loaṇa-jualaṃ
amarisa-viiṇṇa-kampaṃ siḍhila-jaḍā-bhāra-bandhaṇaṃ tassa muhaṃ
paṇaa-paḍibhaṅga-vimaṇo thoa-tthoa-paḍivaḍḍhiāmarisa-raso
taha sommo vi rahu-suo jāo palaa-raï-maṇḍala-durāloo
to sāhasa-ṇimmāṇaṃ amitta-dīsanta-lacchi-saṃkea-haraṃ
saṃṭhia-rosālāṇaṃ geṇhaï bhua-dappa-bīa-lakkhaṃ cāvaṃ
akkanta-dhaṇu-bharoṇaa-dharaṇi-ala-tthala-paloṭṭa-jala-pabbhāro
thoaṃ pi aṇārūḍhe uahī cāvammi saṃsaaṃ ārūḍho
dhūmāi dhūma-kaluse jalaï jalantāruhanta-jīā-bandhe
paḍirava-paḍiuṇṇa-disaṃ rasaï rasanta-sihare dhaṇummi ṇaha-alaṃ
bhijjaü mahi tti va phuḍaṃ ṇatthi samuddo tti dāruṇaṃ va païṇṇaṃ
ṇāsaü jaaṃ ti va maṇe ciraṃ tuleūṇa vilaïaṃ ṇeṇa dhaṇuṃ
to cira-vioa-taṇuo saï-bāhomaṭṭha-maüa-jīāghāo
jāo aṇṇo ccia se vilaïa-dhaṇu-metta-vāvaḍo vāma-bhuo
aha vāma-bhuapphālaṇa-paḍirava-paḍiuṇṇa-dasa-disā-vitthāraṃ
saṃbharaï jāa-saṅkaṃ palaa-ghaṇabbhahia-pellaṇaṃ tellokkaṃ
geṇhaï a so aṇāara-paraṃmuha-pasāriagga-hatthāvaḍiaṃ
khaa-sūra-maūhāṇa va ekkaṃ uahi-parivattaṇa-sahaṃ bāṇaṃ
to saṃdhanteṇa saraṃ rasantarolugga-bhiuḍi-bhaṅgeṇa ciraṃ
ṇīsasiūṇa pulaïo aṇuampā-dūmiāṇaṇeṇa samuddo
aha kaḍḍhiuṃ paütto ṇikkampa-ṇirāa-diṭṭhi-saccavia-saraṃ
valia-bhua-ruddha-majjhaṃ daḍha-ṇippīḍia-guṇaṃ dhaṇuṃ rahuṇāho
sara-muha-visama-pphaliā ṇamanta-dhaṇu-koḍi-vipphuranta-cchāā
ṇajjaï kaḍḍhijjantā jīā-sadda-gahiraṃ rasanti ravi-arā
phuḍa-jīā-rava-muhalaṃ tajjeï va bāṇa-muha-jalantaggi-sihaṃ
jalaṇihi-vaha-paḍiuddhaṃ āaṇṇāaḍḍhiaṃ viambhaï va dhaṇuṃ
khuhia-jala-siṭṭha-sāro muha-ṇiddhāvia-pasāriukkā-ṇivaho
āaḍḍhijjanto ccia ṇajjaï paḍio tti sāare rāma-saro
dhua-vijju-piṅgalāiṃ sara-muha-ṇiggiṇṇa-huavaha-palittāiṃ
uppāa-loaṇāi va phuṭṭanti disā-muhāṇa ghaṇa-bindāiṃ
to bhua-rahasāaḍḍhia-dhaṇu-vaṭṭha-pphulia-bahala-dhūmuppīḍaṃ
muaï muha-ṇiggaāṇala-sihā-samolugga-sūra-kiraṇaṃ bāṇaṃ
so jaliūṇa ṇaha-ale saliladdhatthamia-huavahāamba-muho
paḍhamoiṇṇa-diṇaaro dīho diaho vva sāarammi ṇivaḍio
gaaṇe vijju-ṇihāo khaanta-kālāṇalo samudducchaṅge
mahi-ampo pāāle hoi paḍanta-paḍia-ṭṭhio rāma-saro
tassa a maggālaggā aïnti ṇiddhūma-jalaṇa-amba-cchāā
uahiṃ bāṇa-ṇihāā addhatthamiassa diṇaarassa va kiraṇā
ṇavari a sara-ṇibbhiṇṇo valaā-muha-vihua-kesara-saḍugghāo
uddhāio rasanto vīsattha-pasutta-kesari vva samuddo
dūrāiddha-ṇiatte samuhāgaa-bahala-sara-ṇihāa-kkhuḍie
dohāijjaï va ṇahaṃ ṭaṅka-cchea-rahasuṭṭhiammi samudde
raaṇāara-para-bhāe majjha-cchiṇṇammi bāṇa-ghāukkhitte
ṇivaḍaï bīaddhanto phuḍiosario vva malaa-aḍa-pabbhāro
bhiṇṇa-giri-dhāu-ambā visama-cchiṇṇa-ppavanta-mahihara-vakkhā
khubbhanti khuhia-maarā āvāāla-gahirā samudduddesā
āamba-ravi-arāhaa-dara-vihaḍia-dhavala-kamala-maüla-cchāaṃ
bhamaï sara-pūria-muhaṃ ugghāḍia-paṇḍuroaraṃ saṅkha-ulaṃ
vevanti vihua-macchā sara-ghāukkhuḍia-maara-dāḍhā-dhavalā
maṇi-bhara-visamoṇāmia-lua-visahara-gholira-pphaṇā jala-ṇivahā
phuṭṭanta-vidduma-vaṇaṃ saṃkhohuvvatta-ṇinta-raaṇa-maūhaṃ
gholaï velāvaḍiaṃ pheṇa-ṇihucchalia-mottiaṃ uvahi-jalaṃ
jala-pabbāḍia-mukkā khaṇa-metta-tthaïa-pāaḍia-vitthārā
honti pasaṇṇa-kkhuhiā mūallaïa-muhalā samuddāvattā
valamāṇuvvattanto ekkaṃ cira-āla-pīḍiaṃ siḍhilento
bīeṇa va pāāle pāseṇa ṇisammiuṃ paütto uvahī
sara-vea-galatthallia-suvela-rubbhanta-sāaraddha-tthaïaṃ
osaria-dāhiṇa-disaṃ dīsaï ukkhaṇḍiekka-pāsaṃ va ṇahaṃ
āi-varāheṇa vi je addiṭṭhā mandareṇa vi aṇāliddhā
khuhiā te vi bhaaarā āvāāla-gahirā samudduddesā
ekkekkammi valanto bāṇa-ppahara-vivare ṇaha-ṇirālambe
khaa-kālāṇala-bhīo paḍaï rasanto rasāale vva samuddo
dīsanti diṭṭha-mahaṇā puṭṭhi-paḍiṭṭhia-paloṭṭa-mandara-siharā
āsāiāmaa-rasā bāṇa-daḍha-ppahara-mucchiā timi-macchā
ukkhitta-mahāvattā dara-daḍḍha-vivaṇṇa-vidduma-raa-kkhaürā
āvāāla-valantā dīsanti mahā-bhuaṃga-ṇīsāsa-vahā
vevaï pemma-ṇialiaṃ sara-saṃdaṭṭa-dhaṇiovaūhaṇa-suhiaṃ
jīeṇa ekkamekkaṃ parirakkhanta-valiaṃ bhuaṃgama-mihuṇaṃ
moḍia-vidduma-viḍavā dhāvanti jalammi maṇi-ṇihaṃsaṇa-ṇisiā
sippi-uḍa-majjha-ṇiggaa-muha-lagga-tthora-muttiā rāma-sarā
visa-veo vva pasario jaṃ jaṃ ahilei bahala-dhūmuppīḍo
kajjalaïjjaï taṃ taṃ ruhiraṃ va mahoahissa vidduma-veḍhaṃ
khuhia-samudduppaïā bāṇukkitta-paḍiekka-vitthaa-vakkhā
visama-bharoṇaa-siharā ṇahaddha-vantha-valiā paḍanti mahiharā
chiṇṇa-vivaïṇṇa-bhoā kaṇṭha-paḍiṭṭhavia-jīviāgaa-rosā
diṭṭhīhi bāṇa-ṇivahe ḍahiūṇa muanti jīviāi bhuaṃgā
āūrei rasanto ukkhaḍia-bhuaṃga-bhoa-pabbhārāiṃ
sara-muha-galatthaṇukkhaa-sela-ṭṭhāṇa-vivaroarāi huavaho
bhiṇṇuvvūḍha-jalaarā dara-diṇṇa-mahā-taraṅga-giri-aḍa-ghāā
chiṇṇa-paḍiuddha-viddhā phuḍanti māaṅga-maara-danta-pphaḍihā
jālāloa-vimuhiaṃ salila-taraṅga-parisakkaṇa-parikkhaliaṃ
pariharaï vidduma-vaṇaṃ dhūmāhaa-amba-loaṇaṃ mīṇa-ulaṃ
uvvattoara-dhavalā dara-ṇiggaha-ḍaḍḍha-jamala-jīhā-ṇivahā
saṃdhenti uppaantā thora-taraṃga-viaḍantarāi bhuaṃgā
dīsanti daruttiṇṇā huāsaṇuttatta-vāa-maa-ṇīsandā
pakkaggāha-ṇahaṅkusa-visama-samukkatta-matthaā kari-maarā
gholaï gaoṇiattaṃ visama-ṭṭhia-maṇi-silā-ala-paloṭṭantaṃ
jhijjanta-salila-vihalaṃ velā-puliṇa-gamaṇūsuaṃ saṅkha-ulaṃ
mukka-samudducchaṅgā pakkha-kkhevehi saṃbhama-samuppaïā
abbhuttenti mahiharā ekkakkama-sihara-saṃṭhiaṃ mihi-ṇivahaṃ
vihaluvvatta-bhuaṃgā chiṇṇa-mahāsura-siruppaaṇa-gambhīrā
mūlutthaṅghia-raaṇā ṇenti rasantā rasāala-jaluppīḍā
bāṇa-ṇihāucchittā huavaha-jālāhaüppavanta-ppheṇā
aṭṭanti ṇaha-ale ccia mārua-bhiṇṇa-lahuā salila-kallolā
ṇivvūḍha-visa-tthavaā bhoāaḍḍhaṇa-galanta-gamaṇucchāhā
tuṅga-taraṃga-kkhaliā visamuvvattoarā valanti bhuaṃgā
vevanti ṇiṇṇaāṇaṃ sara-ṇivaha-cchiṇṇa-saṅkha-vihaḍia-valaā
hattha vva uahi-ṇimiā mukka-ravakkanda-ṇivaḍiāṇa taraṃgā
huavaha-bharia-ṇiambā jalaara-saṃdaṭṭa-vakkha-uḍa-pabbhārā
cira-saṃṇiroha-masiṇā dukkheṇa ṇahaṃ samuppaanti mahiharā
jalaï jalanta-jalaaraṃ bhamaï bhamanta-maṇi-vidduma-laā-jālaṃ
rasaï rasantāvattaṃ bhijjaï bhijjanta-pavvaaṃ uahi-jalaṃ
āvatta-vivara-bhamiro malaa-maṇi-silā-ala-kkhalia-saṃcāro
gholira-taraṃga-visamo jaha dīsaï sāaro tahea huavaho
rahasa-palittucchalio je ccia paḍivei malaa-vaṇa-vitthāre
vijjhāa-ṇiattanto te ccea puṇo vi vijjhavei samuddo
utthambhia-maaraharo maara-vasāmisa-visaṅkhala-sihā-ṇivaho
ṇivaha-ṇisuddha-mahiharo mahihara-kūḍa-viaḍo viambhaï jalaṇo
jalaṇutthaṅghia-mūlā bāṇukkhitta-paḍiattaṇa-ṇisumbhantā
ṇivaḍanti jaluppīḍā paḍilomāgaa-paḍanta-viaḍāvattā
dhūmāi jalaï vihaḍaï ṭhāṇaṃ siḍhilei malaï malaücchaṅgaṃ
dhīrassa paḍhama-iṇhaṃ taha vi hu raaṇāaro ṇa bhañjaï pasaraṃ
bhuaïnda-loaṇāṇaṃ phuṭṭantāṇa a timīṇa sāara-majjhe
saṃvatta-jalaharāṇa va rāma-sarāṇala-haāṇa ṇīharaï rao
muha-puñjiaggi-ṇivahā dhūma-sihā-ṇiha-ṇirāa-aḍḍhia-salilā
ṇivaḍanti ṇahukkhittā palaükkā-daṇḍa-saṃṇihā ṇaï-sottā
aṭṭanta-salila-ṇivaho thoa-tthoa-paḍimukka-puliṇucchaṅgo
dīsaï osakkanto maggāhutto paaṃ paaṃ va samuddo
jalaṇa-ṇivahammi salilaṃ sāṇala-ṇivahucchalanta-salilammi ṇahaṃ
salila-ṇivahotthaammi a atthāaï ṇaha-ale dasa-disā-akkaṃ
sihiṇā paavijjante āaṭṭantammi vitthae jala-ṇivahe
jāā gimha-vilambia-ravi-raha-cakka-masiṇā samuddāvattā
ṇivvaḍia-dhūma-ṇivaho uddhāia-maragaa-ppahā-milia-siho
vitthiṇṇammi samudde seālomaïlio vva gholaï jalaṇo
jalaï valavāṇalo via phuṭṭaï selo vva rāma-bāṇāhihao
rasaï jalao vva uahī khuhio laṅghei māruo vva ṇaha-alaṃ
hoi thimiammi thimio valaï valantammi vihaḍaï visaṃghaḍie
parivaḍḍhiammi vaḍḍhaï salile jhīṇammi ṇavara jhijjaï jalaṇo
rāma-sarāṇala-paavia-jhijjantoahi-vihatta-taḍa-viccheā
te ccia taha-vitthārā tuṅgā dīsanti dīva-maṇḍali-bandhā
ia dāvia-pāālaṃ jalaṇa-sihāvaṭṭamāṇa-jala-saṃghāaṃ
rāmo dalia-mahiharaṃ khavia-bhuaṃga-ṇivahaṃ khavei samuddaṃ
jala-pabbhāra-paloṭṭia- bhamanta-saṅkha-ula-vihala-mukkakkandaṃ
phuḍia-vaḍavā-muhāṇala-palitta-dara-daḍḍha-saṃcaranta-visaharaṃ
jhijjanta-jalāloia-kiraṇa-muṇijjanta-raaṇa-pavvaa-siharaṃ 5
thora-taraṃga-karāhaa-disā-laā-bhagga-paḍia-jalahara-viḍavaṃ
sāṇala-sara-ṇiddāria-sakesarujjalia-sīha-maara-kkhandaṃ
āsaṇṇa-bhīa-visahara-veḍhia-kari-maara-dhavala-danta-pphalihaṃ
dhua-pavvaa-sihara-paḍanta-maṇi-silā-bhagga-vidduma-laāveḍhaṃ
dara-ḍaḍḍha-visaharujjhia-visa-paṅka-kkhutta-vihala-kari-maara-ulaṃ 10
rundāvatta-paholira-velāvaḍiekkamekka-bhiṇṇa-mahiharaṃ
ṇaha-aru-vilagga-vevira-dhūma-laā-visama-laṅghia-disā-ālaṃ
pakkha-parirakkhaṇuṭṭhia-sara-ṇivahāhaa-disā-païṇṇa-mahiharaṃ
phuḍia-jala-majjha-ṇiggaa-phuḍa-raaṇujjoa-saṃdhiubbhaḍa-vivaraṃ
huavaha-paḍitta-ṇūmia-ṇia-ṇaaṇumhā-visaṃṭhula-maha-ggāhaṃ 15
parivaḍḍhiekkamekkāṇurāa-sara-pahara-ṇivvalia-saṅkha-ulaṃ
ia pañcamo āsāsao parisamatto
chaṭṭhao āsāsao
aha ṇiggao jalantaṃ dara-ḍaḍḍha-mahā-bhuaṃga-pāava-ṇivahaṃ
mottūṇa dhūma-bhariaṃ pāāla-vaṇaṃ disā-gao vva samuddo
mandara-daḍha-parimaṭṭhaṃ palaa-viambhia-varāha-dāḍhullihiaṃ
visamaṃ samuvvahanto rāma-sarāghāa-dūmiaṃ vaccha-aḍaṃ
gambhīra-vaṇāhoe dīhe deha-sarise bhue vahamāṇo 5
ahiṇava-candaṇa-gandhe aṇahukkhitte vva malaa-sariā-sotte
lahuia-kotthuha-virahaṃ mandara-giri-mahaṇa-saṃbhame vi amukkaṃ
tārekkāvali-raaṇaṃ sasi-maïrāmaa-sahoaraṃ vahamāṇo
garuaṃ uvvahamāṇo hattha-ppharisa-paḍisiddha-vaṇa-veallaṃ
ruhirāruṇa-romañcaṃ khalanta-gaṅgāvalambiaṃ vāma-bhuaṃ 10
ālīṇo a rahuvaïṃ ṇiaa-cchāāṇulitta-malaa-maṇi-silaṃ
saṃsia-suhoaïvvaṃ dumaṃ laāe vva jāṇaīa virahiaṃ
sara-ghāa-ruhira-kusumo tivahaa-vallī-piṇaddha-maṇi-raaṇa-phalo
rāma-caraṇesu uahī daḍha-pavaṇāiddha-pāao vva ṇivaḍio
pacchā a hittha-hiaā jatto ccia ṇiggaā vivalhattha-muhī
hari-caraṇammi tahiṃ cia kamalāambammi tivahaā vi ṇivaḍiā
aha maüaṃ pi bhara-sahaṃ jampaï thoaṃ pi attha-sārabbhahiaṃ
paṇaaṃ pi dhīra-garuaṃ thui-saṃbaddhaṃ pi aṇaliaṃ salilaṇihī
duttārattaṇa-garuiṃ thira-dhīra-pariggahaṃ tume ccia ṭhaviaṃ
aṇuvālanteṇa thiiṃ piaṃ ti tuha vippiaṃ mae kaha vi kaaṃ
viasanta-raa-kkhaüraṃ maaranda-rasuddhumāa-muhala-mahuaraṃ
uduṇā dumāṇa dijjaï hīraï ṇa uṇo tamappaṇa ccia kusumaṃ
kiṃ pamhaṭṭha mhi ahaṃ tuha calaṇuppaṇṇa-tivahaā-paḍiuṇṇaṃ
khaa-kālāṇala-khaviaṃ dharaṇi-aluddharaṇa-viluliaṃ appāṇaṃ
calaṇehi muha-virohe dāḍhāghāehi dharaṇi-veḍhuddharaṇe
soa-kilinteṇa tume iṇhiṃ dahamuha-vahe sarehi vilulio
ṇiaāvatthāhi vi me eaṃ dhīreṇa vippiaṃ dhīra kaaṃ
jaṃ ṇeṇa paaï-sommā kaha vi visaṃvāiā tuha muha-cchāā
eaṃ tuha eārisa-sura-kajja-sahassa-khea-vīsāma-sahaṃ
jaa-pabbālaṇa-joggaṃ parirakkhasu palaa-rakkhiaṃ jala-ṇivahaṃ
apariṭṭhia-mūla-alaṃ jatto gammaï tahiṃ dalanta-mahi-alaṃ
ṇa hu salila-ṇibbharaṃ cia khavie vi mamammi duggamaṃ pāālaṃ
taṃ kālassa ṇisammaü kaha vi darukkitta-dasama-kaṇṭha-kkhaliaṃ
ghaḍia-giri-seu-bandhaṃ cira-ālāuñciaṃ dahamuhammi paaṃ
aha jaa-dupparialle dahamuha-kuvieṇa pavaa-vaï-paccakkhaṃ
rahuṇāheṇa samudde vālimmi va bāṇa-ṇiamiammi pasante
pavaāhivaï-viiṇṇā rāmāṇattī pavaṃgamesu vilaggā
sesa-pphaṇa-vicchūḍhā tihuaṇa-sāra-garuī mahi vva bhuaṃge
to harisa-paḍhama-tulie caliā phuṭṭanta-pamha-visamūsasie
veukkhaa-sīmante pavaā dhuṇiūṇa kesara-saḍugghāe
pavaa-kkhohia-mahi-ala-dhua-malaa-paḍanta-sihara-mukka-kalaalo
uddhāio aṇāgaa-ghaḍanta-dharaṇihara-saṃkamo vva samuddo
kampaï mahenda-selo hari-saṃkhoheṇa dalaï meiṇi-veḍhaṃ
saï-duddiṇa-taṇṇāo ṇavara ṇa uddhāi malaa-vaṇa-kusuma-rao
to saṃcālia-selaṃ kaha vi tulaggeṇa sama-ghaḍanta-kkampaṃ
dūraṃ pavaṃgama-balaṃ ṇaha-muha-lagga-vasuhaṃ ṇahaṃ uppaïaṃ
uppaaṇoṇaa-mahi-ala-ṇaï-muha-paḍisotta-patthio salilaṇihī
jala-ṇivahāhaa-siḍhile pavaücchevaṇa-sahe karei mahihare
phuramāṇa-jalaṇa-piṅgala-ṇirantaruppaïa-pavaa-pellijjanto
jatto dīsaï tatto ṇajjaï dhīma-ṇivaho tti gaaṇuddeso
dīsaï dūruppaïaṃ uahimmi ahomuhosaranta-cchāaṃ
pāālaṃ va aïntaṃ dharaṇiharuddharaṇa-kaṅkhiaṃ kaï-seṇṇaṃ
addiṭṭha-disā-ṇivahaṃ jāaṃ pavaa-bala-saṃṇiruddhāloaṃ
vicchiṇṇāava-kasaṇaṃ diasa-muhe vi diasāvasāṇe vva ṇahaṃ
ovaïā a sarahasaṃ taṃsa-ṭṭhia-puṭṭhi-ṇīsaranta-ravi-arā
selesu mukka-kalaala-paḍirava-bharia-kuharoaresu pavaṃgā
veovaïāṇa a siṃ jāaṃ dalia-mahi-saṃdhi-bandhaṇa-mukkaṃ
ukkhalia-tuleavvaṃ kaha vi bhuaṃga-dharia-ṭṭhiaṃ giri-ālaṃ
āḍhattā a tuleuṃ ura-paḍia-visaṭṭa-gaṇḍa-seladdhante
kuvia-maïndovaggia-saṃkhoha-pphiḍia-vaṇa-gae dharaṇihare
vacchutthaṅghia-kaḍaā to te kaḍaa-paḍiaṭṭalia-vaccha-aḍā
selesu sela-garuā pavaā pavaesu mahiharā a pahuttā
pavaa-bhua-ṇolliāṇia-mahihara-paḍipellaṇoṇaüṇṇaa-visamā
jāā paloṭṭioahi-vāraṃ-vāra-bhariā mahi-aladdhantā
visahia-vajja-ppaharā ukkhammanti khaa-mārua-paḍikkhambhā
agaṇia-varāha-ṇihasā palaa-jalutthaṅgha-pabbalā dharaṇiharā
jalaovaṭṭha-vimukkā aṇantaroiṇṇa-saraa-vanthāvaḍiā
ekka-kkhevuggāhia-dara-vasuāa-visaā visaṭṭanti girī
vihuṇanti vihuvvantā valenti selā pavaṃgama-valijjantā
ṇāmenti ṇamijjantā ukkhippantā a ukkhiventi mahi-alaṃ
dalia-mahi-veḍha-siḍhilā mūlālagga-bhuaïnda-kaḍḍhijjantā
saṃcālijjanta ccia aïnti garuā rasāalaṃ dharaṇiharā
ṇava-pallava-sacchāā jalaoara-sisira-mārua-viijjantā
vāanti takkhaṇukkhaa-hari-hatthukkhitta-bhembhalā malaa-dumā
kampijjanta-dharāhara-sihara-samāiḍḍha-jalahara-raüppitthā
gaa-suha-vatta-ṇisaṇṇā vevaï haṃsī sahassavatta-ṇisaṇṇā
pavaovaūḍha-kaḍḍhia-selabbhantara-bhamanta-visama-kkhaliā
gahiraṃ rasanti vitthaa-vaccha-tthala-ruddha-ṇiggamā ṇaï-sottā
addhukkhitta-pasiḍhile addha-vaha-bhuaṃga-kaḍḍhiaddhatthamie
ummūlenti rasāala-paṅka-kkhutta-sariā-muhe dharaṇihare
uvvellaï va ṇirāaṃ pāsallantesu sihara-paḍimuccantaṃ
ukkhippantesu puṇo saṃvellijjaï va mahiharesu ṇaha-alaṃ
ummūlenti pavaṃgā bhua-siharāruhaṇa-ṇiccala-pariggahie
kaḍaāvaḍaṇutthaṅghia-visama-vivatta-vivaraṃ-muhā dharaṇihare
hari-bhua-kaḍḍhia-mukkā bhuaṃga-daḍha-veḍhaṇāvalambaṇa-dhariā
bhijjantā vi mahi-ale oallanti ṇa paḍanti candaṇa-viḍavā
paḍisamaï ṇaha-ṇibaddho cireṇa bhariabbha-ṇāa-gambhīraaro
hari-bhua-vikkama-pisuṇo aaṇḍa-bhajjanta-dharaṇihara-ṇigghoso
pāsallanti mahiharā jatto-huttā pavaṃgama-bhua-kkhittā
dhuvvanta-dhāu-ambā tatto-huttā valanti sariā-sottā
dīsanti pavaa-valiā āvattesu va mahoahissa valantā
sariāṇa ghaḍia-patthia-valanta-salila-valaantaresu mahiharā
maaranda-garua-vakkhaṃ pāsoallanta-vaṇa-laā-vicchūḍhaṃ
ṇa muaï kusuma-ggocchaṃ āsāia-mahu-rasaṃ pi mahuara-mihuṇaṃ
uppua-surahi-gandha-maaranda-rañjiāiṃ
ṭhia-parilenta-bhamira-bhamaroarañjiāiṃ
kamala-vaṇāi sūra-parimāsa-viasiāiṃ
ucchalie sarāṇa salilammi via-siāiṃ
daḍha-saṃdāṇia-mūlā valanti vāṇara-bhuāvalambia-siharā
rosuppittha-bhuaṃgama-visamuddha-phaṇā-paṇolliā dharaṇiharā
sariā saranta-pavahā aṇṇoṇṇa-mahā-ṇaï-ppavaha-palhatthā
khohia-paṅka-kkhaürā valanta-sela-valiā muhuttaṃ vūḍhā
kaḍḍhijjanti samantā visamuvvattanta-dhavala-kasaṇa-cchāā
mahihara-mūlālaggā rasāaladdha-paḍigholirā bhuaïndā
galaï sarasaṃ pi kusumaṃ vāi aṇāliddha-bandhaṇaṃ pi kisalaaṃ
rahasummūlia-mahihara-bhaa-vivalāa-vaṇa-devaāṇa laāṇaṃ
ukkhippanti jaṃ disāsuṃ dharā samattā
teṇa khaṇeṇa ṇajjaï vasuṃdharā samattā
kīraï mahiharehi gaaṇaṃ di-sāla-āṇaṃ
vaḍḍhaï jalaa-sihara-paüṇaṃ disā-laāṇaṃ
ekkakkeṇa a selaṃ kara-ala-juala-dhariaṃ tulanteṇa kaaṃ
addhatthamiaṃ ca ṇahaṃ addhugghāḍia-rasāalaṃ ca mahi-alaṃ
sela-ṇiambālaggā pavirala-ṇaï-magga-pāaḍa-taḍa-ccheā
bhuaïnda-pphaṇa-dhariā ṇahaṃ vilagganti meiṇi-aladdhantā
dharaṇihareṇa a caliaṃ calia-kandareṇaṃ
phuṭṭaï gaa-ulaṃ aṇāliddha-kaṃ dareṇaṃ
giri-siharāi sarasa-hariāla-vaṅkiāiṃ
sama-visamaṃ ṇamanti hari-āla-vaṅkiāiṃ
pāava-siharuttiṇṇo malaa-vaṇa-pavitta-pavaṇa-raa-vitthario
saṃjhā-rāo vva ṇahaṃ apphundaï malia-ravi-araṃ kusuma-rao
kaḍḍhia-mūla-ṇirantara-rasāalukkhitta-salila-kaddama-ghaḍiā
vaḍḍhanti tti muṇijjaï ṇajjaï ṇa muanti mahi-alaṃ ti mahiharā
siharāi ṇiāi ṇahaṃ mahinda-laddhāiṃ
malaassa a aïṇiāi mahiṃ daladdhāiṃ
viñjha-ṇiambāṇa kaī dappuṇṇāmāṇaṃ
sajjha-aḍāṇa a bhariā dhua-puṇṇāmāṇaṃ
siharāṇa bhua-sirehiṃ kaḍaāṇa a māviaṃ urehi pamāṇaṃ
vaṇa-vivarehi darīṇaṃ tuliā pavaāṇa agga-hatthehi girī
paḍisanta-kaṇṇa-ālaṃ ovatta-muhaṃ pasāriolugga-karaṃ
jhāï ṇu soa-ṇimillaṃ vīsamaï ṇu bhamia-ṇīsahaṃ hatthi-ulaṃ
pāavā a pāsalla-sela-visamāṇiā
cuṇṇiā dalijjanta-daluvvi-samāṇiā
jalaharā a vihaḍanta-mahinda-ravāviā
vaṇa-laā a gholanti mahiṃ dara-vāviā
ṭuṭṭantā vi sasaddaṃ pavaa-bhua-kkheva-mūla-valiaddhantā
bhuaehi bhoa-bhārā sela-bharaṅkusaïa-pphaṇehi ṇa ṇāā
dara-dāvia-pāālaṃ dara ukkhitta-vihalosaranta-bhuaṃgaṃ
dīsaï hīrantaṃ miva kaīhi dara-tulia-mahiharaṃ mahi-veḍhaṃ
mīṇa-ulāi avi a siḍhilenti jīviaṃ ṇa a ṇadī harāiṃ
viasante muanti dharaṇihara-saṃbhame ṇaaṇa-dīharāiṃ
mahisa-ulāṇa maṇi-silā-velliāṇa vaṇa-candaṇāsiāṇaṃ
avaseso vi ṇatthi timiruggamāṇa jaha canda-ṇāsiāṇaṃ
addhe addha-pphuḍiā addhe addha-kaḍaükkhaa-silā-veḍhā
pavaa-bhuāhaa-visaḍhā addhe addha-siharā paḍanti mahiharā
jassa siharaṃ vivajjaï paḍiaṃ phuḍio a jo dharijjaï selo
so ccea visajjijjaï ukkhantūṇa vi apūramāṇammi bhare
loaṇa-vattantarie kaṇe ruantīo
dhārenti bāhamaïe kaṇeru-antīo
maṇṇenti a āsāaṃ visaṃ ṇava-aṇassa
virahammi jūha-vaïṇo visaṇṇa-vaaṇassa
seluddharaṇārosia-bhuaïnda-ṇirāaa-pphaṇa-ṇisammantī
jaha jaha saṃkhohijjaï taha taha kaï-deha-bhara-sahā hoi mahī
saṃcālia-ṇikkampā bhuā-ṇihāa-visamukkhaa-silā-veḍhā
khuḍiā siharaddhesu a pavaehi ṇiamba-bandhaṇesu a selā
uṇṇāmiaṃ miva ṇahaṃ dūraṃ osāriā viva disāhoā
ummūlantehi dhare pasāriaṃ miva pavaṃgamehi mahi-alaṃ
dīsaï kaï-ṇivahukkhaa-dharāhara-ṭṭhāṇa-gahira-vivaruttiṇṇo
uppāāava-ambo sesāhi-pphaṇa-maṇi-ppahā-vicchaḍḍo
kelāsa-diṭṭha-sāraṃ garuaṃ pi bhuā-balaṃ ṇisāara-vaïṇo
pavaehi pāḍiekkaṃ ekka-karukkhitta-mahiharehi lahuïaṃ
ukkhaa-giri-vivarovaia-diṇaarāava-milanta-tama-saṃghāaṃ
jāaṃ pavirala-timiraṃ āvaṇḍura-dhūma-dhūsaraṃ pāālaṃ
pavaehi a ṇiravekkhaṃ kao karantehi girisa-vāsuddharaṇaṃ
sāmia-kajjekka-raso aasa-muhe vi jasa-bhāaṇaṃ appāṇo
honti garuā vi lahuā pavaṃga-bhua-sihara-ṇimia-vitthaa-mūlā
rahasuddhāia-mārua-dūrukkhittojjharā dharāhara-ṇivahā
aha veeṇa pavaṃgā saalaṃ āaḍḍhiūṇa mahihara-ṇivahaṃ
ovaaṇāhi vi lahuaṃ vīsajjia-kalaalaṃ ṇahaṃ uppaïā
caḍulehi ṇippaampā uppaïavva-lahuehi vitthaa-garuā
ekka-kkheveṇa ṇahaṃ pakkhehi va mahiharā kaīhi vilaïā
pavaakkanta-vimukkaṃ visamuddha-pphuḍia-patthia-ṇiattantaṃ
ghaḍiaṃ ghaḍanta-ṇaï-muha-saṃdāṇia-sela-ṇiggamaṃ mahi-veḍhaṃ
hīranta-mahiharāhiṃ maīhi bhaa-hittha-patthia-ṇiattāhiṃ
mohanti khaṇa-vivattia-sasaṃbhamummuha-paloiāi vaṇāiṃ
ummūliāṇa khuḍiā ukkhippantāṇa ujjuaṃ osariā
ṇijjantāṇa ṇirāā girīṇa maggeṇa patthiā ṇaï-sottā
ummuha-sāraṅga-aṇaṃ apphundaï malia-meha-sāraṃ gaaṇaṃ
vivarabbhantara-vihaaṃ giri-ālaṃ sihara-paribhamanta-ravi-haaṃ
aṃsa-ṭṭhavia-mahiharā ubbhia-dāhiṇa-karāvalambia-siharā
uttāṇa-vāma-kara-ala-dharia-ṇiamba-pasarā ṇiattanti kaī
patthāṇa ccia paḍhamaṃ bhua-metta-pahāviāṇa jaṃ ṇa pahuttaṃ
kaha taṃ cia tāṇaṃ cia pahuppaï kaīṇa mahiharāṇa a gaaṇaṃ
vahaï pavaṃgama-loo sama-tuliukkhitta-milia-mūladdhante
ekkakkama-siharuggama-ṇihasuppusia-sariā-muhe dharaṇihare
ṇivvaṇṇeūṇa ciraṃ pavaā bolenti mahihara-bharakkantā
sāara-paḍirūāiṃ paḍhamukkhaa-viaḍa-mahihara-ṭṭhāṇāiṃ
khaṇa-saṃdhia-meha-aḍā veukkhippanta-giriṇirāa-ṭṭhaviā
parivaḍḍhantāāmā vahanti va ṇahaṅgaṇe mahā-ṇaï-sottā
selesu sela-tuṅgā ṇaha-ala-miliesu milia-danta-pphalihā
pavaa-vihuesu vihuā ṇivvaḍiesu vi ṇa ṇivvalanti vaṇa-gaā
vevira-paoharāṇaṃ disāṇa giri-vivara-diṭṭha-taṇu-majjhāṇaṃ
kusuma-raeṇa surahiṇā agghāeṇa va ṇimīliāi muhāiṃ
pavaā kara-ala-dharie ṇaha-muha-ṇibbhiṇṇa-vevamāṇa-visahare
gaï-vasa-visaṭṭa-sihare biïa-karehi parisaṃṭhaventi mahihare
ṇaha-ala-vea-pahāvia-pavaṃga-hīranta-sela-sihara-kkhaliā
maggāgaa-selāṇaṃ honti muhuttojjharā mahā-ṇaï-sottā
veukkhaa-duma-ṇivahe taḍa-pabbhāra-ṇiha-ṇivvalanta-jalahare
ṇenti jaraḍhāavāhaa-dari-vivara-ṇisaṇṇa-gaa-ule dharaṇihare
dhāvaï vea-pahāvia-pavaṃga-hīranta-sela-siharantario
chāāṇumagga-laggo turiaṃ chiṇṇāao vva malaücchaṅgo
āloiā ṇa diṭṭhā saccaviā ṇa gahiā samovaïehiṃ
ummūliā vi jehiṃ tehi ṇa uahiṃ ṇiā kaīhi mahiharā
bhagga-duma-bhaṅga-bhario ukkhitta-visaṭṭa-paḍia-mahihara-visamo
pavaāṇa uahi-laggo lakkhijjaï biia-saṃkamo vva gaï-vaho
veeṇa gahia-selaṃ velā-bolenta-paḍiṇiattovaïaṃ
jāaṃ rāmāhimuhaṃ aṇurāupphulla-loaṇaṃ kaï-seṇṇaṃ
ia siri-pavaraseṇa-viraïe dahamuhavahe mahākavve chaṭṭho āsāsao
sattamo āsāsao
aha te vikkama-ṇihasaṃ dahavaaṇa-paāva-laṅghaṇagga-kkhandhaṃ
āḍhattā viraeuṃ sāsaa-rāma-jasa-lañchaṇaṃ seu-vahaṃ
ṇavari a mahi-ala-dhariā mukkā uahimmi vāṇarehi mahiharā
āi-varāha-bhuehi va palaüvvahaṇa-daliā mahi-aladdhantā
ṇivaḍantammi ṇa diṭṭho dūrovaïammi kampio giri-ṇivahe
khaṇa-paḍiammi vilulio atthamiammi parivaḍḍhio salilaṇihī
ṇihaüvvatta-jalaaraṃ kaḍḍhia-kāṇaṇa-bhamanta-bhamirucchaṅgaṃ
jāaṃ kalasu-cchāaṃ paḍhamucchaliāgaaṃ mahoahi-salilaṃ
salilatthamia-mahiharo puṇo vi addiṭṭha-milia-giri-saṃghāo
taha-ghaḍia-pavvao via dīsaï ṇaha-sāarantarāluddeso
jaṇiaṃ paḍivakkha-bhaaṃ tuliā selā dhuo kaīhi samuddo
ṇa hu ṇavara hiaa-sārā ārambhā vi garuā mahā-lakkhāṇaṃ
jo dīsaï dharaṇiharo ṇajjaï eeṇa bajjhaï tti samuddo
uahimmi uṇa vaḍantā kattha gaa tti salileṇa ṇajjanti dharā
saala-mahi-veḍha-viaḍo sihara-sahassa-paḍiruddha-raï-raha-maggo
ia tuṅgo vi mahiharo timiṅgilassa vaaṇe taṇaṃ va paṇaṭṭho
pavvaa-siharucchittaṃ dhāvaï jaṃ jaṃ jalaṃ ṇahaṅgaṇa-huttaṃ
taṃ taṃ raaṇehi samaṃ dīsaï ṇakkhatta-maṇḍalaṃ va paḍantaṃ
vāṇara-veāiddhā pihula-valanta-ṇiaojjhara-parikkhittā
appatta ccia uahiṃ bhamanti āvatta-maṇḍalesu va selā
khaṇa-melia-ppaviddho siharantara-ṇinta-ritta-vāṇara-loo
pacchā paḍaï samudde aṇṇo milaï paḍhamaṃ ṇahe giri-ṇivaho
dīhā valanta-viaḍā rasanti uahimmi mārua-bharijjantā
pāāloara-gahirā rahasoviddhāṇa mahiharāṇa gaï-vahā
ukkhitta-vimukkāiṃ ṇahammi ekkekkamāvaḍaṇa-bhiṇṇāiṃ
vajja-bhaüppitthāi va paḍanti raaṇāare giri-sahassāiṃ
bhiṇṇa-silā-ala-siharā ṇiaa-dumosaria-kusuma-raa-dhūsariā
paḍhamaṃ paḍanti selā pacchā vāuddhuā mahā-ṇaï-sottā
ṇimmala-salilabbhantara-vihatta-dīsanta-visama-gaï-saṃcārā
ṇāsanti ṇiccala-ṭṭhia-pavaṃgamāloiā cireṇa mahiharā
pheṇa-kusumantaruttiṇṇa-kesarāāra-vevira-maūhāiṃ
sūenti pavantāiṃ mūlukkhuhiaṃ mahoahiṃ raaṇāiṃ
vihuṇaï velaṃ va mahiṃ bhindaï samaaṃ va dharaṇihara-saṃghāaṃ
geṇhaï bhaaṃ va gaaṇaṃ muaï sahāaṃ va sāaro pāālaṃ
palhatthanti valantā cala-viḍavantara-ṇiatta-taru-pārohā
mūluṇṇāmia-jalaā ahomuhandoliojjharā dharaṇiharā
aṭṭhia-paḍanta-mahihara-dūruṭṭhia-jala-raandhaāratthamie
sāhaï ṇavara paḍante pakkhuhia-samudda-paḍirao dharaṇihare
dara-dhoa-kesara-saḍā pāālumha-giri-dhāu-kaddamia-muhā
paḍisakkanti pavaṃgā palhatthia-mahiharūsasanta-kkhandhā
vialantojjhara-lahuā pavaṇa-vihuvvanta-pāavuddha-paallā
pavaehi uddha-mukkā siharehi paḍanti sāarammi mahiharā
atthamia-sela-maggā bhiṇṇa-ṇiattanta-salila-puñjia-kusumā
honti hariāla-kavilā dāṇa-suandhuppavanta-gaaduma-bhaṅgā
atthāanti sarosā salila-daratthamia-sela-siharāvaḍiā
ekkāvatta-valantā dhuvvantāamba-loaṇā vaṇa-mahisā
bhiṇṇa-miliaṃ pi bhijjaï puṇo vi ekkakkamāvaloaṇa-suhiaṃ
selatthamaṇa-ṇaüṇṇaa-taraṅga-hīranta-kāaraṃ hariṇa-ulaṃ
dāḍhā-vibhiṇṇa-kumbhā kari-maarāṇa thira-hattha-kaḍḍhijjantā
mottā-gabbhiṇa-soṇia-bheranta-muha-kandarā rasanti maïndā
uvvattia-kari-maarā paḍanti paḍia-giri-saṃbhamubbhaḍa-rosā
ovaïa-maara-ṇiddaa-lua-gattāvara-visaṃṭhulā māaṅgā
vihua-pavāla-kisalaaṃ sela-daratthamia-dari-muha-valantīhiṃ
āveḍha-pahuppantaṃ vīīhi dumesu vaṇa-laāhi va bhamiaṃ
giri-ṇivahehi rasantaṃ ukkhammantehi ṇivaḍiehi a samaaṃ
dharaṇīa sāarassa a ugghāḍijjaï ṇirantaraṃ pāālaṃ
veāviddha-valantā muhala-valantojjharāvali-parikkhittā
saṃvellia-ghaṇa-ṇivahā valia-laāliṅgiā paḍanti mahiharā
ekkakkamāvaḍantā ṇiaa-bhua-kkheva-bhiṇṇa-seladdhantā
ṇinti dhua-kesara-saḍā gaaṇucchalia-salilotthaā kaï-ṇivahā
dīsaï vāraṃ vāraṃ giri-ghāukkhitta-salila-reia-bhariaṃ
pāālaṃ va ṇaha-alaṃ ṇaha-vivaraṃ va viaḍoaraṃ pāālaṃ
saṃkhoha-bhiṇṇa-mahi-ala-galia-jalolugga-paṅkaa-vaṇucchaṅgā
vihala-gaïndālambia-phuḍia-paḍanta-siharā paḍanti mahiharā
rasaï giri-ghāa-bhiṇṇo tīraṃ laṅghei valaï visama-kkhalio
pāvaï mahaṇāvatthaṃ ṇavara ṇa ṇiddei sāaro amaa-rasaṃ
ukkhaa-ṇisuddha-selo saṃsaïa-samudda-ghora-mukkakkando
rakkhasa-purīa kaha ā gamaṇovāo vi dāruṇa-samārambho
veukkhaliuddhāia-ṇaha-bhamira-phuranta-kañcaṇa-silā-veḍhaṃ
kusuma-suandha-raālaṃ palhatthaï pavaa-ṇolliaṃ dhara-ālaṃ
vaḍḍhaï pavaa-kalaalo valaï valanta-valaā-muho salilaṇihī
pavaṇa-ṇirāia-rukkhā paḍanti uddha-ṭṭhiojjharā dharaṇiharā
dūrāiddha-ṇiattā moḍia-malia-hariandaṇa-maïjjantā
uahiṃ rahasukkhittā āsāenti virasaṃ mahā-ṇaï-macchā
āsīvisa-maṇi-ambā palhatthanti vihaḍanta-visama-ṇiambā
duma-ṇivahovari-hariā darīsu selā ravi-ppahā-varihariā
dhariaṃ veovattaṃ giri-ghāucchitta-pāṇiammi samudde
valiūṇa bhuaa-vaïṇā kaha vi tulagga-visamāaaṃ mahi-veḍhaṃ
vajja-bhaaṃ dharaṇiharā āi-varāha-khura-pellaṇāi vasumaī
samaaṃ cia pamhaṭṭhaṃ saṃbhario mahaṇa-saṃbhamaṃ ca samuddo
malaa-candaṇa-laā-hare saṃbharamāṇao
ṇiaa-mahaṇa-dukkhaṃ miva saṃbharamāṇao
rasaï selā-siharāhihao sariā-vaī
dahamuhassa doseṇa samosariāvaī
jala-vaṭṭhatthamiesu a uddhāi girīsu malia-vidduma-ambo
āvalia-cuṇṇiesuṃ dhua-dhāu-rao vva sīhara-raügghāo
sela-sihara-saṃkhohia-kallolantaaṃ
galia-dhāu-rasa-rāia-ka-llolantaaṃ
rasaï uahi-salilaṃ dharesu valamāṇaaṃ
bhagga-candaṇa-rasosahi-ṇivvalamāṇaaṃ
giri-ṇivvalia-paḍantā uddhaa-jala-mūla-milia-pattala-viḍavā
lahuattaṇuppavantā gaaṇam aṇāaḍḍhiā vi lagganti dumā
pavaa-balehi rāa-saṃjāa-maccharehiṃ
gaaṇa-ṇirāa-bhiṇṇa-ghaṇa-bhesiaccharehiṃ
phuḍa-dhavalagga-danta-paḍipelliāharehiṃ
bhijjaï sāarassa salilaṃ dharāharehiṃ
pavaṇa-bharanta-dari-muhaṃ pavaṇa-suakkanta-vihalia-silā-veḍhaṃ
paḍaï siharojjharuggaa-mahinda-dhaṇu-gabbhiṇaṃ mahinda-kkhaṇḍaṃ
gaaṇa-alammi sela-saṃghaṭṭa-vāriāṇaṃ
otthariaṃ raveṇa jala-bharia-vāriāṇaṃ
bahumāṇaṃ laā-harāiṃ saandalāiṃ
kiṃ paḍiaṃ ṇa hoi siharaṃ saaṃ dalāiṃ
lakkhijjanti samudde giri-ghāuvvatta-maara-visamukkittā
chea-pasaranta-ruhirā pheṇa-milantā vi camari-vāladdhantā
siddha-aṇo bhaeṇa muñcaï laā-harāiṃ
suraa-visesa-jāa-seollaāharāiṃ
giri-sariā-muhāi ṇāsanti sāsaāiṃ
bhamaï mahoahissa salilaṃ disā-saāiṃ
bhamaï samukkhitta-karaṃ gaa-vaï-vāria-pavitta-pakkaggāhaṃ
vihalutthaṅghia-kalahaṃ viaḍāvatta-muham āgaaṃ gaa-jūhaṃ
samuha-paḍanta-viaḍa-giri-sihara-velliāṇaṃ
vīi-parikkhalanta-pavaṇa-vasa-velliāṇaṃ
diṭṭhiṃ dei rāhavo kaha vi jā ṇaīṇaṃ
tā virahei ṇavara hiaammi jāṇaī ṇaṃ
dara-daḍḍha-vidduma-vaṇā uddhāanti sihi-kajjalia-saṅkha-ulā
pāāla-lagga-kaḍḍhia-rāma-sarolugga-pattaṇā jala-ṇivahā
bhīa-ṇisaṇṇa-jalaaraṃ paloṭṭa-ṇiaa-bhara-bhiṇṇa-vakkha-mahiharaṃ
dīsaï vihiṇṇa-salilaṃ kuviuddhāia-bhuaṃgamaṃ pāālaṃ
khuhia-samuddāhimuhā taṃsa-ṭṭhia-mahiharosaranta-kkhaliā
kari-maara-baddha-lakkhā kari-maara-paḍicchiā paḍanti gaïndā
ṇa vi taha pavaāviddhā viaḍa-ṇiamba-garuā rasāala-mūlaṃ
jaha ucchaliuddhāia-salila-bharovāhiā aïnti mahiharā
utthaṅghia-duma-ṇivahā giri-ghāuvvatta-mucchia-mahā-macchā
velā-sela-kkhaliā uddhaṃ bhijjanti uahi-jala-kallolā
addhatthamia-visaṃṭhula-gaa-jūhārūḍha-sihara-vihalassa ṇahaṃ
jīaṃ va jhatti ṇajjaï girissa kuharāhi uggaaṃ sura-mihuṇaṃ
dhariā bhuehi selā selehi dumā dumehi ghaṇa-saṃghāā
ṇa vi ṇajjaï kiṃ pavaā seuṃ bandhanti o miṇenti ṇaha-alaṃ
rahasa-visajjiekkamekkā valanta-dhua-paḍia-maṇi-silā sāarammi ṇivaḍanti dhara-ṇihāā
malia-mahā-bhuaṃga-bhagga-pphaṇoarosaria-saṃpuḍaṃ rasāalaṃ dummenti dharaṇi-hāā
ṇāsaï jaṃ jalaṃ sāarassa cuṇṇia-maṇosilā-aḍa-paḍanta-sela-sandāruṇaṃ phalantaṃ
daria-ṇisāarenda-hīranta-jāṇaī-bāha-ṇibbhara-puloiassa kira dāruṇaṃ phalaṃ taṃ
sela-silāhaā samuddoare maṇīṇaṃ
cuṇṇijjanti vittharā raaṇa-gāmaṇīṇaṃ
bharaï ṇahaṅgaṇaṃ aṇivviṇṇa-meha-lāṇaṃ
haṃsa-ulāvalīṇa vaṇa-rāi-mehalāṇaṃ
rasaï rasāalaṃ dalaï meiṇī ṇisubbhanti jalaa-ṇivahā parīi gaaṇaṅgaṇe kavi-aṇo
osubbhanti mahiharā mahiharāhihao sāaro vi suiraṃ thalammi gholaï amukka-viaṇo
kusuma-pasāhaṇaṃ miva sa-muddha-pallavaṃ sāarammi paḍiāṇa viḍava-laggaṃ dumāvalīṇaṃ
jāaṃ bhiṇṇa-sippi-uḍa-majjha-ṇiggaa-tthora-dhavala-mottā-vihūsaṇaṃ viddumāvalīṇaṃ
atthamiāṇa mahiharāṇa samaccharehiṃ
parimaliāi vaṇa-gaehi samaccharehiṃ
sāhaï kusuma-reṇumaïo dhao vvaṇāiṃ
aviraa-ṇimmahanta-mahu-gandha-ovvaṇāiṃ
vahaï pavaṃgama-loo pahuppaï ṇahaṅgaṇaṃ paḍicchaï uahī
dei mahī vi mahihare taha vi hu dūra-viaḍoaraṃ pāālaṃ
ia khohenti pavaṃgā thoa-virāa-giri-paṅka-ṇivvua-mahisaṃ
duma-milia-vidduma-vaṇaṃ thala-sāvaa-milia-jalaaraṃ maaraharaṃ
vaṇa-gaa-gandhārosia-jambhāanta-paḍiuddha-kesari-maaraṃ
samuha-paḍanta-dharāhara-bhīa-valanta-bhuaïnda-jaṇiāvattaṃ
atthāanta-vaṇa-tthali-pariṇāmolugga-paṇḍu-vatta-tthaïaṃ
maaṇa-duma-bhaṅga-ṇiggaa-kasāa-rasa-maïa-vihala-gholira-macchaṃ
dharaṇihara-bhāra-vellia-pallava-dala-muddha-vellia-laā-jālaṃ
visavaṇṇavāavāhaa-pavvāanta-visavaṇṇa-vāava-kusumaṃ
āvatta-bhamira-mahihara-siharojjhara-sīharandhaāria-gaaṇaṃ
paḍiosahi-gandhāhaa-pāāla-samucchalanta-vihala-visaharaṃ
āvatta-maṇḍaloara-valanta-sela-kaḍaa-ppahāmijjantaṃ
ṇinta-rasāala-visahara-vitthiṇṇa-phaṇā-maṇi-ppahā-mijjantaṃ
avvocchiṇṇa-visajjia-ṇirantarāāma-milia-pavvaa-ghaḍio
dīsaï ṇaha-ṇimmāo ṇāsaï uahimmi ṇivaḍio seu-vaho
to gheppiuṃ paüttā thoa-tthoaṃ parissameṇa pavaṃgā
aṇurāe vva virāe laṅkāṇattha-ghaḍaṇa-kkhame seu-vahe
ia sattamo āsāsao
aṭṭhamo āsāsao
ia jāhe ṇivaḍantā siharojjhara-dhoa-sura-vimāṇa-dhaa-vaḍā
atthāanti samudde vitthāratthamia-ṇaha-alā vi mahiharā
tāhe ṇisuddha-sesā vevantuvvatta-kara-alosaria-aḍā
ṭhaviā velā-mūle khaṇa-lakkhia-gāravā kaīhi mahiharā
giri-saṃkhoha-vimukkā jhīṇā appatta-paḍhama-gamaṇoāsā
mandandolaṇa-maüā gaāgaa ccia samudda-saliluppīḍā
bhiṇṇa-ghaḍantāvatto āvattantara-bhamanta-bhiṇṇa-mahiharo
mahihara-saṃbhama-vihuo vihua-ṇiatta-salilo ṇiattaï uahī
vocchijjanta-kalaalaṃ jahoia-ṭṭhāṇa-dara-paattāvattaṃ
dīsaï khaṇa-dullakkhaṃ taṃ cia thimia-salilattaṇaṃ jalaṇihiṇo
mottā-ghaḍanta-kusumaṃ sama-maragaa-vatta-bhaṅga-bhariāvattaṃ
vidduma-milia-kisalaaṃ sasaṅkha-dhavala-kamalaṃ pasammaï salilaṃ
dīsaï samosiantī khaṇa-ṇivvaliuttaranta-vilulia-kusumā
jhijjantāruṇa-ambā samudda-vaṭṭhammi dhāu-paṅka-cchāā
vaṇa-gaa-gandhuttiṇṇā puṇo ṇiattanti āavāhaa-vihalā
ṇiaa-kara-sīharollia-ṇivvāanta-muha-maṇḍalā kari-maarā
duma-bhaṅga-kalusiāiṃ kasāa-rasa-bhiṇṇa-paṇḍura-ppheṇāiṃ
jāāi ṇiṇṇaāṇaṃ utthala-valaṇa-raa-dhūsarāi muhāiṃ
khuhioahi-vicchūḍhā mahinda-kaḍaesu malaa-bhitti-ccheā
ghaḍiā malia-gaa-ulā malaa-aḍesu a mahinda-seladdhantā
dīsanti viaḍa-dhavalā thimia-ṇiattanta-jala-taraṃgia-vaṭṭhā
vāsui-ṇimmoa-ṇihā ṇirantarālagga-mottiā puliṇa-vahā
khohenti khuhia-ṇihuaṃ uahiṃ ṇaha-vantha-paḍiṇiattovaïā
pavvaa-ghāukkhittā cira-ālāloiā salila-saṃghāā
aha ṇala-viiṇṇa-ṇaaṇo jampaï vihaḍanta-maṇi-silāsaṇa-vaṭṭho
uvvattiāaa-ṭṭhia-vāma-arāruhia-tia-bharo pavaa-vaī
khavio vāṇara-loo dūra-ṭṭhia-virala-pavvaaṃ mahi-veḍhaṃ
ṇa a dīsaï seu-vaho mā hu ṇamejja garuaṃ puṇo rāma-dhaṇuṃ
maïrā muddha-miaṅko amaaṃ lacchī sakotthuhaṃ duma-raaṇaṃ
kiṃ seu-bandha-lahuaṃ jaṃ vottūṇa raaṇāareṇa ṇa diṇṇaṃ
dhūmāanti ccia se ajja vi pāāla-deha-dūrālaggā
āaṭṭanta-jalāhaa-sasadda-vijjhavia-huavahā rāma-sarā
taṃ bandhasu dhīra tumaṃ seuṃ ajjea jāva dūrantariā
ekkaṃ malaa-suvelā hontu duhā a viaḍā samuddaddhantā
tā pavaa-balāhi phuḍaṃ viṇṇāṇāsaṅgha-ṇivvalanta-cchāo
pavaa-vaï-saṃbhamummuha-viiṇṇa-bhaa-hittha-loaṇo bhaṇaï ṇalo
bhaṇṇaï pavaṃga-purao rahuṇāhassa a pavaṃga-vaï vīsatthaṃ
tuha seu-bandha-jaṇiā mamammi saṃbhāvaṇā ṇa hohiï aliā
khavio pavvaa-ṇivaho daliaṃ va rasāalaṃ dhuo vva samuddo
jīaṃ va pariccattaṃ ajja va saṃbhāvaṇā tuhaṃ ṇivvūḍhā
taṃ pekkhasu mahi-vialaṃ mahi-vaṭṭhammi va mahaṃ mahoahi-vaṭṭhe
ghaḍiaṃ ghaḍanta-mahihara-ghaḍia-suvela-malaantaraṃ seu-vahaṃ
kiṃ uttaraü ṇirantara-ghaḍanta-dharaṇihara-saṃkameṇa samuddaṃ
o boleu dhuoahi-thouttiṇṇa-mahi-maṇḍaleṇa kaï-balaṃ
taṃ pecchaha malao ccia patthanto paḍigaaṃ gao vva suvelaṃ
maha bhua-daḍha-saṃruddho āiddhaṃ dhuṇaü muha-vaḍaṃ va samuddaṃ
o viraemi ṇaha-ale turia-pahāvia-pavaṃga-saṃcaraṇa-sahaṃ
aṇuparivāḍi-pariṭṭhia-ghaṇa-kūḍa-ghaḍanta-mahiharaṃ seu-vahaṃ
o sāaroarabbhantarāṇiovari-pariṭṭhavia-ṇipphandā
jalahara-lambia-vakkhā ghaḍentu laṅkā-vahaṃ rasāala-selā
taṃ maha-maggālaggā viraeha jahā-ṇioa-mukka-mahiharā
aṇuvāa-diṭṭha-dosaṃ aïrā-honta-suha-bandhaṇaṃ seu-vahaṃ
ia ṇala-vaaṇa-harisiaṃ galia-parissama-ṇirāa-mukka-kalaalaṃ
caliaṃ tulia-dharāhara-kaa-ṇibbhara-dasa-disaṃ pavaṃgama-seṇṇaṃ
aha ṇeṇa suha-ppharise piuṇo salilammi majjiūṇa saṇiamaṃ
rāma-caraṇāṇa paḍhamaṃ pacchā kāūṇa ravi-suassa paṇāmaṃ
to kaṇaa-dhāu-ambo sapallavāsoa-viḍava-bharia-dari-muho
paḍhamaṃ ṇaleṇa ṇimio maṅgala-kalaso vva jalaṇihimmi mahiharo
taha paḍhamaṃ cia mukko velā-aḍa-saṃṭhio ṇaleṇa mahiharo
jaha dīsiuṃ paüttaṃ laṅkāṇatthassa seu-bandhassa muhaṃ
bhamio a taha dharāhara-paharucchitta-salilo ṇahammi samuddo
mahihara-raa-maïlāiṃ jaha dhoāi samaaṃ disāṇa muhāiṃ
jala-taṇṇāa-ghaḍantā avibhāvijjanta-ghaḍaṇa-maggoāsā
ṇa muanti ekkamekkaṃ khuhia-samudda-visamāhaā vi mahiharā
paḍivaha-patthia-salilā velā-aḍa-paḍia-mahihara-samakkantā
je ccia ahigama-maggā jāā te ccea ṇiggamā vi ṇaīṇaṃ
ṇivaḍanti tuṅga-siharā pavaa-vimukkā ahomuhā vi ṇala-vahe
bhamiūṇa mūla-garuā jahea ummūliā tahea mahiharā
vihuṇenti vihuvvantā kari-maara-muhāi thira-ṇihitta-ṇaha-muhā
muha-pajjatta-daḍhukkhaa-kumbha-aḍa-bhamanta-kesarā kesariṇo
paḍigaa-gandha-pasāria-kari-maara-cchiṇṇa-galia-kara-pabbhāre
jāṇanti ṇavara kuviā lavaṇa-jalāliddha-vaṇa-muhe vaṇa-hatthī
dara-ghaḍia-seu-bandhā uppaïūṇa pavaā samudduppaïe
kaḍḍhanti jamala-kara-ala-saṃdāṇia-vakkha-saṃpuḍe dharaṇihare
bandhaï ṇalo vi takkhaṇa-visamucchalia-cala-kesara-saḍugghāo
tia-valia-kara-pasāria-hari-hatthukkhitta-mahiharo seu-vahaṃ
jaṃ bahu-pavvaa-jaṇiaṃ vicchūḍha-samudda-pāaḍaṃ mahi-vivaraṃ
taṃ ekko paḍirumbhaï vitthārabbhahia-saṃṭhio dharaṇiharo
sāara-laddha-tthāhaṃ ṇimenti jaṃ jaṃ dharāharaṃ kaï-ṇivahā
bajjhaï purao-huttā kāūṇa paaṃ tahiṃ tahiṃ seu-vaho
samaaṃ pavaa-vimukke seu-vahammi samaaṃ abhāa-paḍante
paripelleï raei a samaaṃ ca ṇalo paḍicchiūṇa mahihare
avalambaï ṇala-ghaḍie abhāa-valiāṇie ghaḍei mahihare
seu-vahassa samuddo uvvellanta-salilo pavaḍḍhaï purao
jaṃ jaṃ āṇei giriṃ raï-raha-akka-parimaṭṭha-siharaṃ haṇumā
taṃ taṃ līlāï ṇalo vāma-karutthaṅghiaṃ raei samudde
vitthaa-sara-kamala-sire sele dara-ghaḍia-seu-saṃkama-lasire
jalaṇihi-seā-laggā pāāla-dharā dharenti seālaggā
velā-aḍa-saṃbaddhā gaoṅiattanta-jala-raa-vihuvvantī
hallanta-kiraṇa-viḍavā andolaï maragaa-ppahā vaṇa-rāī
dantesu valia-laggā khohuppittha-gaa-saṃpahārukkhittā
kari-maarāṇa bhuaṃgā paḍanti kālāsa-maṇḍala-paḍicchandā
pavvaa-vaḍaṇāiddho jo ccia uahissa paḍiṇiattaï paḍhamaṃ
so ccia saliladdhanto aṇṇo-hutta-visamaṃ velaï ṇala-vahaṃ
khuhia-samuddatthamiā khuḍenti akkhuḍia-maa-jalojjhara-pasarā
calaṇālagga-bhuaṃge pāse vva ṇirāa-kaḍḍhie māaṅgā
raaṇa-cchavi-vimalaarā phala-rasa-bharia-dara-bhiṇṇa-maragaa-ṇivahā
odhuvvanti taraṃgā cuṇṇia-saṅkha-ula-paṇḍuraara-ppheṇā
ghaḍamāṇehi a samaaṃ jhijjaï selehi jettiaṃ cia uahī
ucchalaï tettiaṃ cia utthaṅghia-mūla-salila-paripūranto
uddha-pphuḍia-ṇaï-muhā ṇiaa-ṭṭhāṇa-siḍhilosaranta-mahiharā
andolanta-samuddā andolanti va ṇahaṃ dharaṇi-saṃkhohā
addhuṭṭhia-seu-vahaṃ hoi khaṇaṃ addha-diṇṇa-hari-hiaa-suhaṃ
addhovaïa-mahiharaṃ addhosāria-rasāalaṃ uahi-jalaṃ
ṇimmāo tti muṇijjaï dūrāiddhammi sāare seu-vaho
so ccia salila-bharanto thoāraddho vva dīsaï ṇiattante
avi pūraï pāālaṃ ṇa a kuvia-disā-gaïnda-gamaṇa-vihāā
uahi-viiṇṇoāsā pūrenti mahā-varāha-paa-ṇikkhevā
jāaṃ mahihara-mahiaṃ dhāu-aḍa-kkhalaṇa-sarasa-pallava-rāaṃ
duma-bhaṅga-tuvara-surahiṃ uppajjanta-maïraṃ va sāara-salilaṃ
saṃcālei samuddo jaha jaha virala-ṭṭhiaṃ dharāhara-ṇivahaṃ
taha taha virāa-siharo pūria-vivara-tthiro ghaḍaï seu-vaho
paḍaï ṇu ṇaha-ala-ghaḍio kaḍḍhijjaï ṇu malaāhi cira-ṇimmāo
ghaḍaï ṇu samudda-salile ghaḍio ṇīi ṇu rasāalāhi ṇala-vaho
gaaṇammi uahi-salilaṃ salila-vimukke rasāalammi ṇaha-alaṃ
dīsaï tīsu vi samaaṃ ṇaha-salila-rasāalesu pavvaa-jālaṃ
velālāṇa-ṇialio rasiūṇa rasāala-ṭṭhiaṃ pi samuddo
cālei seu-bandhaṃ khambhaṃ āraṇṇa-kuñjaro vva valanto
pellijjanti daḍhaaraṃ jaha jaha pavaehi khuhia-jala-taṇṇāā
ohaṭṭantāāmā taha taha ekkakkamaṃ aïnti mahiharā
pavaa-bhua-galatthalliā vippaïṇṇa-raaṇā
dharaṇiharā paḍanti bhaa-cuṇṇa-iṃṇara-aṇā
khuhio sāaro rasaï uṇṇaaṃ ṇa īṇaṃ
moanto vva tivva-bhaa-uṇṇaaṃ ṇaīṇaṃ
bharaï va dūrāiddho dhuvvaï va paḍanta-dharaṇihara-kaddamio
rumbhaï va paḍiṇiatto bhiṇṇo ghaḍaï va maṇi-ppahāhi samuddo
kari-maarāṇa khuhia-sāara-visāsiāṇaṃ
seu-vahammi paḍia-giri-ṇivaha-visāsiāṇaṃ
samaaṃ vaṇa-gaāṇa ṇivahā dharosiāṇaṃ
samuhaṃ āvaḍanti maa-gandha-rosiāṇaṃ
utthaṅghia-duma-ṇivahā suiraṃ parimalia-seu-vaha-pāsallā
dhāu-kalaṅka-kkhaürā dūraṃ gantūṇa uvvamanti taraṃgā
dīsaï maa-ulehi uahī ṇalo aṇehiṃ
samaaṃ sela-paḍaṇa-bhaa-uṇṇa-loaṇehiṃ
jaṃ khaliaṃ aīi salilaṃ ṇaīṇa ūraṃ
taṃ uddhāi pavaa-kalaala-viiṇṇa-ūraṃ
ia saala-mahi-alukkhaa-mahihara-saṃghāa-ṇimmia-mahārambhaṃ
ṇiaa-cchāā-vaïara-sāmalaïa-sāaroara-jaladdhantaṃ
visamosaria-silā-ala-daḍha-ghāukkhitta-maccha-pacchima-bhāaṃ
majjha-cchiṇṇa-bhuaṃgama-veḍhuppīḍaṇa-viāria-silā-veḍhaṃ
selummūlaṇa-saṃbhama-gahia-pphilia-gaa-magga-dhāia-sīhaṃ 5
giri-sihara-ṇisaṇṇāṇia-giri-pellia-ṇinta-muhala-jalahara-salilaṃ
pāsalla-paḍia-vaṇa-gaa-ruddha-mahojjhara-duhā-pahāvia-salilaṃ
dharaṇiharantaria-ṭṭhia-candaṇa-vaṇa-muṇia-malaa-sihara-kkhaṇḍaṃ
vīī-paḍiūlāhaa-thouvvellia-dumāvalambanta-laaṃ
visama-siharantarāgaa-saṃvellia-sāaraṃ ghaḍenti ṇala-vahaṃ 10
vittharaï seu-bandho vihuvvaï dharāharāhao salilaṇihī
diṭṭha-suvelucchaṅgaṃ rasaï disā-iṇṇa-paḍiravaṃ kaï-seṇṇaṃ
dīsanti bhiṇṇa-salile samudda-majjhammi seu-bandhakkantā
saṃbhama-kaḍḍhaṇa-luggā bhaa-cuṇṇa-palāa-sela-pakkhaddhantā
mahihara-pahara-kkhohia-salila-parikkhaa-virāa-mūla-mahiharaṃ
thoa-tthoosariaṃ bandhenti pavaṃgamā puṇo vi ṇala-vahaṃ
jaha jaha accāsaṇṇo uahiṃ jeūṇa hoi seu-vaha-varo
ucchalaï dharāhihaaṃ dūraṃ thoattaṇeṇa taha taha salilaṃ
mahihara-paharucchittā uariṃ seussa je paḍanti khalantā
te ccia saliluppīḍā honti valanta-visamā mahā-ṇaï-sottā
dei samatta-cchāaṃ dara-milia-suvela-mahihara-taḍaddhanto
bīoāsa-pahāvia-timi-pūria-sāarantaro seu-vaho
jāhe seu-ṇivaddhaṃ dhuṇaï ṇalo visama-saṃṭhia-mahā-selaṃ
tāhe cireṇa saalo saalakkanta-vasuho ṇiattaï uahī
lahuia-pesaṇa-harisia-kaï-ṇivaha-ṇisuddha-sela-pahara-valanto
ṇaï-sotto vva samuddo seu-suvelantare muhuttaṃ vūḍho
jaha jaha ṇimmāvijjaï vāṇara-vasahehi seu-saṃkama-siharaṃ
taha taha dahamuha-hiaaṃ phāḍijjaï sāarassa salileṇa samaṃ
pāāla-milia-mūlo avvocchiṇṇa-pasaranta-sariā-sotto
ṭhāṇa-ṭṭhio vi paḍio muhammi dharaṇihara-saṃkamassa suvelo
malaücchaṅga-gaeṇa vi rahuvaï-pāsa-ṭṭhieṇa vāṇara-vaïṇā
kaï-kalaaleṇa ṇāo ṇippacchima-sela-pūrio seu-vaho
ārambhante saalo tihāa-visamo daruṭṭhiammi ṇala-vahe
hoi duhā a samatte so ccia aṇṇo puṇo puṇo vi samuddo
malaücchaṅga-paütto calanta-vāṇara-bharoṇao seu-vaho
garuo tiūḍa-giriṇā palhatthanto dumo dumeṇa va dhario
dīsaï seu-mahā-vaha-dohāia-puvva-pacchima-disā-bhāaṃ
ovvattohaa-pāsaṃ majjhukkhitta-visamaṃ ṇamantaṃ va ṇahaṃ
malaa-suvelālaggo paḍiṭṭhio ṇaha-ṇihammi sāara-salile
uaatthamaṇa-ṇirāo ravi-raha-maggo vva pāaḍo seu-vaho
dīsaï pavaṇa-vihuvvanta-sāaroara-pariṭṭhia-mahā-siharo
viaḍa-pasāria-vakkho uppaamāṇo vva mahiharo seu-vaho
araī thorūsāsā ṇiddā-ṇāso vivaṇṇadā dobballaṃ
seummi raïjjante rāmādo rāvaṇammi saṃkantāiṃ
aha thora-tuṅga-viaḍo ṇeuṃ ṇihaṇaṃ sabandhavaṃ dahavaaṇaṃ
dohāia-salilaṇihī kaanta-hattho vva pasario seu-vaho
visameṇa paaï-visamaṃ mahihara-garueṇa samara-sāhasa-garuaṃ
dūrattheṇa vi bhiṇṇaṃ sūleṇa va seuṇā dasāṇaṇa-hiaaṃ
dīsanti khuhia-sāara-salilollia-kusuma-ṇivaha-lagga-mahuarā
seussa pāsa-mahihara-paaḍantovvatta-kisalaā kaḍaa-dumā
thimioahi-sacchāā kattha vi dīsanti mahiharantara-vaḍiā
phaliha-silā-ala-ghaḍiā majjha-cchiṇṇa vva seu-bandhoāsā
hima-paḍaṇotthaïāiṃ ghaḍiāi vi ṇala-vahammi ṇajjanti phuḍaṃ
siharāi sihari-vaïṇo malaassa a malia-candaṇa-suandhāiṃ
jāā phuḍa-vitthārā gaoṇiattanta-jala-raa-vihuvvantā
pakkaggāha-samaggā seummi vi sāarassa velā-maggā
selāiñchaṇa-paḍiā salilollia-garua-kesara-bharakkantā
dīsanti daruttiṇṇā saṃkama-pāsalla-saṃṭhiā kesariṇo
puvvāvaroahi-gaā daṭṭhuṃ puvvāvaroahi-samuppaṇṇā
seu-paḍisiddha-pasarā puṇo ṇa pecchanti kula-harāi jalaarā
dīsanti dhāu-ambā mārua-vihua-dhavalojjhara-paḍaddhantā
seussa tuṅga-siharā uhaa-tala-pariṭṭhiā dhaa vva mahiharā
aha ṇimmia-seu-vahaṃ seu-vahabbhahia-thala-païṇṇa-mahiharaṃ
caliaṃ calanta-rāhava-hiaa-ṇihippanta-raṇa-suhaṃ kaï-seṇṇaṃ
pecchanti a bolantā saṃkama-dohāia-kkhavia-vitthāraṃ
valaā-muha-ṇiṭṭhaviekka-pāsa-vocchiṇṇa-pāṇiaṃ maaraharaṃ
saṅkha-ula-dhavala-kamale phuḍa-maragaa-haria-vatta-bhaṅga-ṇihāe
vidduma-milia-kisalae uhaa-taḍāvaddha-saṃkamammi ṇala-vahe
saṃcaraï vāṇara-balaṃ ṇamaï visaṭṭanta-mahiharo seu-vaho
oāhia-pāālaṃ savva-tthāma-garuaṃ dharei samuddo
saṃcālei ṇiambaṃ dharei uariṃ taraṃga-kara-pabbhāraṃ
khambhammi vaṇa-gao via āvaddho seu-saṃkamammi samuddo
uttiṇṇā a pavaṃgā sela-bharuvvahaṇa-jaṇia-sea-tusārā
dhāu-maïle kara-ale pāsa-ṭṭhia-mahiharojjharesu dhuvantā
pattā a dahamuhāṇia-ṇandaṇa-vaṇa-pāavoia-vaṇuddesaṃ
jala-bhara-ṇisaṇṇa-jalahara-bhara-moḍia-vaṇa-laaṃ suvelucchaṅgaṃ
moūṇa samuttiṇṇaṃ uahim aviddavia-vikkamaṃ kaï-seṇṇaṃ
jāo rakkhasa-loo rakkhasa-ṇāhassa pelavāṇatti-aro
jāva a mahoahi-aḍe āvāsa-ggahaṇa-vāvaḍaṃ kaï-seṇṇaṃ
tāva kaanteṇa kao rāvaṇa-sīsammi vāma-hattha-pphaṃso
rāmassa rāvaṇassa a loāloantarāla-ṇīsāmaṇṇe
vaḍḍhanta-ṇiattante pāārantara-duhāiammi paāve
jāā lacchīa samaṃ sohā mahiassa sāarassa pasaṇṇā
tiasa-jaṇiāṇurāe uttiṇṇammi maalañchaṇammi va rāme
ia siri-pavaraseṇa-viraïe dahamuhavahe aṭṭhamo āsāsao
ṇavamo āsāsao
aha pecchanti pavaṃgā saala-jaakkamaṇa-vaḍḍhia-mahā-siharaṃ
ṇiṭṭhavia-dāhiṇa-disaṃ sesa-disā-muha-vahāviaṃ va suvelaṃ
bhuvaṇassa va mahumahaṇaṃ bhuvaṇa-bhara-jjhīṇa-mahumahassa va sesaṃ
sesassa va salilaṇihiṃ sariā-vaïṇo visammiavva-bhara-sahaṃ
dharaṇi-hareavva-sahaṃ uahi-bhareavva-pabbala-ṇaï-ppavahaṃ
ṇaha-māavva-samatthaṃ khaa-mārua-rumbhiavva-jogga-ṇiambaṃ
dūra-paripellia-disaṃ dūroṇāmia-samattha-pāāla-alaṃ
dūraarukkhitta-ṇahaṃ ṇavara karāsaṇṇa-pāava-pphala-kusumaṃ
pāsallāgaa-sariaṃ amukka-pāāla-sāara-jalucchaṅgaṃ
āi-varāhuvvattaṇa-khaṇa-paḍiuddha-ṭṭhiaṃ va meiṇi-veḍhaṃ
pāāla-bharia-mūlaṃ vajja-muhāoḍaṇa-ṭṭhavia-ṇikkampaṃ
ālāṇa-kkhambhaṃ miva sura-hatthi-kkhandha-ṇihasa-masiṇia-pāsaṃ
vimalia-rasāaleṇa vi visahara-vaïṇā adiṭṭha-mūla-ccheaṃ
appatta-tuṅga-siharaṃ tihuaṇa-haraṇa-parivaḍḍhieṇa vi hariṇā
vicchūḍhoahi-salilaṃ kaḍaa-bhamanta-bhuaïnda-diṇṇāveḍhaṃ
pāsa-ṭṭhieṇa raïṇā karehi hariṇa vva mandaraṃ uvaūḍhaṃ
sesa-sira-raaṇa-ghaṭṭia-maṇi-mūlujjoa-haa-rasāala-timiraṃ
visamuddha-sihara-saṃkaḍa-paṇaṭṭha-ravi-maṇḍalandhaāria-gaaṇaṃ
sasi-bimba-pāsa-ṇihasaṇa-kasaṇa-silā-bhitti-pasariāmaa-lehaṃ
joṇhā-jala-pabbālia-visamumhāanta-muṇia-ravi-raha-maggaṃ
siharālīṇa-miaṅkaṃ virala-ṭṭhia-gahia-salila-jalaa-kkhaṇḍaṃ
khuḍiuvvūḍha-muṇālaṃ ṇisāsu visama-hia-kaddamaṃ va sura-gaaṃ
haria-vaṇa-rāi-pisuṇia-dūraarāloa-sihara-sariā-maggaṃ
pavaṇukkhuḍia-kilāmia-miaṅka-puṭṭhi-paḍiūsasanta-kisalaaṃ
dūruddhāia-siharaṃ jalaṇihi-jala-diṭṭha-viaḍa-pāaḍa-paḍimaṃ
uppāāsaṇi-pahaaṃ uddha-pphuḍia-paḍiekka-pāsaṃ va ṭhiaṃ
guru-bhara-sesāhi-pphaṇa-vāraṃ-vāra-paḍiruddha-mūlucchaṅgaṃ
khaa-māruukkhaāṇia-tuṅga-aḍāvaḍia-bhiṇṇa-sesa-mahiharaṃ
gahia-jala-meha-pellia-ṇivvāanta-ṇihua-ṭṭhia-mahā-mahisaṃ
ṇihaa-gaa-kumbha-lohia-silā-alosukkha-baddha-muttā-vaḍalaṃ
lavaṇa-jala-sīharāhaa-daruvvamanta-duma-muddha-pallava-rāaṃ
sīha-rava-bhīa-patthia-ṇiuñciekka-calaṇa-ṭṭhiukkaṇṇa-maaṃ
kaḍaa-paripelliāṇaṃ raï-ara-pāaḍia-kandarā-bhariāṇaṃ
abbhantara-ṭṭhiāṇaṃ parilla-pāsa-parisaṃṭhiaṃ va disāṇaṃ
raaṇiāsu dūruggaa-siha-raaṇaṃ taaṃ
suha-ṇisaṇṇa-maa-khaṇḍia-sihara-aṇantaaṃ
kuvia-rāma-bhiṇṇoahi-daḍha-sara-ṇolliaṃ
sihara-lagga-sasi-maṇḍala-ṇīsaraṇolliaṃ
dūrovāhia-mūlaṃ ravi-ara-bolīṇa-sihara-ṇaṭṭhāloaṃ
addhatthamiāāmaṃ jahea uahi-salile tahea ṇaha-ale
pavaṇandolia-candaṇa-saṃghaṭṭuṭṭhia-suandhi-dhūmuppīḍaṃ
dara-pīoahi-garuia-sesaddhanta-jalaāvalambia-siharaṃ
tala-paḍihaa-sāaraaṃ uddhojjhara-vihua-sīha-rosāaraaṃ
gaha-mālā-meliaaṃ sihara-ṭṭhia-canda-maṇḍalāmeliaaṃ
sasi-purao pasariaaṃ kuharesu ṇivāa-ṇippaampa-sariaaṃ
maṇimaa-pāsuttamaaṃ kaṇaa-silāsīṇa-suhia-pāsutta-maaṃ
bhiṇṇukkhitta-paraṃmuha-valanta-saddūla-gahia-gaa-kumbha-aḍaṃ
bila-pāsutta-bhuaṃgama-jala-dhārāāra-ṇiggaa-maṇi-cchāaṃ
aṭṭhia-samudda-sīhara-dupparimāsa-ṇiha-kaṇṭaanta-maṇi-aḍaṃ
ṇaha-lagga-mottiā-phala-gaa-sīsārūḍha-ṇīharanta-maïndaṃ
ovaṭṭha-komalāiṃ vahamāṇaṃ meha-vimalia-vimukkāiṃ
kappa-laā-vasuāia-pavaṇuddhua-dhavala-aṃsuāi vaṇāiṃ
ārūḍhoahi-salile addhukkhaa-sarasa-visama-pāsalla-dume
kusuma-bharie vahantaṃ phaliha-aḍuttāṇa-patthie ṇaï-sotte
ravi-raha-turaṃgamāṇaṃ vāāiddha-siharojjharehi dhuvantaṃ
thoolla-paggahāiṃ lālā-pheṇa-lava-gabbhiṇāi muhāiṃ
dīhara-siharālaggaṃ pajjaliosahi-sihāhaaṃ vahamāṇaṃ
pāaḍia-maa-kalaṅkaṃ ṇisāsu kajjalaïoaraṃ va miaṅkaṃ
uddharia-dharaṇi-viaḍaṃ āi-varāha-hia-vaṅka-dūroāḍhaṃ
ṇaï-sottehi bharantaṃ khaa-raï-saṃtāva-sosiaṃ maara-haraṃ
aṇṇāāgamaṇa-dise purao-paḍisadda-bhesia-ṇiatta-mae
vivara-bharie vahantaṃ ukkaṇṇia-vaṇa-gae maïnda-ṇiṇāe
tāmarasa-raāambaṃ saresu suvvanta-mahura-sara-āambaṃ
gahiāmisa-hari-aïaṃ velāṇila-sīharolla-vaṇa-hariaïaṃ
milia-samuddaddhante pāaḍa-ṇaha-maṇḍale pahutta-dasa-dise
uiatthamia-diṇaare bhuvaṇa-vihāe vva kandare vahamāṇaṃ
ucchalioahi-bharie thoa-tthoosaranta-ṇivvūḍha-jale
āi-mahure vahantaṃ purao-hutta-lavaṇe sihara-ṇīsande
raaṇa-cchavi-huvvantaṃ valanta-sesa-pihula-pphaṇa-vihuvvantaṃ
sara-parivaḍḍhia-kamalaṃ kaḍaa-laā-lagga-sūra-raha-akka-malaṃ
ṇaha-ṇīle vahamāṇaṃ umhāhaa-mahisa-maggiovaraṇa-vahe
pāsa-pasaranta-kiraṇe maa-taṇhāveḍhie sare vva maṇi-aḍe
gaa-malia-tamāla-vaṇaṃ sīha-muhoruddha-raaa-sihara-kkhaṇḍaṃ
mahisāhaa-kasaṇa-silaṃ aṇurūa-ṭṭhāṇa-mukka-vaṇaara-rosaṃ
kesari-calaṇa-talāhaa-bhiṇṇa-païṇṇa-gaa-kumbha-mottā-raaṇaṃ
vaṇa-dava-bhīa-pahāvia-gaa-ula-malia-ṇaï-saṃgamottāra-aṇaṃ
kaḍaa-valanta-ravi-rahaṃ tala-vaṇa-rāi-paḍigholirubbhaḍa-tāraṃ
pāsalla-ṇisaṇṇassa vi uariṃ bīa-bhuaṇassa va ṇisammantaṃ
addha-cchiṇṇa-ravi-are asamatta-pahutta-saala-canda-maūhe
chiṇṇa-kaḍae vahantaṃ uddhāa-ṇiatta-garuḍa-maggia-sihare
sura-vahūṇa hiaa-ṭṭhia-raa-ṇava-sāraaṃ
sāarassa raïaṃ miva raaṇa-vasāraaṃ
ṇaliṇi-vatta-uḍa-jāa-mahura-sāmoaaṃ
vaüla-vaṇa-ṇimmahanta-mahu-rasāmoaaṃ
tivva-jaraḍhāavāhaa-hariālāmoa-vimharāia-hariṇaṃ
saṃkhāoahi-sībhara-lavaṇa-rasāsāa-mahisa-libbhanta-silaṃ
tuṅga-raaa-siharuggamehi tāraṃ gaaṃ
sīha-ṇihaa-gaa-lohia-mottā-raṅgaaṃ
garua-dhīra-ṇivvāhia-bahu-jua-saṃkhaaṃ
uahi-salila-saṃkanta-sarujjua-saṅkhaaṃ
maṇi-pahamma-sāmoaaṃ
maṇipa-hamma-sāmoaaṃ
sarasa-raṇṇa-ṇiddāvaaṃ
sara-saraṇṇa-ṇiddā-vaaṃ
daria-rakkhasāmoaaṃ
dari-arakkha-sāmoaaṃ
visaa-ruppa-hāantaaṃ
visa-aru-ppahāantaaṃ
jaraḍha-visosahi-veḍhia-bhuaṃga-pariharia-candaṇa-duma-kkhandhaṃ
bolanta-visahara-pphaṇa-maṇi-ppahāhaa-virāïa-duma-cchāaṃ
phaḍiha-kiraṇa-ṇivahehi dharaṇi-dhavalāaaṃ
suvvamāṇa-sura-sundari-muddha-valāaaṃ
palaa-samaa-salileṇa vi asaala-dhoaaṃ
vivara-ṇinta-ṇava-canda-sarisa-aladhoaaṃ
ramma-anda-rāa-cchaaṃ
ramma-andarā-acchaaṃ
sagga-ggaha-ṇisā-maggaaṃ
sagga-ggahaṇi-sāmaggaaṃ
paṅkuttaranta-laṅghia-parivatta-varāha-vañciāhaa-sīhaṃ
sara-saliloara-ṇivaḍia-ṇiaa-bharatthamia-kaṇaa-pallava-gocchaṃ
ṇaha-siriṃ saala-ṇīla-meha-lāvaṇṇiaṃ
baddha-joisāuvva-mehalā-vaṇṇiaṃ
siharehiṃ bāhūhi va pacchāantaaṃ
maṇṇuaṃ disāṇaṃ miva pacchāantaaṃ
a-sura-vandi-sāhāraṇaṃ
asuravaṃ disā-hāraṇaṃ
sūraaṃ tama-ṇivālaaṃ
sūra-anta-maṇi-vālaaṃ
hariṇā bali-mahi-haraṇe samae jalaehi jalaṇihīhi juante
jaṃ ṇa caïaṃ bhareuṃ taṃ deheṇa bhuaṇaṃ bhareūṇa ṭhiaṃ
atthāaṃ va vahantaṃ jālantara-ṇiggaüddha-amba-maūhaṃ
āsaṇṇa-sihara-vaṇa-dava-bolīṇa-paṇaṭṭha-maṇḍalaṃ diasaaraṃ
vaḍavā-muha-saṃtāve bhiṇṇa-aḍe a garue taraṃga-ppahare
avirahia-kula-harāṇa va sariāṇa kaeṇa sāarassa sahantaṃ
raaṇīsu uvvahantaṃ ekkakkāamba-maṇi-silā-saṃkantaṃ
muddha-miaṅka-cchāaṃ khura-muha-maggaṃ va raï-turaṃgāṇa ṭhiaṃ
visama-parisaṃṭhiehiṃ visamuddhāia-laā-harotthaïehiṃ
kañcaṇa-silā-alehiṃ chiṇṇāava-maṇḍalehi va parikkhittaṃ
appatta-diṇaarāiṃ āava-bhaa-sihara-saṃṭhia-bhuaṃgāiṃ
kaḍaehi uvvahantaṃ vaṇāi uddha-parivaḍḍhia-cchāāiṃ
tuṅgattaṇa-pajjatte vitthaa-vikkhambha-siṭṭha-muha-vitthāre
tiasa-gaāṇa vahantaṃ danta-pphaliha-jualaṅkie kaḍaa-aḍe
tiasa-gaāṇa vahantaṃ hatthumhāhaa-kilanta-pallava-rāe
kaḍa-parigholaṇa-kavile cira-vūḍha-vimukka-pāriāaa-viḍave
pāsāaaṃ vahantaṃ maṇi-kaḍaa-maūha-dhavalia-maa-cchāaṃ
puṭṭhovaïa-mahojjhara-jala-ghāuvvatta-maṇḍalaṃ va miaṅkaṃ
salila-dara-dhoa-kusumaṃ dīsantovari-parilla-jaraḍhāloaṃ
maaraharassa vahantaṃ abbhāsabbhahia-sāmalaṃ vaṇa-rāiṃ
tiasa-gaāṇa vahantaṃ dūruṇṇia-magga-ṇaha-ṇiatta-mahuare
ovaaṇa-paattante uppaaṇa-paṇaṭṭha-ṇiggame gaï-magge
thoāhaa-timirāiṃ vahamāṇaṃ thoa-ṇiggaa-maūhāiṃ
ṇintaggi-gabbhiṇāi va thouttiṇṇa-raaṇaṅkura-ṭṭhāṇāiṃ
moḍia-pavvāa-dume uvvellāveḍha-bhagga-puñjaïa-lae
vaṇa-gaa-jujjha-parimale vahamāṇaṃ pahara-paḍia-danta-pphaḍihe
mandara-paharucchalie ajja vi vitthiṇṇa-maṇi-pahamma-ṇihitte
jalaṇihi-jala-vocchee aṇiggaāmaa-rase samuvvahamāṇaṃ
jala-saṃkhohālaggaṃ vahamāṇaṃ visama-bhagga-pattaṇa-ṇivahaṃ
rāhava-sara-saṃghāaṃ vajja-muha-kkhuḍia-pakkha-sesaṃ va ṭhiaṃ
kumbhovaggaṇa-ṇivaḍia-kari-hatthukkhuḍia-sīha-kesara-bhāraṃ
sahaari-viruāaṇṇaṇa-valanta-bhamara-parivattia-laā-kusumaṃ
hima-sīale vahantaṃ pavaṇomāsa-visamosasia-seāle
diasāsāra-kkhuḍie dara-vasuāa-salile sasi-maṇi-ppavahe
visamullalia-parimale kamaliṇi-vatta-parigholira-jala-cchāe
maragaa-silā-alovari-pavitta-pāraa-rase samuvvahamāṇaṃ
āruhaï va divasa-muhe uddhāantuddha-maṇḍalāura-turao
sama-maṇḍala-bolīṇo oaraï va jaṃ diṇāvasāṇammi raī
chundanti jattha vanthe ṇisāsu visama-parihāra-pariattantā
kaḍaesu kaüjjoā purao-bolanta-tāraāhi vaṇaarā
piaama-vioiāṇaṃ jattha a sihara-miliaṃ cilāa-vahūṇaṃ
bolei bāha-maïlia-kusumañjali-samuha-tāḍiaṃ sasi-bimbaṃ
ṇaha-alaṃ va gaha-sohiaṃ savimāṇaaṃ
sihara-ruddha-khaa-mārua-rahasa-vimāṇaaṃ
raaṇa-sihara-kiraṇuggamehi ghaṇa-rāaaṃ
dari-muhesu guppanta-sīha-ghaṇa-rāaaṃ
jammi samatta vva disā jhīṇa vva mahī kaāvasāṇaṃ va ṇahaṃ
atthamio vva samuddo ṇaṭṭhaṃ va rasāalaṃ ṇisaṇṇaṃ va jaaṃ
jassa siharesu bahuso valanti valamāṇa-jua-valanta-kkhandhā
bhīāruṇa-parivattia-ghoṇā-gholanta-cāmarā raï-turaā
dīsanti joisa-vahe ṇisāsu voḍhūṇa kusuma-ṇivahaṃ va jahiṃ
gahia-paḍhamuccaāi va pahāa-vocchiṇṇa-tāraāi vaṇāiṃ
jattha a gamenti ṇiddaṃ ṇisāsu ṇīsāsa-vihua-pelava-jalaā
canda-parimāsa-paaḍia-sasi-maṇi-salilojjharāhaā vaṇa-mahisā
jattha a siharāvaḍiaṃ valaï silā-bhitti-visama-pāsallaïaṃ
bhuaïnda-maṇi-ṇihaṃsaṇa-paṇaṭṭha-ujjoa-saṃcaaṃ sasi-bimbaṃ
āmoia-pāālo jassa khaüppāa-kampa-ṇiddaa-vihuo
pabbālei mahi-alaṃ avalicchia-sesa-sāaro maaraharo
jattha bhamanti ṇahaṅkusa-sihara-samāsaṇṇa-muhala-kaḍḍhia-jalaā
muha-paḍia-vijju-maṇḍala-dara-pajjalia-dhua-kesarā kesariṇo
ojjhara-majjaṇa-suhiā jattha puṇo vi divasāava-kilimmantā
ṇivvāanti ṇisaṇṇā khandhugghuṭṭha-hariandaṇa-dumesu gaā
jattha a bhamira-mahuaraṃ kaḍaa-laā-lagga-dhavala-cāmara-pamhaṃ
sasiuddhua-kusuma-raaṃ ṇajjaï turiāṇa raï-turaṃgāṇa gaaṃ
añjaṇa-rāeṇa saï dhūsarantaāiṃ
gaṇḍa-alesu khalia-visamosarantaāiṃ
sura-bandīṇa ṇaaṇa-galiāiṃ aṃsuāiṃ
kappa-laāṇa jattha maïlenti aṃsuāiṃ
ekka-sihare samappaï jassa a sosavia-malia-duma-saṃghāo
saï dakkhiṇuttarāaṇa-ṇaha-gamaṇāgamaṇa-vilulio raï-vantho
jeṇa bhara-bhiṇṇa-vasuhaṃ apphuṇṇa-rasāalaṃ samotthaïa-ṇahaṃ
savva-disā-vicchūḍhaṃ parivaḍḍhanteṇa vaḍḍhiaṃ va tihuaṇaṃ
gandhāvaddha-mahuarā vasanti jattha samaaṃ sura-aṇāṇugaā
aṇṇoṇṇaṃ-paḍiūlā ekka-kkhambhalliā sura-gaa vva udū
dīsaï vivalāanto jattha samāsaṇṇa-dahamuha-bhaāviggo
siharantarāla-paḍilagga-moiāṇikka-maṇḍalo diasaaro
jattha a maāṇa maṇahara-kiṃṇara-gīa-suhioṇimillacchāṇaṃ
visamia-romanthāṇaṃ ei viuddhaṃ cireṇa romaṃ thāṇaṃ
tīra-parinta-muhala-kalahaṃsa-roaesuṃ
kuvia-gaïnda-baddha-kalahaṃ saroaesuṃ
kumua-vaṇāṇa jattha ṇaha-anda-laggaāṇaṃ
ravi-ara-daṃsaṇe vi ṇa haaṃ dalaggaāṇaṃ
valamāṇammi mahumahe jattha a pāucchalanta-raaṇujjoaṃ
viaḍaṃ phaṇa-pabbhāraṃ gāḍha-bharuttāṇiaṃ ṇimei aṇanto
dīsaï kaḍaallīṇo jassa a vivara-sarisubbhaḍa-maa-cchāo
avahovāsa-maūho siharujjhara-bhiṇṇa-maṇḍalo vva miaṅko
majjha-karālāï jahiṃ tiṇṇi vi samaaṃ ṇirantara-pahuttāiṃ
thoruṇṇae hari-bhue valaāi va bhuaṇa-maṇḍalāi ṭhiāiṃ
somia-dumā raï-vahā ṇava-vaṇa-rāi-suha-sīarā sasi-vanthā
jattha vaṇantara-taṇuā ṇavara ṇa ṇajjanti tāraā-gaï-maggā
alaa-paḍilagga-gandhaṃ tiasa-vahūṇaṃ silā-alotthaa-maliaṃ
akkhivaï jattha pavaṇo osukkhanta-surahiṃ tamāla-kisalaaṃ
pavaṇāhaa-palhatthā darīsu jassa a puṇo vi lagganti ṇahaṃ
paḍisotta-patthiummuha-muhutta-pīa-salilojjharā salilaharā
addiṭṭha-gaa-paṇollia-paḍanta-taḍa-ghāa-mucchiuṭṭhia-sīhe
saddūla-rava-visaṃṭhula-ṇivaḍia-aṇṇoṇṇa-lagga-kiṃṇara-mihuṇe
tuṅga-aḍojjhara-muhale jassa a kasaṇa-maṇi-gaṇḍa-seladdhante
sevantīṇa ṇa patto tiasa-vahūṇa siḍhilattaṇaṃ aṇurāo
ia siri-pavaraseṇa-viraïe dahamuhavahe mahākavve suvelavaṇṇaṇo ṇavamo āsāsao
dasamo āsāsao
aha ṇiaa-mahiharesu va suvela-siharesu ṇivvaḍia-vīsatthaṃ
parisaṃṭhiaṃ haammi va ahaammi vi dahamuhe pavaṃgama-seṇṇaṃ
raïṇā vi aṇacchuṇṇā vīsatthaṃ mārueṇa vi aṇāliddhā
tiasehi vi parihariā pavaṃgamehi maliā suvelucchaṅgā
riu-ṇaari tti sarosaṃ jaṇaa-suā ettha ṇivasaï tti saharisaṃ
pahuṇā laṅkāhimuhī uhaa-rasandoliā viiṇṇā diṭṭhī
to sua-rāmāgamaṇo pavaakkanta-sihareṇa jāāmariso
roseṇa galia-dhīro samaṃ suveleṇa kampio dahavaaṇo
tāva a āsaṇṇa-ṭṭhia-kaï-bala-ṇigghosa-kalusiassa bhaaaraṃ
dahavaaṇassa samosaria-pariaṇaṃ muaï diṭṭhi-vāaṃ diaso
sura-gaa-ṇihassa raïṇo kaḍḍhantassa ṇaliṇiṃ va diasa-cchāaṃ
valaï hariāla-kavilo kamala-raa-kkhaürio vva kara-pabbhāro
olugga-ppharisāṇaṃ jhijjanta-pasāriāava-ṇirāāṇaṃ
āāmijjantīṇa va jāaṃ taliṇattaṇaṃ duma-cchāāṇaṃ
dīsaï vidduma-ambaṃ sindūrāhaa-gaïnda-kumbha-cchāaṃ
mandara-dhāu-kalaṅkia-vāsuï-maṇḍala-ṇiakkalaṃ raï-bimbaṃ
maülenti disāhoā chāā-sāmalaïoaraṃ mahi-veḍhaṃ
diaso kalāvaseso siharālagga-taṇuāavā dharaṇiharā
attha-ṇiamba-pariṇae hiāava-raammi sura-gaammi va diase
dīsaï palhatthantaṃ vihaḍia-dhāu-siharaṃ va diṇaara-bimbaṃ
kamalāṇa diasa-vigame saṃbajjhanti galiāava-kilintāiṃ
maaranda-matta-mahuara-cala-pakkhuppusia-mahu-rasāi dalāiṃ
dīsanti do vi sarisā kaï-calaṇāiddha-mahi-raa-samakkantā
atthāanto a raī āsaṇṇa-viṇāsa-ṇippaho dahavaaṇo
addhatthamia-diṇaaro tuṅgovāsa-parisaṃṭhiāava-seso
gaaṇe mukka-mahi-alo parippavanta-taliṇo kilimmaï diaso
diaseṇa vaṇa-gaeṇa va paraṃmuhāiddha-pāavassa va raviṇo
dīsaï thora-karālo uddho mūla-ṇivaho vva kara-pabbhāro
ṇavari a diṇaara-bimbaṃ saṃjhāmaïammi ṇiaa-ruhira-ppaṅke
dahavaaṇassa bhaaaraṃ paḍhama-sira-cchea-maṇḍalaṃ va ṇiuḍḍaṃ
bhamara-bharovattāiṃ pariṇaa-kesara-paloṭṭa-raa-garuāiṃ
ravi-viraha-milantāi vi honti karālāi paṅkaāṇa dalāiṃ
avara-disā-vitthiṇṇo dīha-maūha-visama-ppahā-saṃghāo
raa-ṇibbharo vva dīsaï kāla-muha-kkhitta-diasa-kaḍḍhaṇa-maggo
uddhovaanta-bimbe veeṇa mahiṃ va diṇaarammi aïgae
ucchaliāava-ambā saṃjhā-rāa-mihiā ṇahammi ṇihittā
attha-siharammi dīsaï meru-aḍugghuṭṭha-kaṇaa-kaddama-ambo
valamāṇa-turia-ravi-raha-paḍiuṭṭhia-dhaa-vaḍo vva saṃjhā-rāo
viasaï dhavalāambaṃ gaa-ruhirāliddha-kesari-saḍa-cchāaṃ
pavaṇandolaṇa-caḍulaṃ saṃjhā-rajjanta-kesaraṃ kumua-vaṇaṃ
hoi apāaḍa-dīhā dara-vocchijjanta-visama-saṃjhā-rāā
odhūsaria-dasa-disā abaddha-timirā diṇāvasāṇa-cchāā
saṃjhāava-muccantaṃ jalia-pasammanta-huavaha-ṭṭhāṇa-ṇihaṃ
dūratthamia-diṇaaraṃ jāaṃ saṃvatta-sarasi-rūaṃ gaaṇaṃ
saṃjhā-rāa-tthaïā dara-saṃrūḍhandhaāra-kaa-para-bhāā
diasa-cchavi-parisese jhijjante ṇivvalanti dīvujjoā
vihaḍanta-rāa-ṇialaṃ uhaa-taḍa-ṭṭhia-milanta-diṭṭhi-raï-suhaṃ
avasaṃ cakkāa-juaṃ huṃkārāatta-jīviaṃ vochiṇṇaṃ
tāva a tamāla-kasaṇo kañcaṇa-kaḍaaṃ va bahala-saṃjhā-rāaṃ
paripelliūṇa a tamo hia-kaddama-sura-gaïnda-ṇihaso vva ṭhio
āsaṇṇammi paviralaṃ bahalaṃ thoantarammi dūrammi ghaṇaṃ
obhagga-diṭṭhi-pasaraṃ savvattha sama-ṭṭhiaṃ pi dīsaï timiraṃ
ghaṇa-viḍava-ṭṭhia-timirā timirāliddha-maïlanta-muddha-kisalaā
kisalaa-ṇisaṇṇa-kusumā kusumāmoeṇa ṇavara ṇajjanti dumā
melāvia-savva-disaṃ āsaṇṇammi vi paṇaṭṭha-ṇaaṇāloaṃ
sūeavva-mahi-alaṃ jāaṃ sūra-vaḍaṇāṇurūaṃ timiraṃ
okkhaṇḍeavva-daḍho pasaraï ukkhammiavva-bahalugghāo
avalambiavva-joggo sasiṇā bhettavva-saṃghao tama-ṇivaho
vahaï va mahi-ala-bhario ṇolleï va pacchao dharei va purao
pellei va pāsa-gao garuāi va uvari-saṃṭhio tama-ṇivaho
dīsaï a timira-milio kasaṇa-silā-bhiṇṇa-salila-sībhara-dhavalo
thoummillanta-diso uaantaria-taṇuo sasi-arujjoo
dīsaï jua-kkhaammi va mahi-ala-para-bhāa-sasi-arāhaa-timirā
ṇivvaḍia-dhūma-huavaha-ḍajjhanta-samudda-saṃṇihā puvva-disā
ṇavari a acchāloā uaa-giri-kkhalia-bahala-joṇhā-ṇivahā
jāā paṇaṭṭha-timirā muddha-miaṅka-paripaṇḍulā puvva-disā
ṇava-kamaloara-ambaṃ kesara-somāra-saṃgalanta-maūhaṃ
viralei samāsaṇṇaṃ ṇīsesei timiraṃ ṇa tā sasi-bimbaṃ
to uaa-sihara-miliaṃ jāaṃ uppusia-timira-dhavala-cchāaṃ
ia-hutta-ṭṭhia-sura-gaa-danta-cchea-parimaṇḍalaṃ sasi-bimbaṃ
ṇavari a sasi-ara-ṇisuḍhia-vivalāia-timira-kalusa-tārā-ṇivahaṃ
jāaṃ bahu-kusumotthaa-silā-alāāra-saṃṇihaṃ gaaṇa-alaṃ
dara-milia-canda-kiraṇā dara-dhuvvanta-timira-kkhaüriāloā
dara-pāaḍa-taṇu-viḍavā dara-baddha-cchāhi-maṇḍalā honti dumā
hoi ṇaha-laṅghaṇa-sahaṃ jāa-tthāma-kiraṇāhaükkhaa-timiraṃ
vialia-muddha-sahāaṃ jaraḍhāanta-dhavalaṃ ṇisāara-bimbaṃ
taha-parisaṃṭhia-selaṃ vitthiṇṇa-disaṃ tahujjua-ṇaï-ppavahaṃ
khantūṇa va ukkiṇṇaṃ sasiṇā tama-saṃcaaṃ puṇo vi mahi-alaṃ
bahalammi vi tama-ṇivahe ṇivvāleūṇa saccavia-rūvāo
aṇubandhanti sasi-arā ghettuṃ ṇa caanti pāava-cchāāo
ṇavara karālei sasī muha-parihaṭṭaṇa-samūsasanta-dala-uḍaṃ
avaḍicchiekkamekkā visaaṃ phālenti mahuara ccia kumuaṃ
pusio ṇu ṇiravasesaṃ samaaṃ thora-kara-pellio ṇu virāo
otthaïo ṇu samatto sasiṇā pīo ṇu ṇiddaaṃ tama-ṇivaho
maṃsala-cikkhilla-ṇihaṃ hattha-ggejjhaṃ va maïlia-disā-akkaṃ
khantūṇa va tama-ṇivahaṃ candujjoeṇa khaüriaṃ va ṇaha-alaṃ
bhiṇṇa-tama-duddiṇāiṃ viḍavantara-virala-paḍia-canda-karāiṃ
thoa-suhāloāiṃ paaḍanti va muddha-pallavāi vaṇāiṃ
parimalia-dduma-kusumā uahutta-disā-gaïnda-maa-ṇīsandā
ṇivviṭṭha-paṅkaa-vaṇā ovagganti kumuoarāi mahuarā
hoi ṇirāaa-lambo gavakkha-paḍio disā-gaassa va sasiṇo
kasaṇa-maṇi-kuṭṭima-ale geṇhanto sara-jalaṃ va kara-pabbhāro
dīsanti gaa-ula-ṇihe sasi-dhavala-maïnda-viddue tama-ṇivahe
bhavaṇa-cchāhi-samūhā dīhā ṇīsaria-kaddama-paa-cchāā
taṃsuṇṇamanta-bimbo jālantara-ṇiggaosaranta-maūhā
bhiṇṇa-vivarandhaāro bhagga-cchāhi-pasaro vilaggaï cando
vicchaḍḍia-cuṇṇa-ṇihā āvīaṃsua-visesiabbha-cchāā
viaḍa-gavakkhovaïā dīvujjoa-miliā kilimmaï joṇhā
pariṇāma-darummillaṃ ovatteavva-bahala-joṇhā-bhariaṃ
thoa-tthoa-maüliaṃ bhara-vitthāria-dalaṃ va vevaï kumuaṃ
pavaṇāampia-siharā gaoṇiattanta-viḍava-vihua-cchāā
sasi-kiraṇa-parikkhittā joṇhā-vea-vaḍiā pavanti va rukkhā
gharamaṇi-maūha-bhiṇṇo salilāhaa-bahala-candaṇa-rasa-cchāo
uddesullalia-tamo dīsaï vivara-visamo vva joṇhā-ṇivaho
vialia-ṇiaa-cchāaṃ jāaṃ joṇhā-parippavanta-miaṅkaṃ
vicchūḍhavva-maūhaṃ avibhāvia-saṇha-tāraaṃ gaaṇa-alaṃ
ṇivvaḍia-tuṅga-siharā dhavalā dīsanti diṭṭha-mahi-ala-bandhā
ṇaha-majjha-ṭṭhia-sasahara-vocchiṇṇa-cchāhi-maṇḍalā dharaṇiharā
vivaraṃ ti pariharijjaï bahala-duma-cchāhi-maṇḍalāgaa-timiraṃ
occhundaï vīsatthaṃ joṇhā-ṇivaha-bhariaṃ thalaṃ miva vivaraṃ
ia vammaha-jaggāvia-tīra-visūranta-ṇivvalia-cakkāe
jāammi maüliuppala-dukkha-pahuppanta-mahuarammi paose
vammaha-paravvasāiṃ rāmāgamaṇa-parivaḍḍhiāveāiṃ
ahilakkhanti muanti a raï-vāvāraṃ vilāsiṇī-hiaāiṃ
laddha-galantāsāaṃ āvea-vihiṇṇa-vammahullalia-suhaṃ
chiṇṇa-ghaḍijjanta-rasaṃ ṇāvajjhaï daïa-cumbaṇaṃ juvaīṇaṃ
vevaï sasaï kilimmaï saaṇe āmuaï ṇīsaho aṅgāiṃ
ṇa viṇajjaï kiṃ bhīo o maaṇa-paravvaso vilāsiṇi-sattho
piaama-vacchesu vaṇe ovaïa-disā-gaïnda-dantullihie
vevaï daṭṭhūṇa ciraṃ saṃbhāvia-samara-kāaro juaï-jaṇo
suraa-suhaddha-maüliaṃ bhamara-darakkanta-mālaī-maüla-ṇihaṃ
sāhaï samaruppesaṃ uppitthummilla-tāraaṃ ṇaaṇa-juaṃ
aha sasi-jaṇiāmoe maa-parivaḍḍhia-piāhisāraṇa-sokkhe
maaṇummūlia-māṇe rāa-parāhīṇa-raï-suhammi paose
valaï a dūmia-kuvio avasāia-hirisio aīi sarīraṃ
sasaï a cumbia-suhio maa-pāaḍia-hiao vilāsiṇi-sattho
rosa-pusiāharāṇaṃ daïa-balāmoli-cumbaṇa-paruṇṇāṇaṃ
ṇivvalia-maṇṇu-garuaṃ haraï parā-hutta-jampiaṃ juaīṇaṃ
ahisāraṇaṃ ṇa geṇhaï ṇa saṃṭhavei alaaṃ ṇa pucchaï dūiṃ
candāloa-paḍihao vevaï mūḍha-hiao vilāsiṇi-sattho
avamaṇṇia-rāma-kahaṃ jahā-pura-paaṭṭa-juaï-jaṇa-vāvāraṃ
sohaï raaṇiarāṇaṃ āsaṅghia-dahamuhaṃ paosāgamaṇaṃ
pia-pāsāhi ṇiatto samuhaṃ aliaṃ pi jaṃ bhaṇaï dūi-jaṇo
taṃ cia kāmiṇi-sattho dūmentiṃ pi bahuso ṇiattei kahaṃ
saaṇesu paṇaa-kalahe samuha-ṇisaṇṇa-pia-velavijjantīhiṃ
parivattiuṃ ṇa caïaṃ ṇavaraṃ ṇaaṇesu vialiaṃ bāha-jalaṃ
aṇuṇaa-khaṇa-laddha-suhe puṇo vi saṃbharia-maṇṇu-dūmia-vihale
hiae māṇavaīṇaṃ cireṇa paṇaa-garuo pasammaï roso
alaaṃ chivaï vilakkho paḍisāreï valaaṃ jamei ṇiatthaṃ
mohaṃ ālavaï sahiṃ daïāloa-ṇaḍio vilāsiṇi-sattho
abbhuṭṭhaṇa-turiāṇaṃ sohaï daïovaūhaṇa-virāāṇaṃ
asamatta-maṇḍaṇāṇaṃ tahea saaṇa-gamaṇaṃ vilāsavaīṇaṃ
avasāia-diṇṇa-suho sahīhi thira-diṭṭhi-ṇihua-vāria-viḍio
hittha-hiao muṇijjaï piehi alia-kuvio vilāsiṇi-sattho
saha vaḍḍhiaṃ sahiṃ miva vaḍḍhantiṃ piaamāhisāraṇa-vigghe
vārei cireṇa mao lajjaṃ vicchuhaï vammaho ccia paḍhamaṃ
sahi-aṇa-hatthāhi muhaṃ dara-raïa-visesaaṃ samakkhettūṇa
juvaīhi valia-visamaṃ appāhijjaï sasaṃbhamaṃ dūi-jaṇo
aṇṇaṃ sahi-aṇa-purao appāhento a aṇṇahā dūi-jaṇaṃ
jampaï vimukka-dhīraṃ aṇṇaṃ cia daïa-daṃsaṇe juvaï-jaṇo
kaha vi samuhāṇiaṅke kaha kaha vi valanta-cumbiovatta-muhe
dei khalantullāve ṇava-vahu-satthe visūria-raaṃ pi dhiiṃ
sāsaï vimukka-māṇo bahalubbhiṇṇa-pulaüggameṇa piāṇaṃ
purao-hutta-ṇisaṇṇo gaoṇiatta-hiao vilāsiṇi-sattho
ṇa piaï diṇṇaṃ pi muhaṃ ṇa paṇāmei aharaṃ ṇa moei balā
kaha vi paḍivajjaï raaṃ paḍhama-samāgama-paraṃmuho juvaï-jaṇo
avalambijjaü dhīraṃ ṇa a so ehii ihuggae vi paose
ia dūīhi tulijjaï paḍhamāṇia-piaamo vilāsiṇi-sattho
dei vilāsavaīṇaṃ suhe a dukkhe a pāaḍia-sabbhāvā
aṇavekkhia-lajjāiṃ sahi vva vīsattha-jampiāi pasaṇṇā
candujjoeṇa mao maeṇa candāavo ṇu vaḍḍhia-pasaro
dohi vi tehi ṇu maaṇo maaṇeṇa ṇu do vi te ṇiā aïbhūmiṃ
canda-areṇa paose ṇijjaï maaṇeṇa mahu-maeṇa a samaaṃ
dūraṃ dūrārūḍho juvaīṇa piesu bahu-raso aṇurāo
ia dasamo āsāsao
eāraho āsāsao
ia paḍisāria-cande dūrukkhaṇḍia-ṇisā-paatta-virāme
cittavia-kāmiṇi-aṇe jāma-cchea-visamaṃ gaammi paose
dīhaṃ rakkhasa-vaïṇā cintā reavia-dhīra-dāvia-hiaaṃ
dasahi vi muhehi samaaṃ āloia-suṇṇa-dasa-disaṃ ṇīsasiaṃ
cintei sasaï jūraï bāhuṃ paripusaï dhuṇaï muha-saṃghāaṃ
hasaï pariosa-suṇṇaṃ sīā-ṇippasara-vammaho dahavaaṇo
bahu-maṇṇaï vaccha-aḍaṃ hīrantuvvatta-jaṇaa-taṇaāliddhaṃ
ṇindaï a vaaṇa-ṇivahaṃ appatta-piā-muhāmaa-rasāsāaṃ
paḍirumbhantassa vi se bhagga-ṇiatta-parisaṃṭhavia-bhijjante
visamuddhāia-kampe hiae ullalaï alahuammi vi dhīraṃ
to se visamuvvattia-virala-pasāria-karaṅguli-dara-tthaïaṃ
khaliaṃ aṃsammi muhaṃ viambhiāāsa-galia-bāhuppīḍaṃ
visamuggāhia-mahuraṃ dūmia-danta-vvaṇāhara-parikkhaliaṃ
āaṇṇei piāṇaṃ valanta-hiaāvahīriaṃ jaa-saddaṃ
āmuaï mahaï saaṇaṃ maggaï raaṇi-viramaṃ juucchaï diasaṃ
ṇīi ṇiattei puṇo raï-lambhovāa-maggaṇāura-hiao
pacchāantassa vi se bahuso hiaa-ṭṭhio piāṇa vi purao
samaaṃ muha-ṇivahammi vi sīāmaïo paaṭṭaï samullāvo
taṃ pulaïammi pecchaï ullāvanto a tīa geṇhaï gottaṃ
ṭhāi a tassa samaaṇe aṇṇammi vi cintiammi sa ccia hiae
sāhaï se saṃtāvaṃ vāsa-haraddhanta-visama-puñjia-kusumo
āaa-ṇīsāsa-hao kilinta-sagga-taru-pallavo uvaāro
deha-pariṇāha-viaḍe valaï bharovvatta-dalia-pāsaddhante
dūroṇāmia-majjhe visamaṃ bhūmi-saaṇe paholira-hattho
dakkhiṇṇa-metta-diṇṇo jaṇaa-suā-hutta-hiaa-diṇṇukkaṇṭho
ullalaï khaṇa-vilakkho ṇiaanteura-muhesu se muha-ṇivaho
jā aṇṇeṇa hasanto gamei ummaccharaṃ vilāsiṇi-satthaṃ
tā dūsaha-saṃtāvaṃ aṇṇaṃ se soa-dummaṇaṃ hoi muhaṃ
ṇiuṇa-hasiāṇuviddhaṃ sīā-lambhāvahāraṇa-visaṃvāaṃ
suṇaï ṇa lakkhei phuḍaṃ aṇṇa-viiṇṇa-hiao piāṇa dahamuho
īsā-macchara-garue sāhikkheva-parivaḍḍhiovālambhe
kaha kaha vi gamei khaṇaṃ vilakkha-hasiehi kāmiṇi-samullāve
tassa paḍiruddha-sesaṃ bāhotthaa-kaṇṭha-visama-paa-ṇikkhevaṃ
saṅkijjaï vimaṇāhiṃ phuḍaṃ ṇa ṇajjaï piāhi gotta-kkhaliaṃ
kaha vi ṭhavei dahamuho kiṃ ti aṇālavia-moha-diṇṇālāvaṃ
daïāhi galia-bāhaṃ rosa-ṇiruttara-puloiaṃ appāṇaṃ
aṇahiao vi piāṇaṃ ummaccha-pasāriagghavia-huṃkāraṃ
ahiṇandaï dahavaaṇo samatta-ṇivvelliāharoṭṭha-pulaïaṃ
duccintiāvaesaṃ piāhi ummaccha-saṃbhama-kaāloaṃ
hasaï khaṇaṃ appāṇaṃ aṇahiaa-visajjiāsaṇa-ṇiattantaṃ
taha sa gao aïbhūmiṃ jaha ṇa viṇijjantaṇaṃ piāhi ṇa ṇāo
ṇa a ṇāūṇa ṇa hasio ṇa a hasiūṇa aṇusoiuṃ ṇa a tiṇṇo
cinteuṃ ca paütto avahovāsa-pasaranta-ṇīsāsa-haaṃ
dosu ṇimeūṇa samaṃ ekkaṃ āsaṇṇa-muha-kavolesu karaṃ
aṅkāgaaṃ sahijjaï paosa-raï-viggha-saṅkieṇa kaï-balaṃ
taṃ kassa vi soatthaṃ valaï aladdha-suraaṃ mahaṃ cia hiaaṃ
kiṃ bhua-vivara-paholira-saṃkhoha-pphiḍia-gahia-kaḍḍhia-ṇihaaṃ
atthakkāsaṇṇa-ṭhiaṃ ṇipphala-caḍula-muhalaṃ malemi kaï-balaṃ
o sasi-karāhaümmilla-loaṇandolamāṇa-bāha-taraṃgaṃ
āsāemi kaa-ggaha-ṇiruttaruttāṇiāṇaṇaṃ jaṇaa-suaṃ
kaha viraha-ppaḍiūlā hohii samuha-hiaā païmmi uvagae
ṇecchaï iarā vi sasiṃ kiṃ uṇa diṭṭhammi diṇaarammi kamaliṇī
abbhatthaṇaṃ ṇa geṇhaï tīraï tihuaṇa-sirīa vi ṇa loheuṃ
ṇa gaṇei sarīra-vahaṃ kaha maṇṇe hojja jāṇaī sāṇuṇaā
paï-māhappa-ṇisaṇṇā avamaṇṇia-sesa-sappurisa-soḍīrā
jaï ṇavara hojja va vasā lua-rāhava-sīsa-daṃsaṇā jaṇaa-suā
addiṭṭha-lajjaṇijjo bhagga-parittāṇa-vialiāsā-bandhe
avaso abandhu-lahuo bhaeṇa ṭhii-bhaṅga-sāhasaṃ kuṇaï jaṇo
ṇavari a ṇaṃ kheālasa-jimbhāanta-valiuddha-muha-saṃghāaṃ
bhumaā-bhaṅgāṇatto samaaṃ pāsesu pariaṇo allīṇo
to ekka-hiaa-guṇiaṃ dasahi vi samaaṃ muhehi appāheuṃ
ṇa pahuppaï dahavaaṇo cira-kaṅkhia-lambha-gabbhiṇakkhara-garuaṃ
aṇṇeṇa samāraddhaṃ vaaṇaṃ aṇṇeṇa harisa-gahia-pphiḍiaṃ
aṇṇeṇa addha-bhaṇiaṃ muheṇa aṇṇeṇa se kaha vi ṇimmaviaṃ
to uggāhia-soaṃ teṇa bhaṇanteṇa muha-paholira-dhūmaṃ
saṃtāviekka-hiaaṃ dasa-kaṇṭha-kkhalia-palahuaṃ ṇīsasiaṃ
āhāsaï a ṇisiare āṇā-sama-kāla-diṇṇa-paḍisaṃlāve
mahi-ṇimiohaa-kara-ala-taṃsa-ṭṭhia-tia-bharuṇṇamia-dehaddhe
taṃ māā-ṇimmaviaṃ riu-daṃsaṇa-visama-valia-ṇiccala-ṇaaṇaṃ
dāveha kaṇṭha-rahiaṃ sīāi vioa-paṇḍuraṃ rāma-siraṃ
to amarisa-melāvia-bhumaüggāhia-taraṃgia-ṇilāḍa-aḍaṃ
chiṇṇāṇiaṃ va taṃ cia tāhe ccia tehi ṇimmiaṃ rāma-siraṃ
saṃpatthiā a saṃbhama-calaṇovaḍaṇa-visamuṭṭhiā pamaa-vaṇaṃ
kaha vi samattappāhia-dahavaaṇāṇatti-vāvaḍā raaṇiarā
pattā a phuḍia-maṇi-aḍa-vivaruṭṭhia-salila-baddha-paṅkaa-maülaṃ
pavaṇa-sua-bhagga-pāava-bhaṅguggaa-bāla-kisalaaṃ pamaa-vaṇaṃ
pecchanti a saï-saṃṭhia-vaaṇa-visaṃvaïa-thaṇa-ṇisaṇṇa-kara-alaṃ
dahavaaṇāgama-saṅkia-paa-sadduppittha-loaṇaṃ jaṇaa-suaṃ
piaama-sahattha-pesia-maṇi-suṇṇaïa-siḍhiladdha-veṇī-bandhaṃ
dhoa-kaladhoa-paṇḍura-paḍanta-bāha-pahaüṇṇaa-tthaṇa-alasaṃ
ajamia-pamhala-veṇiṃ bāha-jala-pahāviālaotthaïa-muhiṃ 5
rasaṇā-suṇṇa-ṇiambaṃ vicchaḍḍia-maṇḍaṇagghavia-lāva 